[爛文]PM十一人 ---- [第二話] 天堂來襲(上篇)

suke

前言: 依篇係一篇爛文xsk .. 關於pm踢足球xsk .. 劇情亦都有d參考某十一人動漫xsk .. 第一話可能冇乜pm戲份 , 但之後會多番好多架啦sosad 唔講咁多 , 比大家睇睇先-,-

                               
登錄/註冊後可看大圖

[第一話] 開始 ---------- P.1 #2
[第二話] 天堂來襲(上篇) ------------- P.1 #5

suke

天堂學園響ｐｍ足球界出晒名，岩岩仲羸左全國中學冠軍，計埋今次已經連續兩屆冠軍，你話勁唔勁？
同天堂學園打親既，一係就炒１０：０，一係就全員受傷送院，搞到冇人敢同天堂學園打。
但係唔知乜事，天堂學園竟然向超級弱小、藉藉無名、聲都唔聲下既ｐｏｋｅ中學發出挑戰，究竟又有咩原因呢？
－－－－－－－－傳說中既分界線－－－－－－－－－－－－－－
響ｐｏｋｅ中學入面，都算有一個小小既足球部，但依個足球部唔單止冇乜實力，連人數都唔夠，你話死唔死？
不過，依個足球部既隊長係個對足球充滿熱誠既人，其對足球既熱愛簡直係無人能及，佢響足球部極有影響力，亦都係令到後其足球部踏上全國冠軍之路既主要因素。
佢個名，就係叫做．．．
「元侯！」一隻女性既圓企鵝喘晒氣咁走到一隻小火猴既面前，緊張咁話：「校長有事搵你！我驚係關於足球部廢部既事！」
「咩話？今次敷硬佳啦！我點都唔會比校長廢部！」元侯聽到之後好激動，佢即刻向住校長室既門口跑過去。
響校長室入面．．．
「校、校長，你搵我有、有咩事啊？」元侯心裡面梗係好驚，如果足球部就咁廢部既話，佢既足球夢就係咁先。
「你冇野ａｒ嘛？」校長見元侯標晒冷汗，好心咁問佢。
「冇、冇野．．」元侯講完依句野之後，就突然跪響地上面，求校長咁話：「校長求下你唔好廢部！我、我會努力增強足球部既實力！求下你！！」

