Teen幕下的彩虹

harry_lok

今早出去荃灣大會堂，演出中學組冠軍劇本《不了情》。
練的時間不夠，比之前校際還要少，不過人人都說有這樣的成績已經好好了。
大家都得唔到古天龍先生的評語，佢有事早走......
得番羅冠蘭，虛心接受她的批評，話晒佢都係一個專業演員嘛~
係專業人事眼中，當然有很多要求，在一般人眼中，人人都讚好。
一位女演員突然黎料......這是我們當時的表情......她演到哭了起來......
不得不承認，她真的了不起。佩服佩服！

每當我演出前的第一天，我都突然會有一個靈魂出竅的感覺......
我都不想演出，不過總是有一種不知名的動力帶動我去演出。
真是莫名其妙......

呀SIR今日同我講，話我份人性格好理性咁，我的確係咁樣，所以我往往都唔可以帶動真我出來。
我又諗，現實的我，在學校的確是這樣......
可能被同學被所影響，所以我一直都不太敢在他們面前露出真我。
雖然，表面上與他們各人的關係有好轉，但我往往也是不敢與他們交往。
我怕，我怕會像從前一樣！
從今日知道有呢個缺點存在，我應該用咩態度去面對佢地？
呢個一直都係我的煩惱。

我在中四加入劇社，原因都是想有一個避難所，我不知如果面對一班曾經有過過既同學。
有時候，所謂的「避難所」都會令我感動起來，上一次之所以哭，
都是因為在劇社，大家都有一個共識，大家都係一個整體，每次都係，少一個都不行，大家都是一個整體。
呢個係我生活中係冇呢樣野出現，我喊都應該係因為咁。

仲之今次「Teen幕下的彩虹」不止是演戲收獲那麼簡單。