香港寵物小精靈村落 論壇

標題: 變隱龍與地攤 [打印本頁]

---

作者: 卡斯    時間: 7/10/2007 08:07 PM
標題: 變隱龍與地攤
我好少寫文,文筆差唔好見怪,唔知篇文符唔符合小說區條件

第1話:變隱龍
我係變隱龍,其實都只係一般變隱龍個樣,身體係綠色o甘解o者......

我死鬼阿爺係商人,好耐之前經常o係世界各地開地攤,所以我立志要好似阿爺o甘,o係世界各地闖一番事業,
不過擅自開地攤係犯法,要坐監
為o左要達成夢想,我決定加入變氏商會*1(才羅)正式開地攤牌照
雖然唔知點解課程非常奇怪,
每日要做200下掌上壓,要用爪劈爛條30cm厚o既鋼板,然後每日要跑50公里等完全同經商無關o既o野,
但係幾經幸苦,終於得到變氏商會認可,可以合法開地攤做生意

呢一日係我第一日開地攤,我去o左蘋果森林,我一邊啍住<變隱龍進行曲>*2,一邊擺檔
"我就是行商的變隱龍~不可思議迷宮裏總會找到我~"
不過講真,沿途所見只有胖胖翁o既哀鳴,傻鴨o既慘叫聲,
間中有一兩隻大嘴鷗飛過,除此之外只有當地居民o既怒目而視,
如果唔係變氏商會o既權威,恐怕我會同胖胖翁,傻鴨佢o地一樣下場......
到底o係不可思議迷宮裏面擺檔係咪真係有人o黎買o野呢?

正當我抱住呢個疑惑o既時候,我o既第1位同第2位顧客:車厘龜同草苗龜o係我面前出現
我"歡迎光臨~~!埋o黎睇~~埋o黎揀~~"
我"呢位顧客,想要乜o野呢?"
我同草苗龜開始交易,不過第一次交易已經有阻濟
草苗龜:"......"
我"......,即係......??想要乜o野呢?"
草苗龜:"......"
我"先生,你出句聲話唔駛都好o丫"
草苗龜:"......"
我"Are you all right?"
草苗龜:"......"
我嘗試用各種語言同佢溝通,但係草苗龜粒聲都唔出我都冇符,
直至車厘龜指住件貨品,我先知道原來佢係想要o個樣o野
我"原來你係想要PP藥"
車厘龜"頭先草苗龜已經話想要PP藥,你好似聽唔到o既??"
我"點會呀?佢根本冇出聲"
車厘龜"冇理由o架?我明明聽到草苗龜好大聲講o野o架?"
講明先,我唔係聾o架!
我"......唔講呢個啦......盛惠250poke"
為免造壞變氏商會個招牌,只好轉移話題......
就係o甘我o既第一單交易結束


當我番去商會同其他變隱龍講番呢件事o個陣,
佢地好似取笑緊我o甘係o甘笑,
其中一隻年紀較大o既變隱龍擺出一副無奈o既表情話:
變隱龍A"唉,乜你唔知主角係唔准講o野*3o既咩?"
我"o下!?"
變隱龍B"呢o的係常識o黎o架"
我"......"
變隱龍A"只怪你入世未深......"
變隱龍B,C,D"哈哈哈哈哈哈哈哈~~~~~~"
呢一刻,我真係想搵窿捐

待續
我"喂!你唔好整爛我張氈呀!!"

*1:由變隱龍兄弟開辦,其中一個獲CHUN承認其合法地位o既公會
*2:時/閻探險隊入面,當有人從變隱龍地攤偷o野o個陣就會換BGM,同時亦係變氏商會o既會歌
*3:時/閻探險隊入面,主角除o左自然自語,係唔會講o野,即使更換領隊對白亦只有"......"

---

作者: Nidoq    時間: 8/10/2007 05:12 PM
我見閣下問題犯了口語這大問題因此我速讀文章XD???:根本是懶~_~

但也可見閣下是花了不少心神在上說創作上。

例如下了不少自行創作的詞彙並加以解釋,和文章也以遊戲中的設定。

但也希望好好改善一下文筆,繼續努力~_~

---

作者: 路人2號    時間: 8/10/2007 08:44 PM

原帖由 Nidoq 於 8/10/2007 05:12 PM 發表

                               
登錄/註冊後可看大圖

我見閣下問題犯了口語這大問題因此我速讀文章XD???:根本是懶~_~

但也可見閣下是花了不少心神在上說創作上。

例如下了不少自行創作的詞彙並加以解釋,和文章也以遊戲中的設定。

但也希望好好改善一下文筆,繼續 ...

真的不錯嘛
但是改一下書面語會好一點orz

---

作者: Bayleef    時間: 8/10/2007 11:39 PM
有新意,but口語太多

---

作者: 卡斯    時間: 12/10/2007 08:38 PM
用口語寫作係故意,因為我認為口語都可以寫得一篇好文(雖然我文筆唔係o甘好)
我唔希望硬性規定要用書面語寫作

第2話:地鼠的下半身是什麼?

變隱龍C:喂!玩唔玩Chess Wars*1呀?
我:唔玩呀
變隱龍B:去邊呀~?細路~
我:擺檔呀
變隱龍B:記住唔好做傻仔呀~哈哈哈哈哈哈哈哈~~
我:多事!!

自從<主角唔准講o野>事件之後,變隱龍B經常提起o個件事,都唔知佢想點,
我又冇佢符......鬼咩!邊個叫佢係變氏商會入面最識做生意o個個o丫,
只係每次見佢戴住副黑超,著住件貓王衫,又煙不離口個樣,
令我懷疑變隱龍B係咪真係識做生意......

