本帖最後由 ∞-JUSTICE 於 5/8/2009 07:07 PM 編輯
琴晚先同人講緊宅呢個問題...
個人覺得:
目前宅已經分開通用版解釋同香港特別版解釋,而且...御宅同毒根本係兩個字眼黎...解釋根本就唔同
通用版解釋:
對某類事物極度喜愛(任何事物),不惜用盡方法得到,同時部份人士會對異性毫無應對方法
係日本,迷電車可以叫宅,迷動畫可以叫宅,迷巴士都可以叫宅
香港特別版解釋:
鍾意動漫,樣衰(6+1就是了),唔出街,毒
簡單解釋:
係香港,宅=毒=電車=樣衰=鍾意動漫=白痴=低能=冇用
係香港,迷電車唔會俾人叫宅,只會叫電車迷,迷巴士唔會叫宅,只會叫巴士迷,點解迷動漫先會俾人叫宅?
日本某電影誤很大受害者確定(蓋印)
Sonic 發表於 5/8/2009 01:01 PM
點解宅就係等於電車,等於毒?
一切都係因為電車男呢一套電影...(所以我很認同)
事實上:係電車男呢套電影未出現之前,宅呢個字早就已經出現
點解係香港宅=電車=毒,純粹只係因為電車男電影入面既主角,係一個宅,同時係一個毒(但唔係全部宅都係毒),因為係電車入面救人所以先俾人知,結果係香港出到街就俾一班完全唔認識,唔去了解既人判定(如果唔係點解當時無記播星期日檔案後會出現一班宅上街遊行...)
而事實話俾我地知,如果當時主角山田岡司唔係係電車上面救,而係係地鐵度救既話,可能今時今日香港已經唔係叫電車男,係叫地鐵男...
毒既定義唔係解對異性完全無辦法嗎?
真係所有宅都係完全對異性冇辦法?那我自己算甚麼了...
點解香港人要對鍾意動漫既人加以批評,要去踩低佢地,要用異樣看光去望人?
點解人地著cos,著lolita會被人覺得佢地係博出位?
因為佢地覺得呢d野一文不值嗎?因為佢地唔鍾意所以就要踩嗎?因為覺得佢地想人覺得佢地與眾不同嗎?
如果我地將佢地鍾意既野踩到一文不值,人地又會如何?
我地了解人地鍾意名牌係因為物以罕為貴,好多野都係只此一個
點解人地唔去了解鍾意動漫既原因?因為唔係只此一個,唔係好似佢地d手袋銀包幾千幾千銀先買到嗎?但係其他人迷巴士果d又唔會俾人睇唔起??(因為巴士係大眾野嗎??)
veda都識教人要互相理解...點解香港人唔可以? |
發表於 5/8/2009 01:01 PM 
樓主
發表於 5/8/2009 07:22 PM 
發表於 5/8/2009 07:39 PM 