Wifi積分賽雙打沙暴隊求評

faifai1209

主要打Wifi積分賽用, 希望幫手睇睇有咩可以執執


班吉拉 @ 專愛圍巾
特性：沙流
努力值：4 HP / 252 物攻 / 252 速度
性格：+速度 -特攻
- 岩崩
- 咬碎
- 蠻力
- 急凍拳

龍頭地鼠 @ 生命玉
特性：挖沙
努力值：44 HP / 252 物攻 / 132 物防 / 78 特防 / 4 速度
性格：+物攻 -特攻
- 鐵頭槌
- 地震
- 岩崩
- 保護

暴蠑螈 @ Mega石
特性：天空皮膚
努力值：4 HP / 252 特攻 / 252 速度
性格：+速度 -物攻
- 高音
- 天龍流星
- 噴射火焰
- 保護

波克基斯 @ 防塵護目鏡
特性：天恩
努力值：252 HP / 252 特防 / 4 速度
性格：+特防 -物攻
- 跟我來
- 空氣砍
- 順風
- 歇息

海牛獸 @ Sitrus Berry
特性：引水
努力值：252 HP / 252 特攻 / 4 物防
性格：+特攻 -速度
- 熱水
- 大地之力
- 冷凍光線
- 自我再生

堅盾劍怪 @ 弱點証明
特性：戰鬥轉換
努力值：252 HP / 252 特攻 / 4 物防
性格：+特攻 -速度
- 影子球
- 光澤電炮
- 王者盾牌
- 廣泛防御

呢隊暫時上到17XX, 想試試上18XX, 係未捉神獸既情況下已經算係唔錯既成績
暫時感到苦手既對手主要係 Mega大咀娃, 樂天河童

海風仔

有個問題想請教... 為甚麼班吉拉是加速 專圍 再配蠻力?
事關蠻力要降攻 但要被迫連出 好像較易被對方猜到幾時會換精靈?
(真心求教 因為小弟較少打wifi戰 謝謝)

天翔翼

海風仔 發表於 22/4/2016 10:10 PM
有個問題想請教... 為甚麼班吉拉是加速 專圍 再配蠻力?
事關蠻力要降攻 但要被迫連出 好像較易被對方猜到 ...

可以換手馬上迴避班班鎖上蠻力的問題
蠻力的作用在於補盲打擊班班本系打不痛+增加輸出狙擊下場趕走某些PM(例如鋼惡的Bisharp)，得手與否都要撤了
速度是為了增加起手機會

海風仔

天翔翼 發表於 23/4/2016 12:21 AM
可以換手馬上迴避班班鎖上蠻力的問題
蠻力的作用在於補盲打擊班班本系打不痛+增加輸出狙擊下場趕走某些P ...

但是怕不怕太易被猜到蠻力之後那回合會換走 繼而給予對方很大的空間(e.g. 利用換走班吉拉的合回強化/換人)?

天翔翼

海風仔 發表於 23/4/2016 12:37 AM
但是怕不怕太易被猜到蠻力之後那回合會換走 繼而給予對方很大的空間(e.g. 利用換走班吉拉的合回強化/換人 ...

雙打問題倒是不大，因為你的隊友還是能協助防止強化
而且摸到對方會用甚麼精靈針對使出了蠻力的班班之後也可以預判用其他技能

faifai1209

天翔翼 發表於 23/4/2016 12:21 AM
可以換手馬上迴避班班鎖上蠻力的問題
蠻力的作用在於補盲打擊班班本系打不痛+增加輸出狙擊下場趕走某些P ...

正是, 班班用蠻力主要都係遊擊用, 必要時重擊 袋袋, 岩牛, 長耳兔之物
另外手上其他牌都同班班有一定聯防
可以唔洗太執著蠻力既問題, 4招入面最少開既就係蠻力....

可否幫忙睇睇隊中有咩不足?

