香港寵物小精靈村落 論壇
標題: [絕對爛尾] 探險隊學校（第四話更新） [打印本頁]
作者: 柊．David 時間: 15/4/2009 11:17 AM
標題: [絕對爛尾] 探險隊學校（第四話更新）
本帖最後由 David王 於 30/9/2009 08:21 PM 編輯
就係時之探險隊事件完結之後，PM世界一直都十分和平……
直到有一日，有條戊里自稱牛津生物系畢業，佢發明左一種可以基因改造o既射線，話可以利用佢黎造福PM世界。佢曾經利用果個唔知咩野射線令火焰雞成功學會近身拳擊、佛烈托斯亦可以習得石刃…… 但被佢Ｄ射線基因改造過o既PM都係三日之內離奇消失，PM世界政府知道e件事之後，認為果條戊里正係到利用射線進行某些擄帶人口o既活動，為左要拉果條神經生物博士去洗八月十五，PM世界政府下令探險隊開始全力打擊有關活動……
另一方面，一個以札洛比卡家族為首o既邪惡犯罪集團亦都開始掘起，究竟探險隊會點應付呢？
上集時之探險隊o既主角就係擁有人類心靈同PM身體o既圓企鳥同佢o既拍擋小火焰猴，為左搞Ｄ新意，今次會搵第二Ｄ精靈做主角，企鵝馬騮同我暫時死埋一二邊。
？ 奇多 （狃拉族）
性別：男
年齡：１５
介紹：雖然已經１５歲，但卻擁有小朋友的樣貌。兒時的記憶不知為何完全喪失，就連自己的姓氏也忘記了，無倚無靠的他憑著竊盜一技為生，過著偷得一天得一天的生活。後來加入了探險隊，改寫了他的人生。
相比起同輩顯得不夠成熟。討厭近身攻擊（除竊盜），認為近身攻擊會貶低他的形象，但其實只是他的力度不夠，因此他已經特攻向了，為了彌補特攻種的不足，他會隨身攜帶瑪狃拉的牙，而他的爪子很小用來攻擊別人，通常用作切割食物。
可能因為長期與大自然接觸，特別喜歡植物。
能力：HP：Ｄ 物攻：？ 物防：Ｄ 速度：Ａ 特攻：Ｃ＞Ｂ(瑪狃拉的牙) 特防：Ｂ
招式：冷凍光束(第一話)、竊盜(第一話)、影子球(第一話)
亞葛特 啟螳 （飛天螳螂族）
性別：男
年齡：１６
介紹：同為賊一名，當初因為與奇多搶獵物(?)而與其結怨，後來兩人竟成為死黨。處事冷靜，戰鬥時會因應不同的對手而使用不同的戰術，實力比奇多稍強一點。
非常愛護妹妹甜甜螢。
能力：HP：Ｃ 物攻：Ａ 物防：Ｃ 速度：Ａ 特攻：Ｂ 特防：Ｂ
招式：蜻蜓回轉(第一話)、竊盜(第一話)、電光石火(第一話)、真空波(第一話)
八達輪 彼得 （電螢蟲族）
性別：男
年齡：１６
介紹：實力非凡的波結丹斯探險隊的成員之一，入讀探險隊學校與奇多和啟螳同班，是班中的優異生。
能力：HP：Ａ 物攻：Ａ 物防：Ｃ 速度：Ｂ 特攻：Ａ 特防：Ｓ
招式：十萬伏特(第三話)
利 雅賢 （優雅貓族）
性別：女
年齡：１５
介紹：長著可愛的面孔。自從認識奇多後，不幸的事件就一件接著一件來。探險隊成員之一。
能力：HP：Ｂ 物攻：Ｂ 物防：Ｂ 速度：Ｂ 特攻：Ｂ 特防：Ｂ
招式：連環掌擊、十萬伏特
亞葛特 潔螢 （甜甜螢族）
性別：女
年齡：１４
介紹：啟螳的妹妹。探險隊成員之一。
能力：HP：Ｃ 物攻：Ｃ 物防：Ｃ 速度：Ｂ 特攻：Ａ 特防：Ａ
招式：暫時不明
？ 莉 （沙奈朵族）
性別：女
年齡：１６
介紹：鎮上著名的藥劑師，其藥物的效力千變萬化。亦因其美貌，導致有很多追隨者。
能力：HP：Ｄ 物攻：Ｅ 物防：Ｄ 速度：Ｃ 特攻：Ｄ 特防：Ｄ
招式：絕境反擊
橙 猿任 （柯波朗族）
性別：男
年齡：不詳
介紹：探險隊學校的老師。奇多、啟螳等人的班主任。
能力：HP：？ 物攻：？ 物防：？ 速度：？ 特攻：？ 特防：？
招式：高速旋轉、近身拳擊（其他招式暫時不明）
奸角們
札洛比卡 邪神 （火焰雞族）
性別：男
年齡：不詳