變隱龍C:本都俾人佔領o左呀!!!
變隱龍B:好o野!又係我贏~

今日我行遠少少去o左エレキへいげん擺檔,雖然呢度o既居民冇對我怒目而視,
而且途中見到正超同負超同我打招呼,黃肥鼠又請我食蘋果,
不過唔知點解成日覺得周身唔自在,可能呢一帶靜電多掛......
仲有我途中見到一隻黃色大鳥o係我頭頂飛過


我:終於搞掂
今次我帶o左唔少商品o黎賣,淨係鋪張地氈已經花o左成個鐘,
鋪完地氈又要放好o的商品同價錢牌,當我可以開檔o既時候太陽已經o係西面

我:埋o黎睇~~埋o黎揀~~!
我:埋o黎睇~~埋o黎......咦?
正當我不斷拉客o既時候,發現地氈下面有o的奇怪物體經過,
由凸出o黎o既部份o黎睇,呢個奇怪物體大約有我一半體形左右,
而呢個奇怪物體正接近o的商品,佢係咪賊o黎呢?
我:邊個??
我馬上揭開張地氈睇睇
我:你個賊仔!!
??:我黎買o野o乍,唔好打我呀
原來係一隻地鼠......
講真佢又幾可愛o既,淨係見佢一對大而明亮o既眼睛,而且仲綁住條紅色蝴蝶結,我已經落唔到手......
雖然係o甘,但係我例牌都要話下佢
我:你如果想偷野o既話,你唔駛旨意有命離開
地鼠:對唔住呀,我為你帶o黎o甘多麻煩
我:......快o的買o野啦
不過呢隻地鼠又捐入張地氈下面,如果佢o係地氈下面鑽出o黎,會整爛我張地氈,
呢個情況我當然馬上喝住佢啦
我"喂!你唔好整爛我張地氈呀!!
地鼠:對唔住呀
我"你可唔可以唔好捐入張地氈下面呀!?
講起上o黎地鼠從來都唔會成隻離開地面,所以冇人知道地鼠o既下半身究竟係點*2,
呢次可能係難得o既機會,於是我向呢隻地鼠講
我"你成個人爬出o黎咪得o羅
地鼠:但係......
我"o甘你係咪想買o野o架?
地鼠:但係......
我會唔會講得過份o左呢?
地鼠:但係......會整污糟張地氈o架
我"......
原來佢係講緊呢件事
我"整污糟o左仲可以洗,但係整爛o左我會好麻煩
地鼠:我明白啦
最令人期待o既時刻終於到啦,我見到地鼠由地面慢慢鑽出o黎,
首先見到地鼠兩隻小而圓o既手,o的爪係啡黃色o既,每隻手有有3隻爪,
跟住見到佢個身體係好似一粒藥丸o甘樣,最後隻腳係呈橢圓,又係每隻腳有3隻啡黃色o既爪

見隻地鼠左搖右擺o甘行去o的商品度,睇佢行路個樣好似想跌o甘......
地鼠:我要1粒復活種子同1支PP藥
我"哦......盛惠......1050PP

完成交易之後見隻地鼠又左搖右擺o甘離開地攤鑽番入去,然後就睇住佢離開
我"唔怪之得地鼠從來都唔會成隻離開地面啦,原來係o甘......
呢個時候天色已經接近入黑,我都要執o野離開,真係好凍

變隱龍A,B,C,D:乜話!?你見過地鼠o既下半身究竟係點!?
我將呢件事同佢地分享,點知
變隱龍D:你係咪講真o架!?
變隱龍B:喂~連我都未見過地鼠o既下半身~,你居然會見到~?
變隱龍C:一定係你發夢
佢地唔信就算啦,我都懶得反駁

待續
天然鳥:我見到未來係一片無盡o既黑暗

*1以Advance Wars為藍本所創作o既下棋遊戲,作者不詳,玩法如下:
http://hk.geocities.com/slimeshk/Untitled-6.htm

*2不論係本篇或者各PM遊戲,地鼠o既下半身同卡拉卡拉o既真面目一直係個迷

[ 本帖最後由 卡斯 於 12/10/2007 09:52 PM 編輯 ]

---

作者: Nidoq    時間: 12/10/2007 08:57 PM
可是公開考試不會容許~_~

---

作者: 魔術師Chikorita    時間: 12/10/2007 09:14 PM
說到中文作文就是人家私事啦...
雖說是懷習慣，但反正是寫惡攪文，輕鬆一點的好。

---

作者: Nidoq    時間: 14/10/2007 04:26 PM

原帖由 魔術師Chikorita 於 12/10/2007 09:14 PM 發表

                               
登錄/註冊後可看大圖

說到中文作文就是人家私事啦...
雖說是懷習慣，但反正是寫惡攪文，輕鬆一點的好。

校區問題/_\

---

作者: 路人2號    時間: 14/10/2007 05:05 PM
怎麼會沒人看到那是劇本囧"

Poke書好像有個四格說這個XD

---

作者: 卡斯    時間: 21/10/2007 04:52 PM
第3話:天然鳥的憂鬱症

今日我比平時早賣o酉o的o野,所以提早收檔,
o係番去o既途中我執到一個白底紅邊o既寶箱,好大隻字寫住"可愛的寶箱"
我滿心歡喜地番去諗住打開佢,點知鎖住o左開唔到,
我試過用死鬼阿爺俾我o既寶物間鎖匙,又試過戴上鎖定眼鏡描準舊大石頭用力擲,
又試過用盡全身o既力出亂爪,突襲,鬼影拳,甚至原始之力,
個"可愛的寶箱"依然冇穿冇爛......

我"乜o野寶箱o黎o架!?"
我o酉發脾氣o甘講
???"o甘冇用o架"
我"變隱龍A!?"
變隱龍A"呢o的寶箱有特殊封印,就算係雅魯塞宇斯*1o既攻擊都冇用"
我"呀......"
我都唔知講乜o野好
變隱龍A"唯一方法係以天然鳥一族o既祕術打開個寶箱"
講起o黎我記得袋獸嬸嬸鋪頭附近係有一間鑑定屋,我記得店主正正就係天然鳥
為o左要知道個"可愛的寶箱"入面裝住o的o乜o野,我馬上帶埋個寶箱跑去鑑定屋
我"我即刻去睇下!"
變隱龍A"之不過......"
我馬上跌底......
我"哎吔吔吔吔吔~~"
變隱龍A"之不過天然鳥先生最近好憂鬱,搞到冇o酉心機開鋪"
我"吓~~!?"
呢一刻我個口大到幾乎掂地......

睇o黎我唯有將寶箱件事暫時放低,遲o的至諗
由於時間尚早,我去o左附近間呆獸餐廳食個下午茶,
呢度裝修簡潔,氣氛又悠閒,平時得閒我都會去呢度食o野,
唯一問題係個待應非常遲鈍......

