香港寵物小精靈村落論壇

標題: 我發左個好真實的惡夢，分享一下。 [打印本頁]

作者: anteater 時間: 4/11/2007 03:50 PM
標題: 我發左個好真實的惡夢，分享一下。
夢是將短期記憶變成長期記憶，所以如果你下定決心不停告訴自己在發夢或記住夢境，甚至可以控制自己的夢境。有極少人成功過，我也才成功控制過一兩個夢境，不過感覺很怪不想試了。我媽媽賭錢時祈求神靈托夢，都可以每晚完整地記住幾個夢，事實如此。甚至是未去過某廟宇，昨晚卻清楚地夢到廟宇的環境...唔知信唔信佢...

一兩個月前我發左個好真實的惡夢，印象好深刻，但有d地方有d細節模糊唔清楚有冇夢過，又好似係兩個夢但連接到，到而家想起都有d驚。

我夢見自己成頭冷汗，晚上急症睇醫生。報告話我冇病，醫生偷偷地話我知係撞邪，果d水唔是頭汗，係邪氣附身，有鬼接近，想借屍還魂=.=" 醫生要求我留係醫院天光至好離開，否則可能有生命危險。我回想自己條頸的確凍凍地好似後面有人跟住咁，唯有半信半疑留低。

我坐係度訓著左，但醒黎時已經係凌晨時份，醫生居然全都偷偷走哂，剩低我一個人，我渾身無力，好肚餓，又唔多信d醫生d廢話，想出去買d嘢食甚至走，因為都有d怕醫院。升降機門開左，但裡面有個白袍少女呆站望住我，黑色長頭髮的，我望左一眼覺得怪怪地唔敢入去。

唯有走後樓梯，但個門自動關左鎖左orz，我向下走左一半樓梯，d黃燈都閃閃下有d仲熄埋(好似紅紅地)，開唔到走火通道d門，唯有不斷向下走，上面開始出現d小怪聲。但我覺得愈向下行愈陰深唔敢行，寧願返回原本果度T_T。

仲係開唔到原本度門！orz 下面好似有d鬼影飄浮，怨我冇中計落去咁。我好驚，大力敲門，但呼天不應，下面出現狗吠聲愈來愈響，唯有慌忙向上逃跑，上到天臺，前面冇路，後面有大小兩隻黑狗，小黑狗過黎咬我，比我踢到噴血，我踢佢落去跳樓>.<。大黑狗狂怒撲過黎，我驚到合埋眼，唸住死緊，但佢居然直接去跳樓，跟住個仔一齊死XD

地下d黑狗血好腥，仲好似不斷流出黎囧，我急步走返樓梯，知道唯一出路係底層大門，走到差d冇氣，一口氣直落到底層大門，又見到一個穿白袍的少女坐係樓梯轉角，樣子美麗可愛，係到向我微笑招手 -.-"。我覺得佢好似我升降機裡面見到果位orz

後面d走路聲同怪聲愈來愈大，d黃燈係度閃閃下，我唯有盡量靠牆走過少女果度但盡量避開佢，但樓梯窄仲係比佢捉到隻右手orz，我發現佢個樣好呆臉色好蒼白，隻手有d軟有d凍，我想搖走佢，但用唔到力出又唔到聲，比佢拉落地下條樓梯，我拼命終於脫了身，身子輕了一下，但已經去左通往地下果條樓梯處，少女係上面走左見唔到，但我唔敢上番去。

我逃跑去地下樓梯盡頭見到個鐵門，少女又後面慢慢跟著行黎(飄？)，揮手示意我唔好開門，我唔聽開左個門即刻關左。裡面好黑，似雜物房，我見到好大塊古董圓鏡掛係牆角，裡面出現左個少年對我邪笑(唔肯定係唔係鏡裡面)，佢話等左我好耐好悶，要我永遠陪住佢，我話生人唔可以用死人一齊的，放過我吧，佢隻手突然從鏡裡伸出黎抓住我隻右手(真要命XD)，我大喊但佢話冇用，我大力拉扯但掙不脫，點知隻右手斷左，但唔痛，我嚇到呆左。

佢大笑，話我已經死左，條屍剛才已經比佢討厭的女朋友用左去還魂，而家我個鬼魂要入去佢個鏡裡。我連埋斷手被吸左入去，但佢居然出左黎，話要去想辦法借屍還魂了，再見了T_T 跟住剩低一片黑暗同我d尖叫聲同埋迴響T_T

我都唸唔到我個夢咁長咁恐怖，所以覺得係兩個夢，不過大家當小說睇好啦。
我中國文學作文囉A水平，但個夢我剩係為左連接作左少少，信唔信由你，我都唔太信orz
奇怪，夢醒時唔覺得恐怖，我有d問題...

