香港寵物小精靈村落論壇

標題: 我和蝴蝶的情緣 [打印本頁]

作者: 楓花雪瑜 時間: 22/4/2011 12:12 PM
標題: 我和蝴蝶的情緣
本帖最後由楓花雪瑜於 26/5/2011 02:22 AM 編輯

有睇過閒聊區我果兩個Post既村友,可能都見過我提及過蝴蝶同我之間既事...但就冇直接交代,
呢個Post除左記念果兩隻不幸犧牲既鐵甲蟲之外,仲會講返...我同蝴蝶既情緣...

先介紹下呢隻毛蟲,雖然佢同我地PM世界既綠毛蟲好相似,
但現實同PM世界始終有佢地既分別...
PM世界叫綠毛蟲>鐵甲蟲>巴他蝶
但現實就叫藍鳳蝶 Papilio proteno 為左等大家冇咁亂,所以我先一直叫返佢PM既名稱

登錄/註冊後可看大圖

呢粒係蝴蝶卵,當毛蟲就出世時,顏色會轉成深色...

PM世界,綠毛蟲係最初階段,但現實最初階段既反而係...

登錄/註冊後可看大圖

↑呢隻...圖中既就黎變綠毛蟲,所以先咁大條

登錄/註冊後可看大圖

↑呢隻係新鮮出爐既毛蟲仔,圖中係我手指尾頭...可見有幾細條

跟住先會進化成我地熟識既綠毛蟲

登錄/註冊後可看大圖

圖中佢終於伸出紅色既觸鬚,真係幾似綠毛蟲嫁...

登錄/註冊後可看大圖

當有一日你發現綠毛蟲縮成一個三角型,咁第二日佢就應該變成圖中既鐵甲蟲

最後,大家都睇唔到脫皮一刻既成蟲樣...

登錄/註冊後可看大圖

似唔似巴他蝶就見人見會,始終現實大部份蝴蝶都係黑色為主...
如果現實太多白色就似蛾多!?
但卡通太多黑色又好似太邪惡?

嗯,介紹完畢,係時間講我暫時有生之年同呢種蝴蝶既情緣
我記得第一次見呢種毛蟲果陣,係我7歲果年,
果陣既季節同而家差唔多,係農歷新年之後,屋企棵桔樹未掉,咁就擺係窗口,
有一日我溫緊書果陣,見到窗口有條綠色物體係桔樹到郁...
好奇心既我就走埋去睇...原來,係一條毛蟲(上圖既綠色果種)
咁我細細個就好鍾意昆蟲,當然想捉佢...由於我手唔夠長,所以諗住拉住樹枝,等個距離縮短
點知突然"扇"手...毛蟲就好似丫叉上既子彈,就咁飛左落街!!!
呢次係我第一次接觸綠毛蟲,亦係第一次累死左隻毛蟲...(當然可能唔係跌落街死...但都係我間接害)

同年,我既一次好奇,亦種下一棵柚樹,直到而家我23歲,棵樹都仲係我身邊...
而呢棵柚樹,同我 & 蝴蝶有不凡既三角感情...

登錄/註冊後可看大圖

↑圖中係我種既柚樹,當然,呢度只係冰山一角既樹枝...(上圖除左蝴蝶成蟲唔係我影之外,其他有樹既相,都係我柚樹到影)
大約我8歲半果年,要搬屋...搬左去一個背山既屋村到住...
座山同墳場好近,所以好多爬蟲...當然,亦發生過唔少既靈異事件

大約10歲果年,有一次爸爸帶我去某水塘玩,
沿路景色好幽美,綠樹花香...一路行一路行...
突然,我既視線唔係望住呢D咁靚既風景...而係路邊一隻訓係地既蝴蝶...
正常訓係地既蝴蝶,大家都覺得係死左吧!?我都唔例外...
但都想去睇下佢死左未,至少,係佢死後,都有人欣賞佢既美吧