??"請給我一份A餐,吐司要烘底,要冰奶茶"
邊個講普通話??
小呆獸待應"......"
小呆獸待應"......你~話~乜~o野~話~?"
我左望右望,就係俾我搵到講普通話o既人就係座o係我後面,
呢位講普通話o既人令我吃一驚
我"佢咪係......"
??"我剛剛說要一份A餐,吐司要烘底,要冰奶茶"
小呆獸待應"......"
小呆獸待應"......A~餐~多~士~烘~底~凍~奶~茶~~"
咦?佢咪係天然鳥??冇估錯佢應該係開鑑定屋o既天然鳥
天然鳥"還有我想多點一個蛋塔"
小呆獸待應"......"
小呆獸待應"......加~一~個~蛋~撻~~~"
我一直用好奇o既眼光望住天然鳥,睇佢斯斯文文,面上並冇任何傷心o既表情
基本上除o左天然鳥講普通話之外,
我完全睇唔出佢邊忽似憂鬱緊
令我意外o既係小呆獸待應原來識聽普通話

??"地鼠!!!!!!!!!!你睇下!!!!!!!!!!天然鳥又講普通話呀!!!!!!!!!!佢果然有事呀!!!!!!!!!!"
突然間有把好刺耳o既人聲,幾乎令我係張凳度跌落o黎,
簡直好似打裝o個o的聲o甘大
地鼠"吼爆彈,你講o野太大聲啦"
邊個講o野好似拆天o甘大聲呀!?
吼爆彈"吓!!!!!!!!!!我講o野大聲!!!!!!!!!!?"
係門口處見到地鼠同吼爆彈,我冇記錯佢地好似係肥波球個公會o既成員之一,
而吼爆彈因為本身o既防音特性,如果唔大聲o的講o野,佢係聽唔到自己講o既o野.(簡單o的講吼爆彈係聾o既)
由於吼爆彈太大聲,我唔得唔掩住對耳,
不過我對吼爆彈頭先番說話有興趣,所以冒住變聾o既危險嘗試同吼爆彈對話
我"聽你o甘講好似知道天然鳥講普通話o既原因"
吼爆彈"你好似係變氏商會o的人黎係咪呀!!!!!!!!!!"
我"係......"
吼爆彈"話你知啦!!!!!!!!!!天然鳥突然講普通話其實係佢患o左憂鬱症!!!!!!!!!!"
地鼠"o甘就要講番1個月之前......"

綜合地鼠同吼爆彈o既內容,大概知道天然鳥1個月之前嘗試睇未來,
點知天然鳥睇到o既只係一片無盡o既黑暗,
天然鳥:我見到未來係一片無盡o既黑暗
天然鳥唔信邪,於是試多幾次,睇到o既仍然一樣,
再加上天然鳥成日諗住呢件事,結果天然鳥患上憂鬱症

小呆獸待應"......變~隱~龍~先~生~你~想~食~乜~o野~呢~?"
我"......"
我掛住同吼爆彈傾計,唔記得自己仲未食o野,
我個肚已經o係度投訴.
我"我要B餐多士烘底要凍檸茶"
小呆獸待應"......"
小呆獸待應"......B~餐~多~士~烘~底~要~凍~檸~茶~"

第二日,我執齊o野準備去修行之山擺檔,
正當我準備出發之際,我俾眼前o既景像嚇到個眼突突,口大到幾乎掂地.
我"唔係呀嘛~~~~"
我見到o係大門口前面有成座山o甘高o既寶箱堆積住,
呢堆寶箱同我個"可愛的寶箱"一樣都係要天然鳥一族o既祕術打開,
今次手尾長喇~
變隱龍A"睇o黎天然鳥o既憂鬱症,會影響到變氏商會o既運作"

待續
比華拉"o個樣野雖然難食到嘔,不過能醫百病"

*1no.493雅魯塞宇斯,本編中種族值為最高o既720,未有正式獲得方法,
時/闇探險隊中並冇雅魯塞宇斯o既數據,目前無法獲得(除非有更新檔)

[ 本帖最後由 卡斯 於 22/10/2007 03:16 PM 編輯 ]

---

作者: Bayleef    時間: 22/10/2007 02:46 PM
中...中場休息?即係咩意思?

正確d吼爆彈只係弱聽

[ 本帖最後由 Bayleef 於 22/10/2007 02:51 PM 編輯 ]

---

作者: 卡斯    時間: 31/10/2007 07:24 PM
第4話: o個樣o野食唔食得o架?

今朝爭o的俾o個堆寶箱搞到出唔到門口,
因為成個商會o的人要幫手搬o的寶箱去袋獸嬸嬸o個度,當然我都要幫手.
正因為o個堆寶箱,要搞到下午先可以繼續上修練之山擺檔

不愧為修練之山,除o左呢頭o的PM識番一招半式之外,
地下仲有唔少陷阱.
頭先一上山即刻踩到AA膠,搞到我用o黎賣o既商品整到立黐黐,最衰我又冇帶斧頭牌洗滌玉啦;
跟住俾成群火爆猴追住o黎打o既時候踩到地雷(唔係o個o的o野),除o左有部份商品炸爛o左之外,
我自己又俾地雷炸到得番半條人命......

我:埋o黎睇~!埋黎揀~!
就算得番半條人命都要擺檔......
不過除o左俾"人"抬出去o既探險隊伍,我o係太陽落山之後完全見唔到任何人影,
睇o黎我今日都做事成一單生意,都係收檔啦
??:我要一粒チーゴ果實!!
我:嘩~~~

