尋人生意義

NHC

最近入左間公司做野,
入面見識到好多好人, 諗野正面, 有理想同人生目標, 接觸到好多對自己鋪好後路既人
佢地感染左我好多, 都諗通左好多野,
最少想做番一個對社會貢獻既好人,
都想令自己睇多D野, 令自己成長

我已唔想平時再毒係屋企, 打機 / 上網 / 睇劇 / 睇動畫
想每一日都過得有意義,
好想為世界出番少少力
同真心鐘意人類之間果一份情
我想對呢個世界投射更多更多既愛

所以我想係度尋義工[唔知有無錯區]
因為星期一至五都要朝番工夜讀書
暫定想每星期六同日都抽出黎做D有意義既野
唔想對呢個人生有後悔
但暫時又未知有咩途徑可以做到呢D事, 所以想借村友幫手
或者想搵人陪我一齊/ 介紹, 因為我平時除左賣旗就無做過呢D野,

對病人 , 小朋友 , 長者, 唔同國藉, 動物, 大自然 種類既義工我都OK...

pichu

不如你先具體少少, 諗下自己想幫咩人/做咩事去貢獻社會/世界, 唔係既話, 一來好難講有咩組織啱你去做義工...二來唔上心既野, 你做左都未必尋到人生意義, 最後只係打一份無薪工作

柊．David

                               
登錄/註冊後可看大圖

比卡

你是從何時開始覺得看動畫、看劇、打機等都是沒有意義的活動？

secret

其實多賺錢多消費促進經濟已是對社會有貢獻喔
樓主對什麼樣的義工有興趣？

NHC

具體說, 我想以我自己小小既能力去幫助弱小 / 有需要既人
什麼類型的義工我也不介意,
先前去過醫院陪有病既小朋友玩, 去老人院同老人家傾計, 照顧受傷的猫狗, 去長洲拾膠粒等等
其實我覺得幾開心, 可以作一個參考
而我本身並無宗教信仰, 暫時唔想接觸任何宗教團體,
但如果能提供大量義工資訊的宗教團體, 我亦會接受

pichu

如果你喜歡接觸人的話...那麼你可以繼續去老人院/醫院啊? 醫管局旗下的醫院聯網應該一直有請義工的, 雖然或許要些少培訓

雖然我覺得動畫看劇打機於我都極有意義...

路比

難得樓主肯決心進步，當然要支持啦
當義工的話我想可以去社區中心是最快捷的途徑，照顧老人、小童之類的活動都一併俱全。
另外，我想樓主可以私下學習一些專長、興趣之類，那麼當義工要做表演時也可以自然用得其所。

k190853

人生意義?人生並唔係為咗咩目的,咩意義而過,而係做你想做既事務求每一日既回憶,每一秒既過去,都令自己充實並帶有些悔意~冇睇錯,因為充實唔一定滿足,人係唔會滿足既生物,當你滿足之際,作為人類你已死亡,學會對人生既各種不滿正正係活下去既動力,建議你多啲去醫院/老人院去接觸病人,老人,果啲先係最能夠啟發你,最令你對人生有所體悟既地方...人既生命好短暫,今日同某人傾過計,過幾日大概就天人永別~但係唔好承受唔住,各種相遇之間必有各種意義,"世上沒有偶然,如有也是必然",當你能夠充分地感受到,能夠承受生與死之間既交錯,你就成長了~何謂人生意義?人生意義即為你的每一天,只要活得精彩,過得快活,殺人狂魔的人生也是十分有意義的哦~對佢自己唻講~

171P

但就算即使是對社會有貢獻,曾進華都不會再為基層士民作出任何派糖啦！
因為曾進華一直都堅持住應使則使的原則，就算即使庫房水浸的話都只會預留一大筆退休金給公務員退休之用呀。
言歸正傳其實樓主你到底是否真心想做義工呀,如果是的話就一定要下決心先至可以成事,千萬不要半途而廢呀！