呢件事係關於小弟我 - 楓花, 驚心動魄既幾晚經歷
今次唔係我第一次既經歷,我第一次接觸靈體大概係中一...(將來有機會再講)
先介紹下本人既性格...咁我當然唔會講哂,只係講重點...(因為同後文有關)
重點係我鍾意查到底 明到底,堅持...甚至挑戰......
大概同過好多人講,本人係住山上,同墳場同一座山...馬路的話,只係隔兩條馬路...
山路同話...基本上...轉個彎就係
數年前既七月,炎炎夏日...岩岩完成一個目標既我,
開始搵新目標打發時間...我鍾意諗野,諗到乜野自己係未了解清楚既,我就會試下去查資料...
幕求一定要將自己好奇心既慾望滿足到底
七月,想挑戰,想查野...我諗好多人都同我一樣...第一時間都會聯想到 - 鬼
「真係未見過鬼,好想知道佢地個樣係點...」因為呢一個念頭,
我隻手已經係鍵盤上邊打字搵資料...可惜搵左好多圖,都假到爆...有d係幾恐怖既...但未免太合成獸...
腦海突然浮現曾經睇過既鬼戲...
「影片...!」鬼片應該可以滿足我吧!?可能突然跳出黎,嚇你一跳...又可以睇佢地係點既樣,一舉兩得...
我對手已經第一時間再輸入新資料,好快...就係2000fun到搵到...有線恐怖節目既其中一集...
睇之前,個心曾反問自己,真係要禁落去?
心入邊既天使不敵慾望既魔鬼...我決定要睇!
「... ... ... ...」半小時後,終於睇完
「都冇野睇既...」失望既我,搖搖頭...嗯,或者呢集冇收穫姐,可能下一集有?
我又再睇多集...
睇完,都係冇料到...反正大把時間,咁我又再睇...時間越耐,我越心急...
就算今集冇料到,我都期待下一集有野睇...我開始好盲目咁追落去睇...
不經不覺,由黃昏時段,追到半夜一點幾......結果都係冇收獲...
奈何好眼訓...決定聽日再睇過...咁就上床休息...
訓到三點幾左右,我從睡夢中清醒...因為比1d怪聲嘈聲左...
「卡.卡..卡...」就係呢1d卡卡聲,嘈聲左我,我開始研究,呢d係乜野聲
「卡..卡!..卡!!...卡!!!...」聲音越黎越大,亦越黎亦近,我住係到十幾年,都未聽過呢d聲...
我開始驚...「卡!!!!!」呢一下我真係頂唔到...我真係好驚
「乜野聲黎嫁」我好大聲咁講野,嘈醒左我老母
「咩事?」我老母好驚奇咁問我
「係咁卡卡聲...咩黎?」
「哦...係個風扇卡住左姐...」老母講完後,我先放下心頭大石,亦覺得自己好笨...竟然比呢d風扇聲嚇親...
唔知幾耐,我終於訓得返...
第二朝,我一起身就繼續上去睇靈異片...
「咁多段片,見得最多就係司徒師傅...但鬼呢!?一隻都冇...」我又失望了...
用左幾個鐘,我將其他地區篇煲哂...泰國,台灣等等...就連小部落我都唔放過...
咩台灣桃園戲院,紅衣小女孩,千年彊屍,獵頭族,降頭...等等...全部冇料到...
都係d演員無拉拉嘔,一係就發癲...甚至個所謂法師係到自言自語...
當我失望之際...見到香港篇...大家都可能聽過既 元朗達德...
「... ... ...」睇完一集都係冇鬼!!!不過其中一幕,佢地話影到天花板有個樣係到...
「我夠識係牆到界個人樣出黎啦...」我個心講左句諷刺既說話...
then我又繼續睇...睇...
今次呢段片猛啦,d演員驚到喊,驚到嗌...不過都係冇野睇...
望下個鐘,12點幾...完來都睇左幾鐘...隻眼好累,咁今晚我又收工,但都係冇收穫
又係訓到三點幾,今次又係睡夢中醒左...今次唔係比聲嘈聲...係比強光刺到隻眼醒左...