介紹：札洛比卡家族的成員之一，是所有怪招PM的首領，他使出的近身拳擊威力足以打破５米厚的石屎牆，似乎跟猿任有點牙齒印。
能力：HP：？ 物攻：？ 物防：？ 速度：？ 特攻：？ 特防：？
招式：近身拳擊（其他招式暫時不明）
札洛比卡 翟烈斯 （佛烈託斯族）
性別：男
年齡：不詳
介紹：札洛比卡家族的怪招PM之一，本是邪神的手下，後來因不滿他脫線的性格而背叛了他。其力量傳聞比邪神更可怕。
能力：HP：Ａ 物攻：Ｓ 物防：Ｓ 速度：Ｂ 特攻：Ａ 特防：Ａ
招式：石刃、電磁浮游（其他招式暫時不明）
搖籃百合、觸手百合
會寄生種子的怪招PM。
超夢夢
與翟烈斯一起經營M記，以售賣問題食品賺錢，事敗被捕。
配角們
帝王拿波＆烈焰猴＆電螢蟲（探險隊）
打敗暗黑迪亞路加和達克萊伊後成名的探險隊，三人都實力非凡，隊名波結丹斯。
達克萊伊
自從被波結丹斯打敗後就喪失所有記憶，現任探險隊學校洗廁所一職。
肥波球
探險隊的首領，噪音攻擊的力量非常強大，但動不動就會睡著。
幽浮磁怪
PM世界的警長，經常張貼通緝令在探險隊總部。
富迪
探險隊學校校長，他所說的訓話正是很好的催眠曲。
七大魔王
夢夢
超能森林的皇帝。
~其他人物及人物介紹有待更新~
(第一話)
被捕----(#3)
(第二話)
入讀探險隊學校----(#9)
(第三話)
巨型植物來襲----(#13)
(第四話)
Ｍ記風雲----(#21)
(第五話)
(第六話)
(第七話)
(第八話)
(第九話)
(第十話)
作者: ~JL~ 時間: 15/4/2009 11:19 AM
第一話呢？
作者: 柊．David 時間: 15/4/2009 11:20 AM
標題: (第一話)被捕
呢度就係探險隊總部付近o既市集，果Ｄ商店o既老闆往往會因為以為有探險隊係付近巡邏而鬆懈。
唉！你估家陣Ｄ探險隊會為左要幽浮磁怪警長果雞碎咁多報酬而去盡心盡力捉賊咩？
除左波結丹斯果三條傻仔之外。
帝王拿波：「你出小句聲冇人話你啞嫁，你再嘈我唔幫你拍戲呀啦！」
哦！對唔住。好啦！講番市集果處啦！就係變隱龍商店o既付近，有隻狃拉睇中左一粒金珠。
「嘩！今次仲唔發達，果粒金珠值５０００蚊嫁！比我偷到o既話，一個月o既伙食唔使憂啦！」
於是奇多就慢慢靠近變隱龍商店，就係Ｅ個時候，另一邊又有另一個睇中左果粒金珠o既飛天螳螂。
「上次比隻死狃拉搶左我o既＄９８００鉑粉，今次比我見到佢一定唔會放過佢！」
「好！係機會！竊盜！」「好！係機會！竊盜！」
兩邊一齊用竊盜，唔使問梗咩都偷唔到啦！
「可惡！又係你！次次都阻住哂！今次一定要好好教訓你！」奇多發火
「咩話！你唔好惡人先告狀喎！」啟螳反駁
「廢話唔多講！影子球！」可惜啟螳經易咁避開左，仲閃左去奇多後面，黎個蜻蜓回轉。
啟螳心諗，狃拉大多係物攻向o既，自然用攻完即閃o既招式啦！
點知奇多趁住蜻蜓回轉後離開o既短短０點幾秒，將影子球o既威力儲到最大，就咁一下打中左啟螳。
「有一套！竟然玩特攻，但係咩對手我未打過？你ＥＤ小角色難唔到我架！」
於是啟螳用電光石火同奇多玩埋身戰，缺乏物攻技o既奇多顯得非常之吃力，就係苦無良策之下唯有四方八面咁射Ｄ冷凍光束。
但係冷凍光束又邊夠電光石火快丫！唔單只打唔中啟螳，仲射到成條街都結哂冰。
突然奇多一個唔小心，比啟螳用佢果兩把強而有力o既刀夾住左佢背脊果三條野，
熟悉狃拉o既都知道，狃拉背脊果三條野係最引以為傲o既裝飾，如今比人咁夾住，梗係火都黎埋啦！
奇多伸出佢從未用過黎爪人o既利爪，大大力咁爪落啟螳個頭，啟螳比人爪左一下，隻手鬆左一鬆，比奇多走甩左。
但由於奇多o既爪因為小用而唔夠硬，搞到反甲，你話死唔死？
