香港寵物小精靈村落論壇

標題: 同d唔鍾意既人一班可以點 [打印本頁]

作者: jochen987654 時間: 4/7/2011 11:48 PM
標題: 同d唔鍾意既人一班可以點
話說小弟都今年都讀完中三,三年黎都要同一個好煩既人(跟住叫佢做A同學)一班
根據我地既學校,只要係讀m1m2都會入到同一班,中四到中六唔會再改,我地大家成績差唔多,所以我諗99%都會同佢一班啦,咁講即係話我中學生涯六年都要對住個A同學,我自己都知道其實我可以無視佢,我都知道唔應該為左d無聊人而放棄左自己既學業唔選m1m2,但係我每次見到佢個樣,聽到佢把聲,個心中自然會有一團怒火,有諗過同佢絕交(表面扮fd,實質就係我憎佢),但自己都做唔出,講晒佢d衰野又覺得自己好過份
唔係話我針對佢好勤力讀書叻過我(老實講佢叻過我既地方全部都係背,我肯溫書贏佢九條街),但係佢真係讀書讀上腦,佢人格擺明有問題,很不巧我地最尾一次調位同佢坐(對卷都係),佢份人真係自私到...,我囉到份卷之後佢就成個頭"裝"過黎睇我d分,跟住到佢果陣,佢睇一睇自己個分,跟住就收埋左份卷,雖然我都同自己講,佢咁樣做唔會影響我既分數,但係我真係...心情難以形容,最大問題係:我高分過佢果陣就黑晒面,咁即係點?叻果陣就好威威咁,差少少果陣就擺晒d心情出黎
煩既野唔止咁少,平時每日返學,佢日日都會問我有咩功課交,咁我都好自然同佢講啦,有時我記唔晒,跟住佢就會問:唔係仲有XXXX咩?　咁即係點呀,自己知道仲要行過黎問我,我就當佢真係想最後確認多一次,但係佢返學校先問都冇用啦,點解唔可以返學之前既一日問,跟住再加上佢既尊容(人身攻擊?),佢真係令我想死

或者你可能會覺得係我衰,係我先入為主,咁你就錯啦,其實我F.1都同佢幾好傾,但係其他同學問我:你唔覺得佢好煩既咩,我初初都唔覺得,但後尾就真係了解到佢真正既一面

我覺得好辛苦,日日都要面對咁既x街,我好努力咁樣無視佢既存在,但係佢仲要入侵我既校園生活,佢既存在只會為我帶來憤怒,A同學,你係咪想消失?

要咁多位睇左咁多字真係辛苦了,打完之後會心好似好左少少,好似有人肯聽我講咁

作者: renz 時間: 5/7/2011 12:19 AM
買兇殺左佢咪得囉

LM

作者: newplayer 時間: 5/7/2011 09:25 AM

話說小弟都今年都讀完中三,三年黎都要同一個好煩既人(跟住叫佢做A同學)一班
根據我地既學校,只要係讀m1m2都 ...
jochen987654 發表於 4/7/2011 11:48 PM

登錄/註冊後可看大圖

me2.....try to live happily
回家後玩下relax下(eg. read book..)

作者: PA 時間: 5/7/2011 09:36 AM
please act like a form 3 student

作者: 傻嘟 時間: 5/7/2011 10:08 AM
其實唔鍾意人地點解要扮fd呢

或者你可能會覺得係我衰,係我先入為主,咁你就錯啦,其實我F.1都同佢幾好傾,但係其他同學問我:你唔覺得佢好煩既咩,我初初都唔覺得,但後尾就真係了解到佢真正既一面

某程度上你同學向你說這句會令你出現先入為主的情況嘗試了解下佢啦...
咁我問你啦好傾既時候你又唔會覺得佢煩? 你確實有少少先入為主
咁我唔相信叻唔會開心喎我都會掩唔住自己尐開心心情架....
你扮同佢係fd 已經係違背左你話要無視佢既行為-_-

作者: 火岩鼠 時間: 5/7/2011 11:18 AM
樓主你確定你認清佢真正一面？

作者: jochen987654 時間: 5/7/2011 02:16 PM
回復 5# 傻嘟哥
其實都唔叫做扮fd架啦,平時我地冇計傾,我都唔會主動同佢say hi,係佢無啦啦煩住我
可能我真係先入為主,我錯了但唔代表我會同佢變返friend

作者: 小白XD 時間: 9/7/2011 01:35 PM
咁你點解唔同佢講清楚呢-____-?