濛濛既眼望,好光,以為日頭...當我隻眼望得好清楚時,原來係我媽間房佢開燈訓...
當我放鬆果陣...「但係點解頭先會咁光?」我又開始懷疑...
咁多年,就算我老母有時開燈訓(因為果陣我個妹得2-3歲,怕黑)
佢間房都唔會好光...但頭先果種,真係合眼都覺得刺眼...
唔知點解呢一晚...我訓唔到...第二朝先訓到...
當我起身後,再次繼續煲未睇完既香港篇...
「... ... ...」
「... ... ...」
「... ... ...」
又係由日頭睇到夜晚 都係冇野睇...
「哂我時間...咁多集一隻鬼都冇...係就快d彈隻係我面前...等我快d完成個目標」我心好怨咁講左句,但尾二果句...我本來意思話係影片中彈出黎...(呢句好重要...)
由於我已經睇到厭了...所以唔睇,做多陣私人野就訓...始終呢幾日只係掛住追片
呢一晚,我好早就上床,12點幾...想訓耐d...因為前兩晚太多怪事整醒左我...
但呢一晚都係訓訓下醒左...呢一晚媽間房冇開燈...so我睇唔清周圍野,唔知幾點,咁我就拎起枕頭邊既手頭睇時間
「4:44」...我個心寒左,唔係咁邪呀!?嚇完自己既我...笑左一笑就放低電話...
但係當我一放低電話果刻...
眼前既景物......我真係好寒...
有個長頭髮,白色衣服既人係我間房經過
第一刻我唔驚...可能老母行過!?
但當我常識去諗...全家人我最高,我老母高極都唔會個頭高過張床...(我訓上格床)
但呢一刻,眼前呢個人,竟然高過張床...甚至高過我...
最大問題,點解今晚媽冇開燈訓!?因為佢加班...
屋企四個人...長頭髮既老母唔係屋企...咁呢個係!?
我彎起小小腰想睇清楚佢...但我發覺...自己郁唔到...
只能眼定定咁望住呢個人...但佢竟然係我房門前邊...突然唔見左!!!
當佢唔見左果刻...我終於郁到...我第一時間唔係落床...係驚到背住對門...
「噗..噗..噗..」我只聽到自己好快既心跳聲...
我不斷諗,佢會唔會突然拍我,甚至穿牆望住我...?
自己不斷嚇自己...唔知諗到幾時,聽到窗外雀仔叫...我個心先開始放鬆...
後黎下格床既爸爸醒左,去洗手間 我先敢向返背後望...呼...冇事
我先敢訓返...
今次,當我醒後...我冇再睇靈異片,相反我同自己講,甚至同尋晚果位前輩講
「我唔睇啦...亦唔想知啦...大家唔好再打擾對方吧...」
講後完,我開始安慰自己,冇事既...冇事嫁啦...我就搵其他野做...打發時間...
醜婦終需見家翁...日頭終會深夜...
我都係要返床訓...但第一刻已經諗起尋晚既野...
我不斷想自己訓...但就好精神...我就拎起psp聽歌,諗住會訓到...
雖然我唔記得果陣聽緊乜歌,但就肯定係女仔唱...
突然,有個好粗音既男人係我耳邊講左句野...我嚇左跳...嚇到聽唔到佢講野...
但果刻...我爸一早訓左...點都唔會係我耳邊講野吧 除非佢單手貼住天花版...
「都話唔再睇囉!大佬...」我雖然好驚,但又好怨咁係心入邊同自己講...
個心好亂...亂左好耐...唔知幾時...個天由光左...
後黎我將件事話左比自己義妹知...佢幫我拎左個護身符...
帶左幾個月...都冇發生乜野事...直到有一日...護身符唔見左...
不過,目前為止,都冇再直接同前輩有過節,
最多係屋企零晨3點...對門自己識開......甚至係閉路電視見到升降機有d唔應該既野only |
[複製鏈接] 
發表於 26/4/2011 06:54 PM 
收藏
分享
撐
踩
提升卡
變色卡
千斤頂
發表於 26/4/2011 07:04 PM 
樓主