我彎低身望,咦!?佢仲拍緊對翼,手腳仲郁緊...未死Wo!
我即刻小心翼翼咁將佢拎上手,然後觀察佢...過左一陣,佢終於可以係我手度爬,
但都係唔識飛...我嘗試伸直手掌,輕輕力咁上下揮手,睇下佢可唔可以飛,
但佢都係飛唔到...不過佢有嘗試拍翼...
直到一陣風突然吹過......佢終於飛起了...
不過佢飛時,仲係有缺乏...我諗佢其中一邊既翼應該受左傷,
佢飛果陣係會上下上下咁...而且其中一邊係斜身,但當你以為佢會跌果刻,佢應該又用力咁向返上飛...
明顯同其他蝴蝶飛果陣唔同...

望左大約一兩分鐘,佢都係冇跌...可能我果陣都冇乜耐性...
咁...我就同佢告別,繼續望前行...
過左陣,我爸爸突然叫我,嗌我望後邊...
當我向後望果刻...我諗我呢世都唔會忘記果刻既場面....
係我身後面,竟然有一群蝴蝶...呢到冇十隻蝴蝶最少有七八隻,
而且其中一隻肯定係頭先果隻...我停左冇再行,望住佢地...
佢地亦係我身邊飛...不過好快,佢地就飛走左了......
呢次係我人生之年,同蝴蝶最親近,甚至親密既一次.......可能有人會覺得好不可思議,
但呢個係事實,我諗當年在場既人,都會記得...

直到唔知幾時,我棵柚樹亦長大了,
有一日,發現樹上有毛蟲...不過唔係我當年所見既綠色(其實係一樣,只係當年果條綠毛蟲係長大左,而我而家果d,係幼年,即係第一階段果種)
當然...我亦唔會放過捉佢既機會...奈何童年唔識養...d毛蟲都係死左...

un...直到10歲果年,係一個圖鑑上知道,原來我柚樹既毛蟲,會進化做我以前桔樹果種毛蟲...
我好開心...當我諗返水塘果次既奇遇...
我就同自己立定誓言,只要係我有能力既情況下,
我會保護呢種蝴蝶...養育佢地既幼蟲...
由呢一日開始,我冇再捉佢地,比佢地係我棵柚樹到自由走,自由食...
就算食到我棵樹光頭,我都冇怨言...

同年,1998...pokemon登陸香港,而其中一隻小精靈...
竟然同我窗口既毛蟲一樣樣... - 綠毛蟲

不過...咁多年,從來只有蝴蝶黎產卵,就冇蝴蝶蛹係我棵樹出現...
有一日,比我發現,原來我母親將毛蟲彈走哂...
佢話毛蟲會食哂我棵樹既葉...我當然極力反抗,但童年都係嗌唔羸佢
由果日開始,我個心都一直有個內疚感...
我不斷問自己「我失約了嗎?」

十幾年,一個蛹都未見過...你話幾失敗...
當我越黎越大,想彌補既心亦越重...我開始用知識黎反論返我母親...
巧合果一日,我爸爸都係到...佢見到條綠毛蟲都好大,
佢企我果邊話:都就黎變蛹,比佢留係到啦...
嗯,我深信,我爸爸記得童年果一幕場景

不過第二日...條毛蟲都係唔見左!!!
我當然搵我母親尋仇...但我母親話冇郁過佢...可能係佢食葉果陣,食左塊葉既接口位,
就係咁...跌左落街...
不過,我反而覺得係比麻雀食左,因為我住平台上一層,朝早d麻雀都係到吱吱叫...
一直都唔知點算,唔通要我24小時守住棵樹?根本冇可能...
但有一年,我係窗口意外搵到個蛹殼...不過就係空既

上年,我開始日日係自己樓下總站度搭巴士...
由於總站,等巴士黎到,都要比司機休息一陣,我就周圍望下d樹...
唯獨有一棵樹,我好驚喜...佢應該係桔樹,我見有幾粒桔係樹上(上年秋天左右)
當然...可能係有人掉桔落街?咁岩落中棵樹!?(因為粒桔好高下)
anyway,我又同自己約定,下年春天(今年既3月...)記得証實下

今個月頭,我終於記得呢件事...果日我不停提自己...
終於到搭車果刻,我去望下棵樹...果然有好多毛蟲!!!
同我窗口柚樹果d一樣...嗯,睇黎我約定既日子終於成功...
我帶左4條毛蟲返屋企,由於桔樹好大棵...3米左右...所以我每日都會摘葉比佢地食,
當然,摘果刻,我會對棵樹感恩...

