「深夜的週六聚會」現已結束廣播

硬是覺得有雙重意思並與我有關-_,-
Angelfire 發表於 5/3/2010 05:47 PM

                               
登錄/註冊後可看大圖

今早家中網絡故障，無法廣播
本人對此深感抱歉。
secret 發表於 7/3/2010 12:59 AM

                               
登錄/註冊後可看大圖

下週六(13/3/10)本人外出公幹，廣播暫停一次

另外，十分感謝「今天」為聽在下的節目而熬至凌晨三時二十五分的各位
secret 發表於 7/3/2010 04:18 AM

                               
登錄/註冊後可看大圖

我聽到2時40分就走了...\\
恨§ 發表於 7/3/2010 09:36 AM

                               
登錄/註冊後可看大圖

「下？要逐篇評論小說呀？好啦就從第一版開始…」

(備註：據悉，當時的請求是評XFT而已，未知有人士要求這樣做…而結果還是從XFT開始。)

一：精靈印記

「好！係jason既作品！我地而家黎睇睇~

「下？一開始就無視之前所有野？好啦我當你係重新寫過既…個序寫得都唔錯，都可以大概講到個故事究竟係邊度發生。至於提供個地圖呢…其實比唔比都冇問題，因為相信大家都玩過心金魂銀或者普通金銀版，所以大家對城都聯盟都非常之熟悉。咁不過呢，呢個MAP都間接交代到呢個背景係城都聯盟，呢個係一個好值得鼓勵既做法黎既，我唔係鼓勵你貼個地圖出黎，而係鼓勵你除左直接講出黎，都可以係人物設定度落少少功夫(那不是人物吧？！)。

「好啦，跟住睇下主要角色喇！主要角色呢，如果生日呢D野如果同劇情無關就唔駛寫出黎啦，不過如果大家鍾意既就冇所謂，因為呢個並唔會影響主線劇情既。

「因為搬家而要去城都冒險，呢個就好似係特別篇因為路比搬家而黎左豐緣冒險咁樣，唔知係咪參考左佢呢？不過都唔緊要…

(弄清楚先後次序…那是遊戲原本的設定而不是特別篇)

「媽媽而家住係若葉，爸爸係風細過既時候走左去冒險失去聯絡…呢個話唔定同之後既故事有關係(我說沒關係就不會寫吧？！)，唔知大家睇左幾多章啦，不過，如果作出咁既設定呢，可見作者都已經準備左不少，請大家係睇呢篇小說果陣都注意一下，係睇到咁上下既劇情都可以睇返人物設定有冇衝突或關係。

(按：以上有少少lag可能有錯)

「其他角色，姐係配角啦…其實唔寫出黎都冇問題。講起上黎，特登整一頁黎寫人物設定並唔係好必要既事情，大家可以咁做，不過有D人都鍾意一開始就入正題，呢樣野就大家隨便喇。

「道館方面幾乎係抄返電玩同動畫版入面既設定，呢度就唔多講

(原諒我吐兩面槽，過左咁多年都係原班人馬真係冇問題嗎？！)

「格式方面都算係容易睇，亦唔覺得好多字或者好辛苦所以都冇問題…去到第三個分隔線之後呢，唔知大家見唔見有好多『乜乜對乜乜說』、『乜乜道』等等，呢個就同之前既劇本式小說有少少相似喇。如果個作者係度既話就留意，可以係之後既小說改善一下呢點。

「之後係草苗龜對尾立既對戰，呢個都幾合理，不過就有D似動畫方面既描寫。當然啦，如果有描寫，咁就令作戰部份會生動左。如果大家寫緊既小說係有『乜乜出乜乜』跟住就打完呢都不妨參考一下。

「跟住…唔知大家有冇發覺作者既回復都好用心，作者係將大家既說話都quote入一個帖度回復，呢個應該係版主既…丫差D唔記得呢個係版主既文…睇黎都有為自己利益著想。

(有甚麼利益啊？！)

「跟住呢度係…第十章！係度就講下圖鑑既問題喇，好多人都鍾意係小說入面插入圖鑑，老實講唔係話唔得，但某一方面黎講就會打斷劇情，對於追劇情既人黎講就會被打斷，睇寵物小精靈小說既人對小精靈都應該有一定既認識，圖鑑並唔係好必要既野，所以可以忽略。

