香港寵物小精靈村落 論壇

標題: [轉貼]呃人騙徒, 真人真事(希望轉開去,唔好俾人再有機 [打印本頁]
作者: 火球鼠    時間: 22/7/2006 06:48 PM
標題: [轉貼]呃人騙徒, 真人真事(希望轉開去,唔好俾人再有機
各位:
呢件係真人真事, 係竟係長左d, 希望各位轉開去!!!!!!!!!!!!


我係好多個月之前有一天既下午,自己一個正準備由旺角新世紀廣場既弼街出口行落花園街時, 都未行到DHC時, 突然有個男子行埋來同我問我除左MTR同巴士外, 仲有乜車可以返東涌?由於我本身唔係住九龍, 我根本唔知, 所以我已經答佢我幫唔到佢, 但係佢就不停咁講話自己出來由東涌考試, 又唔見左銀包(連八達通都無埋), 屋企又有細路妹等僅,  身上只得幾蚊, 可唔可以俾幾蚊佢答車, 其實我本來都唔想俾, 但係佢不停咁跟住我, 由新世紀廣場跟到我去花園街天橋, 由於佢太煩, 所以我俾左幾蚊佢, 俾完之後佢就走人了, 但係我發現佢行到落花園街, 居然企埋一邊, 我就知道我被呃了!!!但係原來仲有下集既........
係呢次幾個月之後我又再一次係銅鑼灣撞到呢個人, 當日亦係下午既時間, 我由MTR station搭手扶電梯上SOGO時, 佢又拍一拍我,問我點樣可以坐車返東涌,由於我唔係住港島,我就一樣答佢我唔知,叫佢問MTR 既人, 佢就話佢已經講左不過無人幫佢, 今次佢都係不停咁講自己既野, 仲轉左話佢岑日考完會考, 但唔記得帶銀包同八達通, 由夜晚到而家都未食野, 又係想我俾幾蚊佢坐車wor, 由於有左上次教訓, 我今次一於唔理佢, 點知佢仲跟我跟到上sogo地面個層, 我已經入左間化妝品避開佢, 唔見佢我先行返出來, 點知原來佢仲喂住我, 我就行去搭電梯上9樓, 諗住9樓剛剛做僅內衣show, 有既都係女人, 有乜事都一定有人幫而且搭電梯果到又有實Q唔怕佢喇, 點知佢仲跟住我一齊排而且仲不停好似冤鬼咁問我點解唔幫佢,我都一於無理佢, 直至個實Q將我同佢折開左, 佢先走開, 但係佢都仲死心不熄咁行埋黎講"點解你唔幫我呀??"之後又走開左, 事後我諗返起,呢兩件事太相似,而且個人都好熟口面, 但係仲有下一次.......
到今次(7/6/2006 9點幾)我同我男朋友一齊行潮流特區地庫個層, 正準備搭手扶電梯落去時, 我又一次見到呢個人係我男朋友身後行過, 今次我已經好記得佢個樣, 我就立即捉住我男朋友, 指住佢話俾我男朋友知上兩次呃錢果個人就係佢, 與此同時原來佢已經又再搵到個目標(又係一位自己一個行僅既小姐), 佢亦正正同僅個位小姐講野, 我男朋友就好大聲又指住佢咁叫"有人呃錢呀!!", 但佢仲係扮聽唔到, 之後我男朋友又再好大聲又指住佢咁叫"唔好呃錢呀!!!(當時個實Q一定聽到同睇到), 今次佢先收手,仲立即扮有電話響, 當然個女仔立即走開左, 但佢就跟住我地落左地庫, 仲係到扮晒打電話拖馬咁講"我唔知點解有人話我, 佢地著黃色衫架, 快d叫埋阿xxx同阿xxx落黎潮特地庫喇!!!但我地一於少理佢, 仲行埋d商店tim, 最終我地行晒但佢連影都唔見埋囉!!!其實潮特只得一個上落位, 如果佢真係要等一定可以等到既....
所以我唔想再有人中呢個人奸計, 希望大家可以幫我轉開去.....
個騙子廿幾歲到, 瘦身形, 頗黑既膚色, 眼尚算大但有點突出, 睇落有點呆呆地的仲好似精神有問題咁, 佢講野時會扮晒可憐咁, 會壓低聲線(好似無氣力講野咁),幾次都見佢著非常普通既衫褲,是是但但咁......


