[轉貼]細個的經歷

Pannnnn

哩輪成日上討論區, 諗返細個D野, 想同大家分享下, 睇下大家有咩睇法....
唔知點解我好似冇6歲前GE記憶, 所以我講GE怪事都係小學一年級之後到初中發生GE. (其實我總覺得6歲之前應該都有D事, 不過6歲之前GE事, 真係冇記憶)。我成個小學時期都住係一村屋入邊, 我屋企住3樓連天台, 最多怪事就係係度發生... 我會盡量分段分好D講架啦...
首先講下條村個環境先...
條村好似本身住個D都係原住民, 係有祠堂個D村黎架, 成條村D人都好迷信, 門口掛哂野個D.... -___- 真係好鄉下個D村黎架, 屋企對面有小溪(仲試過見到有螢火蟲!)仲有人養雞...

然後間屋..
我地隔離係條村最大GE一間屋, 個間大屋同隔離D屋方向唔同, 成個局係, 間大屋係正中, 然後2邊我地D屋仔就似係扶手咁, D屋仔都係大門向住大屋, 旦係大屋正面就係佢自個大花園。我地間屋住個陣樓齡已經超過十年, 殘殘舊舊, 我屋企住3樓連天台, 由地下大閘上屋企條樓梯好窄, 得一個近地GE茶玻璃窗仔, 冇乜光, 有時都覺得好陰森下.... -___- 夏天條樓梯同屋企都好涼爽, 去完街一返到去好似開左冷氣咁 -___- 細個有次發脾氣走左出家門, 係樓梯坐, 但係真係寒到頂唔順, 死死地氣又走返入屋, 個陣暑假 -___-

先講應該非靈異, 但極奇怪GE大自然事件:
(一)
有次下午, 有隻雀(好似係麻雀) 係露台飛入黎, 其實佢飛得好快, 真情係衝入黎! 佢仲要叫住咁衝入黎....一直線咁撞左去衣櫃同牆形成個角度, 即場爆血死左.... 個陣得我係廳睇電視 (露台一入黎係廳), 所以得我睇住, 呀媽係我叫佢先係出黎....
(二)
有次夜晚, 又係我自己一個睇電視.... -____- 今次係天台睇電視, SOFA靠窗, 所以我就背住個打開左GE窗好入神緊睇電視。睇睇下想訓低睇, 點知一傾身就有隻貓頭鷹飛, 個速度又係好快, 我又會話佢係"衝"入黎, 佢飛到個電視上邊個類似屋樑GE位置俯視我.. 個陣真係唔知郁唔郁好, 好驚佢衝落黎啄我 對視左一陣, 佢就係另一邊個窗飛走返..... 如果我個刻唔係想訓低睇電視....被隻貓頭鷹襲擊後腦, 我真係會從此訓低左......
(三)
另外仲有一件, 比較唔關事, 但係我都覺得好神奇GE...就係有次有隻甲殼類GE飛蟲又係一直線咁飛 -___- 衝左入我件3入邊, 然後就停左我手臂度 -_____-

然後真係靈異事件, 由最冇乜野同濕碎個D講:
(一)
樓上係天台GE人多數都聽到鞋聲...我都唔例外... >__< 不過唔係一開始就有, 係我搬左出廳訓先有。我細佬出左世之後, 廳就放左碌架床, 我就訓上架, 同天花板勁近, 近到坐起身要小心D先唔會撞到頭... -___- 天台係我地屋企, 唔係公家個D。訓之前會鎖門, 上天台條樓梯係廳, 如果屋企人上去都會經過我張床。我聽到個D鞋踭聲好一下一下, 仲聽到係由天台一邊走到另一邊....  成日都聽到...... 所以我細個晚晚都好驚下...
(二)
係我哥講GE, 因為我而家有時都會諗起哩間屋GE事, 一問之下先知原來我哥都有D野....佢話有次得佢一個係屋企, 佢係房, 然後聽到張電腦椅(木椅)係咁EE聲, 佢唔敢郁, 繼續扮訓等我地訓黎先冇左個D聲.... 然後佢先敢郁, 即刻出房...
我哥係細個個陣都成日遇到哩D事架..佢仲話見過><
(三)
有次夜晚入我哥房關窗開冷氣, 伸手出去個刻有個白影飛過....>< 真係嚇死我... 之後出廳坐, 僵哂唔識郁, 心跳好快......仲係咁諗好多理由解釋..例如我轉頭轉太快, 係廁紙etc... 經過個次知道人好驚個陣係唔會嗌出聲架... 但係真係會抖...
(四)
有次係哥間房書枱做功課, 覺得不停有野撩我對腳.... >< 仲硬係覺得愈黎愈黑同凍...我哥間房本身就怪怪地, 成日都好暗好凍, 中午開哂窗都係咁, 隔離主人房個窗方向一樣, 旦係就好光好暖
(五)
有次晏晝自己一個係屋企, 拎住個銀開聲問"銀仙銀仙你係唔係度呀?", 我唔信個D野架, 旦係唔知點解愈問愈驚, 間房氣氛愈黎愈陰森同凍....即刻開哂D露台門, 窗個D都仲覺得好寒..
(六)
小學, 有日訓醒, 發現自己件睡衣反轉仲, 仲著得好亂, 冇扣哂, 好似披住下咁 (我肯定琴晚沖完涼係冇反轉架, 仲住得好整齊!) 我估可能丫媽半夜見我熱同我除過件3, 問佢, 佢竟然話佢都係, 訓醒發現件衫反轉左...

