ORAS 積分雙打雨天隊求評

mic9714

綫上對戰既新手，雖然由gba藍寶石開始玩，到黑2白2就無玩，但以前係求其玩下爆機儲幾隻自己中意既怪就當玩完，無生蛋無研究配招個d。
一個月前買左複刻藍寶之後又買左y開始研究點樣練勁d隻寵，加埋因為3ds打綫上真心方便，半個月前開始打rank，
岩岩組左隊叫做雨天隊黎打雙打積分，隊野係我睇左幾個Po之後組既，原本個陣型係跟某三色雨天隊組，
一開始唔係好識成日比人4：0咁屠。
宜家打左二十幾場個隊伍改左幾次，換左三隻，叫做都開始順手d，但越打越覺得個隊硬係好似有d唔妥咁，
希望各位大師幫我睇睇比d建議睇下換走邊只or換d咩技能。

d努力值詳細係點唔係好記得，我記得全部好似都係252 252 6咁樣

牛蛙君  -物攻 +速  帶專圍  毛毛雨特性
努力值滿特攻，滿速度
滅亡之歌（其實想換，唔知換咩好）+  水壓  +  熱水 +  急凍光線
隊伍核心，正常情況首發

樂天河童 -物攻 +特攻 帶剩飯 輕快特性
努力值满特攻，滿速度
下馬威  +  億萬吸收  +  熱水  +  急凍光線   
我隊雨天隊既主力，正常情況首發

Mega巨沼怪 -特攻  +物攻 帶Mega石（廢話0.0） 濕氣特性，Mega後輕快（廢話0.0)
努力值滿物攻，滿速度
保護  +  地震  +  登瀑  +  岩崩  
一般情況下物攻手

Mega袋龍  -特攻 +速  帶Mega石（廢話0.0）   膽量特性，Mega後親子愛（廢話0.0）
努力值滿物攻，滿速度
下馬威  +  吸收拳  +  不意打  +  地震（呢招feel到要換，換咩會好d？）
物攻手，睇情況出，有機會會同巨沼一齊出，通常對面都係雨天隊既話我就會首發佢同火鳥，
因為我成日見d人見到我係雨天隊就出一隻有輕快既，再求其加一隻
其實我都唔係好明如果對翻雨天應該點，有無高人可以教下路

烈箭鹟  -特攻 +速  帶命玉  疾風之翼特性
努力值滿物攻，滿速度
勇鳥  +   火推  +  順風  +  保護
睇情況出，我見到對面雨天就會出，因為成日見到對面會就咁先發河童唔搭牛蛙出黎
有時見少counter會擺入隊清場

音波龍  -物攻 +特攻  帶專愛眼鏡  穿透特性
努力值滿特攻，滿速度
龍星群  +  火焰噴射  +  音爆波  +  暴風
負責係特攻上counter對面，出場機會少，但係用得幾順，
以前

mic9714

唔知點解d字出唔到，其實我係想話以前呢隻係用黎打single姐

希望各位高人指點下迷津

abbozto

部分單字在這裡是無法顯示而且令後面的文字全數刪掉的
嘗試用其他字取代就可以了（所以發帖前最好將全段文字複製一次）

Ken

袋獸
用報恩/捨身撞應該比地震好?

HimTE

以下為個人少少既意見:hug:


每隻精靈既個體分析：

1）
牛蛙君配置上無大問題，速專快攻既打法起現環境黎講都算流行。招式方面多數為一水一冰（熱湯+冷凍光線），跟住一沖浪（配合隊友樂天河童黎既雙雨首發範圍快攻），同埋祈雨（對付Mega噴火龍Y，同turn內佢Mega完放晴黎取消左你起首發時既雨天後，因為你速專所以可以比佢快咁優先使用祈雨轉換番天氣黎到比隊友優勢弮o左對面Y噴）為最常見。不過當然可以依照你隊伍黎有部分變化，例如你成隊好怕Mega奇異花既話可以加入精神念力打點，成隊好怕草鋼既話可以加入最後手段既運氣彈（雖唔太建議）之類。

2）
樂天河童起道具上出現好大問題，於雙打中好少人會起一隻總耐久較低既精靈上使用剩飯的，因為雙打節奏好快，好多時隻精靈都撐唔住幾個回合就倒下，剩飯能夠帶黎既效益並唔高。現時流行既河童因為招式上被鎖死左草水冰三輸出+支援技下馬威，所以好多人會借用呢個無變化技能既優勢使用突擊背心，直接提高佢既特防能力，而物防方面就可以交比隊友既特性「威嚇」解決。努力值方面你可以試下調整速度努力值去針對想快過既對象，例如於雨天時快過努力值252速度性格無修正既速專靈獸土地雲等等為最多人set比河童既速度努力值底線，但有d人會投放更多速度努力值以此提高能夠對付既精靈（我之前個隻係快過努力值252速度性格無修正既速專靈獸雷電雲，主要原因係因為我個隊控速只有電磁波，但靈獸雷電雲並唔受電磁波影響，因此我要搵隻寵比佢快黎到拎個主動權擊殺佢）。點解我會話調速而唔係直接252速呢？因為好多時調速後個數值已經非常實用，直接252速會造成浪費點數既問題，同時你多餘既努力值點數可以放去hp峈咧麩巹S防上黎到提高精靈既耐久性能，咁樣提高努力值運用既效率。