「話說都有好多人鍾意估故事劇情喎，呢個都係好事唔多講…睇睇第十一章…呢度寫：『風待在病床上整整一天，偶爾只有護士和醫生進來…』後面有『在沒有任何東西可以做的時候，風就只有聽收音機來娛樂一下了。』呢一個描寫都幾符合邏輯既，不過話說一般既醫院都有電視機甚至有音響設備，唔知呢間醫院有幾先進呢…呢個只係題外話，邏輯設定黎講冇問題。

「另外有一個要注意既地方，寫小說既時候應該用規範式既符號，順便講講點打中文全型引號，速成打ZD有開引號，ZE係關引號，如果大家寫中文小說就應該盡量用中文標點符號。至於省略號就比較佔位，所以如果中文既只佔兩個位既省略號可以理解，但如果係中文小說就應該用六點既全型省略號。

(我請求秘密姐重複解釋一下省略號，唔係好明…)

「精靈印記既評論到此為止。」

二：校園‧日‧記
「有冇人有URL呀？好難搵…呀見到喇！elvis寫既…」

終於評小弟劣作哇！

「『連載速度一定會比之前更慢。』唔緊要，總之交得出好文就得喇…

「哇個前言都幾長喎…ok…雖然話前文大家一般會忽略既，不過如果作者有寫前言既話大家都應該注意一下喎。

「(前言)呢度寫到『但我實在認為這樣的劇情老套到自己不能接受』，的確如果大寫寫既作品咁一致，劇情都估到出黎既話呢就會令可觀性大減，睇黎elvis都有注意到呢點喎…順帶一提第一頁既『電梯』，姐係直接既更新連結，第一回至第八回都有連結…先睇第一回。

「第一回，新既環境…開頭有少少似動畫喎，不過冇問題。(作者本人：實際上那是抄遊戲開頭。)係呢度提下全型文字既問題，理論上中文數字同我地平時打出黎既係有分別既，呢個唔駛點注重，如果大家用慣全型數字都可以繼續用，當然半型都冇問題。第一回最後寫到：『女孩拋下這句便從多多跳下，揮一揮手示意再見，便進入學校。』呢一句有需要改善既地方，前面果句冇問題，但中間寫既『揮一揮手示意再見』就有少少重覆喇，揮手就應該示意再見啦，呢個情況下就可以少略，直接寫『揮手示意』，大家寫文除左留意字數，應該刪減既地方亦應該盡量刪減。

(作者：已改)

「第二回，又係劇本式小說既問題，不過呢個問題唔算嚴重(作者：有人同我反映話難睇嘛 sosad)…後面有講到學校既設計，值得讚賞。

「第三回有個好得意既設定，原來呢個阿日係無牌既(其實第一回就有講)，『唔擺家好合理，但係點解唔擺宿舍…』呢個算係吐槽嗎？仲有呢個係咪參考左高治既寫法？(作者：可能我睇得草王多掛？)

「下面既回複好合理，飛一飛…第四回都有好多吐槽既地方…『以種族能力平均計算』？雖然寫寵物小精靈小說，都係對此有所認識，但有D人既認識可能只係停留係某一個版本甚至係動畫上面，如果要提種族值就可以有簡單既介紹，新手睇起上黎就冇咁辛苦喇。(作者：我唔想講種族值廢時太數據化咋)

「下面『在討論其(期)間』，呢度要指出錯別字問題，雖然係網絡小說，不過大家係發佈之前或之後至少都應該睇多次，雖然錯別字唔係大問題，不過如果講到係學校寫作態度黎寫就應該落少少功夫。

(作者：上次改果陣冇為意…得閒改返)

「『咩利羊走近了阿日，很高興的樣子…『這隻咩利羊好像很喜歡你呢！』』呢個係好常見既寫法…第一次見呢個情況好似係AG入面火稚雞走去小遙度。(作者：講真我又冇點察覺到原來同AG一樣)

「順帶一提喎，如果點列式既話呢可以省略引號，仲有『盒外是這樣寫著的』『是』同『的』可以刪去。

(作者：已改)

「博士後面講：『這五個精靈球，是給你們捕獲精靈用了』，呢度似寫文章多過講野。(作者吐槽：我只是把『的』字寫錯做『了』而已！因此下略數句。)

