先說一下:
我是合資格拿到的(迷之聲:你幾乎全壇最大了...怎會拿不到 )
我個人係傾向支持方案,但係覺得應該要係確保有大量盈餘下先可以作出呢種行動
當初話要落去MBF我都係鬼殺咁嘈,雖然我自己投資左幾年都叫有少少賺下
但係實際上:呢6000蚊到底去到我退休果陣仲會唔會係度呢?會唔會大吉利是蝕哂呢?又會唔會因為通漲而令到價值大不如前呢?呢幾點我都有考慮過
宜家話要派6000蚊現金,有人可以拎黎解決燃眉之急,亦有人覺得還富於民(實際上我都交過薪俸稅的...)
至於以後既財政年度仲會唔會派糖,我覺得:可能性近乎零,除非庫房冇啦啦又彈返幾百億幾千億出黎,如果唔係幾乎可以肯定唔會好似澳門咁年年派錢
同埋另一樣野:
今次派錢會唔會引起新一輪既通漲,我個人認為:唔會
我相信最近有睇新聞既都知道,通街都以6黎做招徠,連食餐飯都可以整個齊頭6000大元既餐
呢頭派都未派就已經準備定,到真係派到落手幾粒鐘就冇哂,d人既錢又回復返派之前,又何來會進一步加劇通漲呢?
就算通漲繼續升溫,主因仍然係因為人仔打死都唔肯眨值,人仔繼續上升,美元繼續眨值,連帶掛勾既港元一樣受影響
但係港元又好出奇地明知呢個情況又唔肯同美元脫勾(雖然事實亦證明同美元脫勾都唔會短時間內回復返通漲前....)
同埋最重要一樣野,雖然宜家咁講話派糖,但係仍然有好多未正式落實既細節(例如N無人士之類)
倒不如等財委會二讀三讀正式通過所有野先再討論比較好,宜家全港都好似只係著眼於呢6k,而視其他如無物(甚至連我班台灣fd都知道派錢,但係又唔知其他野)
我個人覺得呢件事睇我宏觀d好,等月尾財委會開完會到4月新一個財政年度先講好過 |
[複製鏈接] 
發表於 4/3/2011 07:58 AM 
發表於 4/3/2011 06:04 PM 
樓主
發表於 6/3/2011 02:24 AM