1] 佢最叻絕技:死纏爛打咁煩到你俾錢佢佢先走; 利用人心理怕事就算;
希望各位轉開去唔好俾佢再呃人,  利用人既同情心!!!
作者: 瀟湘夜雨    時間: 22/7/2006 08:03 PM
這些狗招是對我冇效的．．．
作者: xoled    時間: 22/7/2006 09:43 PM
咁似警訊 ge  xdd  我會小心 ga 啦 ,  2x 歲有工作能力都唔做野 , 係到呃錢 = =
作者: 果然翁。﹏。    時間: 22/7/2006 09:56 PM
你同佢都幾有緣（講笑）
作者: 莫邪    時間: 23/7/2006 09:54 AM
不知是真是假
心中有幾個疑點
為什麼只有你能發現？
你如何肯定一定是同一個人？但一個人覺得自己被騙後再遇到相似的事情時，下意識會把他們當作同一個人，而我也不認為他會笨到一直在同一個地方作案。
作者: kennyyu    時間: 23/7/2006 11:18 AM
係我就快快俾ｄ錢佢
廢時俾佢煩
作者: renz    時間: 23/7/2006 12:01 PM
你咪給3,4蚊佢搭bus lo~
做善事。
作者: meisjc    時間: 23/7/2006 03:38 PM
原帖由 renz 於 23/7/2006 12:01 發表
你咪給3,4蚊佢搭bus lo~
做善事。

我上次番學果陣都好似有試過咁 不過受害者唔係我
經過 p.s 下面指果d我=阿叔
我地班有個同學係上去行緊番黎果陣(就番到學校(建造業訓練局)) 有個人問佢可唔可以比10蚊我 我唔見左個銀包 無錢搭車 可憐下我啦,我地班果個好似比左d錢佢 聽佢講比左30蚊= =
作者: ben    時間: 23/7/2006 05:05 PM
原帖由 meisjc 於 23/7/2006 15:38 發表

我上次番學果陣都好似有試過咁 不過受害者唔係我
經過 p.s 下面指果d我=阿叔
我地班有個同學係上去行緊番黎果陣(就番到學校(建造業訓練局)) 有個人問佢可唔可以比10蚊我 我唔見左個銀包 無錢搭車 可憐下我啦, ...

唉..
難怪他們只「搵學生笨」...  -.-|||
我也遇過這些人.. 沒有理會他...  -.-|||
作者: renz    時間: 23/7/2006 05:22 PM
原帖由 meisjc 於 23/7/2006 03:38 PM 發表

我上次番學果陣都好似有試過咁 不過受害者唔係我
經過 p.s 下面指果d我=阿叔
我地班有個同學係上去行緊番黎果陣(就番到學校(建造業訓練局)) 有個人問佢可唔可以比10蚊我 我唔見左個銀包 無錢搭車 可憐下我啦, ...

10蚊已經多了吧，佢去好遠咩......
30蚊的好似嫌錢多-.-
算了，捐錢....
作者: 水龍蜥    時間: 23/7/2006 06:38 PM
呢d事係我住既呢邊都宥啦
時時都有發上,唔只20幾歲既人
連10幾歲既細路都係做呢d事
上次我呀媽先遇到個細路話冇錢,問佢會20蚊番屋企....