「『艾維斯低聲的自言自語道』係呢度『低聲』同『自言自語』有D重複，一般黎講自言自語都唔會想比人聽到(不一定吧？！)，呢度可以刪去其中一個。

(作者：雖然吐槽了不過還是改掉)

「第五回，初戰，呢一回大致上冇咩問題，不過對話方面最好一句一行。(作者：記得又是有人反映意見啊…)

「第六回重寫…有D改動但唔影響主線發展？都係有劇本小說問題…『阿日說：『妳最好快給回我！』』呢度同中文規範有少少出入喇，應該加返『還』字。

(作者：已改)

「題外話，『老土』係要寫成『老套』既，呢度艾維斯冇寫錯，值得讚賞。

「後面關於聲音辨識解說，唔錯…點解要hide左第六回呢睇下先…呀如果jashon聲緊既話呢，其實，更新快慢同文章內容冇直接關係既，如果你寫得好快但寫出黎既係流水帳，我就情願你一個月先出一章或者兩個禮拜先出一章但寫一篇好文喇，所以呢方面唔需要特別檢討。夜回覆話唔駛用咁圖鑑格式，的而且確，寫小說並唔係要寫圖鑑，但呢點唔需要特別注意。(總之新第六回改左呢部份啦)

「再睇下最新既第八回，後面有一段關於小雲既心理描寫…『唔得！(講到咁大聲我以為你話作者唔得咋！)頭先我諗乜野？道咩歉？…(略)』其實呢一部份寫出黎有D白得濟，太明顯，有陣時可用間接既方法。(作者：我覺得呢個諗法有D難用間接…)話說，如果係心理描寫可以參考下漫畫既做法，一般漫畫如果講人物對話就有個似盒既野，心裡既就用雲，請大家用返引號。(作者：心裡的話其實是不能加引號的吧？我老師教的)

「下面係對戰描寫，冇咩特別問題。最尾一句：『總之，阿日今回真的恨她了…』『今回』可省略。『再也不覺得她是值得和他做朋友的人』，呢句有少少問題，可以改做『不再認為她是值得和他做朋友的人』

「好喇，關於《校園‧日‧記》既評論就到呢度，下一篇。」

三：S.Rocket

作為XFT最受歡迎小說，秘密姐會怎樣評「夜」呢？！

「話時話好似一個月之前既文喎…睇下先！

「故事簡介...一開始就講到係火箭兵團，唔錯...幾特別、而且主要角色係一開始就係偶然機會入左火箭兵團，幾新穎，而且手上既精靈都幾符合火箭兵團既邪惡設定：狃拉、黑暗鴉。

「咦又有艾維斯？穿越呀？

(elvis交的人設嘛…順帶一提是無關的)

「『襲擊各大城市吧，我的爪子們』呢度就要提下特別篇喇，(呢度提到呢個字ROCKET...下略…因為有英文都幾難打)爪牙同爪子係完全唔同既，爪子係講動物、貓貓狗狗獅子老虎；爪牙係講壞事既人，呢一方面用詞要注意一下。

(小知識，ROCKET在特別篇有此解法，但據說原著係來自POCKET既P加一筆。)

「去到第二分隔線有『過一過來』有D口語，可以寫『過來』就得喇。下面果個『我年滿10歲也好幾個禮拜了』『年』字可略。至於後面：『是時候開始寵物小精靈的冒險旅程的...』兩個的字都可省略。再講一講，雖然字數好緊要，但提下大家可以省略既字都唔好留情，刪左佢。

「睇黎呢個作者比較鍾意用『是』同『的』既組合喎...唔係唔得，之不有陣時唔需要既話就唔需要呢D字黎充字數喇。」

(引號問題我懶打了…)

