分享一下~一周目對戰5天王破關用的pm

源源源

因為當年玩金銀版已經用過晒火主同水主~所以今次決定用草主!~
因為我去到第8個gym既時候都係末決定好用邊幾隻pm做主隊的關係...
整體lv都很低很低~而且自己懶得升lv-.-由其在洞入面~
遇怪遇到我幾乎想放棄玩-.-坐1個站kcr都未行到廿步-.-.......
所以我到5天王門口時候~還有10隻pm揀=.=~實在太多pm想用.......=.=
草主:45lv 第一次爆機無主角好似差d咁..唯有拎埋去~
巴他蝶:39lv 從前玩金銀~練到佢8x lv去幾乎可以隻揪小智-.-但而家493隻比我揀..放棄..=.=
耿鬼: 41lv 又一個情意結~由黃藍紅版用到白金..拎埋=.=
大比鳥:38lv 都係情意結~可惜..老任很討厭佢嗎..-.-咁多年都無乜變勁過..同屬的比佢好的多太多..唯有放棄/.\~
電龍:42lv 金銀版既主力..雖然我仲有雷伊揀~但係..唔知點解咁揀左佢-.-
雷伊:44lv 由白金傳過黎的20lv~玩下玩下..因為無可能同時放2隻雷入去打5天王..唯有放棄..
水伊:45lv 都係由白金傳過黎~因為我玩到要學03既時候都無1隻水系-.-結果揀左佢~因為水伊一向係心目中都係用黎收藏~第一次真係用~感覺唔錯~而且幾好玩咁~結果入埋去
鯉魚龍:44lv 自從黎左呢到學左點用強化技之後~就揀左佢用黎實習~所以拎埋去
鴨咀火龍:39lv 其實我不嬲都唔鐘意火系=.=唔知點解~可能細個見到車厘龜比小火龍搶晒戲~所以唔鐘意佢地掛=.=..."但因為1team入面要平衡既關係..所以揀左佢~呢隻都係1路以黎想練既pm~今日終於用到佢啦~用落都唔錯~所以亦都順理成章入埋去~
穿山王:43lv 又係一隻以前覺得好好用..而家無咁好用既pm=.=..所以~放棄之

結果發現自己都算係揀岩左team~竟然一次就足夠通關~而且只係戰鬥中用左2次道具~
第一天王:基本上全部都係耿鬼出黎升lv時間~耿鬼x影子球 vs電腦真係已經好足夠...
第二天王:鴨咀火龍+耿鬼+電龍 感覺上難度不大~只係隻臭臭泥有少少麻煩其他的都沒太大難度~鴨咀火龍基本上用火系既招式已經足夠打3-4隻pm,耿鬼同電龍出黎都係呃下lv咁
第三天王:可能大家會覺得~用一隻有超系既去打會好易..但我入黎既時候無諗過呢樣野~只係諗住格鬥技打唔到鬼系...幸好對戰的只是電腦~變化不大~鯉魚龍+水伊+雷龍+耿鬼~就已經夠應戰了~過程只係覺得無咁平坦..1開始鯉魚龍~龍舞~之後打到第3隻佢就出怪力-.-諗住龍多次~就出事~好在電龍有麻痺~麻左佢地就可以用水伊清場~因為水伊本身速都唔係快..麻左之後就有優勢了~水伊x秘傳03~鯉魚龍x衝瀑布x龍舞~電龍x麻痺~耿鬼x影子球,只係用呢幾招就已經足夠打倒呢位天王了
第四天王:第一隻既月伊差不多就把我滅隊了.起初諗住雷龍44lv時有招虫系的招式會足夠同佢對打..點知比佢打返轉頭~最後要換鴨咀火龍出黎~令佢燒傷先ko到佢~可能前面太輕鬆令我輕敵了..之後的都不難打~惡狗用水伊~秒殺之,耿鬼vs耿鬼~影子球秒殺之,霸王花對鴨咀火龍~下場一樣~秒殺~黑暗雀vs電龍...秒之,跟電腦對戰和對人戰最大分別就係~睇到佢地出咩~你可以用返唔同既寵去"配合"佢地..同1team如果係玩家用~次序唔同都可能已經足夠ko返你轉頭~
最後一個:雷龍打頭陣對鯉魚龍~諗住一個放電轉第隻~但係唔知點解..我放3次都放唔出..仲要死埋..惡夢開始~因為1心只係諗住用佢已經足夠~唯有換上草主~先下"毒"手~但冰牙咬得好痛..而且用草系招式對佢傷害不大~膠著下~佢2下冰牙我光合作用一次,佢就不停中毒同埋我小小小小扣佢血~成功令佢食左支藥之後先死~p.s好彩佢唔係下下冰牙~有時用d無扣得我咁金既招~如果唔係應該頂唔住,噴火龍~換出水伊,下場...秒之~水伊x游水萬歲~~化飛,鯉魚龍招呼,
衝瀑布幾下後ko~正以為好快會打完既時候~佢出啓暴了~鯉魚龍冰牙~咬佢唔死~比佢電返轉頭~omg!我成team得佢同水伊有冰系招式~因為呢個時候~草主血殘,電龍死左~鯉魚龍死埋~我只係得3隻同佢打~而且3隻之中得水伊有1招好屎既冰系招式=.=..好啦出耿鬼諗住殺佢1條先~佢食藥=.=耿鬼x影子球失敗了..秒唔到都算~打唔過半..-_-轉頭比人麻痺埋~未殺人先死,出鴨咀殺到1條但又麻痺埋..唯有..食藥返生鯉魚龍!~幸運地係~鴨咀死於破壞光線~令我有1個絕好既龍舞機會~成功龍舞後直接ko第二條~最後1條..秒唔到..就比人秒了~唯有用炮灰草主..食藥..返生鯉魚龍~再咬..終於ko了~

點解會發咁既post?有時見到有d新手去問自己隊team夠唔夠打?or唔夠打點算?要升夠50lv先去打?咁既時候就會諗~點解唔試下睇清楚自己手上既pm去揀?好似我咁..好彩既話~打龍天王其實1隻4x lv既鯉魚龍已經足夠~冰牙+衝瀑已經夠殺佢全隊~1周目既5天王真係1d都唔難..我咁求其都可以咁易ko..自己試下睇清楚到底自己有咩pm可以點用咁入去打吧~反正入面輸左又沒什麼大不了~當交下學費咁囉~
呢個post純粹係分享,絕對無任何教育,經驗之談可以比到大家~

tdkiller

我依家都係玩到打五天王
覺得好輕鬆
耿鬼 45lv
火主 46lv
電羊 44lv
背背龍 47lv

不過由於依家係玩緊 rrrr之物
十月頭先有正版玩

點都要重玩
諗住重玩時試新野

立方Z
飛機(小刺蛋二度進化
地龍
耿鬼

想試下唔用主角精靈

源源源

其實我有諗過搵返隻普系的~立方我無=.=~~
而家開始第9-16個gym~應該會用別一堆pm了~

MOMO123

你打哂16個gym之後- -天王勁左好多!

源源源

又唔怕佢lv高呀=.=
用對戰既模式放入去打的話~就會覺得唔太難打了

ING

又唔怕佢lv高呀=.=
用對戰既模式放入去打的話~就會覺得唔太難打了
源源源 發表於 25/9/2009 11:41 AM

                               
登錄/註冊後可看大圖

對住npc用先讀等技係好難-3-
佢地會出d你諗唔到既招=3=

總括黎講/.\
真係要用戰術就唔好比npc d技影響到