大家會唔會出街打NDS!?

-`Mr.???

我出街就吾會打機.. 坐車果陣最多都系上下fb玩"禁"下手機

我覺得拎住部機好煩 打一陣又落車 又吾可以真系專心咁玩 廢時煩

JUGGLINGPARTY

我以前都會咁做
會介意嘅其實得自己
(不過後來覺得有時咁做都幾危險)
"其實街上面D人邊有咁得閒理你"
只要咁諗就OK XD

龍豬

老實講 我係由第一作開始玩,(傳說中既紅,黃,藍綠版)
一直玩到e家冇錯過任何一作,只係人大個左,出街搵人打既機會少左
變得多用wifi...專愛pm也

楓花雪瑜

老實講 我係由第一作開始玩,(傳說中既紅,黃,藍綠版)
一直玩到e家冇錯過任何一作,只係人大個左,出街搵人打既 ...
龍豬 發表於 5/8/2012 11:48 PM

                               
登錄/註冊後可看大圖

我都係四色時期
回想當年 ... 逢假期百貨公司玩具部一定好多人拎住gb係到玩
有d會挑你機,有d搵你幫手...果陣氣氛,唔知今時今日邊度仲有?
最後應該係人氣町到末落?
我目前為止都堅持出黎玩...
就好似玩mh咁,面對面有d氣氛

好懷念童年玩金版 打唔贏第三館隻大奶鑵
係吉之島自己一個呆玩,又冇野可以同人換,又唔夠人打...
突然有個大哥哥拍左我肩一下,叫我比我team佢睇...
佢叫我是但比隻精靈佢,但我唔知比咩好,最後比左尾立佢...因為果隻係我最高lvpm
結果個大哥哥比左隻超夢夢我...
我好驚訝咁望住佢,而佢既笑容,我到目前為止都冇忘記...

-`Mr.???

我都係四色時期
回想當年 ... 逢假期百貨公司玩具部一定好多人拎住gb係到玩
有d會挑你機,有d搵你幫手 ...
楓花雪瑜 發表於 6/8/2012 12:01 AM

                               
登錄/註冊後可看大圖

    我就由紅寶石年代開始玩 想當年拎住部舊版gba 去到打完第2道館 搵黎搵去都吾知去邊

結果真系搵左好耐(重玩左n次) 先搵到原來山洞裹面要俾封信條友 仲記得果晚好開心  

同我表哥講我搵到拉 點知一save 熄左機.. 無電..  果陣仲要系玩到好夜.. 屋企熄哂燈 訓哂覺

得我一個仲系出面有d光既位黎玩  而一落公園都會見到有人黎住部機同你挑/傳機

仲一齊討論pm 劇情等等..

果陣真系... 相比而家 硬系好似人同人多左塵隔膜咁..

龍豬

回復 24# 楓花雪瑜


    冇錯 當年既大奶牛 真係好苦手...特別係我用火球鼠起家
     重有 紅黃年代 火恐龍大戰  lv18 海星星 同 lv21 寶石海星  惡戰
圍埋一大班小朋友一齊玩既感覺  正!!  e家就算係約出黎玩 都未別有之前既味道

hentai_987

金銀時代開始玩 但玩左唔係好耐
然後寶石開始玩 大約5-6年前  
有個同學 我同佢好fd 有日佢比左餅藍寶石我
叫我一齊玩 咁 雖然得佢同我玩 但連線對戰都幾好玩
試過幾次連線對戰都冇左save
其後發現原來唔係正版-,-
之後NDS開始既pm亦錯失左好多wifi配佈寵
我宜家中四都仲玩緊
好想睇下宜家既細路會唔會拎部nds 出黎玩pm

楓花雪瑜

其實我諗大家以前都係玩老翻吧...除非屋企經濟好...
否則一般父母...只會揀經濟實惠既老翻...

不過...其實我玩到紅藍寶石時,曾經放棄過pm,唔知乜事...亦唔記得...
我記得打到捉變隱龍果度就冇玩,唔知係唔係唔夠打...
後來復刻火紅葉緣,我冇理由唔玩啦...then出綠寶石,我決心要破當年未破既目標...
唔知大家記唔記得,出紅藍寶石果陣,CoCo出過個優惠,好似頭10名買,只需比10蚊左右...
果單上哂新聞,因為有幾個排頭10名既小朋友都買唔到...
點解?大家心知肚明啦...雖然果陣我都好想去排隊,因為係樓下已...但結果,捱唔到眼訓- -haha

四色代,我記得我係用小火龍去打,初初打小剛已經有d吃力,之後仲要打小霞= =真係好正...
我記得我細個一定會練隻波波>比比鳥
綠毛蟲>鐵甲蟲>巴他蝶...
then等隻小火龍變火恐龍先打小霞...
後黎冇野做,重玩玩惡搞,打小剛前已經有隻噴火龍!

