討論國民教育

jochen987654

相信大家都知近日好多人反對國民教育既推行
我純粹表達自己意見,不喜勿插

好多人反對"洗腦"
但我認為呢個世界好多野都係由洗腦而黎
洗腦未必係壞
由細到大父母師長都不停地講:讀書好,讀書好
但事實上佢地既行為已經係洗左腦
好多學生都相信讀書真係好(雖然事實上讀書的確係唔錯既選舉)

洗腦未必係壞,好與壞只係取決於洗腦既內容
好多人會反對國民教育既原因係內容
內容只強調中國好既一面
而六四等壞既一面就無提及
其實好容易可以理解,有邊一個會願意將自己既醜事公開?
一個黑社會大佬,都唔會同自己個仔講自己係黑幫啦(我估)

國民教育都未正式推行,好多人就反對
未試過點知好與壞?
反而我會咁睇lo
佢地只係將"中國共產黨係黑暗既"呢個信息傳比下一代
(關於共產黨係好與壞我不作評論)
呢種行為同洗腦又有何分別?

最後,我既立場係反對國民教育成為必修科
香港讀書壓力真係幾大
原本中英係核心科目,到而加數學,通識都係核心科目
如果再加一科國民教育,到時真係讀死人


自問諗得唔深入,不喜勿插

renz

成為你朋友之中第一個踩的人

我建議你看看7月15日的城市論壇
黄之鋒的發言
國教壞處我不多寫了

值得讀的如中史世史
必須要讀
成科與否在乎重要性 樓主的讀書態度 我不敢認同

DL

咁好多野又唔使試左先知結果既
單睇教材指引就可以管中窺豹,可見一斑

小霞的fans

如果淨係教六四+李旺陽+劉曉波+艾未未+趙連海+坑渠油 既事件

我咪支持lor~

mythical

"香港讀書壓力真係幾大
原本中英係核心科目,到而加數學,通識都係核心科目
如果再加一科國民教育,到時真係讀死人"
不能同意更多,除左列入核心科目外
學生亦都可透過傳媒去知道中國既歷史/醜聞
唔一定要透過教育先可以將訊息傳比下一代,

而且教科書寫既野未必盡見客觀

elvis

樓主我唔會踩你
不過我覺得你可以聽下森美講洗腦果一點：
http://youtu.be/A8XWHNe0P2o

N_Ralts

當等到佢實行的時候
再反對已經太遲
而加唔出聲
唔通要等到香港上唔到FB個日先出聲
我真係唔想變成大陸個班連64都唔知的小朋友

3DS之子

有唔少係內地曾經受過國民教育的人都講過後果

對於國民教育要撒科冇意見
不過倒是可憐梁振英的困境
著名評論人陶傑講過
國民教育係n年前由當時的特首曾蔭權同教育局長孫明揚搞的
不過佢地都深知推行國民教育會引起巿民強烈不滿
所以突登拖到自己卸任先推行
依家梁振英比呢個地雷炸到應
令本來已經好低的民望再跌
其實要追究係咪應該追究曾孫二人?

pichu

以下內容不是插你...只是有些邏輯希望可以弄清楚一點...

你所理解的洗腦, 似乎是中性的社教化(Socialization).
簡單來說, 社教化就是指一個人的成長, 如何受到特定社會環境的塑造而成.
比如男就是穿褲的, 女就是穿裙的; 所以蘇格蘭男人穿裙我們就會覺得大異其趣.
又比如東方人的文化仍然有學而優則仕的傾向, 而西方社會則普遍較為放任自由.
結果東方便出現你所說的「由細到大父母師長都不停地講:讀書好,讀書好」, 而大部分孩子也相信這一套, 沒有/難以否定.

由於「只教授下一代中國好的部分」和「只係將"中國共產黨係黑暗既"呢個信息傳比下一代」, 其操作原理是相同的. 甚至如上面城市論壇的維園阿伯所說, 教會學校都是用聖經洗腦, 又唔見你去反? 到頭來, 還不是看學校的優劣? 我相信這是目前仍支持國教者的其一重要論點.

故此, 請先把社教化與洗腦分清楚. 洗腦是特指政治/宗教/有勢力組織, 運用其權力將某些觀念強行灌輸給一幫人, 從而使他們服從/認可該組織, 達至自我強化, 並削弱其反對者. 納粹, 法西斯, 蘇聯, 中共等等, 都是今個世紀發生的事, 都有這樣做過, 害死了多少人. 我不明白為何現在的人那麼快就忘得一乾二淨.

現在國民教育科, 背後的主事者, 清一色都是有中共背景的, 而中共為了維持其自身政權穩定, 決不容許香港這個反對者生存. 可以河蟹掉的李旺陽胡佳毒奶粉豆腐渣, 總是因為你這小香港, 而功虧一簣. 現在這個為求目的不擇手段的政治集團, 想染指香港社教化系統的重要一環(即教育), 然後逐步灌輸「中共也不是太差」的信息, 讓新生代服從、不質疑甚至認同該組織, 讓他的河蟹系統更為完備. 這是你想看到的嗎?

若然是的話我也無話可說了. 持這種看法的本地左派, 他們的觀點仍是受到共產思想影響: 為了達致烏托邦, 可付出任何代價. 比如在西伯利亞放個集中營, 錯殺無辜是無可避免的, 但他們卻用達致「完美世界」來合理化自己的暴行, 然後在失敗後無需負上任何責任, 最多就給你平個反(故此我特別質疑平反六四這個口號). 烏托邦老早死掉了, 但建立強大的祖國還是可行的. 建設中國難免會有諸多問題, 但在達致祖國強大(或共黨強大)的前提下, 其他人與事都可以犧牲掉. 由三反五反到大躍進文革到六四到近年的河蟹事件, 都是這邏輯.

我無法接受這樣的政治組織來侵害我的家園. 以犧牲小我成全大我為名, 鞏固自我權力利益為實, 還想我的師弟妹學這套? 在一個學術仍然自由的世界(如香港), 共產主義仍然是可以自由研習的, 而這也不會影響你的學術前途. 香港就出了左翼21之類的組織. 現在國教的目的就是要你認同中共, 否決其他阻礙中共的一切. 這就是洗腦. 這就是要反到底的原因. 共產黨係好與壞, 是無法迴避的問題.



補: 我同意是要教回中史世史, 不過中史科本身都有不少問題, 尤其是大中華意識甚為嚴重. 元朝九儒十丐這樣的假事, 竟然仍在教下去.

天翔翼

而家升咗中四先知死的路過

中四真的很多東西要做,如果再來一個必修的話先不說要做的事一定增多,單是書包也變得更重了
況且那種中國特色的報喜不報憂的做法實在令我不敢恭維
現在我們這群中學生也許不會被洗腦,但是小學那些根本沒有這樣的概念
只要一直接收到純紅思想的話那不被洗腦才怪

雖然他們說五年不會考試,但是五年後呢?一定會使我們把那些所有共黨好事都要記住,那怎能不洗腦?