突然o係我面前o既係全身俾火焰包圍住o既格拉格拉,真係俾佢嚇一跳
雖然格拉格拉全身俾火燒,但係佢似乎冇任何反應
我:盛惠90poke......
但係當我將チーゴ果實交俾格拉格拉o個陣,佢用好快o既速度將チーゴ果實放入口度,
又好用力o甘嚼佢
o習!o習!o習!
冇幾耐格拉格拉身上o既火焰開始消失
格拉格拉:舒服o酉~~
格拉格拉一臉滿足o甘講,跟住除底戴住o既頭蓋骨,
格拉格拉除底頭蓋骨個樣以前我都見過幾次,個樣有o的似一隻有角o既小火龍,
所以我唔會驚訝
??:喂!格拉格拉,食垃圾*1食到俾火燒呀?
格拉格拉:袋獸兄*2?係o羅,今日帶o黎o的蘋果全部變o酉做垃圾
??2:乜你冇o酉o個樣o野咩?
格拉格拉:冇o酉啦,我諗住過幾日去佢度買
同格拉格拉講o野o既呢隻袋獸係極少見o既雄性袋獸,雄性袋獸除左身形比雌性袋獸巨形,最大特徵係雌性袋獸冇o既胸前結實肌肉;
雄性袋獸身後o既係比華拉,一隻臉上有巴痕,頭戴紅色鬥志頭巾o既比華拉

袋獸兄: o個樣o野簡直可以用恐佈o黎形容
比華拉:係就係好恐佈
比華拉用好堅定o既眼神o甘講
比華拉: o個樣o野雖然難食到嘔,不過能醫百病
格拉格拉:真係講都冇人信
袋獸兄:所以呢個世界真係乜o野都有可能發生,就好似見到雄性o既吉利蛋一樣o甘

格拉格拉,雄性袋獸同比華拉提到o既o個樣o野到底係o乜o野o黎呢?o個樣o野有可能醫到天然鳥o既憂鬱症.
為o左要知道o個樣o野到底係o乜o野o黎,我嘗試問問佢o地
我: o個樣o野醫唔醫到憂鬱症o架?
比華拉:當然可以啦
我: o甘o個樣o野係o乜o野o黎o架?
睇o黎事件有o的進展,之不過雄性袋獸突然之間插嘴,
即刻令我成個呆o左
袋獸兄:係鯊牙龍鱗片*3呀,你真係要呀?
我: ......
鯊牙龍鱗片......即係......鯊牙龍身上o既鱗片,唔怪之得雄性袋獸話o個樣o野簡直可以用恐佈o黎形容啦,原來係o甘.......
比華拉:你真係o丫,袋獸兄你嚇親人啦
我: ......

當我收檔番去公會o既時候,已經係深夜,講真,我冇挨夜o既天份,
我對眼幾乎合埋o酉,淨係得番條線,
所以番到去第一件事就係撻落草堆度瞓覺.
之不過邊有o甘容易o丫
變隱龍A:救命呀,天然鳥o既憂鬱症搞到商會天下大亂呀
發生乜o野事呀??

待續
袋獸嬸嬸:我印象中o係迷岩洞窟會搵到鯊牙龍,佢的確有鯊牙龍鱗片

*1:當持有蘋果或糖o個陣踩到爛泥怪陷阱,就會變成垃圾,食垃圾會得到異常狀態
2*本編,救助隊同時/闇探險隊中只有雌性袋獸,但係圖鑑中有提及過雄性袋獸(求來源)
3*能醫治所有異常狀態,時/闇探險隊o既道具

[ 本帖最後由 卡斯 於 9/11/2007 07:40 PM 編輯 ]

---

作者: waiwai    時間: 3/11/2007 09:50 PM
>>>我唔得唔掩住對耳
我唯有掩住對耳(粵語那有"唔得唔"的?)

??:喂!格拉格拉,食垃圾*1食到俾火燒呀?
格拉格拉:袋獸兄*2?係o羅,今日帶o黎o的蘋果全部變o酉做垃圾

你忘了加註解了

---

作者: 卡斯    時間: 9/11/2007 09:00 PM
第5話:鯊牙龍

會長大佬:尋...晚發......生...發...生嚴......重事...故......變氏...商...會...休息...3日......

今朝會長大佬會長用盡全身氣力宣佈呢個消息......
o甘尋晚發生乜野事呢?
呢件事要由我番o黎o個陣講起

變隱龍A:救命呀,天然鳥o既憂鬱症搞到商會天下大亂呀
我:......呵~~~~~~
變隱龍A:仲o係度打喊路,會長傳令要全體成員去大堂度,快o的啦
我:......

睇o黎瞓唔到覺啦,惟有去之前食粒カゴのみ提下神......
去到大堂,除o左變氏商會o既過百位成員之外,仲有不時由唔知邊隻變隱龍發出o既打喊路聲,
會長兩兄弟就o係台上,大佬係普通o既綠色,而細佬就係色違o既紫色

會長細佬:各位成員,o甘夜仲要叫大家o黎,實在感到萬分歉意.
會長大佬:入正題,之所以o甘夜仲要叫大家o黎,其實係......
???:各位好,我是天然鳥......
會長細佬: o甘......開始啦......
天然鳥:首先是任<何人也可掌握的馬術>*1......

原來o甘夜仲要叫大家o黎係要聽天然鳥演講,真係離o酉譜,
如果唔係睇在天然鳥有憂鬱症份上,同埋會長兩兄弟o既權威,
呢一刻我真係想用鬼影拳打到天然鳥插o係天花板上面,
我相信變氏商會o既過百位成員都會o甘諗......

講番演講內容,除o左<何人也可掌握的馬術>,仲有<執垃圾要大學畢業>,
乜o野1000年前o既<人龍戰役>*2,任天星球開拓史等等.
總之6隻手指都數唔o酉.呢o的算小兒科,
最要命係天然鳥用佢五音不全o既歌喉唱<God Know>*3,<變隱龍進行曲>等歌曲,
眼瞓同天然鳥o既(美妙音樂)雙重攻擊底下,簡直係受罪......

就係o甘一直搞到第2朝,天然鳥先至勉強離開,o個陣幾乎所有人包括我同會長細佬,
已經支持唔住攤係度瞓覺......

就係o甘變氏商會o黎緊o既3日都唔會做生意......