而家開始係比較長同我覺得恐怖GE事:
(七)
小學有次發燒發得幾勁下, 呀媽就叫我訓我哥間房, 之後我就訓著左, 仲發夢, 訓到最後, 就出現左個好奇怪GE狀態, 我醒左, 但係又醒唔到。我醒左係, 我聽到屋企現實中發生緊GE事, 個人又郁到, 仲感覺到件被GE質感, 但係我就係開唔到眼, 醒唔到。個刻係意識好清晰咁好焦急, 好驚, 腦個畫面係一個白色GE診所, 認知知道自己行緊過去咁。明明醒左但係又醒唔到, 真係好驚好心急, 好想叫人黎拍醒我, 旦係又開唔到口, 個刻真係覺得自己係被困係個夢入邊, 好驚自己永遠都醒唔到! 之後就係咁心急左好耐, 突然一下就醒左, 個感覺好似隻耳仔入左水之後突然間D水冇左咁。成身冷汗, 即刻起身...
(八)
小學, 個陣我訓廳, 訓個陣背向大廳,面向牆, 個陣夏天開左冷氣, 應該最多聽到冷氣聲... 但係個晚我聽到水聲.. 個水聲好似係有裝滿水GE大盆, 然後有人係咁搖佢咁, 好大聲, 我聽到哩個聲係我背後傳來, 好似係係樓梯個邊傳黎, 聽左好耐真係好驚, 又唔敢郁, 唔敢開眼, 但係真係愈黎愈攰, 旦係又聽住D聲又愈黎愈清醒同緊張。過左好耐, 真係到左極限, 唔知點解個陣咁有膽, 一下轉身望向後邊.... 乜都冇, 連個聲都冇埋.... 之後又另返轉繼續訓, 又聽到, 之後又拎轉去睇, 又係冇野又冇聲, 來回大概3次, 之後就冇再轉身睇, 係繼續向牆, 聽住D水聲, 聽下聽下訓著左...  -___-
(九)
哩個係我媽GE經歷, 佢唔信有X, 佢話因為佢未見過, 但個次佢就有少少驚。有次朝早我同呀哥返左學, 我呀爸都同我地一齊出去, 佢返工, 我地6點就出左門口。就係我地走哂之後, 我媽話佢訓訓下就聽到有細佬仔聲嗌媽咪媽咪, 佢覺得奇怪, 因為佢知我地唔會咁早咁嗌上屋企, 驚嘈到人, 不過佢諗我地可能真係漏左野, 然後又冇拎鎖匙, 就諗住起身, 但係起唔到, 淨係開到眼, 個"媽咪媽咪"都仲係未停, 之後過左好一陣, 佢見到個窗簾啪落窗之後就郁到啦, 之後就發現有左我細佬..... -_____-
我媽係個D靈感幾強GE人, 佢話細個有晚夢見佢個AUNTIE一邊食自己手腳, 一邊同佢道別, 之後我婆就收到消息個AUNTIE琴晚死左.... 我爺死個日, 我媽又話佢個日晏晝一直好想收工, 好唔安落, 之後就收到醫院電話....

