香港寵物小精靈村落論壇

標題: 第一次寫愛情故事 [打印本頁]

作者: 2116489 時間: 26/5/2004 12:55 PM
標題: 第一次寫愛情故事
軒及晴係一對情侶,雖然佢地都深愛對方,但'軒'係一個比較執著0既男仔,

而'晴'卻係一個比較被動0既女仔,係一個好需要被愛0既女仔,

軒深愛晴,亦都對晴好好,無論做咩都會將晴放0係第一位,處處為晴著想,
但係就未試過向晴講過一句'我愛你',

軒認為'我愛你'呢句說話好緊要,雖然只係一句說話,但至少佢唔會輕易去講呢三個字,

晴亦都感覺到軒對自己好好,但係就一直介懷軒唔肯親口向自己講一聲'我愛你',

有一次佢地一齊開開心心咁去完街,番到屋企,一雙戀人傾傾0下電話,
卻又因為呢件咁0既事,無啦啦0係電話又嗌左一場交,之後各自收左線,

時間慢慢咁過去,之後過左一日,兩日,三日...接近個多星期都無聯絡過,

軒收埋左自己,依然好唔開心,無見過任何人,但呢幾日,軒0既態度開始軟化,

當佢正想打電話比晴之際,電話響起,係晴打黎搵軒,

軒:[喂~]

晴:[軒,係我呀],[我有D野想同你講呀!]

軒:[我都有D野想同你講呀!不過你講先丫]軒一心想同晴講...我愛你,

晴:[你到底可唔可以同我講果句說話]

軒0既脾氣就係果種,我想講時自然會講,你要我講時,我想講都偏唔講,

軒:[總之我覺得我係愛就得啦,講左唔係一定係,唔講又唔一定唔......]

軒還未講完,晴已經講:[算啦,今日開始,我地...分..分手啦]之後收左線

軒完全呆左,自己反問自己,點解呀?你就係為左我唔肯講一句我愛你?
唔通有人肯同你講一句我愛你?就咁放棄我?軒越諗越出位,甚至過哂火~

就係咁軒同晴就分左手,

其實軒仍然係好深愛晴,好想去留住晴,但係亦都諗多左,甚至怕自己阻住晴,

同日一位好耐無見0既好朋友咁岩搵軒出黎飲野,

呢位朋友叫'傑',係一個醫務人員,傑同軒由細玩到大,

軒一直待佢係最好0既朋友,果晚傑為左開解軒,同軒兩人一起飲酒,

軒同傑講:[晴因為我唔講'我愛你'三個字而同我分手!]

傑聽左之後答軒:[可能未必係你所講咁呢,不過話時話丫,
講'我愛你'可能0係你眼中背負好大0既責任,又或者係一個愛0既承諾,
其實無須執著於當中句說話會唔會兌現,
只要係愛,無論愛一個人或多或少,都同樣可以講,
就算係對住一個唔愛自己0既人,只要你認為有講0既必要,都可以對佢講,
相反,如果係唔愛0既時候,亦都可以講句'我唔愛你',道理都係一樣!]

傑一邊講一邊心裡面卻暗暗在想~有D野我都隱瞞左你無講,
只係唔想無左你呢位朋友,我諗咁樣你會覺得舒服D~同時,
傑心裡面係想軒可以放開晴......

傑隱悔地講:[人人都會有自己0既心事,我都有一個秘密唔知點同某一個人講出黎啦!]

軒諗左陣間,跟住講:[你都講得幾岩,果然係我最好0既朋友,至於你0既秘密,
我梗係唔可以知啦,希望你0既秘密最終都可以同果個人講出黎啦!]

軒笑一笑同傑擊左一掌,相視而笑,心底裡,兩者都係苦笑而矣~

軒當然唔知傑心所想,只覺傑0既一番說話有道理,而且認為自己係愛晴,
所以選擇向晴講心底話,但係軒依然有心理包袱,

軒怕晴會覺得自己無誠意,認為自己只係想挽救段感情先至講'我愛你'

就係咁,軒依然猶豫不決,最後!都係無搵到晴!