我:......我想(才羅)張清單寫住o既o野......呵~~~~~~
袋獸嬸嬸:你搞乜o野呀?未瞓醒o甘o既?
我:冇計拉,前晚商會天下大亂,搞到商會全部人都冇覺好瞓......呵~~~~~~
我將前晚天然鳥演講o既事講俾袋獸嬸嬸
袋獸嬸嬸:你個商會又係o甘呀!?早幾日電擊魔先生又係俾天然鳥搞到冇覺好瞓
袋獸嬸嬸:如果唔快o的醫好天然鳥o既憂鬱症,我個倉就快俾o的寶箱填滿......
袋獸嬸嬸一臉無奈o甘照住我張清單執o野俾我,
睇見佢要好辛苦爬過o的寶箱執o野,
加上袋獸嬸嬸仲要餵袋入面隻袋獸BB食o野,真係戥佢可憐

袋獸嬸嬸:哎吔~!
我:冇事o丫嘛?
袋獸嬸嬸:冇事!以前我未做人阿媽o個陣經常遇到呢o的事o架啦!哈哈哈!!!
不愧係袋獸嬸嬸,就算遇到挫折都仲可以o甘有氣魄*4
袋獸嬸嬸:不過話時話,你要o甘多o野做乜呀?你而加應該休息緊唔駛擺檔o架
我張清單要o既o野有:
透視眼鏡x1,反擊圍巾X1,PP藥X3,復活種子X3,治癒種子X2,俊足種子X1,麻痺玉X1,洗滌玉X2,脫出玉X1,替身玉X1
大蘋果X2
我:係o甘o既......
於是我將前日修練之山o既事講俾袋獸嬸嬸知
袋獸嬸嬸:你要搵鯊牙龍?
袋獸嬸嬸:我印象中o係迷宮洞窟會搵到鯊牙龍,佢的確有鯊牙龍鱗片
我一邊將o的道具放入腰包,一邊聽佢講o野
我:我出發啦
袋獸嬸嬸:咪住!你等我一陣
袋獸嬸嬸好急o甘入o左去唔知做乜o野,期間個倉庫傳出寶箱冧落o黎o既聲,
冇幾耐袋獸嬸嬸終於搞完o野出o黎
袋獸嬸嬸:我記得鯊牙龍性情有o的古怪,安全起見我陪埋你去
原來佢又係去搵鯊牙龍

就係o甘我同袋獸嬸嬸出發去搵鯊牙龍,出發之前會長兩兄弟仲同我o地打氣.
迷宮洞窟原來o係針刺山隔離,比我想像中易搵,
雖然迷宮洞窟易搵,但係入面正如其名,成個迷宮一樣,
我同袋獸嬸嬸幾乎迷路.
除在裏面地形複雜,陷阱同討厭o既PM一樣唔少得,
總之就難挨啦......

??:原來係你!?
眼前o既藍色PM就係我一直要搵o既鯊牙龍,
唔知點解即使佢背對住我,我仍然感受到一股難以形容o既氣勢.
跟住佢慢慢擰轉身,我見到佢有雙好似鐮刀o既翼,尖銳o既牙齒,
就知佢好唔簡單(聽講肥波球公會o既向日花怪小姐曾經愛上過鯊牙龍)
鯊牙龍:搵我有乜事!?
我:其實......
袋獸嬸嬸: o甘我入正題,今次o黎搵你係想......
鯊牙龍:鯊牙龍鱗片o丫嘛?聽人講天然鳥o既憂鬱症搞到出面亂o酉龍
我:點解鯊牙龍好似一早就知o既?
鯊牙龍:你呀!!
我:嘩~~!
突然之間鯊牙龍用好凶惡o既眼神望住我,即刻嚇到我嘩o左一聲
鯊牙龍:大人講o野細路咪插嘴!!我每日都有睇報紙o架!!
搞錯呀!人o地已經係大人啦......
鯊牙龍:袋獸嬸嬸,關於鯊牙龍鱗片件事......
我&袋獸嬸嬸:......
鯊牙龍:因為......
袋獸嬸嬸:我明白,想話要得到鯊牙龍鱗片首先要打敗你先下嘛!?
發生乜o野事呀?o的氣氛好似完全唔同o酉o既?
呢一刻靜到自己o既心跳聲都聽到
鯊牙龍:......
袋獸嬸嬸:......
我:......

鯊牙龍:接住啦
鯊牙龍拋出一塊好細o既o野出o黎,袋獸嬸嬸即刻用雙手接住,
我睇真o的,呢一塊係一塊鱗片o黎,莫非......
鯊牙龍:天然鳥o既憂鬱症醫唔好o既話我自己都唔會有好日子過,(才羅)去啦
袋獸嬸嬸:識你o甘耐都仲係o甘
鯊牙龍:多事!!
吓!?乜袋獸嬸嬸同鯊牙龍以前就識得o架??
不過呢樣已經唔重要,更重要既係醫好天然鳥o既憂鬱症,
所以我同袋獸嬸嬸馬上番去
鯊牙龍:我帶路啦

天然鳥真係喱得好埋,就算出動商會全部成員都要花o左成粒鐘至搵到佢,
然後又要出o的招防止佢用瞬間轉移閃人......
總算捉住天然鳥啦
天然鳥:你們在幹什麼!?
會長大佬&細佬:食啦!!
天然鳥:......
天然鳥終於食o左鯊牙龍鱗片,到底鯊牙龍鱗片有冇用呢??
......

天然鳥:嗚~~~~~~好難食呀~~~呢o的係乜o野o黎o架!?
咦?天然鳥講番廣東話,唔通真係有效??
仲有鯊牙龍鱗片真係好恐怖,睇佢連尋晚o的消夜嘔埋出o黎就知啦
天然鳥:發生乜野事呀??o甘多變隱龍係度o既??
會長大佬&細佬:喂!你係咪真係好番o酉o架?
天然鳥:你講乜野呀??
全部變隱龍:萬歲~~!!!
鯊牙龍鱗片應該有效,o甘我都放心.

待續
三合一磁怪:Getter Change!!!

*1即係操控馬利奧o既技術,凡係馬利奧系列遊戲都係馬術o既一部份
*2<封印之劍>o既內容,1000年前人類同龍族o既戰爭,代表人類o既八神將以神將器將龍族打敗,但代價係令到世界秩序大亂
*3<涼宮春日的憂鬱>o既插曲
*4袋獸o既新特性,可以令自己o既普通系同格鬥系招式能打到鬼系PM

[ 本帖最後由 卡斯 於 10/11/2007 06:29 PM 編輯 ]

---

作者: 卡斯    時間: 16/11/2007 05:07 PM
第6話:Getter Team?