後黎有兩條蟲比左我朋友養,而我養果兩條,
就係大家睇我post既其中一條...
亦如大家所知...最後,我都係失敗...已經好好養育,點知都係避唔過寄生蜂既攻擊...

仲記得果兩條毛蟲變蛹果刻,我好開心...
開心到...返game生蛋...生指定性格個體既綠毛蟲黎記念呢一日
(2010年1月,我心愛既雨林死左我都有生左巨鋏天蠍記念佢)
最後都生左隻唔錯,特攻同速有30~31 其他2x...
估唔到最後果兩個蛹都係死左...說好的蝴蝶呢!?就變左game入邊既巴他蝶

登錄/註冊後可看大圖

望住呢張相...真係哭笑不得...(再一次多謝NHC0911既圖)
佢地肉體死左,但靈魂生存係我部nds度?甚至我心入邊?

可能有人會笑我,竟然會為左條毛蟲咁大感觸
但係我心中,任何事物既價值都係一樣
有感情既,就算一隻蟻,我都會為佢喊
冇感情既,就算係血緣關係既人,佢死左我都唔會喊...

呢兩條毛蟲,雖然我照顧既日子唔算多,
但自問真係好比心機去養佢地...
仲記得有一晚,佢地無拉拉好快咁食哂d葉,為左怕佢地餓...
我半夜三更落去棵樹搵葉,果刻都幾恐怖...完全冇人...仲要係山上邊
嗚嗚聲...
你唔驚墳場既朋友,都膽心有賊啦...

不過,有生之年我還是不會放棄呢個約定...
最後,多謝大家一直既支持同鼓勵
而家手頭上,只剩兩條毛蟲,希望能夠成功變蝴蝶吧?
今年唔得,下年?或者會得

作者: 文 時間: 22/4/2011 01:06 PM
樓主要加油, 至於對蟲嘛. 本人從來都帶尊敬之心的
除了曱甴

作者: 楓花雪瑜 時間: 22/4/2011 01:22 PM

樓主要加油, 至於對蟲嘛. 本人從來都帶尊敬之心的
除了曱甴
\"文xx 發表於 22/4/2011 01:06 PM

登錄/註冊後可看大圖

嗯,多謝!我會了
我都會有對昆蟲殘酷既一面

蟀果蠅<-我要黎餵蠍子螳螂

作者: NHC 時間: 22/4/2011 01:48 PM
本帖最後由 NHC0911 於 22/4/2011 02:00 PM 編輯

無乜留意心情文章d post-,-
原來你黎左呢度,,
樓主既蝴蝶情緣
希望可以延續到永遠吧
支持~~

係我7歲果年,
果陣既季節同而家差唔多,係農歷新年之後,屋企棵桔樹未掉,咁就擺係窗口,
有一日我溫緊書果陣,見到窗口有條綠色物體係桔樹到郁...
好奇心既我就走埋去睇...原來,係一條毛蟲(上圖既綠色果種)
咁我細細個就好鍾意昆蟲,當然想捉佢...由於我手唔夠長,所以諗住拉住樹枝,等個距離縮短
楓花雪瑜發表於 22/4/2011 12:12 PM

登錄/註冊後可看大圖

7歲都仲咁記得
可見你又真係幾難忘喎
最後仲估唔到你推佢落街

好殘忍....彈走哂d毛虫...
但係又好矛盾...
會食走哂d樹葉....