軒自我爭戰左兩日,晴亦都無再搵過佢,

而軒亦都忽然病起上黎,而且有發燒現象!而0係呢個時候,更加想晴0係自己身邊,

突然,軒0既電話響起,係醫院打黎,原來傑感染左SARS,
因為軒曾經接觸過傑,所以軒需要接受隔離及檢驗,

軒戰戰競競咁去左隔離營,同時進行檢驗,

由於軒有SARS病徵,所以當日好快就出左檢驗報告,
報告指出軒對SARS呈陽性反應,証實感染SARS,

0係果一刻軒感覺彷如晴天霹靂,第一個諗到就係自己同晴仲有無將來0既日子,

軒原本有一大堆計劃去追番晴番黎,然後好誠懇咁向晴講一句'我愛你'
,而家可能一切都會泡湯,軒開始恐懼,唔知仲有無機會去兌現呢一句說話,

軒一方面好後悔無放開心理包袱,衷心咁向晴表白,
另一方面軒已經考慮緊應唔應該再搵晴,
因為如果自己有咩事0既,軒怕晴會好內疚,會好傷心,
亦都怕假如自己真係要死0既時候,會對晴有好大0既打擊同傷害,

軒心諗,0係呢一刻晴0既幸褔就係一切,只要晴過得好,軒願意放棄一切,
就算係要講一個永遠0既謊話黎換取晴0既幸褔快樂,佢都願意背負,

於是軒帶住一個惶恐而無助0既心情,好無奈咁寫左一封信,
內容係指既然大家己經分左手,亦都唔想再做番朋友,希望佢明白,

軒寧願晴恨自己忘記自己,都唔好再搵自己,
同時叮囑屋企人,假如晴搵佢,叫佢屋企人唔好話晴知自己感染SARS,
假如自己病逝,就將封信寄比晴,

如是者一日一日咁過去......,

傑`可能身體比較好,幸運地病情開始好轉,

相反軒0既病情每況愈下,變得越來越差,甚至乎已經到左垂危邊緣,

時間大約0係凌晨一點,

軒開始對死亡威脅0既感覺好強烈,彷忽知道自己就黎捱唔住,

軒好掛住晴,好想晴可以0係身邊陪住自己,一個危在旦夕0既人正思前想後,

最後軒決定唔要再有遺撼,要親口向晴講'我愛你'而且仲一直都係咁愛佢,

因為接受隔離關係,軒0既心目中明白,已經唔可以再有機會面對面再見到晴,
但係0係呢一刻,就算比佢聽0下晴把聲,都已經令佢滿足,已經勝過任何一切!

於是軒要求打電話,而一齊隔離0既傑一直都0係軒身邊,

傑知道大家已經盡左力去醫治軒,亦知軒快將離去,

傑見軒病情嚴重,終於無奈咁幫軒打去晴0既手提電話,可惜電話未能接通,
於是傑再打去晴0既屋企,晴0既父親接電話,傑未說話,軒已接過電話然後話搵晴,

晴0既父親似乎岩岩被嘈醒,有點呆:[晴.已經有新男友勒!]

軒感覺晴天霹靂,覺得晴咁快可以放低自己,開始新0既戀情,
內心一陣又一陣苦澀,生存意志亦都變得越見薄弱,再撐不下去,

軒就同晴父親講:[我只係想向晴講一句,我...我......我.........!]

此刻軒0既最後一句說話仲未講完,就已經再撐不下,走到人生0既盡頭!

軒唔單止唔可以親口講,就連轉達呢句說話0既機會都失去左,

而一直坐0係軒身邊0既傑,望住軒,開始淚如雨下,

傑對軒細細聲講:[軒.我想講0既秘密係......................我愛你!]

原來傑係一個有同性戀傾向0既人,而且一直暗戀軒,只係軒一直都唔知,

就連0係軒生前最後一刻都唔知!

而當軒0既靈魂未離開軀體果一剎亦都聽唔到!

就係咁,軒`呢一個帶住遺撼0既靈魂,飄到天堂0既大門前,

一位使者向軒問:[每一個人死後都可以有一個願望,當然你唔可以改變人0既生或死啦,你有咩願望呀?]

軒向使者講:[我希望晴能夠幸褔快樂,亦都希望能夠親口向晴講聲'我愛你',最後希望傑有勇氣將個秘密講比果個人聽!]

使者向軒講:[你講左三個願望,好對唔住我只能夠完成一個願望0者!]

[0拿~傑0既秘密已經0係你離去0既一刻講左勒!]

[有D秘密唔應該知0既就由得佢唔好去知勒,而有D事以前自己唔識爭取,機會過左亦都唔會再有架勒,唔好諗咁多勒,你推開呢棟門入去天堂吧啦!]

軒十分無奈失落,推開大門,

門慢慢打開左,門後面正係'晴'企左0係度,熱淚盈眶,哭成淚人~

軒非常之驚訝,亦開始落淚隨即向晴講:[我愛你,我愛你,我愛你,我愛你,我愛你,我愛你,我愛你,我愛你,我愛你,我愛你呀!]

使者向晴及軒同時講:[0拿!0拿!‵`你地兩個0既願望同一時間實現左勒!]