天然鳥:咕嘩~~~~~~咕嘩~~~~~~入面o既係......
自從天然鳥o既憂鬱症好番之後,變氏商會同其他地方漸漸恢復正常,我o地固然開心,
不過最開心o既當然係袋獸嬸嬸,因為天然鳥好番,幾乎填滿個倉庫o既寶箱終於可以(才羅)俾天然鳥打開.
講番我個<可愛的寶箱>,原來入面裝住o既係沙奈朵o既首辦公仔......

今日我去o左神祕森林擺檔,我聽人講神祕森林深處有個好靚o既泉,但係好少人知道個泉o既正確位置.
雖然神祕森林景色都幾靚下,不過呢度好少空曠o既地方,我搵o左成個上晏先至勉強搵到個靚位擺檔
我:搞掂,食個午餐先
就算擺檔做生意o既都要食飯,而且我個肚已經o係度投訴,
所以開檔之前我食o的o野醫下個肚
??:嘩~~~~有o野食呀~~~~
我:哇~~~我o的午餐呀~~~
一隻百厭o既小卡比獸突然由我左邊撲過o黎,我o黎唔切作出反應就俾小卡比獸搶o左個飯盒,
佢雙手(才羅)住我個飯盒,然後直接倒飯盒入面o既o野落佢個口度......
小卡比獸:多謝叔叔個飯盒
跟住小卡比獸用好快既速度走o左去前面o既森林
我:我o的午餐......
我原本帶o黎o既午餐全部俾小卡比獸食o酉,
我除o左無奈之外,就只有無奈(因為我個飯盒唔係商品,所以唔可以追打小卡比獸)
我唯有餓住個肚開工......

??:嗄......嗄......嗄......呢度應該安全掛......
突然有一隻獵蟲草o係我面前出現,睇佢個樣慌失失,
一定係做o左虧心事啦
咦?佢手上揸住o既好似係隻DVD o黎?
一定有事發生
獵蟲草:老闆,可以方便下嗎?
我:你不如賣個蘋果俾我先再講o丫......
隻獵蟲草想搵地方喱埋,於是向我打主意,
但係我太肚餓,所以我不知不覺講o左呢o的o野

??:束手就擒啦,獵蟲草
邊個??
獵蟲草:可惡呀你!你隻三合一磁怪係都唔肯放過我!
三合一磁怪:錯啦!我係三一磁怪俠
乜o野三一磁怪俠o丫,明明就係三合一磁怪
三合一磁怪:三一死光!!!
其實係充電光束,不過俾獵蟲草迴避o左
獵蟲草:你當我流o架??蠻力藤鞭!!
獵蟲草用佢對有如藤鞭o既腳以打前空翻姿態使出蠻力藤鞭,
呢一招打到三合一磁怪重重o甘跌o左落地下
獵蟲草:睇我o既種子機關槍!!
三合一磁怪:Getter Change!!!
正當獵蟲草想用種子機關槍作追擊對手o既時候,
三合一磁怪突然分體成三隻小磁怪散開,再o係獵蟲草頭上合體成串燒型態o既三合一磁怪
三合一磁怪:三一飛彈!!!
其實係磁力炸彈,呢一招會自動追蹤目標,今次獵蟲草身手點好要中招
獵蟲草:嗚......
獵蟲草受唔住猛烈既攻擊跌o左落地,三合一磁怪趁空檔變番一般型態o既三合一磁怪
三合一磁怪:三一死......乜話?
獵蟲草:你夠膽郁我!小心"人質"性命不保!
三合一磁怪:......
獵蟲草(才羅)隻DVD出o黎做擋箭牌,
三合一磁怪見狀唔敢向獵蟲草用充電光束攻擊,
於是獵蟲草借呢個機會逃走,正當獵蟲草準備轉身之際,
有一個黑影高速撲埋獵蟲草度並搶o左獵蟲草手上o既DVD
獵蟲草:奧~~撈~~!!
??:三一鑽擊!!
個黑影係一隻多多利,佢用其實係啄鑽o既三一鑽擊不停啄獵蟲草,由於多多利有3個頭,
所以啄鑽o既威力最少有3倍,獵蟲草終於被打敗得要落荒而逃
獵蟲草:你因住o黎!!

多多利:任務完成,可以番去公會交差
原來佢地o係公會接o左委托要係獵蟲草手上搶番隻DVD,
雖然唔知邊個係委托人,不過件事總算告一段落
三合一磁怪:三一地鼠俠呢??
多多利:唔知呀,頭先我踩到傳送陷阱之後就同你o地失散o左,之後都冇見到佢
三一地鼠俠?應該係佢掛......
??:搵到你o地啦,三一駝鳥俠,三一磁怪俠
多多利:係三一地鼠俠呀,喂~任務已經完成o左啦~~
果然係三頭地鼠......我諗佢唔會識分體成三隻地鼠掛

三頭地鼠:既然任務已經完成,我o地不如番去食個下午茶o羅
三合一磁怪:未得住,我要去地攤買o的o野先

三合一磁怪諗住去我度買o的o野,於是佢向住我o個度飛埋o黎.
佢o係我地攤兜o左一圈,
之後隨手執o左以下物品:
殿元山之石*1,通訊線,電子推進器
三合一磁怪:老闆!我要買呢o的o野
我:盛惠3000poke
三合一磁怪:乜話!?o甘貴!?
我:已經算便宜o架啦,幾十年前呢o的o野起碼要5000poke
三合一磁怪:......我仲爭1poke
三合一磁怪只有好失望o甘離開
咕~~~~~~
係啦!因為小卡比獸o既關係,我到而加都未有o野落肚,
我諗起探險隊伍通常會帶o野食,於是叫住三合一磁怪
我:咪住!你有冇蘋果之類o既o野?
三合一磁怪:有就有,但係俾AA膠黐住
我:成交!!

三合一磁怪得到佢想要o既o野之後,佢同三頭地鼠,多多利用脫出玉離開o左,
而我就得到蘋果.今次我學精o左帶埋斧頭牌洗滌玉o黎,第一件事就係洗乾淨個蘋果,
然後就食o左佢,之不過......
小卡比獸:嘩~~~~有o野食呀~~~~
我:哇~~~我隻手呀~~~
係頭先o個隻小卡比獸,佢飛樸埋o黎一口咬住我左手揸住o既蘋果,連我隻左手都俾佢個口咬住,
佢吐出我隻手之後就係o甘趙個蘋果.
小卡比獸:多謝叔叔個蘋果
小卡比獸再次用好快o既速度走o左去前面o既森林
我:我個蘋果......
呢一刻我唔單止無奈,仲好嬲,但係我太肚餓,連跑去追打小卡比獸o既氣力都冇,
所以只能背脊向天o甘攤o係地攤度......