作者: 006goz 時間: 22/4/2011 02:07 PM
真是可惜,最後的不像巴他蝶
我也是對昆蟲有尊敬和愛護之心
祝兩條毛蟲能變成色彩耀眼的蝴蝶

作者: NHC 時間: 22/4/2011 02:36 PM
本帖最後由 NHC0911 於 22/4/2011 02:40 PM 編輯

我自己都有龜圖既習慣....
都有3千幾張pm圖
原來巴他蝶得勁少
夾埋d飛天螳螂送比你=3=
(巴他蝶原來都幾可愛的xd)

登錄/註冊後可看大圖

作者: 草蝶翠 時間: 23/4/2011 01:34 AM
說實在....基本上我對昆蟲沒什麼好感...
但至少會尊重生命.....
亦為樓主的事感到可惜.......
個人覺得已經跟昆不昆蟲不太重要...
重要的是樓主過了十年還能誓守諾言...
是說....現在有什麼人十歲時定下約守...
十年後二十多還會實行?(?
希望能變成蝴蝶的不止剩下兩條"綠毛蟲"...
還包括未來的"綠毛蟲"吧~~

登錄/註冊後可看大圖

作者: Piebaby-) 時間: 23/4/2011 02:12 AM
本帖最後由 Piebaby-) 於 23/4/2011 02:15 AM 編輯

雖然這文章只是抒發對蟲的感情 , 可是你卻給我一種真的很寫實的感覺
也許是因為真人真事吧 , 其實看得出樓主很愛心的 ..
你還懷有這種的氣質 , 真妒忌喔~
希望你能一直保持吧 , 未來的路還很長~

總結生命不應該有貴賤之分吧
我是這樣想 , 可以我行為絕不是。
因為我對蟲一點好感也沒有

最後一句，歡迎多來發表文章喔。

作者: 楓花雪瑜 時間: 24/4/2011 06:44 PM

雖然這文章只是抒發對蟲的感情 , 可是你卻給我一種真的很寫實的感覺
也許是因為真人真事吧 , 其實看得出樓 ...
Piebaby-) 發表於 23/4/2011 02:12 AM

登錄/註冊後可看大圖

其實我都唔知自己有冇愛心...
都係果句啦,同你有感情既就算一隻蟻我會流淚
同你冇感情既就算親生兄妹甚至老豆阿媽...我都唔會流淚...
因為...我本身都有養其他寵物
eg:螳螂蠍子魚(九角金龍)三者都係獵食......其實我殺過唔小果蠅同蟀黎餵佢地 ...
不過諗真d...我地平時食野都殺唔小...學大家所講主要係尊重?

我既氣質係...?(呃...我唔了解自己)
嗯,我一定會保持,有大家既支持同鼓勵我既動力由單車變摩托

haha,我份人好多愁善感嫁...我怕大家覺得我煩 haha 因為我平時係FB都發洩唔小野

說實在....基本上我對昆蟲沒什麼好感...
但至少會尊重生命.....
亦為樓主的事感到可惜.......
個人覺得已 ...
草蝶翠發表於 23/4/2011 01:34 AM

登錄/註冊後可看大圖

Un...可能因為生活上都會接觸到毛蟲(刷牙煮野沖涼都會見到自己棵樹)
再加上又有唔小往事甚至難忘經歷所以我對呢個約定好重...

細個睇卡通 or 戲見過有一群蝴蝶圍住人飛舞...
真係冇諗過自己都有呢個機會...

嗯,亦承你貴言,我而家都好膽心果兩條毛蟲會唔會中左伏...

ps:多謝你張圖好可愛

真是可惜,最後的不像巴他蝶
我也是對昆蟲有尊敬和愛護之心
祝兩條毛蟲能變成色彩耀眼的蝴蝶
006goz 發表於 22/4/2011 02:07 PM

登錄/註冊後可看大圖

唉...希望承你貴言,我都好膽心果兩條毛蟲再中招...
我對自己棵樹捉果隻有d信心
呢三日唔係屋企,岩岩返黎,有一條已變綠毛蟲,但好細...可能食得唔飽

無乜留意心情文章d post-,-
原來你黎左呢度,,
樓主既蝴蝶情緣
希望可以延續到永遠吧
支持~~

7歲 ...
NHC0911 發表於 22/4/2011 01:48 PM

登錄/註冊後可看大圖

我諗就算有一日真係成功養出一隻蝴蝶都唔會因止畫上句號...
應該都會逢春夏天就係窗口拎入屋養...
其實好多野我都好深刻...不過讀書就偏偏記唔到呢d野 haha

