今日終於集齊了！！！

楓花雪瑜

                               
登錄/註冊後可看大圖

等左呢一日好耐，終於集齊了…
由尋晚到今朝，就連今日番工都諗緊應該點講個開埸白…
但結果都係冇靈感…
後嚟望住呢張相，我腦海開始播放番惜日一啲片段，亦記起一啲回憶…

仲記得初初買gameboy就係為左玩pokemon，係我用自己嘅利是錢買～
其實我已經算好後先玩，因為最初係出紅同綠先，之後再出藍，最後先出黃版…（相中第一行）而我就係黃版出先玩…
初代四色版雖然玩既嘢唔多，但始終先入為主，好多嘢都好難忘，我諗大部份人最難忘應該就係黑暗山洞同恐怖既紫莞鎮？
（其實初代對我仲有好多回憶，但真係太多…所以唔可以係到講哂囧）

去到金銀水晶版（相中第二行），被稱為最光輝時期，16個道館，兩個地圖，日夜時間系統…後嚟水晶版終於加入女角…
但對我嚟講最重要係我發生過一件十分難忘既回憶，一個送超夢夢比我既大哥哥…（將來有機會再描述…）

然後寶石版（相中第三行）第一次進入新世代，GBA,亦係我第一次放棄左PKM…其中一個原因係我當時唔太接受到新精靈…其次應該係我身邊已經冇哂玩PKM既朋友…直到後來因為復刻火紅葉綠後無耐又出綠寶石，我同自己講今次一定要爆機…

正如上段所講，紅藍寶石出左年幾兩年後復刻左初代，今次叫火紅葉綠（相中第四行，為左重恰惜日既感覺，我又重番左呢個世界，唔知係咪因為曾經放棄過，然後又回過頭，我對PKM既感覺重左好多，我終於有想儲圖鑑既念頭了…

大約又過左年幾，終於進入新世代既鑽石，珍珠同白金版（相中第五行）其實呢一代冇乜特別，不過最轟動係有Bug捉配佈，唔知你哋有冇試過？我試左第一下步驟（對大門沖浪就冇再試了）回正題，今代由於換左要NDS玩，所以互動多左，多左個挖化石既小遊戲同舊精靈有進退化…而呢一代亦係我開始培訓所謂既最強小精靈，因為我曾經比人一隻滅全隊…
甚麼努力值吖，性格乜乜乜，初時聽到我一頭霧水…

後嚟又復刻番金銀，今次叫心金「魂銀」（相中第六行），我諗好多人應該聽過人讀錯做銀魂，懂的應該會懂其誤會原因…
呢個復刻應該係目前三代中最接近完美，聲音，畫面完全大改革，剩係可以叫隻精靈跟住你行都滿分！仲有個超好玩既運動會呢！

有最好既一代，就好易有被比較下去既後代，PKM最差既一代，黑白版（相中第七行）啲精靈樣衰到你呢…有幾隻我都仲未接受到…仲要冇舊精靈捉（爆機前）
不過劇情而言係幾好既，同埋畫面上既精靈終於曉郁了，不過就起哂角…（傳說佢哋想為將來3ds科技舖路，做白老鼠）
但賣相始終好重要…

黑白惡評如潮，兩年後佢出左個黑白2出嚟彌補！？（相中第八行）今次總數比黑白1好，因為故事上佢真係做得好好，有令人傷感既小妹妹比惡夢神整死既故事，仲有哥哥為妹妹千里拎番被奪去既精靈！另外PWT都大獲好評，終於有個好似聯盟比賽既玩意了（可惜後代冇了）

一年後，又進入新世代，3DS～今次名為X，Y版～（相中第九行）仲記得果時睇啲片段第一時間覺得讚嘆既係畫面，真係心入邊嘩左出嚟…靚左好多，其次就係新既進化，mega進化…結果奇異花再進化居然唔係奇異果…而呢一代開始終於好似onlinegame，只要連左線就可能無啦啦有人同你交換精靈甚至對戰…

而最後一行就係上年出既，亦係寶石版復刻，雖然係綠寶石時都曾經爆過機，但…只係一次（其他版我爆超過一次）所以我曾經話過，希望呢一次，我可以對寶石版更深刻啲，得到更多回憶…
唔知下一次…會係XY2？Z版？定又復刻乜呢？

呼，唔小心就囗左咁多水…
所以如果將來有機會，我曾經真係諗過…想將我係呢個世界既一切寫個自傳出嚟…
望住呢張相，除咗見到既係一堆古董，仲有一堆回憶，
除咗見証一個game既變革，仲見証住自己既成長…

楓花雪瑜

咳咳…先道向大家歉一下我而家先回post,
因為我想等我頭像重生先再上水，同時多謝大家既支持！
冇諗過會得到咁多人既回覆，引起大家既共鳴～
如果可以，我想遲啲開個帖寫哂每代我對佢既印象同回憶既事，希望可以比一啲後輩知道當以前網絡唔普及時，我哋係如何交流甚至氣氛係點…