作者: K龍 時間: 4/11/2007 03:59 PM
少女有阻止你開門啊，唔聽搞出事了/ . \

作者: 小龍chris 時間: 4/11/2007 04:05 PM

原帖由 anteater 於 4/11/2007 03:50 PM 發表

 登錄/註冊後可看大圖

夢是將短期記憶變成長期記憶，所以如果你下定決心不停告訴自己在發夢或記住夢境，甚至可以控制自己的夢境。有極少人成功過，我也才成功控制過一兩個夢境，不過感覺很怪不想試了。我媽媽賭錢時祈求神靈托夢，都可以每 ...

鬼故來的?orz
蟻大是不是看得鬼故多,上腦XD?
這個夢是一次過發的,
還是分開兩次發?
不知道為啥,
我發惡夢時.
會集中精神(?)
跟著就會變成去「想」一個夢出來orz

原帖由 カイリュー 於 4/11/2007 03:59 PM 發表
少女有阻止你開門啊，唔聽搞出事了/ . \

不聽老人(?)言，吃虧在眼前

作者: anteater 時間: 4/11/2007 04:18 PM

原帖由  於 4/11/2007 03:59 PM 發表

 登錄/註冊後可看大圖

少女有阻止你開門啊，唔聽搞出事了/ . \

我相信冇野會比死更恐怖，又知道佢不懷好意，點信佢？
原來永恆的寂寞更令人瘋狂，比死更難受...

突然明白那少年為什麼討厭他的女朋友，他的女朋友跟本不敢接近佢，怕被佢拉回鏡裡。
或者這跟本係個恐怖循環，原本鏡裡面的...然後係那少女，然後係少年，然後係我，然後係...

夢唔一定係鬼至恐怖，我好細個發個一個極短的惡夢，我見到電視機電影裡有個單眼大力士在狹谷突然被兩旁的山擠壓，佢以大力異能犧牲左自己救左其他朋友，好偉大好可憐。我在想他痛不痛就睡著了。然後發夢見到自己都一樣被兩旁的山擠壓，不斷擠壓，不斷擠壓，腦子像要爆炸，劇痛和恐懼卻無休止地增加，恐怕擔心再劇痛下去我會很慘很慘，有種瘋狂的感覺，瘋狂大喊，驚醒了爸媽，他們抱起了我不停地搖，我才慢慢清醒，像再世為人一樣，但不知身在何方，怕到不斷打冷顫。先說明我那時沒發燒感冒等等。

作者: anteater 時間: 4/11/2007 04:24 PM

原帖由 小龍chris 於 4/11/2007 04:05 PM 發表

 登錄/註冊後可看大圖

鬼故來的?orz
蟻大是不是看得鬼故多,上腦XD?
這個夢是一次過發的,
還是分開兩次發?
不知道為啥,
我發惡夢時.
會集中精神(?)
跟著就會變成去「想」一個夢出來orz

不聽老人(?)言，吃虧在眼前

一兩個月前冇睇任何鬼片，冇睇衛斯理，睇的係梁羽生的武俠小說，狂俠天驕魔女...
你說了那情況，有些地方好像是困在鏡裡才回想的，很模糊又很真實...所以次序我都弄不清。
不是鬼故，但你覺得劇情有亮點的話當鬼故也行囧

[ 本帖最後由 anteater 於 4/11/2007 04:31 PM 編輯 ]

作者: Monew 時間: 4/11/2007 04:30 PM

原帖由 anteater 於 4/11/2007 04:18 PM 發表

 登錄/註冊後可看大圖

我相信冇野會比死更恐怖，又知道佢不懷好意，點信佢？
原來永恆的寂寞更令人瘋狂，比死更難受...

突然明白那少年為什麼討厭他的女朋友，他的女朋友跟本不敢接近佢，怕被佢拉回鏡裡。
或者這跟本係個恐怖 ...

我也很怕死,雖然我不相信有鬼,但我很怕鬼,可能是鬼給我的感覺是死亡的使者

死後投胎做第二個人,但有第一個人(本身)的記憶並不是一件好事,
因為會掛念自己的家人而無法投入新的生活,這種感覺我曾在我之前發的帖子裡敘述的夢嘗過,
但詳細情形卻忘了,所以沒打出來,如果這是真實的事感覺會更強烈

作者: anteater 時間: 4/11/2007 04:43 PM
我不相信鬼神，但是很希望見鬼，因為希望證明死後不會什麼都沒有。
只要有思想就行，管它什麼模式存在。
我是寧願痛苦也不想死的那個想法，或許這就是我醒後一點也不害怕的原因。