係嫁,真係手背又係肉手掌又係肉
雖然有陣時見到棵樹都比人食到d葉七七八八
但每逢春天佢都會生返d葉......(暗地裡幾次冬天,成棵樹剩幾塊葉都膽心過)

ps:多謝你d圖!好多都好正...係啦,你閒區之前咪比左幾塊蟲圖我既...
有冇噴火龍炎帝等等火屬pm版本?因為果d畫風好正...
我好鍾意火屬 (同我WIFI對戰一隻水屬PM 可KO我因為我唔係火屬就地岩...)

最後...再多謝大家一次,多謝大家支持同鼓勵
其實...本來我對PM既熱情已冷卻...因為一棵樹,一堆毛蟲...甚至一個奇想...
使我將封塵既PM玩具整成一個劇場仔...
冇諗過因為咁...我又重投PM世界,再返黎村落傾計,甚至去我一向唔去既子版...

嗯,而家每日都有玩NDS,可惜未買到WIFI,
可能買TP LINK,希望到時可以同大家交流下

作者: NHC 時間: 24/4/2011 07:43 PM
本帖最後由 NHC0911 於 24/4/2011 07:59 PM 編輯

有冇噴火龍炎帝等等火屬pm版本?因為果d畫風好正...
我好鍾意火屬 (同我WIFI對戰一隻水屬PM 可KO我因為我唔係火屬就地岩...)
楓花雪瑜發表於 24/4/2011 06:44 PM

登錄/註冊後可看大圖

有既
我等陣係度上傳比你吧

你除左火系仲想要咩特別精靈????
當係答謝你令我更認識昆虫xd

- - - - - - - - - - -

可能會令你失望...
佢既火系精靈好多都走左樣....
不過你要既噴火龍+炎帝應該都ok型
呢度有全部既火系精靈
你入去down吧
http://www.sendspace.com/file/kiyv57

作者: Redfield 時間: 25/4/2011 12:10 AM
原來那是毛蟲的蛋……謎底終於都解開了！

早前學校就因為校庭的一棵樹上過多這樣的蟲卵，而被切了下來，一顆還沒有什麼，但當你看見一棵樹，樹上的葉全部都是這樣的綠色點點時，一整個寒……

但的確蝴蝶有著不一樣的美呢！我個人較喜歡鳳蝶，色彩看起來很漂亮。
但動畫裡經常出現的粉紅色蝴蝶（例如光之美少女GOGO/美少女戰士），現實中似乎沒有？

作者: 楓花雪瑜 時間: 25/4/2011 01:12 PM

原來那是毛蟲的蛋……謎底終於都解開了！

早前學校就因為校庭的一棵樹上過多這樣的蟲卵，而被切了下來， ...
Redfield 發表於 25/4/2011 12:10 AM

登錄/註冊後可看大圖

haha 睇黎村落好多人都對蟲冇好感

可能你果棵d毛蟲有害...(有d毛蟲一接觸皮膚會痕)
狩獵鳳蝶比巴他蝶靚...但我都係對巴他蝶有情義結

美少女gogo 既我未見過得閒我再留意下

有既
我等陣係度上傳比你吧

你除左火系仲想要咩特別精靈????
當係答謝你令我更認識昆虫xd

- - ...
NHC0911 發表於 24/4/2011 07:43 PM

登錄/註冊後可看大圖

thx你d圖...好多呀~_~
噴火龍真係好型小火龍好似邪惡左...

歡迎光臨香港寵物小精靈村落論壇 (https://proxy.archiver.hkpnve.pokebeacon.com/)

香港寵物小精靈村落 論壇

香港寵物小精靈村落論壇