據悉，因為e頭s尾話做得有D耐…

「直接跳落十一章啦！呀唔係，係第十一話。既然大家都知道係深夜咁就預左係通頂啦！」

「係第六頁有jason既評論：『反正是同人小說 應該不一定要跟隨動畫』無錯！唔係應該，而係不一定要跟隨動畫！如果太跟隨動畫反而會規範左呢個世界觀既。

「引號問題仍然未改善...如果呢位作者...係咪夜呀？如果你係聽緊既話要註意一下喇。

「好似仲有D吐槽喎？ok...至於個問題係用得好多的的了了既字...呢一類可以省略既字。

「甚麼用邊個甚(什)都冇所謂，唔需要特別斟酌。

「有少少吊癮喎...ok！關於S.Rocket既評論就到此為止，下一篇！」

四：覓

「嘩！有成十一頁，真係要睇下點解人氣咁高喇！」

這裡有個小插曲：

「…點解要評before the storm既？！all right！如果你地仲想聽得到更加多小說既評論，呢篇可能要放後D喇！評左《覓》先。

「『『本不應該相遇的兩者在時空的裂縫之間相遇了……』』呢句咁熟既？(請參看2007年電影)唔緊要，好明顯講緊DP兩者神獸。但係呢方面又要關注下標點符號既問題喇，頭先咪有人話將雙引號當單引號黎用，如果小逸係度就要注意一下。

「後面有『學習寓於娛樂嘛。』咁樣既對話，正確黎講應該係調返黎寫，不過咁寫都冇咩大問題，不過下面果句好似有少少過份說理。

「因為只有兩章所以就晒時間多講啦，總括黎講除左引號都冇咩特別問題。」

五：起異次元o既果忽

「跟住呢係特別要求評一篇純口語既小說，係sy寫既…到底有乜鬼野彈出黎呢…

「寫口語小說唔係唔得，但係都要注重返規範既書寫方式，姐係話就算口語都要用返岩既字。『嚟』，『泥土』個『泥』字唔唔岩喇；『準痺(備)』個『痺(備)』字亦都寫錯左；『習(襲)擊』都錯…er咪住先！(笑)到底係咪專登寫錯架請問…

「感覺上好似有D諷刺既意味，姐係所講既satire…但話時話呢篇satire都好乜野(轉細聲)…呀見到喇原來真係satire呀？咁下回先講啦！飛！」

六：Before the Storm
「好啦真係要評Before the Storm…

「第一！真係要講下作者本人既問題！原來之前我地就曾經比過意見！但係作者就似乎唔係好鍾意聽…呢個係作者態度既問題，一定要講。

「不過…係之前先講下個設定。序係十年前小智出發去旅行然後三年後做左掌門人，同政府商議…但係，呢度政府唔係應該寫聯盟咩？如果佢參加左咁多個聯盟大賽，按理佢所講既政府應該係聯盟黎既…

「『無組織』…呢度應該分主角同配角比較好。再講多次，唔駛特別比幅圖出黎既。另外仲要講下呢篇文一個好大既問題，除左過於劇本化之外，引號方面都要注意一下…但最主要既問題就係…算喇飛一大堆野先。

「插圖方面就留返比二小姐幻藍評論啦！事關我對美術呢方面就一竅不通既我就唔方便晒時間講，不過有樣野你要注意，如果你篇作品寫得唔好而打算用插圖黎吸引人既話，最終一定會失敗既，因為人地要睇既係你篇小說而唔係幅畫，畫可以去貼圖區睇啦。另外一個係比畫家既提示，就算你要畫出黎都應該用心少少而唔係求其畫兩畫就算既(轉細聲)…當然啦，關於美術方面既評論就應該比返二小姐幻藍同大小姐卡卡姐姐講。畫畫太隨便，無錯…呢個係s-l-s-p-s…唔識讀，既評論。

「文筆…老實講，真係唔係幾好，太多類似劇本小說既寫法，描寫方面真係唔係太多。

「好喇！跟住講係好具爭議性既34話喇！第34話引起好多人既爭議，亦都間接令我今日講小說呢個題目。究竟係咩一回事呢？

「『好囧既34話』你都知呢？一開始就話：『嗚嗚～呢度係邊度黎架？』ok！咁寫唔錯，可以簡接知道佢而家係處於唔識既地方。但係個郭先生係…感覺上係有D突劂啦…想問一下其實個郭先生係咪作者本人呢？順帶一提有種描寫手法係扮做第三人稱但實際上係第一人黎既，姐係話用第三人稱寫第一人稱，但係好似唔係用黎諷刺人架喎。

「下面呢有：『在臨走之前，記住我所說的五句話…』感覺上有D覺得過份說教，而且唔知大家聽唔聽得明…如果剩係睇呢章…你明唔明個故事講緊咩野呢？以插敘黎講呢就可能合理，但單獨寫出黎就會唔知講乜，甚至同之前既故事有D脫節。無錯真係睇得好亂…連我都覺得…

「好啦！小說評論就到呢度！講起黎都好似有兩個半鐘頭喇。」