                               
登錄/註冊後可看大圖

                               
登錄/註冊後可看大圖

                               
登錄/註冊後可看大圖

「哦．．」校長既神情好冷漠，元侯認為今次死梗，「本來我的確想廢部既．．不過今次就破例比你一次機會咁大把啦。」
「校、校長你講真架？？？」元侯聽到之後呆左，佢笑住係咁跪拜校長，「多謝你呀校長，你今日超級靚仔！咦喂，你今日好似後生左幾十年！」
「你唔好咁開心住．．都常劇集入面如果ｄ人係咁講，就一定有條件架啦，邊有咁著數呀？」
「咩話？」元侯個心好似碎左咁。
「琴日我收到個電話，天堂學園既足球部向我地提出挑戰，」校長嚴肅咁講，元侯即刻驚左一驚，校長繼續講落去：「我既條件就係，你地要打羸天堂學園，如果唔係你拎住
把槍要脅我都冇得傾，廢部！」
元侯當堂ｏ左嘴，心諗：「唔係掛？我地足球部得七丁友，平時又唔多練波，依家要對全國中學冠軍，仲要羸？」
校長講左一句打斷左元侯諗野：「咁你有冇問題？」
「冇、冇！」元侯講完依句野先發現自己痴左線，不過唔講都講左，死就死！
－－－－－－－－傳說中既分界線－－－－－－－－－－－－－－
「咩話？竟然要對天堂學園？校長係咪岸居架？」岩岩果隻圓企鵝聽到依個消息之後就係咁暗鬧校長。
「算啦小螢，今次當係比我地見識下真正既足球囉！都係有益既！」元侯咁樣講，跟住佢補充番一句：「只係唔知果幾條友肯唔肯踢姐。」
打開足球部室既門，就見到入面有六條友響到：成隻腳放左響台上面既大力馬高，睇緊漫畫既雷光獅路斯，玩緊ｎｄｓ既猴怪米爾，身型龐大既卡比獸羅力，仲有灑緊功夫
既尾立山迪同呆左企響一角既樹苗龜多利。
「喂，去練習啦！」元侯隨手拎起左粒足球，對住果六條友大喊：「我地要對天堂學園呀！要努力！」
「咩咩咩咩咩咩話話話話話話－－－－」聽到「天堂學園」依四個字，六條友都驚到大叫起黎。
「隊長你係咪痴線架？我地點夠佢地打呀？」山迪用佢條尾一路跳一路講。
「所以咪要練習囉！」元侯反駁起黎。
「但係我地加埋得七條友，起碼要多四個先可以比賽啦。」路斯繼續睇佢既漫畫，羅力聽到之後震晒咁講：「我諗我地加多２０人都未必夠佢地打．．．」
「我唔想入院啊。」「救命。」「媽啊，我要退出足球部啊。」
「刁！！！！！！」元侯發火咁爆左個粗口，「你地當初加入足球部係為左咩呀！？依家只不過係一個小小開始姐，咁容易就放棄，你地仲係唔係男人！！？」
「．．．」全場即刻靜晒。
「哼！」元侯好嬲咁拎住粒波走左去，小螢想去追佢，臨走前佢同六條友講：「你地死啦！今次元侯真係嬲啦，我從來未見過佢咁嬲！」
元侯並唔係去練習，而係走去招人入部。
「喂～足球部現正招收人員～名額不限～」佢成個傻仔咁拎住個牌周圍走，個個都用ｄ恥笑既眼神望住佢，有ｄ仲細細聲講：「嘩，傻仔啊！」
「我絕對唔會比足球部廢部！」元侯咬牙切齒咁講，佢去到田徑場果到搵佢既朋友－－火岩鼠焰丸。
