中五會考生試後討論區

pichu

20# mk311111
咁我打下我自己讀果三科大約既野啦...(硬覺得le度文科人太少打出黎都冇咩人睇-_-)

地理只有AL 冇AS
分3 part...
甲係自然景觀 (氣候 地形 生態 人與地關係之類)
乙係農業景觀
丙係城市與工業景觀
考試考甲乙兩份卷 一份短題目一份Essay
唔好將高考地理同會考程度相提並論...難度高好多
尤其係要讀334會取消曬既"模式" (Model)類課題...
重點係要精通時事同埋唔同地區既例子
(我地理不精...唔敢多講了)


中史上至西周下至近代(包括國共文革改革開放)
幾千年既範圍分幾個大部分黎出卷
分成卷一卷二 一份卷三條Essay+一條必答"資料題"=三小時
卷一：AL AS必讀
治亂興衰 (朝代得治...又何以中衰亡國)
學術思想 (儒墨道法、魏晉玄學、朱陸理學、明代心學、清考據學、新文化運動)
中央政制+選士制度 (多數參考書會分兩部份...事實上考卷合成一部)
中央政制非常著重"丞相"權力如何因"皇權"而改變
選士就有漢察舉、九品中正、歷朝科舉

AL另外仲要讀多四部分 (我係一個蠢人讀左AS...所以冇咩詳細)
史學名著 (上至漢史記下至清廿二史劄記?)
宗教傳播 (佛教 天主教利馬竇之類)
中外交通 (班超三藏西域之類...)
經濟發展 (求中史AL既人補上)

預科中史冇可能單靠一兩本參考書就考得好
坊間同學校幾乎必用既"析論中國歷史" (呂振基 蘇榮編)等等
只會提供到稍多於中五既史料
用黎答Essay係絕對唔足夠
偏讀"傳統"死背錢穆國史大綱 還是黃仁宇較"新"既"大歷史觀"等等
都唔會寫得好
最緊要係睇唔同史家既書多 集思廣益 再經自己分析思考寫文先得
最常見例子係抨擊隋文帝"不憐百性而惜倉庫" 用開皇14年例子 話佢唔開倉救濟 (大部份參考書採此觀點)
細心既上網查一下 會解到點解個例子不當 甚至嚴重錯誤

順道留幾個我上網搵到既資源...之前年半AS就係靠佢地咁"自修"返黎
http://www.bshlmc.edu.hk/~ch/alexam/notebook.htm
http://subject.skhlkyss.edu.hk/chist/ALchistclassroom/index.htm
http://alchihistory.mysinablog.com/
點解話我"自修"? 下文六個老師條件 教我既一樣好條件都冇 反而教遲我一年既就全部中曬...
http://alchihistory.mysinablog.com/index.php?op=ViewArticle&articleId=1444311


世史範圍就廣闊得多
唔好嚇親先...睇曬先好下判斷
同樣分卷一：歐洲 卷二：亞洲 (AS唔洗)
每份一條必答"資料題"+兩條essay=三小時
歐洲史大約時序為1800-1980年
資料題則多數1870-1920年代
內容包括(From HKEAA)：
自由、民族主義發展與成長 (英自由、美民主、歐洲大陸整體、殖民帝國主義、俄國改革及革命)
國際協調合作 (歐洲協調(一言難盡)、組合與同盟制度(1870-1914)、集體安全制(1914-1980, 國聯 聯合國)、二戰復殖民帝國衰落)
對和平與民主的威脅(兩次大戰、歐洲極權政體興起、1945年後國際糾紛)
經濟、社會文化發展(工農商轉變、人口增長及都市化、科技發展、文化思想潮流)
要讀曬嗎? 九成以上學校都唔會教曬
要知道...成份卷你只要選兩條黎做essay
但係le四大部分 每一部分都會有四條比你選(多數一個部分會得三條 都有十五條)
顯而易見...經濟社會文化發展幾乎冇學校會教...

亞洲史就分五大組
分別係：
中國 (清：內憂(同中史重覆)、帝國主義、改革、革命 民國：分裂與重整、國民黨統治、抗日與國共內戰 社會主義：內政、對外)
日本 (德川幕府：中衰及問題、結束鎖國、明治建立 明治：現代化(三個字已經要讀頗多野)的內政外交，對外關係 大正昭和民主政治、軍國主義、戰爭 戰後：盟軍時期 重建及復元)
印度
東南亞
香港
(尾三個唔打啦...東南亞都仲可能有學校教 另外兩個真係買少見少...)
注意：資料題必為中國，1800(或者1840)-1920年代

同其他科一樣既係...切勿將會考程度既野代入去預科
比如話會考最"低能"(我既老師好鐘意咁講XD)既講法：一戰因為殖民地擴張同盟制度軍備競賽之類"Negative"既野，引致一戰 (中文維基既一戰條目幾乎係香港教科書翻版...)
高考會徹底探討le D野係真導致一戰 還是反而帶來了一段時間既和平 甚至可以係"Positive" 或者根本關係不大
如果你既老師好的話...佢會比唔同既期刊同資料你睇 等你寫文先有得做到以上"高層次"既分析
否則...祝你好運...

