做左兩個月三三四學生後感…

笨{♥}Bang

其實我唔係好鍾意呢個新學制…

講下學校政策點解令我唔鍾意先…
我間學校都係Band2頭左右啦，我揀左歷史+經濟+地理，
都算OK既就係分左三個Block比我地，每個Block揀一科，上堂果陣就周圍走…
但係咁樣真係好浪費時間，周街調動輒就要用上五分鐘甚至更多既時間去等齊人，
因為其實好多人都趁呢個空檔去左廁所先，之後又特登拖慢黎行…
令原本就唔多既上堂時間縮得更短。
最緊要係放Lunch之前萬一有選修堂上，我呢個做班長keep鎖匙要等Ｄ人番齊黎再走…
每班放學既時間又唔同，成班打散晒，有Ｄ去左實驗室有Ｄ去左唔知邊度，
其實真係唔可以次次都等果一兩條失蹤左既朋友擺好Ｄ野然後先鎖門…

另外就係老師既問題，
我學校以前教高中既老師普遍都係有經驗而且口碑都唔錯，
但係學校搞左334之後，有一Ｄ老師轉左去教通識，搞到學校一次過請左六個老師，
如果佢地教番中一實習下都唔緊要，最慘係我經濟同地理都係新黎既教，
佢地教唔曉都算，最大問題係佢地唔識應付我果級比較差果一班人。
上到嘈到拆天已經唔理，條友可以犀利到果班友係度踢西瓜波差Ｄ踢中佢都唔捉果班友去見訓導，
我唔敢講我係咩勁人，但起碼我上堂想聽書，而家咁樣搞到根本上唔到堂，好多野都要自修。

仲有我學校要逼我地中五果陣Drop一科，
我本人冇所謂，但我有D同學想出國留學既，
如果Drop左一科，出到去Ｄ人又唔理你通識、中文、英文(人地suppose你識英文)，
姐係想出國讀大學既到頭黎得番三科去報（數學+兩科選修科），
佢地話咁樣搞到要晒多D錢讀果度一年既高中先升得上大學…

同埋我覺得學制本身setting都唔好，
首先我好質疑通識對啟發思維既效用，
唔知你地學校係唔係，我學校到頭黎都係叫我地係咁背野，
上堂Ｄ人根本係自己傾自己野，發表意見果陣先慢慢諗。
咁樣同以前死記硬背其實無乜分別。仲要加重左我地既負擔…
一個cycle上5堂通識，就係英文堂到cut左出黎，上英文堂時間真係唔夠，
尤其是我果班就係集中好似我咁英文差到彈起既人…

另外combined science(CS)呢科，
兩科當一科讀本身就怪雞，但係剩係讀正常課程既七成，
讀CS既人本身要讀既野係多過人地一科要讀既野，課程進度亦都相對要快。
咁樣其實學生吸唔吸收到係第一個問題，第二係學生有冇能力負擔咁多野…
諷刺地，出到社會，你bio/chem/phy既知識因為CS cut左正常課程既三成，
所以你出到黎都少左人地所得既好多，但係你係高中過程又要用多Ｄ勞力同腦力去讀…
我十個朋友有十個朋友都話CS真係浪費時間…


最後係新高中課程難度同埋學既野介乎舊制中五同中七之間，
唔好講海外人，我地呢兜友連本地人都未必夠同佢地競爭。
上到大學，一班讀左預科既人一定係知得多Ｄ、學得多Ｄ，優勢亦都大Ｄ，
咁我地其實好輸蝕。

我知自己講野一舊舊，但純粹係想搵個地方講下，
我覺得我真係做左白老鼠，其實我唔介意舊制，
雖然舊制課程好趕、暑假又可能要補課，但係辛苦一時，享受一世，我真係無乜所謂。

我唔敢想像三年之後，我地呢兜友會變成點。

雷..

30# 雷..  
大學可不會因為這個緣故而增加學位/減低內地生學位
Royal 發表於 4/3/2010 06:03 PM

                               
登錄/註冊後可看大圖

對啊, 所以才要提高中學生畢業的學歷

Royal

30# 雷..
大學可不會因為這個緣故而增加學位/減低內地生學位

雷..

相信考評局會因為希望d人支持334, 頭幾屆會評分鬆手d (?!)
然後考試報告就話轉左334 d人成績好左, 所以轉學制係正確

(光速逃...)

hk56740

LS有唔少題目都係叫人畀意見,有model answer既話,我地仲駛畀意見(因為實錯)??

路比

就係因為咁,所以我認為LS係廢同多餘.
hk56740 發表於 20/2/2010 10:52 PM

                               
登錄/註冊後可看大圖

你咪當LS係訓練你寫野要用字精準同具體lo。
而且通識就有基本知識題ga，有標準答案呢。

hk56740

其實我認為通識多數都是老師們主觀的想法

沒特定的答案，只是依自己的想法，如果那老師不喜歡你，說你錯，你也不可說是對....真無奈
slsps 發表於 20/2/2010 08:46 PM

                               
登錄/註冊後可看大圖

就係因為咁,所以我認為LS係廢同多餘.

~夏天仔~

我依家係讀緊中四既.我就覺得答通識d題目好冇方向,根本唔知應該寫咩,個miss又叫我地記concept,我就心諗:大佬呀,呢d咁既concept聽都未聽過,又鬼咁多,再加上每個人既睇法唔同,答題目時又唔知點為之岩,點為之錯,如果將同 ...
hk56740 發表於 20/2/2010 05:47 PM

                               
登錄/註冊後可看大圖

其實我認為通識多數都是老師們主觀的想法

沒特定的答案，只是依自己的想法，如果那老師不喜歡你，說你錯，你也不可說是對....真無奈

hk56740

我依家係讀緊中四既.我就覺得答通識d題目好冇方向,根本唔知應該寫咩,個miss又叫我地記concept,我就心諗:大佬呀,呢d咁既concept聽都未聽過,又鬼咁多,再加上每個人既睇法唔同,答題目時又唔知點為之岩,點為之錯,如果將同1份卷畀唔同LS miss改,分數差異可以好大.d題目又成日要我畀建議,我就當然答d我認為岩既野,點之個miss又成日話d建議唔得,唔畀分我.唉,真係畀佢吹脹.

Dragonite

基本上DSE的程度是接近CE多一些
所以不用擔心兩年半要把「CE加大部份AL」的東西全部食晒
就算是AL的東西，也是較淺易的
PHYCHEMBIO表面上大TOPIC都有齊了
但也只是略略地講（最經典的例子是CHEM的EQUILIBIRUM）
Royal 發表於 1/12/2009 01:46 PM

                               
登錄/註冊後可看大圖

同意
如果講CS,每個science科既知識連之前CE都不如