嗯...今次到舒「情」文...

楓花雪瑜

大概大家都見我冇再回果篇鬼故...以為我又潛水去了,
其實我現實好煩惱,愛情,親情,友情...黎左個串燒三兄弟既夾擊(苦笑)
好多煩惱我可以頂受到...而我呢個自作多情既人...最吃不下愛情既煩惱...
嗯,有我FB既朋友...大概都留意到D野,呢排我心情好煩躁...
今日,我正式宣佈,我真係同我女朋友分左手...

我同佢係玩仙劍Online度識...
其實我先識佢家姐既...因為佢家姐好搞笑,我隨便比左個陀地職位佢姐,
佢就好勤力咁收o靚...佢第一時間收左個妹同現實既fd...

後黎我識左佢個妹...果陣佢得15歲!初初佢好Cool嫁...十問七唔應,一係就好冷淡,
但身為幫主既我...都唔會因為咁唔同佢講野,
慢火幾次左右...佢講野熱情返......甚至主動同我講野...
終於有一日,7月21日...既晚上7點半左右...
我係遊戲度...等佢進入幫會大廳,當我一見到佢,就叫停左佢......
我係遊戲度,跪左係地...雖然只係game跪,但我既誠意同真人跪差唔多...
我同佢講「做我老婆啦!」佢初初話...比佢諗下,我話...你唔應承我唔會起身...
聽落都幾兒戲,我始終要offline嫁...但佢最後又真係肯做我老婆

其實...我本身想佢做我game老婆先,再慢慢加火做我女朋友...
咁人係貪心既,我第二日忍唔住,問佢可唔可以做我女朋友...
我講完都知自己好心急,實衰啦...點知佢話「下,乜唔係現實都係你老婆咩」
我聽完真係呆左...呆中帶有笑意...不過同時,我既疑心亦亮起!為左証實佢講既係唔係真,
我問佢拎電話...佢真係比左...而我地互相sms後...大概我都覺得,我拍緊拖了!
過多幾日,我甚至約左佢出黎...我地只係第次一見面就拖左手......
甚至係海邊覽住一齊睇日落...then錫錫.......只係第一次見......我都覺得好不可思議...

日子越耐,我地越親密...成日想搵大家...
但奈何一個住東涌 一個住柴灣...我地最多一星期見一次......
我地好珍惜大家見面既時間...好幾次因為想見耐d大家...佢遲左返屋企...
比佢爸爸xyz......終於有一次,佢家姐忍唔住問佢爸,如果有一日,見到一個男仔係屋企,佢會點...
佢爸話拎把刀出黎斬佢...
我聽完笑左,我反而好想見佢老豆...

機緣巧合一次...佢媽媽放假,想見我,咁我就上左佢屋企,
果陣佢爸爸做通宵保安......每朝6點幾先返...
果日我留到5點9,準備走...但佢叫我留多10分鐘......
亦巧合地,佢爸爸今日早返......佢見到我,佢都有d驚訝...
但之後佢竟然話帶我去飲茶...我拍過四次拖,第一次上女朋友屋企,甚至見家長...
我幾大膽同勇敢,都會怕羞......
嗯,呢次係我第一次見佢地屋企人...

後黎佢家姐都同左我其中一個部下拍拖...
但奈何佢地兩個間唔中都會激親uncle......我試轉身份,係uncle方向諗...
佢應該會小心我,甚至膽心埋我倆...所以我同佢之間拍拖 多左好多胖腳石...
見面日子由一星期,變左兩星期,三星期,甚至一個月一次...
傾電話亦傾少左...
一來怕uncle膽心,二來亦怕影響佢學業...

日子越耐,佢家姐兩個人真係激到uncle好嬲...
有一次uncle同佢兩個女講,唔好再比我地上黎...
哈,唔知點解我仲笑得出,我話uncle一定唔會...
唔洗幾耐,有一日uncle叫左我地兩個去打邊爐!...
果次真係好搞笑,個個可能驚...唔敢出聲,得我唔識死,係到同uncle有講有笑...
甚至uncle仲比我留係到過夜...(大概正常既都驚!?)