世史普遍參考書都係西方的巨變同西洋現代史
亞洲果邊就有近代中國史綱之類(老老實實 同錢穆式既悶有得比...靠上堂同靠老師比到足夠既史實都可以冇咁重視)
歐洲史高層次D既可以睇霍布斯邦(Eric J Hobsbawm)既歷史三部曲(革命、資本、帝國的年代)
le三本野唔會同你講故事...而係徹徹底底既分析、詮釋歷史
個人覺得比其他書都有效得多 (一般黎講...le三本唔會列做參考書 不過公共圖書館一定有)
(題外話：唔好因為佢係忠實既英國共產黨人就戴有色眼鏡 如果睇曬佢三部曲+極端的年代+佢自傳...你幾乎可以清楚知道le 二百幾年發生左咩事 而且內容絕非中蘇共黨式吹捧 或者西方自由主義式謾罵 有心了解國際局勢既都推薦你睇佢既書...老伯伯佢今年92了...閱歷之深非一般人可想像 或許如果話你佢係自傳已經講到共產已死 世界革命已死 而三部曲又提到史太林毛澤東既瘋狂 可以令你冇咁容易有偏見)

升讀中六的確不易
好多人應該會不停叫你用功勤力...
不過記得發力都要發啱方向
同理科唔同
兩史溫書就算你自己覺得溫到幾咁通都好
有時唔啱課程個方向...又或者誤解題目/課程本意
最尾你溫到半夜同人地冇溫 出黎個分都可以相若 甚至更差 (絕冇講笑)
唔好灰心 有年半時間比你搵條啱既路出黎
同時溫左既資料多數有用 唔好因為未搵啱方向又唔溫住 "Hea下先"
過來人話你知...去到中六尾段果陣你就會感到吃力...到中七果陣就算你搵啱方向
你已經冇時間將D資料通得到
定目標永遠高少少...試諗下讀年半捱夜捱咖啡死腦細胞出白頭髮(知道自己升到中六之後 試下影低張相 睇下年半之後自己個樣殘幾多XD)
都係得個D E甚至F
入大學又遠一步了 為乜?

...有錯指正...有誤請改...隨便補充...

Royal

20# mk311111
咁我打下我自己讀果三科大約既野啦...(硬覺得le度文科人太少打出黎都冇咩人睇-_-)

地理只有AL 冇AS
分3 part...
甲係自然景觀 (氣候 地形 生態 人與地關係之類)
乙係農業景觀
丙係城市與工業 ...
pichu 發表於 18/5/2009 11:43 PM

                               
登錄/註冊後可看大圖

定目標永遠高少少...試諗下讀年半捱夜捱咖啡死腦細胞出白頭髮(知道自己升到中六之後 試下影低張相 睇下年半之後自己個樣殘幾多XD)

呢點真係絕對同意
我由f.6 9月精神幾好, 到而家已經...)

細薯

定目標永遠高少少...試諗下讀年半捱夜捱咖啡死腦細胞出白頭髮(知道自己升到中六之後 試下影低張相 睇下年半之後自己個樣殘幾多XD)

呢點真係絕對同意
我由f.6 9月精神幾好, 到而家已經...)
Royal 發表於 19/5/2009 05:15 PM

                               
登錄/註冊後可看大圖

捱夜捱咖啡死腦細胞出白頭髮<==
我好像沒什麼做這些...
只係有次做phy TAS 先做到3點...=.=

pichu

捱夜捱咖啡死腦細胞出白頭髮
細薯 發表於 19/5/2009 10:09 PM

                               
登錄/註冊後可看大圖

果幾樣...係我身邊既同學既寫照XD
我中六中期都有打算開始捱夜...中史想做好d甚至轉AL...
點知第一次出事之後就冇曬心力...多數十一點前訓/.\
除左死腦細胞之外其他都冇 lol

幻化

差eng oral未考,第2d都考晒了
我讀文科的,全文個隻= =
感覺上有d科讀左- -到考個時看d題目- -有點真係令我害怕
世史的新加坡獨立- -呀sir提都冇提過- -,個條真係...汗
eng真係唔係好夠時間做,自問eng不算是太好,但好比心機去學
整體上今年易過08年= =(只是個人意見,不喜勿回)

Royal

差eng oral未考,第2d都考晒了
我讀文科的,全文個隻= =
感覺上有d科讀左- -到考個時看d題目- -有點真係令我害怕
世史的新加坡獨立- -呀sir提都冇提過- -,個條真係...汗
eng真係唔係好夠時間做,自問eng不算是太好, ...
幻化 發表於 14/6/2009 02:39 AM

                               
登錄/註冊後可看大圖

有D 疑似OUT SYL野出黎係想分辨A/B既人
唔會有太多人識答, 放心

pichu

差eng oral未考,第2d都考晒了
我讀文科的,全文個隻= =
感覺上有d科讀左- -到考個時看d題目- -有點真係令我害怕
世史的新加坡獨立- -呀sir提都冇提過- -,個條真係...汗
eng真係唔係好夠時間做,自問eng不算是太好, ...
幻化 發表於 14/6/2009 02:39 AM

                               
登錄/註冊後可看大圖

終於有個全文人出現=.=

出係essay的話...應該唔會太影響選擇...? (當然要讀足同讀熟範圍...不過都係因人/學校而異)
出係DBQ? 係既話全世界攬埋一齊死 唔怕XD (真係用黎分A/B)
臨近334 開始間唔中出一兩條冷門/微觀範圍既野黎嚇人...
而世史個範圍又好廣下...

oral + oil~

Requiem

臨近334 開始間唔中出一兩條冷門/微觀範圍既野黎嚇人...

pichu 發表於 14/6/2009 03:58 PM

                               
登錄/註冊後可看大圖

呢幾年DBQ/ESSAY都係咁,好流行出一條INTERNATIONAL COOPERATION之類的東東,不過講真DBQ有SKILLS GE話基本睇過吓課文都可以吹到似層層咁

幻化

27# pichu
是出左dbq
講真- -新加坡真係教都未教過
我見到呢條,真係..汗

pichu

必答...A_A
你汗時大多數人都汗...拉curve XD
不過考完就算啦 lol

話說我係CE世史新課程第二年既...
果陣教東南亞都冇特別講咁多個東南亞國家獨立既資料...多數輕輕帶過
再外加幾個人物算數...(仲記得miss主力攻東盟...)