待續
草苗龜:......

*1本編三合一磁怪同朝北鼻o係殿元山升LV進化,但係時/闇探險隊中並冇殿元山呢度地方,所以會改為用殿元山之石進化

[ 本帖最後由 卡斯 於 24/11/2007 01:33 AM 編輯 ]

---

作者: 卡斯    時間: 1/12/2007 07:12 PM
第7話:長征

多得小卡比獸,我幾乎要發求救信*1搵人救我,
好在我就o黎餓死o既時侯俾我執到o野食稍為醫下肚先至冇事,
為免再增添變數,我決定提早收檔番去食o野

第二日我食個早餐準備去のうむのもり擺檔,o個度正如其名,のうむのもり經常都好大霧,視野會好差,
為安全計,我事先準備好無天氣圍巾同透視眼鏡以防萬一,仲有幾個蘋果......
我臨出發前o係門口地下發現隻DVD,好似o係邊度見過
我:呢隻DVD好似係俾獵蟲草偷走o個隻?委托人係咪商會其中一隻變隱龍呢?
變隱龍B:搵到啦~原來我隻DVD o係呢度~
原來隻DVD係變隱龍B,即係委托人係......
我:隻DVD係咪曾經俾比獵蟲草偷走過o架?
變隱龍B:你點知o架~!?
委托人真係變隱龍B.於是我將尋日發生o既事講俾變隱龍B佢知
變隱龍B:早1個月之前獵蟲草問我借隻DVD話會幾日後還番俾我~,但係佢一借冇回頭~,
尋日前我諗住迫佢還番隻DVD~,點知佢話我屈佢~,跟住仲飛走o左~,
最衰我尋日有緊要o野要做~,唔係就可以自己搞掂~,晤駛請人幫手~

要去のうむのもり,首先要經過ツノやま,我一上去無耐就見到號稱<清森の冥王>o既巨菇蟲*2,
我記得變隱龍A曾經話過巨菇蟲好惡,見到一定要走......
我:你好呀......我唔係壞人呀......
呢隻巨菇蟲似乎唔多友善,佢以佢o個兩隻鋒利o既鉗向我示威,
擺明要將我切成變色龍刺身.無幾耐我見到巨菇蟲背脊上o既蘑菇噴出黃色o既粉末,
o個o的係麻痺粉末,如果吸入呢o的粉末o既話,我有9條命都唔夠死......
我見狀當然馬上閃人,講到跑我好有自信,
但係2隻腳o既我竟然唔夠6隻腳o既巨菇蟲跑得快
巨菇蟲:咪走呀~~~!!!
佢一邊噴出黃色o既粉末,一邊追住我,
雖然我用盡全力跑想擺脫佢,但係佢以不尋常o既速度追住我,
由於我要拎住好多商品,根本唔方便出招,
我唯有好快速o甘將一粒種子擲向佢個口度.
......
巨菇蟲:有隻蜥蜴跌落水,跌落水,跌落水......
好彩o個粒係混亂種子,我都係趁而加走佬先......

o黎到呢度總算安全,巨菇蟲應該唔會係太陽直接照到o既地方出現*3,
附近又冇人,我趁靜稍為休息下

???: o下!?你搵到答案?鼠瀨丸?
鼠瀨丸:你o個次問我戰士o既英文點解唔叫Fighter,而叫Fantasy o既?
???2:......
鼠瀨丸:草苗龜你都想知?
咦?佢o地咪係o係蘋果森林o個次遇到o既車厘龜同草苗龜?
仲有肥波球公會o既鼠瀨丸.
鼠瀨丸:戰士o既英文點解唔叫Fighter,而叫Fantasy,係因為Final Fantasy呢隻遊戲
草苗龜:......
鼠瀨丸:點解?因為Final Fantasy中文叫太空戰士*4嘛
車厘龜:原來係o甘
佢地係度講緊o的乜呢??
草苗龜一如以住係完全唔出聲,但係車厘龜同鼠瀨丸可以知道佢諗乜......
算啦,呢個問題一o的都唔重要,都係快o的去のうむのもり仲好啦

突然間草苗龜好似感應到o的乜o野o甘,四周望
車厘龜:草苗龜你做乜呀??
草苗龜佢神色凝重o甘望住前面舊岩石,
唔通後面有o的乜o野o係度?
跟住草苗龜好小心o甘伸出藤鞭探測岩石後面.
草苗龜:......
草苗龜俾唔知乜o野扯住,o個樣o野用力扯o左草苗龜埋去
鼠瀨丸:危險呀!!
不過草苗龜已經俾o個樣o野扯o左埋岩石後面,
而且岩石後面仲有o的黃色o既粉末噴出
車厘龜:草苗龜!!!
我知道一定係佢
車厘龜見狀馬上跳起向岩石後面o既o個樣o野發射水砲,
然後車厘龜同鼠瀨丸好快o甘抬走被麻痺o既草苗龜,
向住我o既方向逃走.
車厘龜:係變隱龍地攤呀!有救啦!!
我:咪住呀!!我唔係o係度擺檔呀!!
同一時間岩石後面有個o既o個樣o野爬o左上o黎,
o個樣o野真係巨菇蟲,呢次佢脊上o既蘑菇插住把遮,
佢到底o係邊度搵到把遮o架??

