一篇我覺得幾好的文章(源自GOLDEN)

ookk

金庸呢篇後記主要係關於隱士
己經睇過好多次，但呢次睇完
再加上頭先睇完個講毒男、隱青既post
覺得有好多野想講

入面講到好多人唔願意同人同流合污
嚮往個性解放唔想受束縛既人就會選擇左做隱士
儒家雖然鼓學而優則仕
但係對隱士都有好高既評價
佢地對社會無積極貢獻
但係對比起果班為權為利而喪失人格既人
佢地算係提供左為民請命之外既一個人格範例
[red]「孔子對他們都很尊敬，雖然，並不同意他們的作風」[/red]

我唔同意你既做法，但唔會因為咁攻擊、奚落你
我地而家正正係無種果種和而不同既胸襟

我己經唔係好記得「毒男」呢兩個字係幾時開始出現
我認為呢兩個字係我呢個年代見過最厲害既扣帽子手段
創造呢個詞既人好犀利，用呢個「毒」字非常巧妙
原來既獨男，純指單身男性，好中性，好客觀
換成呢個「毒」字變得非常負面，令人反感
一見到就覺得係d好唔要得既野黎
意思亦都變得非常含混
往往用既人都唔知咩意思
因為咁，非常適合用黎扣帽子
就好似文革一樣
扣一頂「反革命」既帽子黎打壓對手
[red]咩係反革命? 「唔知道喎

                               
登錄/註冊後可看大圖

」[\red]

呢個詞出現之前
我既感覺係身邊既人都唔會覺得無女朋友有咩咁特別
有人鍾意拍拖既感覺
有人鍾意無拘束既自由生活
各適其式，和而不同
毒男兩個字既出現
突然令到部分無拍拖既人好似身有屎咁
變到好介意自己無女朋友
真係講野都好似理虧d，唔敢咁大聲
好多人有理唔理都「搵件拍住先」
其實唔係真係鍾意你果位另一半?
「丫你唔好理，最緊要唔好將我同班毒男標籤埋一齊，影衰我呀!

                               
登錄/註冊後可看大圖

」
當然亦因為毒呢個字意思含糊
開始變到有「樣毒」、「諗野毒」、甚至
「一個人食飯? 媽好毒啊!

                               
登錄/註冊後可看大圖

」
「鍾意睇書? 乜你咁毒咖!

                               
登錄/註冊後可看大圖

」
「著平價衣物如uniqlo? 毒男先著咖喎

                               
登錄/註冊後可看大圖

」
「你唔熟mk? 一定係成日暱o係屋企唔敢出街既死毒男!

                               
登錄/註冊後可看大圖

」
當 喜歡自由自在變成毒
當 對知識渴求變成毒
當 唔奢侈變成毒
當 唔隨波逐流變成毒
毒呢個字己經係無限擴張
打擊所有非主流既人
對非主流既行為上綱上線
毒，可能係比偷呃拐騙、殺人放火更為不齒
點先可以唔俾人標籤?
「嗱，日日掛住溝女扑野，同人唱k食飯睇戲蒲mk，著衫要潮要名牌就唔毒嘞!

                               
登錄/註冊後可看大圖

」

其實所謂「毒「既行為
如果用番以往我地用既字去代替會變成點?
你係咪發覺果d字全部都好無力量
無辦法用黎打擊你既對手?
毒呢個字成為有心人排斥佢地對手既手段
你想o係一班人入面打擊一個你好憎既人?
自私自利? 無禮貌? 膚淺? 淫賤?
「nonono，佢 毒!

                               
登錄/註冊後可看大圖

」
可能無一個標籤比毒更加立竿見影
非常可怕既一個字

相比起果班 壓榨貧苦大眾既富商
果班 泯滅良心既高官
果班 戴左幾重面具既偽人
果班 為左物慾出賣肉體既少女
無數 為左向上爬不擇手段放棄尊嚴放棄人格既人
所謂毒男係咪真係咁為人齒冷?
陶淵明、令狐沖無法適應社會想獨善其身
古時係隱逸清高
今時今日
你對身邊既圈子不滿唔願意同果班人交往
你會俾人扣上毒男帽子黎打壓
各位，我地係咪己經無左包容既心?
你唔同意人地既生活方式
你唔學佢，ok
有無必要去踩低人?

和而不同 Harmony in Diversity
你用個毒字既時候，希望有時會諗起

                               
登錄/註冊後可看大圖

呢篇文章真係打入我心中

當 喜歡自由自在變成毒
當 對知識渴求變成毒
當 唔奢侈變成毒
當 唔隨波逐流變成毒

我以上全部都中哂, 我學校D人真係成日誤解[潮=不毒], 每星期落MK每次花費幾百元就話自己不毒, 而其他人不跟着他們的行為就標籤為毒男

我認為一個人係唔係毒不係佢的不合群, 不奢侈買野, 而是佢的心理  
我覺得一個人隨波逐流, 人云亦云, 心智行為差劣, 就好像給現代的社會毒咗你的心理, 被名牌蒙蔽了你的思想, 咁就即係真正的[毒]

相比起果班 壓榨貧苦大眾既富商
果班 泯滅良心既高官
果班 戴左幾重面具既偽人
果班 為左物慾出賣肉體既少女
無數 為左向上爬不擇手段放棄尊嚴放棄人格既人
所謂毒男係咪真係咁為人齒冷?