「足球部？」焰丸好奇咁問。
「係呀係呀，焰丸你唔係不嬲都話好想玩足球架咩？希望你可以加入！呀唔講住，我去第二到招人，ｂｙｅｂｙｅ！」元侯講完又去左第二到。
兩個鐘之後，元侯氣都喘晒，佢坐左響張長椅上面休息。突然之間，有隻帶眼鏡既喵喵怪就左埋黎。
「ｈｉ，聽講你地足球部好需要人喎。」隻喵喵怪懶有型咁托左托眼鏡。
「係呀係呀，你係咪要加入？」元侯當然唔想放過任何機會，佢即刻舉起個牌比喵喵怪睇。
「想我入都得，」喵喵怪講：「但我要當你地差一個人果陣，我先入。」
「下？」元侯呆左咁叫左一聲：「點解？」
「因為如果我係最後一個入，就代表我救左你地足球部。」喵喵怪暗笑。
「ｏｋ冇問題，不過我想知你個名。」
「我叫八目。」喵喵怪講。
「敢問係邊個八，邊個目？」元侯問。
「咁就梗係八目個八，八目個目啦，仲洗問既？」八目講：「你以為係白？我係八目，唔係白目，又唔係八木個木，係八目個目。」佢講完依句白痴話之後就轉頭走左。
「．．．八．．．目．．」元侯滴汗，心諗：「果然冇改錯名．．．」
－－－－－－－－傳說中既分界線－－－－－－－－－
跑左成日，唔洗講元侯緊係成身散晒啦，但係佢仲走去鐵塔果樹練守門技術，因為佢係個守門員。
果到擺設左好多用繩吊響樹上既車碌，元侯就係以推ｄ車碌上去，響ｄ車碌衝落黎既時候用雙手擋住佢既方法黎練習，可惜佢冇一次擋得住。
究竟依ｄ咁騎呢既練習方法係邊個教既呢？其實，佢呀爺之前係個頂級既守門員，雖然佢依家人唔在世，但係佢留低左一大堆足球技巧既書響到，射門呀、防守呀、守門呀等
等都有齊，不過本書畫到花ｌｅ花碌，淨係得元侯先睇得明。
不過依ｄ練習十分之傷身，只要擋唔住個車碌就會被撞飛。
元侯從來都未試過擋得住，今次都唔例外，但係佢冇放棄，係咁被撞飛都企番起身，因為佢相信只有咁樣至可以變強。
「哇！」元侯遍體鱗傷咁訓左響地上面，正當佢諗住再起身果陣，焰丸突然出現響佢眼前，仲扶佢起身。
「焰丸．．？點解你會係到？」元侯驚奇咁問。
「見到你為左足球又跑又走，放學又見到你唔係去屋企既路線，咪好奇跟住你囉。」焰丸笑住講，佢問：「你每日都做埋ｄ咁既練習？」
「係呀，」元侯拎起佢呀爺本書比焰丸，焰丸見到入面ｄ鬼畫符，滴左滴汗：「你．．你睇得明？」
「嗯！我既夢想係要羸得全國冠軍！所以我認為只要學晒爺爺ｄ守門技，就有機會實現夢想！」
「好！就憑你依句話同你既夢想，我加入你地足球部！」
「太好啦！」元侯開心都黎唔切，佢握住焰丸隻手，「真係好多謝你！」
「我加入左啦！你地又點？」焰丸對住旁邊ｄ樹講，果六條友響樹後面走左出黎：「隊長！」
「你地．．？」元侯又一次驚奇咁望住佢地。
「佢地一早就響到等你。」焰丸講。
「隊長，見到你對足球既熱誠，我地好感動！」羅力響到流眼淚，其他人都跟住流，「為左全國冠軍，我地會努力架啦！」
「多謝你地！真係太感謝你地啦！」元侯又流埋眼淚，佢地成群人攬埋一齊，「為左全國冠軍，努力！」