我仲記得細個初初玩,我唔鍾意升lv,見pm就捉
綠毛蟲,捉...鐵甲蟲,捉...進化都廢事...
後期唔知乜事...又唔捉了,見到雷火急凍鳥都直接打死...
爆完機一係重玩,一係掉埋一邊...

金銀隻大奶鑵,我都唔記得點解打唔贏,比著係而家既我,應該奮力升lv...
金銀應該係我第一次同人連機,一者上文講左,二者同學都有玩,
大家應該都記得,以前pm個縮圖...雀類pm都係同一隻雀仔公仔嘛
我有朋友想要我隻大菊花,佢話用路基亞換,結果佢捉隻波波改名做路基亞,就咁轉黎...勁狗!

我細個夜晚都係偷玩,多電芯咪用電筒照,
冇咪出廳用神位d紅燈玩= =再唔係就入廁所...
當然...比屋企人見到就有被末收既心理準備...
其實細個都幾要求高,明明有火牛,但用火牛叉電的話,個畫面會有d濛...所以都係用電芯
其實,回想細個為左玩pokemon,儲錢剩係買到黑白gb,都唔緊要,有得玩就ok...
以前d畫面又唔靚,唔仔細,就算用彩色gb,都可能係單調幾隻色...但果陣都玩得好開心...

不過...由細到大,我都未同人對戰過~係上兩個星期買左wifi,先得閒同人鬥下!所以我好差...
點都好啦...每次諗起同人玩,我都諗起童年百貨公司既畫面...
或者科技真係太好...
以前就算係公園捱熱都唔緊要...最堅要有人一齊玩...
雖然而家我都有wifi,但我約人交收,換pm,都盡量約出街...
可能我命好啦,除左網聚,次次約出黎都係女...前幾日又識左個女仔@w@
唔好意思,呀叔太多野講...唔小心吐口水就吐左個大西咩出黎...
所以,上次網聚傾pm傾得好開心,雖然得6定7條友!...

-`Mr.???

其實我諗大家以前都係玩老翻吧...除非屋企經濟好...
否則一般父母...只會揀經濟實惠既老翻...

不過...其 ...
楓花雪瑜 發表於 6/8/2012 01:03 AM

                               
登錄/註冊後可看大圖

    哈哈.. 改名做路基亞 咁COCO單野姐系點 我吾知..

其實屋企人都吾會知系米老翻拉..因為佢都系買俾細路玩/俾錢佢地自己買等等..

同埋吾會知呢D玩意既..

abbozto

同樣唔知 CoCo 件事 ... (話說呢個 topic 係咪出去閒聊區較好 - - ?)

講起金銀, 當時大奶罐好似係苦手於回復 + 滾動呀 ... (以前無腦咁打, 連皮皮都未必打到)
然後小樁龍系又係好難打 ... 其實係因為以前四色因為 surf 而大卡關, 所以係金銀先真正開始打龍系精靈
小渡就更加唔使講 (呢個時候淚面一下)

...
btw, 其實每人打 game 都有唔同著眼點
我家姐都有玩黑白, 但係佢前幾日 search 黑白2 攻略個陣話見到一大堆配招, 努力值 ... etc.
"嘩, 玩個 game 都要計哂數咁辛苦 - -"
呢種係重破關享受而唔玩對打, 只不過唔同我地重對打啫 ...

(話說話人幼稚, 有一種解釋好似係話, 話人個個會對此產生優越感 / 滿足咁, e.g. 嘩, 你話 pm 呢啲咁幼稚啲game架 ? >>> 可能會反映到自己唔玩好叻好mature唔低B的自我滿足感 ... 所以, 等佢地自娛一下啦)

another btw, 我 9 月入 U 啦, 肯定拎埋部機入 hall XD 然後畫張 PM 圖貼係間房入面
(已經有好多比我年紀大的人發聲了)