兩人見大家都走到咁遠，唔打算再玩埋身戰，於是各據一方玩ＣＳ…
就係影子球、真空波、冷凍光束滿天飛o既其間，係探險隊總部洗廁所o既達克萊伊經過，仲比真空波打中左私人部位，
唔使問佢梗係走左去報串啦！於是叫左波結丹斯果三條傻仔黎捉人
帝王拿波：「你再講多次信唔信我劈炮唔撈呀啦！」
「夠膽係到打鬥生事，駐守Ｅ區o既探險隊–波結丹斯而家要拘捕你地。」烈焰猴道。
結果波結丹斯三兩下手勢就搞掂左奇多同啟螳。
「搞到成條街都亂哂，今次你地有排坐喇！同你Ｄ屋企人講bye bye啦！」
待續…
[ 本帖最後由 David王 於 23/4/2009 09:58 PM 編輯 ]
作者: ~JL~ 時間: 15/4/2009 11:35 AM
原帖由 David王 於 15/4/2009 11:20 AM 發表
呢度就係探險隊總部付近o的市集，果Ｄ商店o的老闆往往會因為以為有探險隊係付近巡邏而鬆懈。唉！你估家陣Ｄ探險隊會為左要幽浮磁怪警長果雞碎咁多報酬而去盡心盡力捉賊咩？除左波結丹斯果三條傻仔之外。帝王拿波：「 ...
好好笑，SY大的力量好強
加D
我支持你，加油
[ 本帖最後由 hohoyinhk 於 15/4/2009 11:37 AM 編輯 ]
作者: [GD]ricky 時間: 15/4/2009 02:15 PM
搞到反甲,很好很強大!!
咁大隻抓都係第1次用=.=勁
仲有玩CS=.=好
作者: PtF`Messi 時間: 15/4/2009 04:39 PM
又學sy
?
作者: 柊．David 時間: 15/4/2009 04:48 PM
原帖由 我係白金Fans 於 15/4/2009 04:39 PM 發表
又學sy ?
可以算係學佢
個小說當初ge構思係好正經
但後尾為左吸引觀眾
就改成咁
作者: ~JL~ 時間: 15/4/2009 05:18 PM
原帖由 David王 於 15/4/2009 04:48 PM 發表
可以算係學佢
個小說當初ge構思係好正經
但後尾為左吸引觀眾
就改成咁
我在SY之前試過，可是小光X叫我改，從些之後我就沒有再這樣寫
作者: 柊．David 時間: 15/4/2009 05:39 PM
標題: (第二話)入讀探險隊學校
「搞到成條街都亂哂，今次你地有排坐喇！同你Ｄ屋企人講bye bye啦！」
冇幾耐，幽浮磁怪警長黎左啦！
「呢兩條滋事份子搞到市集七國咁亂，但睇在佢地係初犯，今次就判輕Ｄ，跟我番拘留所啦！」
之後幽浮磁怪比左十幾蚊波結丹斯果三條……偉大o既探險隊作為報酬，之後就走左啦！（果然係雞碎咁多）
「你兩個暫時就困住係到先，我出去同班伙記傾下點處理你地，好快番。」
幽浮磁怪困住左奇多同啟螳就出左去。以下就係鐵窗邊緣o既情況。
「唉！一日最衰都係你啦！而家搞成咁，你話點算？」奇多嘆哂氣咁話
「咩最衰都係我？次次我想偷野你都出黎搞搞震！」啟螳反駁
「咩呀！搞搞震果個係你呀！正一ｘｘｘ！」
「點呀你？岩岩打得少，而家又想再打過呀？」
「正有此意！」
「停手呀！你地仲未打夠咩？」
正當兩位又想開片o既時候，突然有一把女仔聲叫停左佢地。
「哥哥，好心你地唔好再打喇！我帶左野食黎。」一隻甜甜螢走左出黎
甜甜螢超一超坐係啟螳旁邊o既奇多，又講「你係哥哥o既朋友？你都一齊食喇！」
「妹妹，千祈唔好比Ｅ隻色狃拉食呀！廢事佢一陣抽你水。」啟螳道
「咩？咩色狃拉呀！講左好多次上次係唔小心囉！」奇多反駁
講到Ｅ到，我諗我有必要講明點解奇多會被誤以為色狃拉，話說上次奇多同啟螳為左爭一粒生命玉而大打出手，突然奇多一個企唔穩，埃左落整理緊藥物o既沙奈朵果到，仲差Ｄ摸到人地o既某部位，結果係點？大家可想而知。
