兩年前的一件關於朋友的心事... 唔知有冇人想聽... 希望大家比下意見~

3DS之子

小弟自從三年前起一直係英國留學
雖然係去到外國
但係普遍香港人仍然會自己走埋一齊
兩年前我發生左一件事...
希望有心人可以耐心聽下然後比D意見

當時我識左一班朋友
(我係當地的HK朋友唔止呢班 不過呢班係當年同我一齊係英國讀ALEVEL的)
其中我同H同學特別FD
我同佢開始FD係源於一件事:
某日呀K,呀F,我同呀H一齊上MATHS堂
本來呀K同呀F係度吹緊水
我突然插左一句
跟住呀K用好古怪的眼神瞪住我...
果日下晝我就不斷諗住呢樣
諗諗下就打左比呀H
同佢講左呢樣野
佢應左D咩就唔記得
但係自此我地愈來愈FD

我地成日一齊去超市
出街又會叫對方
當時我地好開心
盡管佢經常係我耳邊講其他人壞話
(印象中我自己都講過一兩次)
但係佢好可靠 識好多日常生活的野
當時我對佢講的是非不置可否

直到二月某一日
成班人上來我宿舍度煮飯食
(只有我一個係住學校宿舍 可以提供呢個地方)
我地要焗雞但係搵唔到用來載野食放入焗爐的盤
當時呀H叫我就咁放入去
我唔知咁做會唔會對焗爐做成咩影響
隨口講左句"我唔敢"
跟住全部人望住我
呀H對我破口大罵
自此之後我感覺到呀H對我的態度有時好冷漠
但一時時又好似冇野咁

為左測試我的諗法
有次我要買一本呀H已經有的MATHS書
我突登問呀H借佢果本比我拿去書局問
(其實非必要 我只係想試下呀H會唔會借)
結果佢好順攤咁借左比我
當日下午我同呀D講起左呢件事...仲講埋我係想試呀H當唔當我係FD... (<<依家諗番好蠢)

自此之後呀H就真係再冇對我好面口過一次
我有次趁呀H自己去小食部買野
走埋去問佢係咪對我有咩不滿
連續問左幾聲佢先回我話"咩你咁煩架"跟住自己行左去
冇幾耐我走去搵呀W 我同佢都算幾FD
佢話我諗多左
仲話如果有咩事一定會支持我
另外仲搵左C同學 係女仔來 佢都叫我唔好諗咁多

直到復活節後某天
一班人又走上來
當時我出左廚房溫書
其間多次出入我間房
盡管我感覺到氣氛有D怪
過左陣呀D仲走埋出來廚房同我一齊溫書
表情又係怪怪地
幾日後C同學同我一齊去M記食野
佢好似有難言之隱 又好似唔開心咁講話呀H當日係我間房不斷講一個人壞話
但係呀C冇講係邊個人比呀H講
再過幾日佢終於都係同我講左
當日呀H不斷係我間房講我壞話
呀D就不斷幫我駁 駁駁下直程出埋房

去到五月呀D生日
成班人係某中國餐廳搞生日會
我當時就估計佢地唔會叫我
而且有不祥預感
當日下午我獨自去超市果陣撞到一個叫R的女仔
佢表情古怪咁應一應我就走左
之後我回程果陣突然收到來自M同學的電話
呀M話佢地有誤會 以為叫左我 想叫我依家去 我拒絕左

事後呀C同我講番
當日R同學同呀C仲有W係圖書館會合
R講起話見到我
呀C知道冇人叫我但係佢又唔方便叫 (因為唔係搞手)
佢地三個去到間餐廳之後呀K同呀H就一唱一和咁係咁講我壞話同扮哂野咁問做咩唔叫我
此刻呀M先知原來冇叫我
於是出去打電話
知道我唔來之後入番去講
呀K又再講多幾句
呀C終於忍唔住幫我講左幾句公道話
但係好快就回復氣氛

呀C知道我唔開心而且想轉校
同一時間佢又有事要搬過來宿舍
佢突登搬係我隔離房仲花左好多時間陪我傾計
(注:呀C同呀W係拍緊拖 據說W知道呀C成日同我傾計都唔係好LIKE)
呀C同我講起呀H一有位就講我壞話 其他人唔係附和就不置可否
我希望呀C同呀W唔好理呀H
呀C的確做到左 只有呀H搵佢OR有事要搵佢幫先搵佢
但係呀W之前話幫我 但係以我所知全程冇幫我講過一句說話
而且仍然有主動搵呀H
對此我好嬲... 我嬲呀W唔夠朋友又食言
佢唯一一點就係冇同其他人一齊講我壞話
不過當時我冇表現出來
另外我有同佢地講過之前呀H不斷講其他人壞話 包括呀C同W
點解呀W知道左都仲可以同呀H咁FD
我對此好唔明