天翔翼

faifai1209 發表於 23/4/2016 01:36 AM
正是, 班班用蠻力主要都係遊擊用, 必要時重擊 袋袋, 岩牛, 長耳兔之物
另外手上其他牌都同班班有一定聯 ...

要說的話......MEGA暴蠑螈即使是打特攻向還是會配一招捨身撞擊(+性格減防/特防)吧？一下飛行系130物攻撞下來還是痛的
雙打我還是新手一名 不便評論太打多-w-

HimTE

你呢隊算係d standard japan sand variant隊，意思係指由風沙雙寶（班吉拉＋龍頭地）以及Mega暴蠑螈所組成既隊（叫jp sand原因係當時呢類型既隊係用日本玩家帶起）。班吉拉配上速專，龍頭配合風沙，以及運用Mega暴蠑螈非常高既速度值黎進行速度壓制。同時因為呢3隻精靈聯防唔錯，所以起switch能力上都唔會有太大問題。

但問題黎喇，呢3隻精靈既核心主要弱於以下地方：
－控速（尤其係欺空）
－雨隊，以及水冰打擊面耐久精靈（如水君美納斯洗衣機等等）


欺空弱點：

從你隊伍上去睇，風沙核心以外3隻精靈都唔算叫做有效對應到欺空。雖有惡鬼鋼等精靈可以比到壓力對面欺空手，但好多時都唔易阻止到對面（雙打既聯攻支援關係），而且當你對上暴露菇＋欺空組合你個隊會好易被禁住黎打（暴露菇成為全場最快，草系打擊面攻擊你底速既海牛獸以及高速spore你成隊），仲要成隊無乜protect可以stall out tr，鬼劍皇盾亦會被spore中，基本上如果對手係上年世界賽非常流行既隊伍CHALK核心（Cresselia Heatran Amoonguss Landorus-T Kangaskhan）既話你呢隊會打得好辛苦，例如Cress+Kang既首發下馬威＋欺空，後發威嚇兼對你成隊除左海牛獸之外都有剋制屬性打點既Landorus以及欺空下干擾你成隊既Amoonguss你已經無解。

水屬弱點：

其次係水屬性問題。雖然有海手獸叫做吸走水系攻擊，但並唔係最有效解放水系精靈問題既方法。成隊無叫做有直接對水系攻擊打點既精靈之外，雨天天氣戰你都唔易對付，尤其你都有提到既雨天河童水草打點等等。當然你有特耐向既Togekiss幫你開順風黎到用聯攻擊破雨隊，但雨隊都會有控速手（如順風或電磁波等）黎到反控速。

改善方法：

• 最有效盡可能唔郁個風沙核心，但又可以解決到以上問題既方法就係加入暴露菇。暴露菇能夠同時限制對手使用欺空，以及做到同海牛獸一樣既野（水抗性吸水招），同時能夠提供草系打點，各種干擾，妖精抗性，袋獸抗性等等多種重要元素令隊伍既泛用性大大提高。
  

• 鬼劍可以考慮加入先制鬼系招，放棄廣防。咁樣就可以增加隊伍起被對面控速下既主動性，同時對於「殘血執頭」方面都能夠大大提高。
  

• 龍頭可以再重新考慮一下有無「放棄速度，修大量耐久」既必要性。因為有時速度能夠提供你既主動性，例如對上Y噴時，你隻龍頭需唔需要起失去風沙天氣下快過對面隻Y噴再崩石等等。
  

詳細資料可以參考一下元祖jp sand隊伍，基本上個人認為係最成功既初期jp sand隊之一，透過隊伍2隻比班吉拉都要快既龍頭＋暴蠑，2隻可以比班吉拉優先攻擊既先制水壓噴射瑪利以及先制鬼系鬼劍，能夠令班吉拉既惡系招式「再度欺壓」發揮到極致。同時暴露菇+背心瑪利露麗能夠彌補岩先所講既「風沙隊2大弱點」，係一隊完成度好高既風沙隊。