奇多：「你唔係話ＣＵＴ左果段咩？做咩而家又講比Ｄ觀眾聽？你再係咁我唔拍啦！」
哦！對唔住。咦！幽浮磁怪警長番黎啦！仲帶左張form黎
「嗱！唔使你地去洗八月十五都得，就罰你地社會服務令，打掃番比你地搞到七國咁亂o既市集，仲有就係，你地唔可以冇書讀，就入讀探險隊學校！不得異議！你地同我填好張入學申請表。」
睇黎又要我Ｅ個旁白解釋下，咩叫做探險隊學校。探險隊本來係冇學校，但後來發現家陣Ｄ探險隊愈來愈冇素質，一個二個都好似劈屎咁，為左改變Ｅ個慘況，PM世界政府決定開辦呢間學校，一來改善探險隊o既質素，二來可以比Ｄ冇書讀o既PM讀書(廢話)。而探險隊學校將會係兩日後開學。
兩日後
奇多：「可惡呀！我掃街掃得咁辛苦你竟然用兩日後三隻字就咁飛哂佢。」
「歡迎各位入讀探險隊學校，我係你地o既校長富迪……」（由於校長講o既廢話實在太無聊，所以比作者ＣＵＴ左）
---------------------------------------------------------------------------------------------------------------------------------------------------------------------------------------
就係Ｅ個時候，某處傳黎一段對話…
？１：「聽講探險隊開學校喎！你聽日就去比個下馬威過佢地啦！」
？２：「係！」
？１：「哈哈哈哈哈哈！」
待續…
[ 本帖最後由 David王 於 23/4/2009 10:00 PM 編輯 ]
作者: werewolf 時間: 15/4/2009 05:42 PM
「呢兩條滋事份子搞到市集七國咁亂，但睇在佢地係初犯，今次就判經Ｄ，跟我番拘留所啦！」
-----------------------
錯字
作者: 佳雅．小曉 時間: 16/4/2009 02:24 PM
囧
這篇文暴露了我的真名
作者: ~JL~ 時間: 16/4/2009 02:32 PM
原帖由 佳雅．小曉 於 16/4/2009 02:24 PM 發表
囧
這篇文暴露了我的真名
難道就是潔螢？？
作者: 柊．David 時間: 17/4/2009 06:41 PM
標題: (第三話)巨型植物來襲
「……好喇！各位同學而家可以分班。」富迪校長終於嘔埋佢最後一句出黎啦！全校學生回復睡眠狀態。
「唉呀！估唔到要同兩個賊同班，真係天意弄人。」一隻電螢蟲自動走到奇多同啟螳面前，作出挑釁。
「講咩呀你，你唔好以為你上次靠圍毆打贏我地就好把閉喎！係咪要一開學就爆頭呀！死肥蟲！」奇多發火，想打人咁。
「第一，我唔係叫死肥蟲，係八達輪 彼得。第二，你ＥＤ流氓冇資格同我打，係咁！」
「你……」
正當奇多準備使出冷凍光束攻擊彼得，就有老師黎，唯有將冷凍光束食番落肚，坐番埋位。
「各位同學早晨，我係你地o既班主任橙sir（柯波朗）……」（由於所有學校第一日o既開場白都係差唔多，又比作者ＣＵＴ左啦！）
「嗱！大家都知道Ｅ到係探險隊學校啦！名符其實，Ｅ到係訓練探險隊o既，同時亦都可以比各位同學加入成為探險隊o既一份子，邊位同學有興趣o既，就……
轟轟轟～
突如其來o既一聲巨響，蓋過左橙sir把聲，全班都嚇左一跳
「各位同學冷靜Ｄ，我出去睇下發生咩事。」
就係橙sir正想行出去睇下咩事，班房o既牆就比人打爆左，而牆後面o既就係一隻身高兩米o既火焰雞…
「哈哈哈！各位同學好嗎？我就係札洛比卡o既邪神，頭先我聽到你地o既橙sir招攬人加入探險隊喎，究竟邊個咁唔識死想加入做探險隊呀？」全班都聽到果隻火焰雞用恐嚇細路o既語氣咁講，梗係淆哂抵啦，仲點會肯做探險隊呀？
