香港寵物小精靈村落 論壇

標題: 攪不清的關係 [打印本頁]

---

作者: 路人ハ    時間: 31/5/2015 09:48 PM
標題: 攪不清的關係
事緣於我有某女性朋友A畢業, 結果就係佢飛番香港個日好似做左D不應該做既野,所以請各位指教一下
上年10月我經女人B認識左呢個女仔A,見面頭幾次就感覺到佢有我女朋友同一個超好女性朋友C既影子. 而個位某人,就係個時叫我照顧一下佢(雖說佢年紀大我少少,照顧都係因為佢大頭蝦咁嫁啦). 就係咁由一開紿到E加,我對佢都有少少係比埋我對我女朋友同女性朋友C既好比佢. 雖然我同女人B既對話,我比我幾個FD睇, 有D話只係正常介紹,有D就話感覺好似相體咁.
PS1: 我同我女朋友係異地戀,小弟在美國,女朋友在澳門(即使我回港都應該叫異地戀)
我同女仔A相處上比較多都係我就佢, 主要係佢要我車佢個時我會車佢, 同我自己一早都知我太接近佢我自己都會迷惑. 所以一直都無咩太主動揾佢出去, 叫做有意無意佢生日出黎食個飯咁,車佢個時吹下水咁.
而男人A, 佢有一日同我講過我係E加既個人GROUP人入面,我好難學到D咩,叫我去番女仔A既團契. 我自己又照做咁, 覺得可能可以係聖經入面學到些少道理, 順便識番D香港人咁(小弟交友圈子奇細)
PS2: 小弟一直都是無神論者,對哲學興趣,所以上個SEM走去讀儒家佛家 神道(?)個堆野

之後發生一堆不太重要的事啦,E加入正題:
今星期一早上6點幾機飛, 飛前2日,即星期六, 我同女仔A既共同朋友都認為佢汁唔哂行李,所以我本身諗住個晚去督住佢汁好D行李. 因為星期日我同佢同佢班朋友都會去玩,玩成日同唔會再番黎嫁啦.
原本只係諗住督嫁姐,始終女仔既衣物等等,我呢D男仔唔係咁方便掂. 結果個晚一見到佢間房,亂到七彩. 之後再對比番我同佢D共同朋友既口供: 去LOS VEGAS個時佢D野亂咁汁 (即唔識汁). 結果我成個人灰左, 已經打定輸數個晚通宵督住佢. 要我通宵,OK無問題,我可以通宵. 之後到左第二個問題: 佢5點幾PM起身,7點幾係到話眼訓唔想汁唔想汁. 結果算了,我幫佢汁, 摺衫汁行李全部野我幫佢做哂, 佢要做既就係將所有要帶唔番香港既分類, 之後我攪掂哂去
PS3: 佢畢業番香港唔再番黎,所以要汁清個間房,所以個量都比較多. 基本上連佢內衣褲我都幫佢摺埋
之後佢揾唔番副眼鏡(佢500度近視,但眼鏡失踨左幾個月都生存到), 咁岩我副眼鏡岩佢度數,借埋副眼鏡比佢. 佢就咁番香港唔緊要,我唔洗借,最大獲係佢番香港之前去一轉日本,仲要1星期. 學我FD話,佢去到睇咩丫,咩都睇唔到. 無行李帶,我借埋比佢 =_=||| 我都幫佢反好哂2個行李原封不動咁番香港, 1個手是行李裝哂佢要用既7日衫.
由7點汁到第二朝6點先汁好哂, 中途發生過佢係到叫話肚餓, 望一望個雪櫃見到有塊牛扒, 煎埋比佢食,反正佢都走唔食哂左. 之後個日都只係係玩咁,所以就略左去.

故事已完,黎到問題時間:
你地覺得我就咁幫佢汁行李呢個行為算唔算出軌??
如果會汁某佢內衣為大前題,咁呢個行為算唔算出軌
你地覺得我幫埋佢汁內衣褲,對一個已有女朋友既人,是不是有問題?
你地覺得汁行李呢件事,我應該只係督住佢汁定係幫佢汁?
如果督住佢汁既話,已知佢汁唔切,我應唔應該幫佢汁?
送機前,我同佢講左句: 希望我同佢番到香港可以繼續做到朋友. 你覺得我同佢番到香港係咪真係做到朋友? (呢句其實有少少講緊反話,同時又有少少期望,又可以算係安慰佢,佢本身走之前失去左一個好好既朋友) 因為本人其實唔太希望佢記得我. 所以走個時,畢業個時我同佢無單獨影合照. (我自己傾向隨緣,佢揾我就揾唔揾我就算咁)

---

作者: 小_軒    時間: 1/6/2015 12:03 AM
難得村落有人問呢d野@@
其實執行李啫, 未至於去到出軌既。
況且你係不可抗力, 有原因咁被迫幫佢執。
btw 你其實只要一五一十咁同返你女朋友講, 佢應該會諒解你,
不如話如果佢咁都嬲你, 就證明你地既愛係得咁多。
當然, 你可以隱瞞呢件事w

重點, 你有冇動過邪心先, 冇就ok w

---

作者: Flygon2076    時間: 1/6/2015 12:08 AM
其實都係清者自清

利申: 沒拍過拖，一切理論流

---

作者: pichu    時間: 1/6/2015 12:26 AM
先利申: 不信愛情

我覺得就算動過所謂邪心也沒什麼. 人在某些情況下是會心動的, 這是人性. 但心動是一回事, 追求是另一回事, 結合又是另一回事. 至於出軌, 最後還不是要看另一半怎看, 君不見外國新聞就報導過一男二女的成功案例. 樓主心裡有惑, 倒不如直接找女朋友訴個執行李的苦.