係間村屋發生GE事就係咁上下啦, 可能有D而家唔記得左, 記得先再補, 個度真係有D怪, 發生左太多事啦... 係個間屋個陣仲同鄰居都有爭吵, 同隔離屋啦, 二樓同地下都係..... 之後地下個家人搬走左, 到我搬走都冇人住入黎, 二樓就一直都係個度住, 旦係佢地又係成日家嘈屋閉, 個老公唔知點解, 好蒼白, 成日好似冇乜氣咁... 老婆就成日都好燥咁, 對眼好似充滿怨氣, 仲唔知有咩病, 頭頂D頭髮甩駛不單止仲流血流膿..><

之後搬左去第2度, 都發生左2件小怪事..
(一)
個陣已經中學, 有晚訓覺, 感覺到好似有隻手係咁撩我頭頂D頭髮.....我床頭靠牆... 但感覺到有人幫我頭頂5指梳囉.... 個陣真係成個頭皮都麻哂><
(二)
有次係房望出去, 意外望到去廁所, 見到我呀爸企係度對住鏡剃緊鬚, 個陣諗原來呀爸返左黎啦? 不過點解冇啦啦閒日仲咁夜剃鬚? (一般佢都係星期六朝早好等閒, 先會好似我個次見到咁慢慢剃....) 之後我就睇到佢冇下半身囉...... -_____- 不過之後好彩都冇事發生!









補:
(一)
中一, 仲住係村屋GE時候, 不過今次唔係係屋企發生 (而家諗到, 先發覺原來有過怪事唔係係我屋企發生...) 有次中午, 行過上水天平村救世軍學校荒廢左個個門口, 就係巴士站後邊, 個度隔離好似係天美樓定唔知邊棟, 好似係好多人跳樓個棟.... 個門口已經生哂草同攀滕個D架啦, 我見到有個呀婆坐左係個門口個石壆上 (個石壆唔係馬路邊個D, 應該係間學校門口設計GE一部份, 幾高下, 真係可以坐, 唔係要蹲落去個D), 個呀婆唔係向住行人路方向坐, 佢同我係大家形成係擦身而過GE方向, 不過佢由頭到尾都低頭望地下, 所以冇望到佢咩樣。

我會望佢因為, 1, 直覺同習慣望迎面GE人 -__- 2, 佢好似好攰, 個頭都dup到真係好低, 又唔郁 3, 冇乜人會坐個度, 可能因為要坐上個石壆要用D力 (有D高度)同埋, 冇記錯GE話個石壆同行人路之間係有條隙, 而條隙生哂草 4, 佢冇'行李', 一般見到D呀婆, 特別個陣係天平村見親個D都拖住一袋二袋汁汽水罐個D, 但係個個呀婆就連個隨身GE袋仔都冇.... 個陣日光日白, 街上又多人, 所以我真係憚冇忌憚一直望住佢行過去....- - 但係得我一個望佢囉.... 我個陣仲諗唔通得我一個覺得佢怪怪地? 行過佢之後, 我諗住回頭再望多佢一眼, 點知回頭就冇左人.... 視線所及GE地方都唔見.... 不過唔知點解個次我又唔驚, 只係到而家都覺得個呀婆個身份係個謎

(二)
住村屋個陣, 我細佬出左世, 訓完好耐氧氣箱返左屋企冇耐, 有幾次佢真係呆左咁望住一個方向, 隻眼珠真係定左, 然後佢咁定左幾秒, 之後就狂喊, 喊個陣對眼瞇得實一實, 喊得好勁仲好耐... 我身為一個旁人見佢突然喊, 真係會諗好多野自己嚇自己.....>< 猶其我細佬早產好多, 天生身體差...

仲有一件應該唔係... -__- 有關電腦架, 係咪有隻毒定唔知咩會係電腦突然彈出個女鬼畫面??  有次我小學個陣同我哥一齊玩電腦, 排排坐, FULLSCREEN咁玩左好耐, 之後突然間個畫面由個GAME個畫面變左個背景黑色, 有個長髮女鬼GE頭, 佢有隻眼流緊血, 仲有佢隻手 >< 真係突然俾佢嚇親!! 我地彈開左, 我哥即時爆粗同直接熄機, 之後佢話:中毒! 有冇人試過??

最後順帶一提, 我之後決左志信耶穌基督, 就冇發生過怪事lu~

newplayer

我信l....but it's really terrible

try something

yannie

是真的嗎?我不信!

006goz

靈異物體信則有,不信則無(玩曬啦里句xd
不過可能有些可以用科學來解釋的
當然可能如樓上所說是心理作用...
是否有靈界出現就無從稽考

jochen987654

我自己都唔會信呢D野(科學才是王道)
好多時候其實只係心理上既問題
你相信有呢D野,就覺得呢D野存在
正如有幻覺既有都覺得見到既野好真實

小君

中心句:
最後順帶一提, 我之後決左志信耶穌基督, 就冇發生過怪事lu~

小霞fans

killerjo