「收啦你！我係要做探險隊呀！果到有免費三餐，唔做就真係蠢呀！」奇多突然企出黎咁講（奇多要做探險隊o既原因令到全班滴汗
）
邪神見到係佢o既恐嚇之下都仲有人話要做探險隊，梗係火都黎埋啦！惱羞成怒o既佢即刻派出佢o既手下–搖籃百合*1、觸手百合*4
其中搖籃百合o既size仲比普通o既大一倍有多。
「嘩！好得意o既花呀！」奇多露出左佢鍾意植物o既本性，衝埋去攬住Ｄ觸手百合（全班滴汗 ）
「哼！唔好睇佢地多似好可愛咁呀！比Ｄ顏色佢地睇下。」邪神命令
「小心呀！」
可惜太遲，就係邪神講完Ｅ句之後，五隻百合一齊使出寄生種子，打中左好多人，當然包括攬住觸手百合o既奇多啦！
Ｄ寄生種子一入到去PM o既體內，即刻生出類似籐o既物體，仲係咁吸血。
「高速旋轉！」就係Ｅ個時候橙sir使出左高速旋轉，解救左Ｄ被寄生種子擊中o既學生。
「實在太可惡啦！居然將Ｄ咁可愛o既植物基因改造，仲攪到佢地失哂理性，唔可以原諒！」奇多露出極之憤怒o既眼神！然後衝埋去果４隻觸手百合果到，倒左Ｄ特殊o既液體落去，果４隻觸手百合即刻冇哂力，仲死下死下咁。
「你…你對佢地做過Ｄ咩黎呀？」邪神問
「哼！劇毒！冇幾來佢地就會毒發身亡，屍體仲會潰爛，嘿嘿嘿！」
「魔鬼呀！」果４隻觸手百合即使淆抵閃開，走都走唔切。
「奇多！你點可以帶Ｄ咁恐怖o既野番學架！」橙sir問
「其實唔係劇毒黎嫁，只係Ｄ特殊o既藥物，當植物吸入體內就會有類似中劇毒o既現像，其實佢係會幫Ｄ受基因改造o既植物回復正常，我又點會咁狠心對Ｄ咁可愛o既植物下毒手喎！ 」（全班再次滴汗 ）
「唉！唔使問梗係係沙奈朵果到偷番黎啦！不過今次就當係你將功補過，唔告你啦！」彼得道「而家就等我地一齊搞掂隻衰雞！」
「我都黎幫手！」橙sir＆啟螳道
「冷凍光束」「電光石火」「十萬伏特」「近身拳擊」四條友一齊攻擊邪神
全世界都以為邪神死緊啦，點知佢突然禁一粒制，果隻搖籃百合就上前做左佢盾牌，擋哂Ｄ招
「哈哈哈！唔好以為咁容易就可以打敗我喇！今次就算你地好彩，下次你就知死！」邪神講完之後，就閃左人啦！
「雖然搖籃百合係死左，但係佢留低左一粒種子，埋佢係後花園到啦！」橙sir道。
---------------------------------------------------------------------------------------------------------------------------------------------------------------------------------------
放學後
---------------------------------------------------------------------------------------------------------------------------------------------------------------------------------------
肥波球：「你地真係想加入探險隊？」
奇多＆啟螳：「係！快Ｄ同我地登記啦！咦？」
肥波球：「ＺＺＺ…
奇多＆啟螳：「唉！果然真係訓左 」
待續…
[ 本帖最後由 David王 於 23/4/2009 10:01 PM 編輯 ]
作者: ~JL~ 時間: 17/4/2009 08:34 PM
我睇到一半就看不下去
作者: 柊．David 時間: 17/4/2009 08:40 PM
原帖由 hohoyinhk 於 17/4/2009 08:34 PM 發表
我睇到一半就看不下去
係唔係寫得太差?
