而家D父母個個都貪錢,狗眼看人低,唔怪得咁多女仔嫁唔出啦

小康康

我今日真係好憤怒,真係唔明點解而家呢個社會會變成咁樣??係咪我地呢D窮等人家就註定一世要單身??
永遠唔能夠有愛情,有另一半,甚至唔能夠建立自己家庭呢??
   廢話少講,事緣尋晚終於能夠同拍左拖3個月的女友雙親見面啦,事前梗係要做足準備啦.我已經在我能力範圍
之內細心挑選左一支我認為最好紅酒同埋一合燕窩給女友父母,但點都估唔到,呢一切只係惡夢GE開始...........
   到左尋晚食飯時間,我地2個滿心歡喜咁拎住見面禮去見他們,仲笑笑口咁同佢地打招呼,點知...............
女友阿媽一見到我手上的紅酒,我已經感覺到佢當堂面色一沉,跟住開始用很不友善GE眼光望住我...當時我都不以為意,仲
笑騎騎咁同女友去廚房開飯,點知到開飯後,戲肉上演了...
   首先係佢母親開始發炮,不過我都仲未為意..因為最初只係問下我地點樣識,我幾歲,住係邊度咁呢D好COMMON GE話題,
咁我咪照常咁答話今年28歲,同父母和妹妹住公屋,同佢個女係幾個月前係KARAOKE一個共同朋友GE聚會邂逅啦...係呢個
過程裡面,我都覺得佢老母越聽就面色越沉架啦..果然之後就開始講D越來越侮辱,令人非常難堪GE說話....
   "你揾幾錢個月呀???"
   "8000左右啦.."
   "8000??咁你有冇諗過同我個女結婚呀??"
   "暫時未有計劃,因為我覺得我地拍左唔係好耐,仲未了解得夠.."
   "冇計劃???咁你同佢拍黎仲咩??"
   呢個時候我已經覺得好唔妥架啦....咪話:
   "咁我覺得我地情投意合..咁咪一齊囉,但至於結婚,我仲未想咁快,要好好考慮一下.."
   "OK,咁你話同父母住公屋,係咪??"
   "係呀."
   "係??仲話係..住公屋想同我個女一齊??咁你地第時想係邊度住呀??冇樓仲想同佢拍拖??你憑咩養佢呀???
    仲有呀,我地得佢一個女咋,第時旨意佢養我地架...你而家咁樣,又冇錢..你憑咩養佢呀???我地點指望第時我地老左
   可以養到我地呀???我唔該你,食完呢餐飯好走啦,唔好再揾我個女,知道未呀??"
    嘩,果一刻聽到我,真係即時忍唔住發炮, "x@@臭x呀..你講乜x野呀???你地係d咩新鮮羅白皮呀???你個女好巴閉呀???
   塊野鑲金架???你地都痴膠花GE...你食x啦..仲有,呢 兩合野我當俾乞兒啦....x@@杏加橙.."
    果一刻我真係頂唔順啦....就連女朋友叫我,都阻止唔到我奪門而去....我真係好心up..點解而家會變成咁......
   尋晚成晚就係咁自己一個係咁隊到啤啤夫..真係.........天啊..點解呀??????
  就係咁,今朝瞓醒,我就忍唔住打呢篇野上黎向大家控訴啦......我唔係想要大家同情,只不過我真係想各位明白我此刻
的感受.......呢個世界係咪已經變得咁樣..個個都狗眼看人低呢??

路人ハ

此貼明明係轉貼~.~
4月20日時曾見過了= =|||

小康康

係咩??4月20見過??點解你咁清楚??

sy

他們說的是對的

梓

他們說的是對的
sy 發表於 15/5/2010 21:07

                               
登錄/註冊後可看大圖

電視上那個是假的

小康康

5# 冰火

甚麼電視上的??

路人ハ

因為我係4月20號個時係某論壇見過(抄番o的紀錄~.~)

kwok5312

其實複製標題然後搜一搜查YAHOO便有數個同樣內容的POST

不過樓主的遭遇在香港見怪不怪..
所以還是節哀順變吧~~
香港部份人瞧不起人的程度簡直是嚇死人..

比卡

用粗口回應太冇文化了,你應該用普通說話帶出諷刺意思先好
反正你都預左同佢地兩條友嘈,爆粗只會令佢地覺得你冇文化

Piebaby-)

甘咪等時發達.番去睇佢唔起一次囉.