作者: 小粟 時間: 16/7/2011 08:25 PM
隨遇而安吧,人成長自然會變,如果你真係咁憎佢,試下疏離下囉

作者: lionon99 時間: 16/7/2011 10:38 PM

我囉到份卷之後佢就成個頭"裝"過黎睇我d分,跟住到佢果陣,佢睇一睇自己個分,跟住就收埋左份卷

咁你下次咪學番佢拎左份卷之後睇下分數就速速收埋囉,佢裝個頭埋黎就叫佢拎佢果份黎睇下先,唔比就彈開.

作者: FONGKII 時間: 16/7/2011 11:21 PM
如果係我我會唔理佢……姐係佢唔同我講野我都唔會主動同佢講野囉，佢聊我就求其應佢兩句。

作者: PM狂 時間: 17/7/2011 03:56 AM
1.冇人入侵你既校園生活
係你自己o係心入面係咁諗埋d咁既無謂野搞到自己唔開心

2.唔好咁計較啦 o個d分算咩丫

3.既然你溫書可以嬴佢九條街既話你就溫啦唔好得個up字

4.樓上+1

作者: jochen987654 時間: 17/7/2011 12:18 PM
感謝樓上解答,努力溫書中

作者: 軒` 時間: 23/7/2011 08:18 AM
其實我情況同你一樣.......
只不過我岩岩讀完中二而家升中三
今年我憎個條豬dum兜中三入唔返英文班...知道左之後即後開心到笑左出來
========================
雖然我覺得你講個個人冇乜野但係如果你真係憎佢既咪唔好理佢囉
無視永遠係最好既方法又和平=]

作者: 比卡 時間: 23/7/2011 01:05 PM
接受佢,互相理解方為大師之道(逃

作者: Leung 時間: 23/7/2011 08:13 PM
係我既話就告俾老師知

作者: 柊．David 時間: 23/7/2011 09:13 PM

係我既話就告俾老師知
Leung 發表於 23/7/2011 08:13 PM

登錄/註冊後可看大圖

老師：私事請私下解決

作者: ﹏影＊虛幻帝皇 時間: 23/7/2011 09:29 PM
我唔知你個同學係唔係八両金咁既款
但係我真心肯定你肯定唔會靚仔到好似吳尊咁既樣
你係笑人地個尊容既時候我都好想笑你人格卑劣到要取笑人地個容貌

人地成績好過你係人地有努力過那怕佢每一日可以花夠十幾個鐘去背書
你連背書都未做你又知你一背書就勁過人地幾條街? rofl

作者: MegaLuca 時間: 23/7/2011 09:54 PM
你這種程度就發牢騷的話，那麼只會顯得你更沒氣量

作者: jochen987654 時間: 23/7/2011 11:38 PM
還是這一句
我．唔．會．再．理．呢．個．人

作者: 海風仔 時間: 28/7/2011 06:47 PM
本帖最後由海風仔於 28/7/2011 06:49 PM 編輯

話說小弟今年都係讀完中三... 背景同樓主基本上一樣只係無樓主所講嘅討厭人物
其實... 如果對方係贏記憶力同勤力嘅雖然有時係覺得唔抵但諗真係自己問題
樓主加油吧...
p.s. 我高分過佢果陣就黑晒面 <<喺我最重視嗰兩科(maths, phy)我都會... 但我黑面係黑自己因為係自己攞嚟衰
至於另就串串貢... 我通常淨係串好friend, 平時串開嗰啲, 唔係的話怕外人誤會...

歡迎光臨香港寵物小精靈村落論壇 (https://proxy.archiver.hkpnve.pokebeacon.com/)

香港寵物小精靈村落 論壇

香港寵物小精靈村落論壇