想請問以下案例 公道一句其實算唔算放飛機

比卡

係咪剩係得我覺得樓主係想搵人認同自己係受害者?

Ken

其實如果我係你
真係想一齊去既話
我會講低去既就叫埋我

你講「如果你出 我都可以一齊出」
唔夠肯定

不過如果我係你個fd
無論點都好都會講一聲
畢竟我有開聲問而你又冇話唔去

3DS之子

music 發表於 16/8/2014 10:36 PM
咁你同佢既另一個FD係咩關係先?
唔識既?同學?唔岩既同學?唔熟既同學?

我唔識佢另外果個FD的

不過佢聲稱另外果個FD想同佢出去好耐
所以先咁樣~

其實有關係咩~~?
前一日佢又唔講
何況之後我知佢地出左
佢又話"你可以出番來 我地唔介意三人行"
咁即係你內心都認冇叫我係疏忽啦~?

3DS之子

Ken 發表於 17/8/2014 01:34 AM
其實如果我係你
真係想一齊去既話
我會講低去既就叫埋我

嗯 同意的
可能我咁講
令佢誤會左我只係可以出

諗下諗下
其實嬲都係嬲在自己真係傻傻地等佢CALL
之後知道白等左果下
但通知聲係禮貌MA
係我自己的角度睇
"睇下點"的意思唔係"佢唔叫我去 只係佢自己唔肯定係咪去"
結果竟然係咁樣



回番比卡
大家的處事手法可能唔一樣
但可以肯定通知一聲冇死 亦係禮貌的表現來
(小弟自己就多次咁做 朋友都認為係有交帶的表現)

如果大家覺得唔通知冇所謂的
咁以後你地如果有重要朋友/甚至女朋友(男朋友)
想出街 你話左想一齊出
最後佢真係出左 但唔通知你 搞到你白準備
你唔好怨.... 真心果句

music

3DS之子 發表於 17/8/2014 02:58 PM
我唔識佢另外果個FD的

不過佢聲稱另外果個FD想同佢出去好耐

佢: "你可以出番來 我地唔介意三人行"

咁你仲嬲咩....
況且如果同佢去果個FD你唔識既, 咁正常係唔會叫埋你一齊出


你話可以去果陣, 佢根本唔肯定係咪去, 咁無端端, 特登咁再同你講你唔駛去啦, 我同另一個人去, 我覺得仲怪過唔知會你, 亦好唔好意思....
"可以一齊出, 睇下點"果段對話既環境同氣氛, 我諗應該係非常隨意, 佢既角度睇你個句可以一齊出, 應該係講下姐/佢唔當一回事...

總之一個諗少左一個諗多左lor.....
況且佢都已經知道你既不滿, 知道佢處理得唔好囉, 咪算囉

比卡

3DS之子 發表於 17/8/2014 03:05 PM
嗯 同意的
可能我咁講
令佢誤會左我只係可以出

你本身同你個FD點交代我唔知,反正由受害者覆述出黎就一定省去左好多細節
人地點樣對我,同我點樣對人係兩回事

你最後果段野完全係無邏輯可言,我建議你隔幾年再番黎睇番呢段野,相信會有所感悟

火岩鼠

我既話覺得通知下好Ｄ 不過唔通知其實都無咩錯...

草蝶翠

有多少人會取消一個沒約好的約定?
您說「可以」,他有沒有說「好吧」?
為何您會覺得「諗住出果陣實CALL我」?
您為他直到兩點坐在家中等他電話他哪知道?
為何他要被一件他自己也不知道的事被怒?
個人認為,「告知一聲」...可能是禮貌吧...(雖然我好像沒怎收過告知一聲)
但朋友之間哪些禮貌會被省略...這不能把自己的套在別人身上吧??

最後...

佢又話"你可以出番來 我地唔介意三人行"
咁即係你內心都認冇叫我係疏忽啦~?

求解讀法wwwwwwwwwww

3DS之子

謝謝各位

其實都係處事手法上的分別

我有交帶咁做而有人會認為此無必要

係我以自己認為有禮貌的做法度人

我冇嬲了 (嬲都係果陣的事 因為白等左 而又真係覺得通知係有必要的)

開此帖的目的唔係要同呢位朋友爭辯

咁並無意義

只係想搞清楚到底係我多此一舉 定佢欠交帶

想吸取一次經驗

從投票結果睇

的確有一部份人認為通知係有需要的

結論都係"多通知一句 冇死啦..."


題外話一句
通常好多人訴苦都唔會講對對方有利的野出來
如果我係
我大可唔需要將佢講話"睇下點" 仲有以前叫我唔去的野講出來
唔公道的話並無意義
最多你可以話我只睇到我見到 記得的野
但我並無隱瞞

傻嘟

始終多通知一句的確係冇死
但係都唔可以強求人地會通知你
因為如果你出 我都可以一齊出
呢句本身就無任何約定既成份 你只係表示你果陣係free狀態
而對方都話明「睇下點」啫係對方仍然有無視你既權利
你係嬲既 你都應該係嬲點解你當初唔主動D

成件事有三個點你要搞清楚
1) 你冇要求 就算有都係好間接
2) 人地由頭到尾冇同你講過去就一齊去
3) 佢可能驚同你講hurt到你
第3點我唔知啦 但係你絕對要接受第1點同第2點呢兩個事實
通知係無死 但係對方無通知既責任
處事方法係唔同 但係佢既處事方法冇錯

你可能又話 你果種方法好d 禮貌d 但係成件事就無「約實」呢個情況出現過
用呢種理由唔係咁恰當 只可以話你中間FF左好多細節 而你又無真係主動做過D咩
對方又唔知你想點 點解唔可以係你果日打去再問多佢一次呢?