有左把遮,巨菇蟲就唔怕曬傷
巨菇蟲:咪走呀~~!!!
巨菇蟲再次以佢不尋常o既速度接近車厘龜,跟住佢o個兩隻鋒利o既鉗劈向車厘龜,
呢招雖然命中,但係車厘龜借勢將攻擊力反彈俾我*5,
車厘龜一定裝備o左反擊圍巾,只有呢樣o野先可以o甘做......
o係冇得選擇之下,我唯有先收拾巨菇蟲再講.
我:等我出手啦,不過你o地唔好偷o野
雖然巨菇蟲好惡,但係持有正式開地攤牌照o既我都唔弱,
1對1我絕對唔會輸
我:頭先我要拎住好多o野先出唔到招,不過今次你死梗啦
巨菇蟲:麻痺粉末~~
呢次我學精o左,我用見切圍巾掩住個鼻,再以高速接近巨菇蟲
我:食我呢招啦!!!
我一招鬼影拳就打到巨菇蟲變成天上o既一粒星
巨菇蟲:I'll be back!!!*6

鼠瀨丸:好犀利呀,不塊為變氏商會o既人呀草苗龜:......
我:你冇事嗱?草苗龜
草苗龜:......
我:佢講乜o野呀?車厘龜
由於主角唔准講o野,我唯有問車厘龜
車厘龜:佢話已經冇事啦,不過你真係聽唔到草苗龜講乜咩?
鼠瀨丸:我地已經耽誤o左好多時間啦!我地要o係入黑之前去到のうむのもり
佢地又係去のうむのもり?車厘龜:但係呢度係巨菇蟲同魔魯風o既地盤,我唔知仲可以支持到幾耐
我:我陪你o地一齊去啦
由於頭先俾車厘龜拖埋落水,我唔可能就o甘就走o左去,
而且一齊行動o既話會容易o的照應
鼠瀨丸:太好啦!有變隱龍做保鏢我就放心啦我:順路o者.不過講明先,我最多陪你o地去到のうむのもり,之後就要靠自己

待續
我:弊啦......

*1當o係迷宮被打敗時,可以發求救信請其他玩家救自己,但小偷狀態下被打敗就唔可以
*2巨菇蟲上集中o係<清朗森林>80F~98F出現,以其蘑菇苞子同強大o既攻擊力聞名
*3巨菇蟲o既新特性乾燥皮膚,o係天睛時會受傷,落雨時會回復HP
*4Final Fantasy最初引入台灣o個陣,台灣正流行一股太空熱潮,為o左搭上呢個順風車,
某腦殘編輯就擅自將"Final Fantasy"譯成"太空戰士"
*5假如附近有變隱龍地攤,可以裝備反擊圍巾將攻擊轉移俾變隱龍,變隱龍就會成為呢一層o既保鏢
*6未來戰士o既經典對白

[ 本帖最後由 卡斯 於 11/1/2008 10:10 PM 編輯 ]

---

作者: 卡斯    時間: 16/3/2008 05:04 PM
[quote]原帖由 卡斯 於 1/12/2007 07:12 PM 發表

                               
登錄/註冊後可看大圖

第8話:のうむのもり

由於我俾車厘龜拉埋落水,我唯有陪佢o地去到のうむのもり入口,
雖然有o的阻滯,但係問題唔大,
總算o係天黑之前到達のうむのもり入口

我:我就陪到你o地o黎呢度
鼠瀨丸:拜拜~~!
草苗龜:......
車厘龜:佢話陣間可能會去你度買o野呀

到達のうむのもり,係時候要搵地方擺檔,
不過......
我:哎o也~!!
のうむのもり實在大大霧,我行行下個頭撼親唔知乜o野,搞到我大字型o甘撻o左o係地下
我載住透視眼鏡除o左敵人位置之外,仍然睇得唔清楚周圍環境,
不過既然o黎到呢度唔通掉頭咩!
我唯有繼續向前行
我:哎o也~!!
睇o黎撼親個頭似乎係o係のうむのもり必然o既事......
仲有我由到達のうむのもり開始有o的唔舒服,可能係我多心o者

冇幾耐我搵到適合擺檔o既地方,
我二話不說馬上鋪地氈,
當然放好o的商品同價錢牌,準備開檔之際,
我個肚突然之間好痛
我:弊啦......
個肚痛到好似有隻堅甲暴龍o係肚入面打裝,
實在忍受唔到,我馬上跑去附近搵個隱蔽地方解決
我:哎o也~!!
我又撼親個頭......

???:喂!!!!!!!!!!你睇下!!!!!!!!!!有人擺o左個檔但係行開o左呀!!!!!!!!!!
???2:係o咼
???:不如我o地(才羅)件o野走o羅!!!!!!!!!!
???2:你想死咩!會有好多變隱龍出o黎抦你一鑊o架!
???:變隱龍!!!!!!!!!!?
???2:連烈空座同會長聽到都要閃埋一邊o架!早排有隻班吉拉唔識死走去變隱龍地攤偷o野,結果俾成班變隱龍打到入廠6個月呀!
???:係咩!!!!!!!!!!?
???2:信我啦,仲有你講o野太大聲啦
???:吓!!!!!!!!!!我講o野大聲!!!!!!!!!!?

我:總算舒服番o酉
講就o甘講,其實我疴到五顏六色,到而加仲係有o的腳仔軟......
當我番到去自己個檔攤o既時候,
突然聽到一把打裝o甘嘈o既聲音,搞到我要即刻掩住耳仔,
???:變隱龍番o黎啦!!!!!!!!!!
原來係上次o係呆獸餐廳見到o既吼爆彈,
佢身邊仲有一隻地鼠,同吼爆彈一樣係上次o係呆獸餐廳見到o既o個一隻
吼爆彈:我o地想買PP藥呀!!!!!!!!!!
地鼠好在我o地冇偷野o者^^|||)
我:盛惠250Pok......嗚......
當我想收錢o既時候,我突然間覺得心口好痛,個頭好暈
而且仲出冷汗
地鼠:喂!你有冇事呀!?你面都青o酉呀!
吼爆彈:喂!!!!!!!!!!你個頭有o的苞子黐o左o係度呀!!!!!!!!!!
乜話?睇o黎我中o左毒,但係我冇帶治癒種子.
講起上o黎,頭先我將巨菇蟲打到變成天上o既一粒星,可能係o個陣俾佢o的有毒苞子感染到
吼爆彈:你有冇事呀!!!!!......
冇幾耐我慢慢失去意識,暈o左o係地下,
唔通我就o甘就......
地鼠:喂!

待續

???:你醒番啦?

---

歡迎光臨 香港寵物小精靈村落 論壇 (https://proxy.archiver.hkpnve.pokebeacon.com/)

Powered by Discuz! X3.2