呢年就咁過左
之後我仲偶爾有聯絡呀C同呀W
某次呀W不斷問我轉左校點算
我唔想答 佢又追住問
終於我火滾CUT左佢線跟住用SMS講左呢樣野
大家係SMS鬧左幾句就冇再講落去
雖然大家生日都有係對方FB留言
不過自此之後佢對我的態度唔太友好

大家覺得點....
認為我嬲呀W合理嗎?
呀W聲稱佢係幫我 但係係我角度佢只係中立...
點解我將呀H以前成日講其他人壞話的事揚左出去
佢地都仲同呀H咁FD...

希望大家比D意見
呢件事係我個心都纏住左兩年

3DS之子

抱歉
我再一次離開了一段時間
謝謝你們的回應~~

其實呢件事我都搵過一D比較年長的人傾
其中一個人曾經講個一樣野
相信大家都有係旺角見過一D街頭表演的人
有時佢地的表演可能好滑稽 跳的舞好搞笑之類
有D旁人會選擇笑佢地 有人會覺得佢地ONX
但係亦有人會選擇陪佢地一齊跳 癲埋一份
BTW, 無論當日點都好
到左第二日, 果班笑你的 讚你的, 都已經唔記得左你 各走各路
再睇番我地 其實人生會遇到好多流星朋友 一閃即逝
佢同我講話唔應該去記住以前一D唔開心的事
唔需要不斷諗住以前做錯的一D事 以為人地又會記住 正常係唔會
唔需要再理一D唔鍾意的人
因為佢地都只係流星

見到樓上眾人的回覆
真係好多謝~
對於"木守宮的蛙糧-PA"所講
我POST上來係應該希望有更多人以唔同角度睇呢件事
都岩的, AGREE
不過唔知點解 我覺得好多人之所以會以我唔應該干擾朋友的角度諗
係因為佢地未試過承受我果種心理情況 未試過身陷我的處境
但係就好了解做W果個角色的處境
C願意幫助我的同時原來佢都曾經被欺負
就更堅定我呢個想法

想起多年前
當有人有先見之明
預見到領匯收購各商場的後果而發聲之時
民眾炮轟的 竟不是領匯而是那個人
從現在來看
這是一個活生生的例子
即多人的見解並不一定是對的

你曾經話過必須出到聲叫人唔好理邊個邊個先係杯葛..
都可以咁講的
我的確唔知道H係講我壞話的同時究竟有冇叫人唔好理我

順帶一說
我現在跟H在facebook已經不是朋友
不過我曾經到過他的FB看過
當年的那一群朋友好像都沒再理會他似的
跟我差不多
那是不是代表
那群人在認為我有問題的同時 也看清了H的不良動機?

BTW,
就像上面所說那位年長朋友的話那樣
現在已經不想再多所回憶對錯
反正其實無絕對的對或錯
大家也各有錯誤的地方
我現在所想的
是有沒有需要繼續將W等人留在FB上
有些人如D之類的 偶爾還會讚一讚我的圖片
但是其他人則態度不明
不久前曾經在FB打過一篇文章
交代了焗雞事件的真相 也向W說了對不起
但至今他們沒有任何的回應
與其在胡思亂想
倒不如刪了痛快 各走各路?

PA

建議你再重看一次我#43的回應，還是不明白的話很抱歉我的表達能力實在只有這水平

sy

你也可以看看我42#的話是對誰說的，還有所說的支持是指什麼事

PA

這個問題，你可以看看我#43的回應再加一點思考就會得出我心目中的看法

sy

我又不是討厭世上所有種類的缺點
我倒是想問你是不是可以接受與500蚊港女成為親密好友
與殺人強姦十惡不赦大罪犯成為知己良伴

PA

無人完美，請問你人生裡是不是只有一個活在鏡子裡的朋友?另外支不支持你跟為人可不一定有關系呢，不是嗎?

sy

例如說，我不喜歡別人在背後說人壞話
然後我雖然不喜歡他的為人，但仍要和那人做朋友？
同事之間可以合作，但同時可以不是朋友

PA

我說的是接納其他人有自己的觀點
而不是接納其他人的觀點

sy

樓上所言甚是，所以是H不對在先
雖然人與人間應該包容
但像H這種排斥樓主、不懂包容的異類
其實也不必包容，不必與之合作