原諒我唔可以回哂所有人同全部留言，
因為手機上村落不太方便…
我唔會儲其他PM作品既Game…因為我冇乜接觸過，不過主要原因係冇興趣玩，同埋冇時間囧
不過童年玩過GB卡game同彈珠機，唔知有冇人知，甚至玩過？

有一個會員話見人某啲精靈用到本來學唔到既招，
呢一點其實我識！
印象係金銀版捉虫大會既bug嚟…
我記得要準備兩隻pm,一隻係用嚟做個餅模（假設係大比鳥），一個當然係被複製（假設係大力鱷）
首先入捉虫大會時用大比鳥參加，入到比賽後用大比鳥飛番去等三館再行番去捉虫大會，之後佢又會問你用邊隻精靈，你揀大力鱷，咁你就會得到一隻大比鳥樣，但有哂大力鱷本身啲招既大比鳥
（老啦，印象係咁bug,有錯勿小我囧）

PS：幻藍大大咁有冇得頒個村落徽章比我做獎勵a_a

cbacbacba1

真心依家仲會玩既有 綠寶石 ， ss, bw2  而且玩的差不多全是對戰設施。。。

JUGGLINGPARTY

強帖必須讚
這帖勾起了大家回憶了

以前都只能看別人玩Game Boy
第一個接觸的是鑽石珍珠
所以前作都空白了
那時都是跟據自己對精靈的喜愛胡亂培養的
戰鬥塔到第30場便輸了
好奈之後先識努力值個堆

BW沒有了華麗大場很可惜
三打本來相當吸引的
但根本沒有甚麼機會挑戰
直到B2W2這問題改善了
不過看不懂日文不能明白劇情
部分精靈都好得意丫，木棉，花女，哥德小姐，細胞，圍巾鼠個堆都係

保育家只玩過第二集
爆機後隨了隨圖鑑（？）（破關時要省時所以不停避精靈）
和不停打塔就沒甚麼好做了
樓主有沒有玩其他系列？

希望有更多人繼續或者新加入Pm玩家行列啦
（咁就有更多人對戰XD

Antony820

這個不推不行呀
我接觸PM是從金銀開始呀
那時大愛路基亞!!

銀時表示:是銀他媽才對

                               
登錄/註冊後可看大圖

cat_wong_to

我第一隻Pokemon係水晶，
後來紅寶石也買了，
只可惜當年為賣GBA就連遊戲一齊賣左。

後來玩鑽石才開始了解什麼叫種族值什麼是努力值，
只當年的我懶得可以，即使知道也不願深究。
後來的BW讓我對POKEMON有了新了解，也越來越愛這遊戲，
BW2為了打嬴PWT我居然開始認真練PM了，也開始刷V練努力值。

XY把POKEMON主線遊戲從平面帶到3D，但個人感覺不太喜歡。閃光團的沒什麼特色，設計是純搞笑嗎?
故事劇情感覺很普通

ORAS不用多說，一賣大包之作。

最後一點感想，個人最喜歡還是BW2其次鑽石白金。
從廣告就被深深吸引，黑城白森，成就系統(我知道做成就是坑)，商店街和PWT等等都看到官方的努力。

Penny2013

當初由最舊版黑白gameboy跟同輩玩起的，當初親戚玩藍版時唔知呢d係咩game黎，直至電視播寵物小精靈先開始玩，受佢影響下我亦開始玩原有最初既紅綠版其中既紅版同其後先有既比卡超版。仲記得好似係流野黎=='，記得玩比卡超版最痛苦因為比卡超冇可能打贏第一個場館小剛既小拳石同大岩蛇，當年同輩中人都係規劃出一個做法，就係將綠毛蟲練成巴他蝶用一招較為有利既超能系招式攻擊，但而家心諗，非本係輸出又唔克對方，而且蟲飛四倍怕岩=='，不過最後都玩熟到唔使閃光都過到黑暗山洞。到金銀版，親戚買左正版銀版ovea$400，而我就去鴨記買流野金版$60，但其實我比較鐘意路基亞多過彩雀。當時流野可以復制道具同獸，即可以複制n個大師班同超夢夢，仲可以chok招，記得有人話超夢夢chok到狂咬同親眼見到火爆獸chok出沖浪，不過當時人就唔肯教我方法。寶石火紅葉綠珍鑽白金黑1都係玩電腦模擬器，最記得火紅葉綠寶石用金手指捉聖獸，心金銀魂無玩，到玩白2時，買左部nds諗住玩正版，點知個售貨員比左個網址我叫我翻去down隻game落去佢賣比我果張入面充滿oldgame既唔知咩卡度=='。直至xy真真正正擁有一機一帶，跟住就到而家oras了。