如果係就加快劇情完左佢算啦-.-
作者: DunDun 時間: 17/4/2009 09:09 PM
原帖由 David王 於 17/4/2009 08:40 PM 發表
係唔係寫得太差?
如果係就加快劇情完左佢算啦-.-
不差
我期待近拳火雞
作者: ~JL~ 時間: 17/4/2009 09:09 PM
吾係，係寫到好似旁述
作者: [GD]ricky 時間: 17/4/2009 09:22 PM
原帖由 David王 於 17/4/2009 08:40 PM 發表
係唔係寫得太差?
如果係就加快劇情完左佢算啦-.-
又唔可以話既....
可能只係而家ｄ劇情悶姐＝．＝第１，２章冇乜野，第３章較悶姐＞＜
作者: 柊．David 時間: 18/4/2009 04:28 PM
這個無聊弄的
已放在＃１
如果太家覺得太樣衰就刪掉它
作者: Bayleef 時間: 18/4/2009 06:16 PM
很好,但背景為樹林更好
快出下一回
作者: 柊．David 時間: 29/5/2009 09:28 PM
標題: (第四話)Ｍ記風雲
本帖最後由 David王 於 30/5/2009 03:31 PM 編輯
話說超能森林間Ｍ記發生集體食物中毒，奇多佢地班友仔就被派去調查。
點知都未入到去，就聞到威力１００o既毒氣，事關果處有幾廿個人係到狂嘔，
而係角落頭就見到一隻艾爾萊特同一隻死唔斷氣o既沙奈朵婆婆，
「婆婆！你唔好死呀！」
「我唔得啦！ 嘔……記住我死左之後要努力Ｄ讀書呀！ 嘔嘔……如果冇錢使就走偷啦！Ｅ個係招式機器46 嘔嘔嘔…… 」
邊有Ｄ大人教細路去偷野架，乖o既小朋友千祈唔好學呀！
「ＷＵＵＵＵＵＵＵＵＵＵＵＵＡＲＲＲＲＲＲＲＲＲＲＲＲＲＲＨＡＡＡＡＡＡＡＡＡＡＡＡ…………」
個老太婆發出左長達５０分鐘o既叫聲，終於肯死啦！係Ｅ個時候，有三個女人走入黎，優雅貓、甜甜螢、沙奈朵終於到左，莉 攞出佢o既裝備(?)，化驗下Ｄ食物到底有咩事。
「雞有禽流感；牛柳有瘋牛症；魚柳有孔雀石綠；蛋有蘇丹紅；豬柳有豬鏈球菌；薯條係用發芽薯仔做；最慘o既係可樂o既成分竟然係頭髮 + hydrochloric acid + carbon monoxide + cyanogenic glycoside……果位婆婆食左Ｄ咁o既野都死得咁慢，算好好彩。」
就係Ｅ個時候，奇多因為肚餓得濟，買左個雙層芝士孖堡食，莉一見到，就即刻衝埋去阻止，可惜太遲啦！奇多已經咬左一大擔，莉惟有化驗下Ｄ牛柳睇下有冇瘋牛症啦，點知……
「化驗所得，係冇病毒，但果舊並唔係牛柳，而係蚯蚓肉，唔錯呀！有豐富蛋白質。」
唔使問奇多梗係將上世o既飯都嘔埋出黎。
店長超夢夢同佛烈託斯見到自己間Ｍ記比人查，如果比莉公開佢份化驗報告o既話就肯定要坐監，於是佢地衝出黎，企圖殺哂所有人毀滅証據。
超夢夢同佛烈託斯狂用石刃攻擊主角們，奇多為左避開Ｄ石刃而左閃右避，點知一個唔小心，埃左落雅賢果到，仲唔小心做出１８禁o既動作。
「奇多！估唔到你會借石刃過橋乘機食豆腐，我對你太失望啦！」潔螢用小惡魔o既口吻話
奇多仲邊到應到佢啊！佢早就受誘人身體特性影響，暈左係到。
雖然超夢夢同佛烈託斯都實力非凡，但始終蟻多嬲死象。
佛烈託斯知道唔掂當，諗住用大爆發攬住一齊死，點知佢無啦啦訓著左，而係佛烈託斯後面使用催眠術o既竟然係傳說中o既寵物小精靈，七大魔王之一o既 – 夢夢。
原來夢夢就係超能森林o既皇帝，如今見到有人係佢地球搞事，梗係興過火屎啦！