曾經聽人講,拍拖都有分時期,
咩熱戀期,冷淡期?等等.....要通過哂先有機會結婚...
我唔否認,因為...我地都進入左冷淡期,
試過兩三日冇搵大家...甚至,說話冷淡......
咁佢點解冷落我呢?佢就話因為功課忙,溫書多...
唔知幾時開始...佢每日係都訓覺時段搵我,
大概係講:做完功課啦,好累...,刷牙中,上床嚕,今日有咩特別野,then訓覺...
後黎...只係一句:訓覺
日子耐了...甚至等到零晨2點幾...都冇sms...
我唔否認我曾經冷淡過佢,但唔代表我對呢個人冷淡......
mhp3時期,我諗有唔少女仔好僧呢隻game,將佢男朋友帶走左,
最少,我身邊有幾個人係咁!我亦因為咁...冷落左女朋友...

2010年尾...有一次,我媽媽要我將幾條頸巾比佢...
本來我想約佢係某地鐵站等,因為佢做義工,
奈何佢果次要早返屋企...所以我轉左地點,係佢屋企門口比佢,但只係見果一面
又巧合地,佢要落街搵佢媽媽...所以我係佢樓下,諗住比完就走,
真係巧合地...遇到佢媽媽......佢媽媽拎住兩袋米,仲有d野...
我上前幫佢拎左袋米...送到佢屋企門口...我唔敢入去...
我唔想因為一時貪念...uncle見到我會僧埋我...因為uncle已經唔鍾意佢家姐男友...

伯母想留我食飯......我拒絕左,除左因為我怕uncle見到我,
其次因為...之前我同佢sms,佢話我入佢屋企唔方便...
終於,我呃伯母話我有事要走先...所以我走左...
走果陣係8點幾,但我12點想搵小販買野食,因為我識得個丫姐...
果日,我係東涌既街上,流連左4個鐘......

當我返到柴灣果陣,已經3點幾......我好想將當日我係東涌既事,話比我女友知,
電話又少傾...唔方便,
sd sms,我冇咁好耐性打咁多字...
我諗到個方法,係FB打一個網誌....講哂我成日做D乜,
EG:我起身做左D乜,等佢前去左邊HEA時間,去完佢屋企,我去左邊流連......
我返屋企第一時間就打左呢篇野,我本身都好累...我只係想佢一起身知已...唔想等我...

點知...

第二日,佢怪我,話我篇野諷刺佢...我地嘈分手了
我無言了...因為咁,小事化左做大事...佢竟然話,已經分唔到 我係唔係佢愛人
佢唔知係唔係鍾意緊我...(已經唔係講愛了)
佢話如果係鍾意緊我,咁呢個感覺 佢係另一個人身上都有...
果個人係佢契哥...

哦...每次佢同其他男仔出街,去玩,我都唔過問,
唔會唔比...唔係我冇所謂,係我唔想好似管住佢咁...我對佢有信心,
最後竟然...
不過佢話,唔會同佢契哥一齊,只係覺得佢好好已...
嗯,我同朋友分析後,覺得佢呢個感覺 應該係好感已...
後黎我死哄爛哄,先係情人節哄到佢...
點知第二日...佢都係想分手......我表露左最憂弱既一面...先令佢可憐我 要返我...
我都知我好犯賤,但呢個世界得一個我 一個你 一個佢...

唔洗幾耐,佢又話想分手,因為讀書太忙,冇時間拍拖...
嗯...我將就佢,我話唔阻佢讀書...最多見小D...
又係死哄爛哄之下,佢又肯同我一齊返...

呢幾日,我壓力好大,我忍唔住搵佢吐苦水...
但佢竟然當我好似波咁踢...叫我搵第二個訴...
今次,我知一定分硬手了...而佢都認左...
今次,連我自己都知冇彎轉......
今次,佢既理由話,唔想拍拖,只想單身...

我冇再哄佢...我寫左一封信,畫左一幅畫比佢...
我再將佢曾經送比我既野比返佢(我覺得好珍寶既野)
封信內容大概話...佢屋企人對我好好,我屋企人都好鍾意佢,
我同佢識左22個月,雖然期間有唔小野係唔開心,但我而家回望返,都係好開心

                               
登錄/註冊後可看大圖

我同佢一齊左22個月...一張合照都冇...呢一張,係唯一一張,亦係最後一張...
最後,封信度,我話...而家佢可能真係想單身
當佢想返轉頭果陣,希望佢會想見我,想搵我,甚至同返我一齊......

其實初初同佢一齊果陣,有朋友都叫我小心,話女大十八變
佢未定性...係我唔信唔聽...
我甚至好自信咁話 呢個係最後一個...