但就樓主提供的角度.....是咁的, 人在異地, 守望相助, 幫執行李好正常, 但連眼鏡都能夠借出實在很有愛, 只是不知道是什麼樣的愛

---

作者: meicy7669    時間: 1/6/2015 08:01 AM


其實你自己個人點睇
無人知你其實想點
而家講總好過將來揭穿你先講
你到時真係唔知點算
異地戀加油。

---

作者: 路人ハ    時間: 1/6/2015 10:56 AM
講唔講比女朋友聽呢點呢我決定左,
其實我都只係想知身邊既人會點睇我,想比定一個心理準備自己
始終我份人比較中意計好哂D野(就算現實有好多未知數
BTW我拍左3年拖,知道我拍拖既大概只係得2成左右
現實就係,只要你唔係FB到哂拍拖,95%既人都當你單身 /_>\
雖然有少少藉口,但個一刻係覺得,學定點湊細佬女都無壞
實際上其實係想做一日變態紳士(拖

---

作者: pichu    時間: 1/6/2015 12:57 PM
個feel真係似湊細路女, 我仲以為留學外地的多少都會學識自立......

其實身邊人好可能只知你幫佢執左成日行李, 細節心路歷程什麼的都不知道

---

作者: DOMO    時間: 1/6/2015 09:06 PM
反正我不會批准男朋友這樣

我是不講道理的人.

---

作者: 路人ハ    時間: 1/6/2015 11:02 PM

DOMO 發表於 1/6/2015 09:06 PM
反正我不會批准男朋友這樣

我是不講道理的人.

呢樣野好正常姐,
女人永遠想男人係自己既最後一個, 而男人永遠想女人係佢既第一個
你係有你既道理,所以唔可以話真係不講道理既

---

作者: dolphin_ice    時間: 1/6/2015 11:42 PM

你地覺得我幫埋佢汁內衣褲,對一個已有女朋友既人,是不是有問題?

利申: 我是女的
anyway, 咁多樣之中唯獨是呢樣, 我覺得有些少問題
但當然唔等於所有女仔都覺得有問題

PS: 既然你0係美國, 我教你一個絕招--
就係咁講: "其實呢, 幫女仔汁內衣褲0係美國係好平常既事, 冇必要諗邪"

---

作者: 邪惡A夢    時間: 3/6/2015 04:04 PM
男人分分秒秒都精神出軌,
但唔講出黎無人知,
同埋係基因推動,大家都唔想................

肉體上,唔算出軌,
除非你紳士到拎人D內衣褲入去廁所XYZ啦

但重點係,大部分火星女人係唔會同你講哲學
我相信大部分女人係10年後,會係你地吵架既時候又講返理樣野 (女人天性

PS:係執行李, 唔係汁行李
利申:男A0

---

作者: secret    時間: 4/6/2015 10:42 PM
假如那女生連收拾自己的內衣褲也不會，我真的很懷疑她的自理能力。
樓主感到尷尬的話其實可以直接要求她負責內衣褲，不必勉強自己，更沒有必要去多想自己是否動了邪念，清者自清。

另外，樓上我很高興你用了「大部分」這詞，本人就是哲學系畢業的

---

作者: 路人ハ    時間: 6/6/2015 03:33 PM

secret 發表於 4/6/2015 10:42 PM
假如那女生連收拾自己的內衣褲也不會，我真的很懷疑她的自理能力。
樓主感到尷尬的話其實可以直接要求她負 ...

正常人去到外國都會有最基本既自理能力,
就算有自理能力既人都可以懶.
我相信佢可以自己收捨,但只係因為趕時間我先幫佢攪埋
正如一個人其實可以自己執所有衣服,但因為懶而唔去執.
所以個人唔認為自理能力既問題
各意義上是因為佢遇上既人對佢太好,
尤其是大家都明白教會的人多數比較友善,願意去幫助
大家都寵佢,好多野都幫佢做,結果佢好多時都可以懶咁.
佢是有能力,都有耐性搭幾粒鐘巴士去佢番工既地方.

BTW有心理上係可以清者自清,但有已變成歷史既就會水洗都唔會清

---

作者: secret    時間: 7/6/2015 07:14 AM

路人&#1 發表於 6/6/2015 03:33 PM
正常人去到外國都會有最基本既自理能力,
就算有自理能力既人都可以懶.
我相信佢可以自己收捨,但只係因 ...

既然是你們自願寵她那就沒什麼可說的了
雖然作為女生我認為自行收拾個人物品(例如內衣褲)是對自身的基本尊重。

---

歡迎光臨 香港寵物小精靈村落 論壇 (https://proxy.archiver.hkpnve.pokebeacon.com/)

Powered by Discuz! X3.2