佢同超夢夢話咁快就打起上黎，點知超夢夢唔小心踩到係地下o既雞排而仆低，隻手仲唔小心禁左開心樂園餐送o既彈彈Ｍ記叔叔玩具，個Ｍ記叔叔玩具一彈就彈左上天花板，咁岩又打中左棧燈，棧燈由天花板跌左落黎，仲著埋火，Ｄ花灑感覺有火，就狂噴水。順帶一題，果間Ｍ記Ｄ收銀電腦好鬼死廢，一濕水就爆炸……
最後連個天花板都ＬＵＭ埋落黎，成間Ｍ記變成廢墟…
係Ｅ個時候，佛烈託斯終於醒左，見到程況咁不利，就話
「哼！今次就放過你地，下次我札洛比卡 翟烈斯就要你地好睇！」
跟住用電磁浮游飛走左…
而超夢夢已經被夢夢捉到，最後因售賣問題食品，被判入獄１０年。
「今次真係唔該哂，為左答謝你地，我已經安排左豪華車送你地番去，後會有期～」夢夢道
「ｂｙｅ！」
就係塔車o既途中，主角們都有一種好似遺忘左某樣野o既感覺，但係就冇人諗得出係乜。
－－－－１２：００ａｍ－－－－
「嗚！Ｅ度係邊度？」
有一隻狃拉由Ｍ記o既瓦礫中走出黎，
主角們終於醒起佢地遺忘左Ｄ咩
誘人身體特性o既威力太強大啦！
待續…
作者: Bayleef 時間: 29/5/2009 11:13 PM
太好笑了,david別再潛了
作者: 柊．David 時間: 30/5/2009 01:33 PM
由於4位男主角經已登場
所以重新整過幅圖
作者: Angelfire 時間: 30/5/2009 01:36 PM
http://img132.imageshack.us/img132/7051/49618313.png
由於4位男主角經已登場
所以重新整過幅圖
David王 發表於 2009/5/30 13:33
螳螂好似同成個圖格格不入咁....
作者: Bayleef 時間: 30/5/2009 02:32 PM
超能斗士幾時+入
電螢蟲不是波結丹斯的嗎?
作者: 柊．David 時間: 30/5/2009 02:49 PM
超能斗士幾時+入
電螢蟲不是波結丹斯的嗎?
Bayleef 發表於 30/5/2009 02:32 PM
電螢蟲是兩頭蛇
周不時會出來幫忙
超能斗士在m記出現了一會兒
下集才正式加入
作者: [GD]ricky 時間: 30/5/2009 03:21 PM
睇完覺得...無奈...
佢同超夢夢話咁快就打起上黎，點知超夢夢唔小心踩到係地下o既雞排而仆低，隻手仲唔小心禁左開心樂園餐送o既彈彈Ｍ記叔叔玩具，個Ｍ記叔叔玩具一彈就彈左上天花板，咁岩又打中左棧燈，棧燈由天花板跌左落黎，仲著埋火，Ｄ花灑感覺有火，就狂噴水。
依一段...笑了
希望可以快d有下一集...你讓我等了好耐
作者: TobyTse99 時間: 13/6/2009 12:14 PM
本帖最後由 tobytse99 於 13/6/2009 12:15 PM 編輯
David王 發表於 30/5/2009 01:33 PM
(縮細d人, 放大個背景)
(好似咁)
同埋...跟比例...
作者: 柊．David 時間: 13/6/2009 12:43 PM
縮細再放大好睇d
(縮細d人, 放大個背景)
(好似咁)
http://archives.bulbagarden.net/w/upload/9/98/Pmd3_new_starters.png
同埋...跟比例...
tobytse99 發表於 13/6/2009 12:14 PM
但好難搵到d咁正ge背景圖
算了,有時間先整(轟
| 歡迎光臨 香港寵物小精靈村落 論壇 (https://proxy.archiver.hkpnve.pokebeacon.com/) | Powered by Discuz! X3.2 |