3）
Mega巨沼怪既話，我個人認為冰拳＞崩石。冰拳能夠針對既野多好多，而你好多時崩石都只係拎黎打4倍怕岩既精靈（尤其係Y噴），但Y噴係可以用牛蛙君既特性無力化，所以基本上冰拳絕對比崩石更優秀。而努力值方面既問題同河童一樣。

4）
其實因為雨隊好多時因為雙雨關係，起選出時已經有好大限制，我個人認為雨隊並唔太適合雙mega，咁樣會令你選出方面難上加難。而如果你問到邊隻mega適合d既話，我認為兩隻其實都適合，需要睇你隊伍需要d咩黎到去定。招式方面，地震就算吧...雙打中Mega袋獸使用範圍技並唔會有兩下攻擊效果的...同埋你個隻無普通係輸出既話其實間接廢左袋獸。唔好以為普通系無野剋到就唔用，有時屬性修正攻擊比屬性剋制攻擊更強呀:hug:。所以配招應該為「下馬威/保護+格+普+惡」為最正路。

5）
烈箭嘴一直都非常適合雨隊既飛行系精靈之一。因為佢既強力飛行系可以威脅住好多用黎剋制雨隊既草系精靈，令到佢起彌補雨隊弱點呢方面好強勢。同時帶有既火系招式能夠打下4倍怕火既鋼草之類。個人認為呢個位置無乜大問題，可能換上專愛頭巾並換上4攻招/3攻1干擾效果更好。

6）
定位有d同上面重疊左，好多時雨隊需要既唔係一d全力輸出既精靈，反而係需要可以應對唔同情況既精靈，所以基本上呢2隻飛行系係2選1。


改善方案：

雨隊既話就不彷加鋼系吧。而家既鋼系非常強勢，可以直接欄住多隻Mega精靈（袋獸、沙奈、暴蠑螈、巨金怪），同時弱點既火系能夠得到雨天彌補。鋼系之中可以考慮既包括、，Mega精靈有，等等。而飛行系個兩隻都要二選一，同定位既精靈唔需要太多。然後再好好諗下你個隊怕d咩而去諗對策，例如你整隊遍快既話，「點樣打欺空？」，又或者「天氣隊為主既放晴Y噴、風沙班吉拉隊呢？」之類。




BTW我遲下會更新VGC15雨隊介紹，如果到時都仲有雨隊既問題可以睇我post∼

mic9714

HimTE 發表於 1/9/2015 05:51 PM
以下為個人少少既意見

多謝指點，講得好清晰，睇完當堂明左好多。
其實係睇到呢篇之前我已經將袋龍換左Mega Medicham +物攻 -特攻 努力係滿攻滿速
技能係保護  +  子彈拳  +  吸收拳  +  下馬威
你覺得呢只o唔ok？

mic9714

睇完你地兩位既意見之後我將牛蛙君既技改成熱水 急凍光線 祈雨 精神干擾
樂天河童準備重刷做204速 252特攻 54 hp 帶AV背心
配熱水 急凍光線 能量球（呢個係自己想咁改，因為好多時用giga drain都係差少少先殺到） 下馬威

音波龍換左做三頭龍 +特攻-物攻 252特攻 252速 6hp 帶專愛眼鏡
技係龍流星 火焰噴射 鋼砲 惡波動

袋龍換左做巨金怪 -特攻 +速 252物攻 252速 6hp
技係臂錘 子彈拳 思念頭槌 地震

咁樣係咪好d？

dolphin_ice

HimTE 發表於 1/9/2015 05:51 PM
以下為個人少少既意見

原來火雀可以咁用, 真係又學到野.
多謝晒.

HimTE

mic9714 發表於 2/9/2015 03:13 PM
睇完你地兩位既意見之後我將牛蛙君既技改成熱水 急凍光線 祈雨 精神干擾
樂天河童準備重刷做204速 252特攻 ...

就咁睇無乜大問題，但你隻巨金怪係咩道具？同埋我認為有三頭龍+巨金怪既話，牛蛙君唔太需要用精神念力，用沖浪更有效發揮到雨天既壓制力

mic9714

其實我開Po個陣係1400頭（I mean1400-1450）改左隊之後即刻輕鬆打幾場就上左1500
呢到有兩場我千四個陣無啦啦抽到d千六，千七既人黎打（其實仲有一場，三場都win，不過前日打，所以唔記得係邊場）
第一個我記得個分係168x
Code：G6pg-WWWW-WW2N-2C3X
呢場因為有耿鬼我pick左三頭龍，巨金就攞黎打袋龍
第二個係175x
Code：D6SG-WWWW-WW2N-2CX9
呢場因為有暴露菇所以我pick左六代家門鳥，巨金用黎打三頭龍同袋龍

希望你地睇完可以比d意見我