超級雙打個人心得

傻嘟

好 廢話少講 比大家睇下我個隊先

M袋獸 氣魄
+速-特攻 252攻擊 252速
下馬威+報恩+升級拳+突襲

波基克斯(飛機) 天之恩賜 @剩飯
+防-攻擊 防三角都有分努力 點分唔記得
空氣切割+跟我來+鳥休+順風
--------------------------------------------------
水家電 浮游 @大樹果(HP低過1/2時回復1/4HP)
+防-攻擊 252HP同埋大量防努力
十萬伏特+水柱巨砲+鬼火+光牆

利刃兵 不服輸 @生命玉
+攻擊-特攻 252速 252攻擊
打落+突襲+鐵頭+保護

精靈簡介
M袋獸
傳說中數一數二強既對攻精靈。
我比較鍾意報恩，強化後報恩攻擊力已經足夠，當然可以捨身撞擊，隨大家鍾意。
升級拳最大問題係對重量級鋼/岩精靈需要兩回合先殺到，例如波士可多拉、護城龍同滾動岩等等。
不過呢一類精靈對袋獸威脅比較細，我認為唔洗用到下旋去一回合解決佢地。

飛機
Follow Me既代表精靈之一。
本身天生高特攻值令到佢唔洗投資特攻空切都有好可觀既傷害，當然仲有萬惡膽怯。
至於點解用鳥休唔用保護下面會講，不過隨個人喜歡。
能夠幫袋獸吸走所有格鬥系招式。(不過我鍾意集火格鬥系多D

水家電
唔知講D咩好ww
鬼火+光牆係我勁鍾意既配置。

利刃兵
速度並唔太高既情況下，氣息腰帶係另一個選擇。
單睇精靈無咩好講

隊伍簡介
弱岩?
呢四隻好明顯其中一個問題係對岩攻比較有問題，但係因為袋獸、飛機、家電都高物防所以問題比想像中細。
呢一樣亦都係飛機裝鳥休唔裝保護既原因，因為單純既電腦經常不停用岩崩同石刃。

固定戰術
呢一隊既操作都可以幾公式，基本上第一回合有兩個方向既處理手法。
1) 順風+下馬威強制停止對方高速精靈攻擊，尤其係對面首發高速格鬥系，呢一個會係指定動作。
2) 空氣切割+下馬威雙重封鎖，對低速精靈算係幾高機率能夠係第一回合淨賺傷害。
做完以上兩個動作，通常都係袋獸升級拳強化/開始掃場，當然大家嫌悶可以第一回合就升級拳。
配合Follow Me飛機，成功強化之後既袋獸基本上係無人能擋。
放順風打高速隊基本上三回合能夠殺到對面無乜淨，所以唔多需要擔心順風完結後情況，而且成隊仲有雙突襲。

水家電與利刃兵既價值
認真，我真係好鍾意咁樣設定既水家電，鬼火重創對方物攻手，光牆特攻傷害減半，好好玩。
利刃兵輕鬆解決袋獸對干擾鬼系比較無力既情況。
兩者都可以剋制岩系，令隊伍弱岩既情況無咁嚴重。

第50層
唔係講笑，我認為五種超級模式裡面超雙50層係最惡。
係度希望大家唔會中首發水君+炎帝組合先，因為真係好煩。
唔知點解唔會miss既暴風雪/降速凍風+唔知點解次次都會燒傷既神聖火焰，煩。
基本上袋獸強化到又冇比神聖火焰燒傷既話就嬴左一大半。

超級雙打弱心得
1) 請冷靜操作。例如飛機係用空切同跟我來之間要慎重考慮。
2) 認清自己隊伍弱點，優先解決。例如呢隊對首發威嚇肥雀其實都有d難搞，所以通常會順風下馬威+第二回合集火優先解決。
3) 深思自己隊伍主角係咩。例如飛機Follow Me送死都要保住袋獸咁。
4) 少PP既招唔該用下PP UP...，尤其係去到第五十層會極之痛苦。

傻嘟

有諗過小飛機+輝石
但係小飛機冇空切感覺用輝石既話Follow me皮皮可能仲勁

abbozto

果然初段普及配置的mega袋獸就足夠了嗎？

上次村聚時玩了物耐輝石的波克基古
然後某打落了輝石後用命玉毒十字也打不掉波克我表示很爽

幾次都是被第41-49層的神獸們踢出來
自此以後我都沒有打超雙的心思了