每次,由柴灣送佢返屋企,再由東涌返自己屋企柴灣
過程雖然好長,好多時間...但我每次都覺得好值得...
不過,以後都冇呢個機會了...
同佢一齊22個月...數字上好似好小咁...唔知點解,有數不出既長久...

呢個世界得一個我,一個你,一個佢,
縱使你搵到個同我思想差唔多既人,但樣子卻唔一樣
到你搵到個樣子同我一樣既人,唔代表思想係一樣...
就好似一套動畫大結局...當有一日小智同比卡超故事完結左,
畫家就算再畫一個好似小智既人...但果個人都唔會係小智...甚至唔係叫小智
就算一樣樣,一樣名,都未必會掉pm球,
就算會掉pm球,都未必會係小智...

NHC

師兄,,你好變態喎
近3千字...
有我份project 3分1字(份野做左年半)

不過你地都幾勁
天涯海角都涯到22個月(?)

我有個fd
一個住全灣 一個住北角 大約15個月就散....(當然散既原因唔係住得遠)

HuSkEyXPaNdA

如果...我都遇到有男仔好似你咁珍惜女仔,咁就好...

楓花雪瑜

如果...我都遇到有男仔好似你咁珍惜女仔,咁就好...
愛.啟暴＊噴火 發表於 4/5/2011 03:29 PM

                               
登錄/註冊後可看大圖

下...你係男吧囧...!?

師兄,,你好變態喎
近3千字...
有我份project 3分1字(份野做左年半)

不過你地都幾勁
天涯海角都 ...
NHC0911 發表於 4/5/2011 11:34 AM

                               
登錄/註冊後可看大圖

嗯...作蟲蟲果篇野果陣,我都話左我多愁善感嘛~...
係多野講左...

你竟然數到有幾多字?

今日上左佢屋企 見左佢家人...
有d感慨



最後係佢樓下付近 捉到隻螳螂...

                               
登錄/註冊後可看大圖

Redfield

我諗到個方法,係FB打一個網誌....講哂我成日做D乜,
EG:我起身做左D乜,等佢前去左邊HEA時間,去完佢屋企,我去左邊流連......
>>樓主有冇PRIVATE到？講真，如果我係你女朋友我都會嬲……會覺得你好似有D小氣咁。

BTW樓主由柴灣送佢去東涌就真係抵讚，女仔其實好憎自己一個。
22個月的確係一個唔短的時間，但世界上愛情只係生命既其中一個要素，「健康」、「財富」、「親情」、「愛情」，這四種支撐會一直撐住人，就好似一張枱，有四隻腳，希望樓主唔洗咁著眼於無左果一隻腳，而係珍惜剩下既三隻，又或者可以及早搵個另外一隻腳裝翻落張枱到。

PS  抒情文？

楓花雪瑜

我諗到個方法,係FB打一個網誌....講哂我成日做D乜,
EG:我起身做左D乜,等佢前去左邊HEA時間,去完佢屋企,我去 ...
Redfield 發表於 4/5/2011 06:54 PM

                               
登錄/註冊後可看大圖

我果陣真係冇諗過會有諷刺感覺
因為我果晚返到去都好夜!我覺得佢會想知我去過邊
但...我咁夜返,實訓到黃昏...而且sms又冇耐性打咁多字
先諗到個好方法...一早打定網誌....咁佢一起身就見到

其實我好多問題都唔怕,就真係怕愛情...失去左,好難搵過另一個
最難接受既 係一個曾經係自己最親密既人,而家變左...普通朋友已......
感覺好似認錯左個人好耐咁

ps:你岩,係抒情文 我打錯字

Piebaby-)

我某好女伴跟我說過：「網戀，是沒有結果的。」

當你再經驗多些戀愛，就會覺得散左長情係好蠢

楓花雪瑜

我某好女伴跟我說過：「網戀，是沒有結果的。」

當你再經驗多些戀愛，就會覺得散左長情係好蠢
Piebaby-) 發表於 4/5/2011 08:49 PM

                               
登錄/註冊後可看大圖

但網戀之後...真係現實拍拖wo...
都係冇好結果?

HuSkEyXPaNdA

我...我是女來的orz

咚咚卡比獸

回復 7# Piebaby-)


    恩 我好同意
基本上 冇一個人係真係perfect match
一山還有一山高