做左兩個月三三四學生後感…

笨{♥}Bang

其實我唔係好鍾意呢個新學制…

講下學校政策點解令我唔鍾意先…
我間學校都係Band2頭左右啦，我揀左歷史+經濟+地理，
都算OK既就係分左三個Block比我地，每個Block揀一科，上堂果陣就周圍走…
但係咁樣真係好浪費時間，周街調動輒就要用上五分鐘甚至更多既時間去等齊人，
因為其實好多人都趁呢個空檔去左廁所先，之後又特登拖慢黎行…
令原本就唔多既上堂時間縮得更短。
最緊要係放Lunch之前萬一有選修堂上，我呢個做班長keep鎖匙要等Ｄ人番齊黎再走…
每班放學既時間又唔同，成班打散晒，有Ｄ去左實驗室有Ｄ去左唔知邊度，
其實真係唔可以次次都等果一兩條失蹤左既朋友擺好Ｄ野然後先鎖門…

另外就係老師既問題，
我學校以前教高中既老師普遍都係有經驗而且口碑都唔錯，
但係學校搞左334之後，有一Ｄ老師轉左去教通識，搞到學校一次過請左六個老師，
如果佢地教番中一實習下都唔緊要，最慘係我經濟同地理都係新黎既教，
佢地教唔曉都算，最大問題係佢地唔識應付我果級比較差果一班人。
上到嘈到拆天已經唔理，條友可以犀利到果班友係度踢西瓜波差Ｄ踢中佢都唔捉果班友去見訓導，
我唔敢講我係咩勁人，但起碼我上堂想聽書，而家咁樣搞到根本上唔到堂，好多野都要自修。

仲有我學校要逼我地中五果陣Drop一科，
我本人冇所謂，但我有D同學想出國留學既，
如果Drop左一科，出到去Ｄ人又唔理你通識、中文、英文(人地suppose你識英文)，
姐係想出國讀大學既到頭黎得番三科去報（數學+兩科選修科），
佢地話咁樣搞到要晒多D錢讀果度一年既高中先升得上大學…

同埋我覺得學制本身setting都唔好，
首先我好質疑通識對啟發思維既效用，
唔知你地學校係唔係，我學校到頭黎都係叫我地係咁背野，
上堂Ｄ人根本係自己傾自己野，發表意見果陣先慢慢諗。
咁樣同以前死記硬背其實無乜分別。仲要加重左我地既負擔…
一個cycle上5堂通識，就係英文堂到cut左出黎，上英文堂時間真係唔夠，
尤其是我果班就係集中好似我咁英文差到彈起既人…

另外combined science(CS)呢科，
兩科當一科讀本身就怪雞，但係剩係讀正常課程既七成，
讀CS既人本身要讀既野係多過人地一科要讀既野，課程進度亦都相對要快。
咁樣其實學生吸唔吸收到係第一個問題，第二係學生有冇能力負擔咁多野…
諷刺地，出到社會，你bio/chem/phy既知識因為CS cut左正常課程既三成，
所以你出到黎都少左人地所得既好多，但係你係高中過程又要用多Ｄ勞力同腦力去讀…
我十個朋友有十個朋友都話CS真係浪費時間…


最後係新高中課程難度同埋學既野介乎舊制中五同中七之間，
唔好講海外人，我地呢兜友連本地人都未必夠同佢地競爭。
上到大學，一班讀左預科既人一定係知得多Ｄ、學得多Ｄ，優勢亦都大Ｄ，
咁我地其實好輸蝕。

我知自己講野一舊舊，但純粹係想搵個地方講下，
我覺得我真係做左白老鼠，其實我唔介意舊制，
雖然舊制課程好趕、暑假又可能要補課，但係辛苦一時，享受一世，我真係無乜所謂。

我唔敢想像三年之後，我地呢兜友會變成點。

orb

其實我唔係好鍾意呢個新學制…

講下學校政策點解令我唔鍾意先…
我間學校都係Band2頭左右啦，我揀左歷史+經濟+地理，
都算OK既就係分左三個Block比我地，每個Block揀一科，上堂果陣就周圍走…
但係咁樣真係好浪 ...
愚笨小弟 發表於 12/11/2009 12:27 AM

                               
登錄/註冊後可看大圖

以我所知

實際上大學會在銜接新高中畢業生那一屆開設不同的課程
ie預科和新高中是以唔同system收

Stefan

最後係新高中課程難度同埋學既野介乎舊制中五同中七之間，
唔好講海外人，我地呢兜友連本地人都未必夠同佢地競爭。
上到大學，一班讀左預科既人一定係知得多Ｄ、學得多Ｄ，優勢亦都大Ｄ，
咁我地其實好輸蝕。