待續．．．

chiro

雖然暫時看不出有什麼gag的成分，不過看在十一人的份上。
我支持你

suke

3# chiro
多謝你既支持><!
其實依篇野係想引人笑姐-,-但係又好似唔多引到人笑-,-
所以先叫gag文xsk

suke

話說上一話講到足球部終於有達成一致既決心，但係有決心還有決心，唔夠人係另一回事，雖然有焰丸既加入，但佢地仲差三個人。
於是佢地就響對天堂既前一日不停搵人，之前就話得元侯一個人搵好難搵，依家佢地成班一齊搵，唔使講梗係易搵好多啦。
就咁樣，佢地就搵多左兩個人，分別係未踢過波既信使鳥東尼同埋想以足球比賽黎增加存在感既長毛豬巴路。「！＠＃＄％，我地搵人搵得咁辛苦你就咁講兩句就算！？？」
不過佢地依然差一個人．．．．
－－－－－－－－傳說中既分界線－－－－－－－－
終於到左同天堂既比賽。
「終於都到今日啦！將我地一直練習出黎既成果展視比佢地睇啦！」元侯大喊。
「乜我地有特訓過咩．．．」
「呃，總之今日要努力啦！」
「ｏｕｓｈ－－－」
走到出去ｐｏｋｅ中學既足球場，已經有一大班學生圍觀。「唉呀，同天堂打，冇眼睇啦」「死硬啦」「會唔會連我地都打埋架？」「我驚佢拆埋學校咋。」
「放心啦！我地今日絕對唔會輸既！」元侯仲懶型咁走埋去擺左個必勝既ｐｏ士。
「你係邊個？」
「．．．」
就響依個時間，天上面有一架巨大既飛行船，上面有天堂學園既ｌｏｇｏ。冇錯，天堂學園黎到啦！
天堂學園既足球成員逐個逐個落船，全部都係最終進化咁滯，鯉魚龍．．豪火猴．．幸福蛋．．雷伊貝．．盔甲暴龍等等，氣勢就已經蓋過晒元侯佢地。
飛行船既煙霧散去之後，天堂所有成員已經企晒響元侯佢地面前，其中有隻著住紅色斗篷好似超人咁既狃拉既左手手臂上面綁左個象徵隊長既圈環，元侯即刻走上去同佢握手
，點知隻狃拉無視佢既握手，「我地想熟悉一下場地。」
「哦．．冇問題．．」元侯讓開左比天堂既成員進入球場裡面。佢地個個響球場上練習，ｄ球技簡直出神入化，速度快到睇都睇唔到，搞到ｐｏｋｅ足球部個個都開始淆淆地
。
突然之間，鯉魚龍、豪火猴同狃拉突然之間互相傳球，球速快到呀媽都唔認得，最後狃拉一腳將個波踢到去球場外，向住一個低班既女仔飛過去。
「危、危險！」元侯想去救佢，但佢離個女仔勁遠，除非瞬間轉移，如果唔係點可以響咁短時間過到去。
正當個波距離個女仔仲有１０ｃｍ到，一隻木守宮忽然走出黎，用佢條尾大力咁將個波向住狃拉打番過去，當然隻狃拉亦都輕易避開左。
「嘩！」元侯見隻木守宮Ｄ球技咁勁，即刻走過去想招佢入隊：「ｈｅｙｍａｎ，你ｄ波好得下喎，不如加入我地足球隊啦！」
點知隻木守宮表現好冷淡，聲都唔聲咁就走左去，元侯想叫停佢都叫停唔到。
依個時候元侯聽到周圍ｄ學生講：「果個好似係岩岩轉學，之前電視見過佢，好似踢波超勁，叫乜乜豪葉寺．．．」
「原來佢叫豪葉寺．．．」當元侯想追佢果陣，比賽開始既時間已經就到，裁判亦都吹雞叫雙方入場擺陣。
「嘿，你地打算就咁比賽？你地仲差一條友喎？」狃拉用挑釁既語氣同元侯佢地講。
「嘿，當然唔止啦，仲有我！」大家仲記唔記得上一集有條白目叫八目既人？佢黎左啦！
「呀．．你．．係邊個？」
「我係八目呀，你唔記得左拿？之前我話過要最後一個入既，睇黎冇錯啦！」八目覺得自己救左依個弱小既足球部，於是自言自語仲大口大口咁笑，可惜淨係得元侯應佢。
「呀，係你！好啦我地終於夠人啦！」元侯咁樣講。
「我仲有個要求。」八目話。
「咦？係咩？」
「就係我要著１０號波衫。」
「咩話！！！？？」其他成員聽到之後既反應極大，「真係白目．．」「搵條咁既廢柴，仲要著１０號波衫。」「佢估自己真係皇牌？」
「算啦算啦，就比１０號你。」元侯都廢是理佢，橫掂就開波，友佢算。
雙方已經擺好晒陣式，元侯因為唔知八目擅長打咩位，咁岩前鋒又有個位吉左，就搵左佢做前鋒。
「嘩歐～我好似做左明星咁呀～」八目白痴咁講，馬高企響旁邊無奈咁望住佢：「果然係白目．．．」
「呵呵．．．我成為眾人既焦點．．好大存在感呀．．．」巴路亦都笑左笑。
「點、點解大家可以輕鬆成咁？．．．我好驚．．」米爾擔心自己會比天堂打到入院，諗到依到就心都寒埋。
「好啦！大家上啦！」身為隊長既元侯拍左拍手掌，鼓勵一下隊友。
小螢亦企響場外觀看比賽，一隻新聞部既迷唇娃走左埋黎：「請問你係唔係足球部既經理人？」
「係呀咩事？」小螢問。
「請問你覺得今次比賽我地學校既足球部有冇勝算呢？」
「呃．．都．．都．．有．．」小螢實在唔知點回答好。
「唔使怕，我唔會記低既。」
「其實冇架．．．」
－－－－－－－－傳說中既分界線－－－－－－－－－－－－－
「岩岩果隻木守宮會唔會就係總帥想搵既人？」天堂既鯉魚龍走埋去問狃拉。
「應該唔會錯，我聽到Ｄ學生話佢叫豪葉寺。」狃拉回答。
雙方已經擺好晒陣，係由ｐｏｋｅ中學開波先，個個都等緊球證吹雞。