晴向軒講[呢段日子,我0係呢度都聽到你講好多次'我愛你',我感覺到你真正愛我!就好似我愛你一樣!我0既願望係聽你親口講'我愛你',但其實真正要親口講'我愛你'果個應該係我至岩呀!]

使者向軒講:[你已經可以親口向晴講'我愛你',至於晴可唔可以幸褔快樂,就要睇你自己點對晴勒!]

軒與晴痛哭相擁,終於兩個人永遠0係埋一齊!

原來早於傑感染SARS前,軒就已經感染左SARS,

而軒0既SARS係由'晴'果度感染番黎,最後軒感染到傑,

軒証實感染SARS期間,晴已去世,

晴0係死後兩星期才被驗出死因,在抽取物中,証實死於SARS,同日軒離世,

由於晴0係病情惡劣0既時候,唔想軒為自己傷心,所以晴刻意要同軒分手,

晴亦都0係離世前打比軒,只係好想聽軒講一句'我愛你'

晴一樣唔想軒為佢傷心,晴向自己屋企人講如果自己不幸去世,
叫屋企人同軒講自己已經有新男友.

~本故事純屬虛構,如有雷同實屬巧合~

第一次寫愛情故事,
唔知你有無跟住個故事遊花園呢?
睇左又有咩閱後感呢?
比少少意見丫!
OK唔OK呢?
打左成粒鐘=.=

作者: 細薯 時間: 26/5/2004 03:52 PM
原創的算上品la(你還是一個學生吧?)
故事非常有條理...幾好睇...我挺喜歡...(可否轉載?)
最好定番個名~!

作者: 2116489 時間: 26/5/2004 07:36 PM
唔緊要,冇版權ge
名就無想,你鍾意什麼名就什麼名吧!
我讀小六

作者: 細薯 時間: 26/5/2004 08:32 PM

Originally posted by 2116489 at 2004-5-26 07:36 PM:
唔緊要,冇版權ge
名就無想,你鍾意什麼名就什麼名吧!
我讀小六

唉...我中三la.........短故仔也不太懂作.....真慚愧...很佩服你...

作者: 2116489 時間: 26/5/2004 08:43 PM
吃得苦中苦,方為人上人啊
我3年級時中文不太好,寫作能力差
所以我的媽媽成個月唔俾我出街(暑假果時)
日日睇有關寫作ge書,又要睇一些名家寫的書
最後,我的作文有明顯進步,全靠媽媽的苦心
我才能得到老師的認同
現在想起,辛苦都是值得的

作者: 細薯 時間: 26/5/2004 08:48 PM

Originally posted by 2116489 at 2004-5-26 08:43 PM:
吃得苦中苦,方為人上人啊
我3年級時中文不太好,寫作能力差
所以我的媽媽成個月唔俾我出街(暑假果時)
日日睇有關寫作ge書,又要睇一些名家寫的書
最後,我的作文有明顯進步,全靠媽媽的苦心
我才能得到老師的認同 ...

媽媽永遠為我們好的~

作者: 2116489 時間: 26/5/2004 09:21 PM
我的fd說口語比較傳神
當然,我做功課時是不用口語的

作者: yat 時間: 26/5/2004 11:01 PM
幾好呀作得~
係愛情小說都算唔錯！
略嫌故事結局太大團圓啦~

作者: HIERRO 時間: 7/6/2004 11:14 PM
故事作的非常不錯，故事背後藏著一個很深的含意！(小六學生能夠有這樣的作文水平，十分好)，故事的佈局十分好，希望你能夠繼續努力！[E-Hap][E-Hap]

作者: 西門 時間: 18/6/2004 07:34 PM

Originally posted by 2116489 at 2004-5-26 07:36 PM:
唔緊要,冇版權ge
名就無想,你鍾意什麼名就什麼名吧!
我讀小六

哇~小六就懂得情為何物,真係青出於藍,利害利害.

作者: 小卡 時間: 1/8/2004 04:29 PM
雖然好睇,但係........
我個名最後個名=晴
男朋友名=軒
怪怪＝＝

作者: 水龍蜥 時間: 2/8/2004 03:23 PM
我覺得佢好像在話我個同學,因為我個同學都係叫軒,
佢鐘意的果個女仔都係叫晴

作者: kokoro 時間: 3/8/2004 01:31 AM
hmm…
整體上不錯…
但…這些橋段…看過N+1次了 =.=||

歡迎光臨香港寵物小精靈村落論壇 (https://proxy.archiver.hkpnve.pokebeacon.com/)

香港寵物小精靈村落 論壇

香港寵物小精靈村落論壇