GD PT!!

5P潮童區成日話不恥毒男, 但係班潮童的行為比起毒男更為不恥, 先幾日淋水落阿伯度, 攪到要花納稅人的錢捷班人渣, 班援交少女為錢出賣肉體話我們葡萄佢地, 給錢蒙蔽了眼先至係[毒]


唉...給人說咗咁耐毒男終於有人幫我們平反了

轉貼:http://forum5.hkgolden.com/view.aspx?type=BW&message=1765569

比卡

心情文章區/口\

renz

link?

值得留名

Royal

好文! 強帖留名(?!)
我都覺得呢個社會既價值真係扭曲晒
唔好話冇拖拍 = 毒 = 要搵窿捐
仲有 地下有錢唔據為己有 = 傻(我唔知某2個字"X居"出唔出得街)
支持本地創作 = 井底之蛙, 唔潮! 眼光遠大D啦死蠢! (但其實來來去去都係棒棒堂)
努力讀書 = 死書蟲 (所以而家好多人就算通頂咪書都扮晒冇)
好似要做好多野去證明自己既用處,
要去吸毒, 飲酒, 偷野, 援交(唔知點解會擺上XG/FACEBK)去證明自己既價值
要睇人衰(正確黎講係某K, 呢2個字唔出得街)先搵到心靈既慰藉
最好就一沉百踩, 呀GILL一世都翻唔到生就最HAPPY
完全冇晒作為一個人既道德 - 仁義禮智, 冇惻隱之心, 同禽獸有咩分別?

ookk

好文! 強帖留名(?!)
我都覺得呢個社會既價值真係扭曲晒
唔好話冇拖拍 = 毒 = 要搵窿捐
仲有 地下有錢唔據為己有 = 傻(我唔知某2個字"X居"出唔出得街)
支持本地創作 = 井底之蛙, 唔潮! 眼光遠大D啦死蠢! (但其實來 ...
Royal 發表於 3/7/2009 01:07 PM

                               
登錄/註冊後可看大圖

極度同意!!

我喺學校度都算係會溫書和成績都算過得去的, 但是班自以為了不起的人成日話:[讀咁多書都無用, 不通用XXX(如三角幾何)來出所謀生?][D傻仔先至讀書, 係咁聰明就跳級啦]
現在的社會就係咁, 你無一張大學畢業證書, 至少都要中七畢業, 都好難喺社會立足

[成17還未有女!?死毒男不好靠埋來!]呢句我半年前某個MK同學說的, 當時我想反駁佢:[我唔通好想靠近你!]第一, 有女可以日後生活好D?(除非有多個小甜甜)第二, 有女有咩好炫耀?


我每三日會去一次圖書館, 但又給人笑毒到無輪, 真係井底之蛙

還有, 佢地成日話我們無自信, 其實佢地成日怕D人會恥笑佢地的衣著, 所以先成日落MK買衫, 其實佢地先最無自信

simon199392

但係毒本身係黎自獨?
係指冇女?

只係d人將什麼宅呀毒呀獨呀都混為一談zzz(都唔g d人諗咩

Monew

留名,留名

同意好鬼多人努力讀書後,話自己冇溫過.........我就真係唔信佢地冇溫過

ookk

留名,留名

同意好鬼多人努力讀書後,話自己冇溫過.........我就真係唔信佢地冇溫過
無聊人=.= 發表於 3/7/2009 03:45 PM

                               
登錄/註冊後可看大圖

你呢個好像不關上文事的...

果然翁。﹏。

高登有d巴打係咁個wo
佢唔鍾意既野就會踩低嫁啦
洗乜咁緊張
反正自己知道獨男係d乜野就得
講完佢地都唔會變佢地既諗法嫁啦

梓

講完佢地都唔會變佢地既諗法嫁啦
果然翁。﹏。 發表於 3/7/2009 16:59

                               
登錄/註冊後可看大圖

agree

If
毒男=社會敗類
創造「毒男」一詞的人=社會敗類之首
假若利用「踩低別人抬高自己」的想法我還能理解毒男腐女的出現
但假若只用之描述他們的生活行為，我卻會覺得這種字詞不需要存在

假若說毒男腐女差，倒為何不說港女的物質主義拜金主義更令人髮指？
那些笨小孩死小孩的行為更叫社會關注吧？老實說啊
在家中閒著開電腦MSN打機我不認為問題何在啊

Link貼上FB