想請教下各位 大家覺得"關你咩事"呢個說話係唔係好冇禮貌?

pichu

點解性別揭曉後成個post突然間變得理所當然...sosad

oy21089

鬥氣啫，你搵次問佢係咪仲嬲緊，而且講清楚你無嬲過，睇吓有無得掹

在下都試過類似事情而失掉一個好朋友，不過當時彈「關你咩事」嗰個係我…
(我而家仲好後悔，真的

music

其實我齋睇文係以為樓主是女的

abbozto

萬惡的性別定型？

個人認為對話到了這種程度就很視乎雙方的即時反應
話說重點要否應放在 whatsapp 上？
但凡任何句子放在 whatsapp 上都可能變成多種語氣

secret

本人對此類性別定型表示強烈抗議。
用「抱歉，我現在不想說」怎想都比那句好得多。

3DS之子

哈哈 好熱鬧^^

其實我同意WHATAPP的語氣會影響呢一點
以前都係MSN之類的地方因為誤會人地的語氣而出現鬧交
不過由於小弟曾不只一次以親耳的形式聽過呢位朋友講"關你咩事"呢句說話
所以小弟會知道對方係咩語氣
(每次聽到呢句說話心都唔好受 不過直到今次小弟先發問)

事後兩日我再同佢講番
佢話原來佢平時都好隨便講呢句說話
除左對佢呀媽唔會之外...
佢話呢句係唔鍾意其他人知佢私事
--------------------------------
感到意外的係

貌似呢次係小弟發過咁多膠POST
唯一一次大家竟然同意我而唔係認為我的諗法有問題~V~
本來我發POST果陣
都諗緊今次會唔會又係我錯
確實小弟係呢方面仲有太多野要學習
今後我可能再會發類似的疑問
希望各位繼續幫忙提供意見~~
真心THX

~ 流星*索羅亞克

對於講(關你咩事)個果人,在下覺得她/他係一個非常之無禮貌的人,朋友之間講呢句俾著係我,我接受吾到囉,仲可能會絕交!

Antony820

其實好睇講既時候咩語氣
有時真係會找呢句開玩笑

yukiwan123

笑笑口跟你說關你咩事就無所謂~

海風仔

有禮貌就當然說不上是
但是否已經進入"不禮貌"就視乎情況
個人認為問題不大
每一句說話 總有人認為有問題 有人認為沒問題
其實有時候同一句說話 對不同的人來說可以是"幽默"和"串"的分別
有時候真的是fd底才會"開口埋口互相串 互相疾住晒"
e.g.
A: "今日呀X生日"
B: "你覺得好好笑?"
A: "好笑過你少少咁" 或者 "都唔係笑話 你唔係笑點咁低呀嘛?"
你可以看成是互串 但看得開一點 只是朋友間互相取些娛樂
如果樓主是位是初中或以下的學生 就要學懂看開一點
如果樓主是高中或以上學生 或甚至已投身社會工作 就更要看開一點
這社會上真正沒禮貌的人多的是

另外 個人倒認為在面對面對話當中 用詞倒不是重點
語氣等等才是更重要的決定因素
於面對面對話當中 電光火石之際
控制語氣 表情各樣的同時 有多少人真的能夠同時調整出合適的用字?
而在你眼中的適合的用詞 又是否真正是適合的用詞?
每個人的尺度都不同 或者"唔想再提"的確比"關你咩事"有禮貌
但"唔想再提"是否已經是有禮貌的字詞? "可唔可以唔講"等呢?
更何況"唔想再提"跟"關你咩事"於意思上有點分歧
前者較接近"連自己都不想再提起" 而後者可以是純粹"不想給你知道"的意思
看開點吧 或許閣下仍然年輕 再難聽的說話 你又聽過多少?
(利申: 我就成日講既 )

雖然目前接受不了 但亦奉勸樓主要嘛接受了 要嘛跟當事人表達一下自己對這番說話的感覺
不過留意返 後者換來再一句"關你咩事"的機會頗大

P.S. 你可以試下下次如果佢話"關你咩事" 你答返"唔係連我都唔講得呀嘛"
佢點答你就學咗佢 下次到佢講返"唔係連我都唔講得呀嘛"果陣 原句還返比佢