                               
登錄/註冊後可看大圖

「ＢＥＡＰ－－－」球證吹左雞啦，首先由八目傳波比馬高，之後八目自己就企響原地，唔識郁。馬高回傳比後面既山迪，之後山迪一個大腳踢番去前面比馬高，好似好勁咁
喎。
好啦，之後馬高向前衝，天堂既中場雷伊貝即刻上前想鏟死佢，可惜馬高雙腳夾住個腳跳起左，咁就避開左啦。
「嘿嘿，估唔到我都幾勁揪架喎，哈哈。」馬高好自豪咁話，忽然之間焰丸走左上前，「傳比我，傳比我！」馬高將個波傳左比焰丸，已經差唔多要進入天堂既禁區啦，土台
龜同幸福蛋衝上前攔住左焰丸，搞到佢上唔到前。
點知焰丸將個波踢到去比另外果邊既多利，多利接到波之後諗住傳比路斯，跟住路斯竟然漏波！？嘩，個波漏左比馬高喎，路斯你原來咁勁？？之後馬高已經同龍門１ｏｎ１
，佢一腳射去龍門既死角位。
個個都以為依球入硬啦，點知盔甲暴龍既速度驚人，單手接住左個波，依個舉動搞到全場ｏ晒嘴。
「點、點會咁架？？」馬高不可思議咁講，其他ｐｏｋｅ中學足球部既成員亦有相同既反應。
「嘿，只有咁既程度，」盔暴冷笑左一聲，之後對住狃拉大喊：「鬼到，我既任務就到此為止啦。」仲將個波傳比佢。
「原來隻狃拉叫鬼到．．」元侯講。
鬼到仲企響一開波果陣個位置冇郁過，佢接到波之後，竟然一腳將個波直接射向龍門，ｄ球速快到影都無，ｐｏｋｅ中學既復衛個個都反應唔切，全場又係ｏ晒嘴。元侯連個
波都見唔到，索性雙手向前接得就接，係就係接到，不過球既力度遠遠超出左元侯，佢連人帶波彈左入網。
開波只有３分鐘，哨子聲響起，天堂以１：０領先．．．

待續．．

Piebaby-)

比較好奇耿鬼點踢波--

柊．David

我更想知土台龜怎踢就是了
成隻龜沖埋去撞個波?

suke

耿鬼有腳架嘛-.-
土台龜的確係用頭撞SOSAD
其實我放佢地上場係有原因既,, 請反白
(試諗諗天堂學園既成員有咩關聯? 大部份都係某神所用過既pm sosad)

柊．David

耿鬼有腳架嘛-.-
土台龜的確係用頭撞SOSAD
其實我放佢地上場係有原因既,, 請反白
(試諗諗天堂學園既成員有咩關聯? 大部份都係某神所用過既pm sosad)
suke 發表於 21/6/2009 09:47 AM

                               
登錄/註冊後可看大圖

JL神的特攻鯉龍、鬼火火猴、特攻狃拉、連環踢雷伊、物攻耿鬼、爆物防燈魚、命玉捨撞神蛋、火噴冷光盔暴
還有我用過的充電光超能鬥士
蜻蜓龍和土台龜就不知了

冇姓名的人

大地之力+木葉鎚+咬碎的士台龜正是某神的