我自己控制的其中一個夢卻很無趣，我很開心知道自己在發夢，但要自己設計夢境而時機卻稍縱即逝很辛苦。我在暗街裡看見一輛小貨車，決定打開門，但裡面只有黑暗，因為我想不到要什麼夢境才好，當然亦沒什麼準備。結果是乘貨車上太空看看美麗的銀河而已，暈orz

也試過在夢中和同學下中國象棋，過程回合思想全清楚記得，醒後都覺得怪怪的，因為某些開局的公式化，倒是錯誤不多。現在沒在意這個夢，已經忘了棋局，亦沒以前下棋有那瘋狂程度。

作者: PA 時間: 4/11/2007 04:52 PM
說到夢
你們發現有時自己會去了虛構的地方嗎?
而且一大段時間後又會去同一個虛構的地方...

作者: dolphin_ice 時間: 4/11/2007 05:29 PM

原帖由 anteater 於 4/11/2007 03:50 PM 發表

 登錄/註冊後可看大圖

夢是將短期記憶變成長期記憶，所以如果你下定決心不停告訴自己在發夢或記住夢境，甚至可以控制自己的夢境。有極少人成功過，我也才成功控制過一兩個夢境，不過感覺很怪不想試了。我媽媽賭錢時祈求神靈托夢，都可以每 ...

死...
係咪我ge言論令你發呢種惡夢?

講聲對唔住先

你唔洗驚, 夢0者
呢d野呢, 係好罕有ga, 好難先會發生
所以你係ge機會呢, 係好細
唔洗驚
你真係驚, 就去教會搵驅魔人la, 唔收錢ge (如果佢收錢呢=佢係呃人ge)

不過呢, 真係冇乜可能發生

作者: K龍 時間: 4/11/2007 05:34 PM
我倒是試過發過一個惡夢，在到最惡佈的關節眼時醒左，點知第2晚竟然是那惡夢的續集............|||||||

聽說只要意識到自己在發夢就能控制夢境，雖我未曾試過意識到我是在做夢，但在夢裏的自己都會希望"某種事情發生"/對"會不會發生那種事？"產生疑問/"不希望撞到某種事"，結果那些情感帶來的結果就是引導了夢境的發展............

作者: orb 時間: 4/11/2007 05:37 PM
我試過真係係夢裡面落左兩舖棋...
醒返仲記得個局,係全局
而且落D棋比我現實的勁n倍
貌似無破綻
成個胡榮華對呂方的局- -

不過我沒看過棋書...

作者: abc666 時間: 4/11/2007 05:58 PM

夢是將短期記憶變成長期記憶，所以如果你下定決心不停告訴自己在發夢或記住夢境，甚至可以控制自己的夢境。

你們發現有時自己會去了虛構的地方嗎?
而且一大段時間後又會去同一個虛構的地方...

我倒是試過發過一個惡夢，在到最惡佈的關節眼時醒左，點知第2晚竟然是那惡夢的續集............|||||||

現在差不多晚晚發夢
而以上的事經常發生...

作者: sy 時間: 4/11/2007 06:05 PM
我最近發的惡夢都是和禽獸隻揪

例如狗和蛇

作者: anteater 時間: 4/11/2007 06:45 PM
那你是以自己的身份隻揪？贏定輸。

作者: sy 時間: 4/11/2007 06:48 PM

原帖由 anteater 於 4/11/2007 06:45 PM 發表

 登錄/註冊後可看大圖

那你是以自己的身份隻揪？贏定輸。

嗯,自己的身份
每次也是用殘暴的方法殺了牠們..

作者: 小龍chris 時間: 4/11/2007 07:41 PM

原帖由 sy 於 4/11/2007 06:48 PM 發表

 登錄/註冊後可看大圖

嗯,自己的身份
每次也是用殘暴的方法殺了牠們..

我還以為是天上突然有幾樣武器跌下...
然後你用其中部份KO掉牠們~.~

作者: Monew 時間: 4/11/2007 10:10 PM

原帖由  於 4/11/2007 05:34 PM 發表

 登錄/註冊後可看大圖

我倒是試過發過一個惡夢，在到最惡佈的關節眼時醒左，點知第2晚竟然是那惡夢的續集............|||||||

聽說只要意識到自己在發夢就能控制夢境，雖我未曾試過意識到我是在做夢，但在夢裏的自己都會希望"某種事情發 ...

