有無試過夜晚訓訓o下有個瘟神打電話俾你，搞到你起身聽電話。起身後竟然發現自己仲起床上面？
呢o的就叫靈魂出竅。其實好多人都試過。
靈魂出竅並晤係可怕o既事，相反，識靈魂出竅更能感受到生命o既意思。
好多識靈魂出竅o既人都話﹕出竅後，人如果向後望，會見到背部有條銀帶，而銀帶接駁住驅體o既頭。
靈魂出竅o既時候，要移動身體時並晤需要移動，只要心想移動就得。for example，靈魂出竅時如果想舉起左手，只要lum 舉起左手就得。
靈魂出竅o既時候，晤只可以飛，仲可以瞬間轉移。只要你對o個樣o野有強烈o既感覺，心諗 o個樣o野，就夠轉移。
靈魂出竅o既高手能夠到達星光界（俗稱靈界），而且能夠同o個到o既靈溝通。
靈魂出竅存在o既證據
有間晤記得咩名o既大學曾經做過一個實驗。佢地準備左兩間屋。一間屋里面貼有幾長紙，上面寫o左晤同o既o野。一間屋里面就有一個自稱懂得靈魂出竅o既人。佢地要求呢個人靈魂出竅睇張紙寫o左乜。一個鐘後，o個個人靈魂出竅完返黎，佢講o左紙上
面寫o左o既o野，全中。
超感心理學家亦發現原來人靈魂出竅時o既腦電波同人訓覺時o既腦電波大好大o既晤同（將呢兩樣o野比係因為好多人都起訓覺時出竅）。
靈魂出竅有無危險？
跟據識靈魂出竅o既人講，靈魂出竅完全無危險。好多時候靈魂一接近驅體就能夠回到肉身。如果晤得，只要移動驅體o既任可部分（晤好lum，真係要郁）就可以回到肉身。
靈魂出竅o既方法
以下有幾種方法，但無論係邊種方法，收要條件係要起一個無o野騷擾到你o既地方﹕
方法一﹕呢種方法最簡單，直接，但只有觀想力極強o既人先可以成功。
1）首先肉體要完全放鬆。
2）放鬆後（最好合埋對眼），想象起你前面有另一個你。一直想象，直到另一個你起你腦內極到清楚。
3）想象自己慢慢飛出自己o既肉體，飛上另一個你。如果你o既觀想力極強，你就出竅啦！
方法二﹕呢種應該係最正路o既方法
1）首先肉體要完全放鬆。
2）想象你o既頭里面有個光點。光點慢慢變大。一直想象直至光點變成高爾夫球大小同埋極到清楚。
3）想象個光球慢慢走遍全身。走完幾次後回到額頭前。
4）想象個光球慢慢向你額頭漂遠。
5）光球漂遠後，想象自己慢慢漂出肉體。如果成功，你會感到體內有種奇妙o既能量。使用呢種能量漂出肉體。起先身體會震，然後人就會出竅。
方法三﹕呢種方法只能起人訓o左三到四個鐘“責”醒後用。因為人訓o左三到四個鐘後，意識清醒，但肉體疲倦，所以呢個方法晤需要放鬆。
1）醒來後，做大約五分鐘舒服的事。可以讀o下書（或讀 cyber world），或坐低都得。
2）再訓過，但一直lum﹕我會訓，但我意識會完全清醒。我會訓，但我會完全清醒地出竅。
3）進入夢鄉。如果成功，身體好快就會震，然後人就會出竅。
肉體放鬆方法﹕
1）由腿開始做起。
2）將要放鬆o既部位o既肌肉收緊。
3）收緊大約五秒，然後放鬆肌肉。
4）重復做直至放鬆到感覺晤到o個個部位o既存在。
5）所有部位都要做。一直做做到連面o既肌肉都放鬆埋。
當徹低放鬆後，可以話感到晤都自己肉體o既存在。
注意！出竅會使用體力！建議晤好起太疲倦o既時候出竅！
[ Last edited by 勇者王 on 2004-5-26 at 04:21 PM ] |
[複製鏈接] 
收藏
分享
撐
踩
提升卡
變色卡
千斤頂
樓主