除非有人AL炒左落去考DSE，否則這情況唔會在大學內出現
新舊制係分開既
不過AL炒得既應該唔會比你地好太過多

都算OK既就係分左三個Block比我地，每個Block揀一科，上堂果陣就周圍走…
但係咁樣真係好浪費時間，周街調動輒就要用上五分鐘甚至更多既時間去等齊人，
因為其實好多人都趁呢個空檔去左廁所先，之後又特登拖慢黎行…
令原本就唔多既上堂時間縮得更短。

我學校一向係咁XD
校園重要幾大下，所以已經習慣上少五分鐘堂

sy

末代會考生也不比334好吧
CE和AL也要一次得米
又有很多人會打算趁最後一届去報考CE
結果考生人數多了都不知是好是壞

Sunny

鎖匙問題方面，
只能說你運氣差……
我學校開着門也沒有甚麼人偷竊就是了
也不用找班長keep鎖匙
轉堂方面，
也是運氣問題
就像我所有科目只有數學(小班教學)和Geog要轉課室，
兩個課室只是相隔一個轉角位和一層樓樓下
我學校的面積也十分大，
剛好我修的科目不用跑太遠
運氣好而已
閣下負責keep鎖匙，
你那一班的同學修的科目要走太遠的話就只能說是運氣差了……

英文差的話，
個人建議補習
因為連我學挍的老師也叫我們補英文
他們寧願我們去補習也不想見到我們英文差
其他科目的話，
自修Econ比較難
Econ在自修方面並不是努力就一定能得到好效果
還是聽一聽課比較好
上堂太吵或不明白就真的要問老師或Econ好的朋友
不然自修Econ弄得一知半解就不太好

pichu

自修啦...自己努力啦...
讀書都係靠自己...無奈都要頂硬上~_~

泥

sosad,我Band1中尾的

我校比你的較好(雖然也十分差)
就是每班有兩科必讀,一科選修
我班就係econ+ICT,選BAFS
移動的問題就不太大,因只有BAFS(X3),LS就需要,還每次的堂也是小息後
可是我少了的就是小息時間/.\
最精彩就是星期四早上冇堂係課室上,果日的小息真係用黎行囉/.\

有關外國讀書方面,我校有X4,即是外語,有日文,西班牙文&法文
可選可不選,我選了法文,但要下學期才開始有堂上/.\

基本上LS可無視,form test易到無能(我不知大家),聽唔聽書都係咁
MATHS我很高興,有那麼好玩的數玩
但最失望的是沒M1讀/.\
身為前maths全級15名卻沒m1真的傷心到不得了/.\

mk311111

扮自由的結果
Requiem 發表於 8-8-2009 00:27

                               
登錄/註冊後可看大圖

很認同，新學制始終擺脫不了文理商的枷鎖，最少我是這麼看。

正如樓主的學校不准學生讀三科選修，
我校呢，始終強迫同一班的同學讀相近的科，最多只容許同一時段分兩科上堂，
不像其他學校如樓主的可以有一科「大兜亂」，
結果造成即使成績好，也讀不到心儀科目。
其他例子還有強制讀CHEM或CS才可以讀M2、
BAFS一定要選會計單元，
選了M1/BAFS/BIO+ECON就不能進最好的班、
CS只限CHEM+BIO等等。其他不說了。

不過，有趣的是，學校竟還有空把7班同學分成9組人上通識課，
難道這就不費時失事嗎?

鴨

去上堂只要5分鐘就到這麼好啊...

老老實實
上到高中一向要靠的是自修不是教師
自修不成上到去有排挨

zhcv

334就係廢學制
先唔好話競爭大乜乜乜
淨係CE+大部份AL炒埋一碟用2年半一個DSE做瓜你 已經夠享受

依家教教下Bio就跳左去F.6程度, 又教d唔教d
講到一忽一忽咁, 想知多d, 個老師又話「大學程度, 想知就俾多2萬學費」
諗起尼唔止個制度變態, 個老師都係人間極品,神棍中既神棍
正碌蔗

通識根本就係拖低分既一科
呢一科話合格唔難
但係拎上品就難到叫娘親
完全唔知改卷既係個咩人
佢心情唔好的話, 你好極有限喇

之後又話咩「多元學習」綱領
收檔喇, 又要計OLE鐘數
浪費時間...
我又想知 如果唔夠鐘會點?
唔俾升學?多舊魚

依家為左交功課俾上頭睇
搞到兩頭唔到岸
搞到要犧牲我地至少兩屆既學生

另外學校都好有問題
唔理第4科
當初話要讀第4科 d條件幾咁高要求
「全級頭50名」「要負擔得起」又話要獎, xxxxxx
依家全級200就咁話入就入倒
入左之後又由得我地自生自滅
又話開會, 又約唔齊人, 之後連負責老師都無出席
真係唔知佢係咪打算我DSE pass就算

聽聞呢間學校係band1我先報
完全無讀書氣氛唔理
最乞人憎就係d老師越尼越差
仲要話我地學生一代比一代差
你上頭做好先喇
對我個班尼講, 識教書好似只有英文同Chem個老師囉