[ 本帖最後由 水龍蜥 於 23/7/2006 18:39 編輯 ]
作者: 梓    時間: 24/7/2006 06:48 PM
理佢都傻,一下反口話自己都迷路咪得law~
作者: meisjc    時間: 25/7/2006 09:50 PM
今次再次撞到佢= =
我岩岩係條友前面

經過:佢問我地班同學 可唔可以借12蚊比[我]搭車去銅鑼灣呀 我跌左個銀包 我地班同學話:我無帶錢啵,唔好搵我(無記錯後面果一句係岩的) 之後我地唔理佢 我問我第2個同學 係我前面少少= = 我問佢 條友問你叫你比幾多錢佢 佢話15蚊
= =事實証明呢d友仔無聊得閒無野做 想呃d學生或者後生仔d錢= =
作者: 古云    時間: 27/7/2006 01:52 PM
下次見到D這樣的人我實報警~!!
作者: Slaking    時間: 27/7/2006 03:43 PM
原帖由 古云 於 27/7/2006 13:52 發表
下次見到D這樣的人我實報警~!!


報警要講證據o架~
作者: K龍    時間: 27/7/2006 03:48 PM
話知佢，叫佢跟我跟到死為止吧~
作者: Royal    時間: 27/7/2006 04:32 PM
我會直接答佢:"我身上都冇錢, 點比你?"
你知啦, 而家八達通一卡傍身, 真係唔帶錢都得
（據聞柴灣都有幾個細路女專做呢ｄ野）
作者: 貝貝☆    時間: 27/7/2006 04:45 PM
我d錢同銀包分開放的說...
給他看銀包好了....再煩著我喊出來就行了XD
作者: 路人2號    時間: 27/7/2006 05:18 PM
其實.......
大家有沒有發現，
這帖子是轉貼回來的?
作者: ben    時間: 27/7/2006 11:29 PM
原帖由 貝貝☆ 於 27/7/2006 16:45 發表
我d錢同銀包分開放的說...
給他看銀包好了....再煩著我喊出來就行了XD
女孩子喊出來才會有人理會... -3-
作者: Nido    時間: 28/7/2006 01:37 PM
原帖由 貝貝☆ 於 27/7/2006 16:45 發表
我d錢同銀包分開放的說...
給他看銀包好了....再煩著我喊出來就行了XD
或許他會說..[好了..還真對不起...我不煩你了...只要你現在給我錢=)]
作者: ChiLung    時間: 28/7/2006 01:42 PM
原帖由 Royal 於 27/7/2006 16:32 發表
我會直接答佢:"我身上都冇錢, 點比你?"
你知啦, 而家八達通一卡傍身, 真係唔帶錢都得
（據聞柴灣都有幾個細路女專做呢ｄ野）
那就有請你借八達通來用用吧

[ 本帖最後由 ChiLung 於 28/7/2006 13:44 編輯 ]
作者: MATTHEW    時間: 1/8/2006 06:40 PM
佢講到咁慘ge話咪幫佢打三條狗lo......wakakakaka
作者: 貝貝☆    時間: 1/8/2006 08:11 PM
原帖由 ben 於 27/7/2006 23:29 發表

女孩子喊出來才會有人理會... -3-
男...男的喊......就沒有用的嗎.........??o......?
原帖由 Nido 於 28/7/2006 13:37 發表


或許他會說..[好了..還真對不起...我不煩你了...只要你現在給我錢=)]

我d錢同銀包分開放的說...
給他看銀包好了 << XD
作者: 3DS之子    時間: 1/8/2006 08:21 PM
如果別人是真的有事那怎麼辦?
照樣不理他嗎?
作者: ｍｉｍｉ☆貓    時間: 1/8/2006 08:29 PM
原帖由 NDS之子 於 1/8/2006 20:21 發表
如果別人是真的有事那怎麼辦?
照樣不理他嗎?
叫他打999
去警署也可



歡迎光臨 香港寵物小精靈村落 論壇 (https://proxy.archiver.hkpnve.pokebeacon.com/)Powered by Discuz! X3.2