我試過有一次意識到自己在發夢,但夢裡的我覺得既然想得到這個是夢,那就應該不是夢,因為夢裡的自己覺得夢裡的自己的意識不會那麼清楚,不會意識到自己在發夢,可惡,差點就能控制夢境=.=

作者: 路人2號 時間: 5/11/2007 04:47 PM

原帖由 小龍chris 於 4/11/2007 07:41 PM 發表

 登錄/註冊後可看大圖

我還以為是天上突然有幾樣武器跌下...
然後你用其中部份KO掉牠們~.~

我想起的是
LF2

作者: 小粟 時間: 11/11/2007 12:28 PM
我試過發2個惡夢...係11年內
一個係我家姐變左鬼
第二個唔記得-__-"

作者: Nidoq 時間: 11/11/2007 04:00 PM
想起了從前聽的猛鬼熱線Orz

這段時間沒夢....(默

作者: 暴叔 時間: 11/11/2007 07:24 PM

原帖由 Nidoq 於 11/11/2007 04:00 PM 發表

 登錄/註冊後可看大圖

想起了從前聽的猛鬼熱線Orz

這段時間沒夢....(默

me2,上一次已經是一個月前

醒左之後只記得少部分

作者: K龍 時間: 11/11/2007 11:17 PM
前一排夢見自己殺人(動機不明.......)，昨天夢見自己死了 orz.......

不知為何我發的夢總是離不開被追(殺) , 鬼怪 , 身歷險境等等.......發個好夢真難

作者: 路人2號 時間: 12/11/2007 04:48 PM

原帖由  於 11/11/2007 11:17 PM 發表

 登錄/註冊後可看大圖

前一排夢見自己殺人(動機不明.......)，昨天夢見自己死了 orz.......

不知為何我發的夢總是離不開被追(殺) , 鬼怪 , 身歷險境等等.......發個好夢真難

你的心靈里面真是黑暗啊(茶)

作者: K龍 時間: 12/11/2007 05:19 PM

原帖由 路人2號 於 12/11/2007 04:48 PM 發表

 登錄/註冊後可看大圖

你的心靈里面真是黑暗啊(茶)

話說我昨晚夢見世界末日了，原因是臭氧層消失了

作者: tsanglingto 時間: 12/11/2007 06:25 PM
你到底想up咩,都唔知係唔係真係發出來的

作者: PA 時間: 12/11/2007 06:44 PM

原帖由 tsanglingto 於 12/11/2007 06:25 PM 發表

 登錄/註冊後可看大圖

你到底想up咩,都唔知係唔係真係發出來的

就是在說發了什麼夢
如果你曾試過發夢的話你會發現沒有證據能證明我們在亂制造假夢
夢就是這麼神奇

也許你都神奇得能稱得上夢...

作者: 小衡 時間: 14/11/2007 03:06 PM
樓主的夢,很恐怖...

對呀,有沒有人
我也有一個夢喔...

這是一個早上,這是一個茂盛的森林...
在陽光的沐浴下,這裡顯得格外清新...
我就在這裡--新奧地方一個不為人知的湖
先是在這裡洗臉和沐浴,後來被別人看見!!
之後跟一個寵物小精靈訓練員展開激戰!!
這是2對2的對戰...出來吧!!斗笠菇!!叉字蝠!!
之後我............甦醒過來!!
(說穿了是構想中的劇情,日有所思,夜有所夢)
不久珍珠版入手~!!^^"

大家有沒有夢見自己參與寵物小精靈對戰呢?

作者: Monew 時間: 14/11/2007 04:39 PM

原帖由小衡於 14/11/2007 03:06 PM 發表

 登錄/註冊後可看大圖

樓主的夢,很恐怖...

對呀,有沒有人
我也有一個夢喔...

這是一個早上,這是一個茂盛的森林...
在陽光的沐浴下,這裡顯得格外清新...
我就在這裡--新奧地方一個不為人知的湖
先是在這裡洗臉和沐浴,後來被別人看 ...

我只夢見過自己被尤基納用念力握緊我的頸子,然後把我整個人提上半空=.=夢的詳細情形不記得了,因為這個夢是很久之前做的=.=我也從未發過好夢orz

作者: 小粟 時間: 17/11/2007 01:36 PM
尤基納用念力握緊我的頸子....

我直頭想高達用劍斬我XD
惡夢

作者: S.R.X 時間: 19/11/2007 12:42 PM
當我發惡夢時我會做D唔知咩動作之後醒左

作者: ptokh0426 時間: 27/3/2008 04:27 PM
發惡夢 is no no no

作者: Piebaby-) 時間: 27/3/2008 04:28 PM

原帖由 ptokh0426 於 27/3/2008 04:27 PM 發表

 登錄/註冊後可看大圖

發惡夢 is no no no

零七的帖子你也能翻上來喔

歡迎光臨香港寵物小精靈村落論壇 (https://proxy.archiver.hkpnve.pokebeacon.com/)

香港寵物小精靈村落 論壇

香港寵物小精靈村落論壇