Shinobu忍野忍

我一開始果陣係鑽石珍珠先開始玩,出NDS果陣一聽到有寵物小精靈玩就即刻買~真係好玩

幻藍

pichu 發表於 18/1/2015 11:13 PM
讚一下大集合

BW呢...我覺得是部有贊有彈的作品

個人喜歡BW的地方

一反傳統的故事
-和以往的作品不同, BW的主線要以人類角色為中心進行故事, 館主等角角在劇中戲份大大增加, 並誕生了N, 青梅竹馬2人組等等個性強烈的角色
-內容亦不再單純是邪惡組織要征服世界什麼的, 甚至加入了擬似基督教的要素(?), 展開前所未有的壯大, 似乎是意識到年齡較高的玩家, 感覺非常新鮮

演出/BGM
-BW在很多地方都有以往未用過的演出手法, 例如戰鬥時的PM變成了點陣圖動畫, PM會因重量而在登場時有不同著地表現, 令PM看起來比過往作品更加生動
-個人比較喜歡的是道館戰中最後一隻PM的BGM演出和故事ENDING的立繪-->ED的部分
-BGM一如概往的都是神曲一堆, 當中比較異質的N的主題曲/N的房間/N戰/Ghetsis戰為劇情演出效果增添了不少BW獨特的味道

通訊機能強化
-到DP為止, 想要用WIFI連線對戰都須要輸入FD-code, 或者要另外買Wii+PBR, 但由BW開始終於可以直接用DS在網上隨機找對手, 就算身邊沒人玩PM都可以隨時找到實機對戰的對手
-直接用c-gear可以IR傳PM/對戰, 不用跑回PC, 比以前更方便了

至於BW有問題的地方

故事
-在劇情中地圖上的移動路徑完全是單線行車 , 經過一次的地市在劇情之中基本上沒有機會再去, 大大削弱了冒險的感覺
-故事主題得沒錯是很壯大, 但內容細節感覺上未有好好精煉過, 人物設定雖然很濃厚但並沒有描寫得很深入, 沒能把本作的主題"人類和PM的關係"和"解放PM"好好的演繹出來, 甚至強推一些否非萬人受落的價值觀, 故事當中亦產生了不少矛盾
-冠軍大叔淪落到被敵方組織BOSS幹掉了

PM設計
-部分PM的設計不太討好, 例如從草叢跳出來的那個穿道袍大叔之類的...
-神獸三大叔完全是COPY & PASTE

UI劣化
-每次load save都要問要不要開c-gear很麻煩
-下畫面固定c-gear, 不如HGSS的menu方便
-道具欄的分類機能弱化了

其他
-明明說UNOVA地方只有BW的PM出沒, 但爆機後卻有大量舊版PM跑錯棚, 甚至有野生鋼蟹等進化後PM大平賣...
-果實只能在PGL上種, 非常不方便
-在Pt/HGSS中所有競敵, 館主, 天王, 冠軍的graphic都會動的, 但在BW會動的訓練員只有N和青梅竹馬2人組
-相當於RSE的華麗大賽, DP的挖礦, HGSS的運動會的小遊戲要素幾乎都沒了, 取而代之的musical遊戲性非常弱, 而且沒有手腳的pm幾乎都不能玩
-瀕血BGM很礙事
-冠軍大叔要跟subway master 分享BGM用
-想集齊夢特性三主角要靠買攻略抽serial code

總的來說BW包含了很多跟過往PM的方向性完全不同的新嘗試, 當中也有些失敗/不討好的方地, 有些地方表現更比早一年推出的HGSS差
但綜合起來還算是一部好遊戲

PS: BW大部分問題都在BW2等到改善了, 總算為BW系列挽回一點名聲

BrotherFong

果斷讚了

我這個年紀鑽石版才加入的人恐怕只有我（而且是玩老翻）
小時候都是看digimon多，pokemon反而不太認識，
後來看到我弟經常玩到卡關，幫著幫著結果心動起來開game玩

鑽石版我自己大概玩了幾個月吧，由破表關到捉完所有神獸，但戰鬥塔就是看不到BOSS，
後來看到白金好像多了很多新東西就玩起來，後來又是卡戰鬥塔，才開始個體值性格之類的研究，
生了3隻「個體好一點」的精靈，我現在還記得是

                               
登錄/註冊後可看大圖

，

                               
登錄/註冊後可看大圖

，

                               
登錄/註冊後可看大圖

，那時候練努力值練到我要哭了，
努力的回報，就是他們成功帶我看到宿敵老爸，不過這場的勝利，也是我白金版最後一次保存
然後HGSS我無時間玩，錯過了有點可惜，
直接就是黑白版了，當初對精靈的做型感覺很一般，不過還是照玩，
後來的黑白2因為PWT的關係，算是彌補了我對前代館主的認識吧（不過居然漏了四天王），
之後的gen6，狠下心花錢把3DS跟X版買到手，才正式在村落活躍，直到今日的ORAS