香港寵物小精靈村落論壇

標題: The ONE x 寵物小精靈「聖誕夢想飛行」 [打印本頁]

作者: 吉國建太 時間: 3/11/2014 12:15 AM
標題: The ONE x 寵物小精靈「聖誕夢想飛行」
本帖最後由吉國建太於 3/11/2014 12:20 AM 編輯

想睇圖及全文請入下LINK。
(如果有人POST過可通知DEL POST)
http://timable.com/event/718155

登錄/註冊後可看大圖

今個聖誕，風靡全球小朋友的「寵物小精靈」將乘坐全球最大之「比卡超」立體飛船空降The ONE，超過700隻小精靈將於11月9日至2015年1月4日期間破天荒現身商場，滿載著粉絲們甜蜜夢想的飛船即將閃亮啓航！機師版立體大「比卡超」將引領大家登上動感主題機艙，除可欣賞日本借出之珍藏品外，更可一嘗駕駛飛船滋味，與萬人迷「比卡超」、「小火龍」、「喵喵怪」、「伊貝」及「比超」翺翔天際；場內更特設NDS主題遊戲專區及期間限定精品店，率先出售多款全新日本精品，齊齊將心愛小精靈帶回家歡度佳節！此外，5大萌爆聖誕版立體「比卡超」將於露天廣場發放正能量，壓軸登場更有由日本專誠訪港、曾於橫濱大型表演之其中5隻「比卡超」為大家送上舞動聯萌表演及愛的抱抱，盡情投入「寵物小精靈」夢幻世界！

全球最大13米巨型「比卡超」飛船架勢登場
是次聖誕立體裝飾特別以「寵物小精靈」動畫中美妙場景為設計靈感，以型格十足的超現代飛船作主題，飛船頂部的螺旋槳會不停地轉動，尤如在半空飛翔航行；這艘全球最大之「比卡超」飛船，以「比卡超」打造機長控制室觸目震撼，登機前更可欣賞最新之動畫，粉絲們定必驚喜萬分！踏上飛船，經典的立體「小火龍」及「喵喵怪」已在門外迎接，與大家近距離接觸；進入機艙後，打扮成型仔機師的立體「比卡超」更會向各位登機的乘客親切打招呼大叫「Pika」，象徵聖誕夢想飛行之旅正式啓航；於機艙內大家將可一次過細閱「寵物小精靈」動畫歷年來逾700多隻的小精靈，找尋心中最愛角色；旅途中粉絲們更可欣賞日本空運到港之珍藏品，細味「比卡超」及小精靈朋友們多年來帶給大家的難忘回憶！

登錄/註冊後可看大圖

此外，活潑可愛的「伊貝」已於禮物盒旁靜待各位齊齊佈置「精靈聖誕樹」，掛上一隻隻的小精靈裝飾，共度開心溫馨聖誕；夢幻驚喜豈止於此？大家將可進入「比卡超」獨一無二的駕駛艙，坐上「比卡超」主題造型的機長專用坐椅，按下不同精靈導航系統隨即亮起閃燈及發出「寵物小精靈」聲，只需啓動升空起動器即可於天際穿梭飛翔，引領小精靈於世界各地繼續冒險一番；貼心的小精靈更特別準備了一箱箱「比卡超」最愛的茄汁及蘋果，為大家補充源源不絕的正能量！

5隻「比卡超」破天荒舞動助慶
聖誕版秒殺粉絲早前於日本橫濱舉行的「比卡超」巡遊成為全城熱話，今個聖誕The ONE特別邀請其中5隻萌爆的「比卡超」破天荒來港與大家作近距離接觸及合照，於指定日子更會現身商場UG2中庭或露天廣場與多位精靈天使伴著全新動畫《寵物小精靈XY》主題曲送上舞動聯萌表演及愛的抱抱，肥嘟嘟身形加上搖動不斷的長耳朵，可愛指數爆燈，全港粉絲絕對不容錯過！想與從未曝光的「比卡超」拍照留念？5隻全港首次以不同聖誕配飾登場的立體「比卡超」將於The ONE露天廣場迎接大家，更會大拆禮物及大玩樂器慶祝一番！

登錄/註冊後可看大圖

換領全球獨家禮品發放開心正能量
顧客於指定推廣日期在The ONE任何商戶以電子貨幣消費滿指定金額或憑The ONE Card 指定積分，即可免費換領印有「Keep Smile and Say Pika」之「比卡超開心能量地氈」或「比卡超笑呵呵攬枕」期間限定禮品，讓大家注入正能量及共度歡樂無比的聖誕！

登錄/註冊後可看大圖

NDS遊戲專區率先玩
走出巨型飛船，小朋友們(2至5歲) 將由立體的「比超」相伴下乘坐金紅色小飛機，跟隨「比卡超」飛船展開夢想飛行之旅，大家亦可前往「寵物小精靈」NDS遊戲專區，率先試玩最新3D遊戲「Pokemon Omega Ruby」及「Pokemon Alpha Sapphire」，全程投入「寵物小精靈」冒險世界！

期間限定精品店獨家熱賣
玩樂狂歡後更可參觀期間限定精品店，日本行貨精品包括「寵物小精靈」毛公仔、Figure公仔、桌上遊戲及套裝遊戲等；粉絲們可以The ONE獨家優惠價HK$199搶購The ONE期間限定的「寵物小精靈熱闘數碼套裝」(原價HK$299)；於精品店消費滿指定金額更可以享有The ONE尊屬優惠免費換領「寵物小精靈」指定禮品，一擁心愛的「寵物小精靈」回家！

Source: http://timable.com/event/718155 | Copyright c Timable

作者: edward925 時間: 3/11/2014 10:23 AM
我應該會去～

作者: messi 時間: 11/11/2014 09:41 AM
想睇下精品店有咩賣

作者: 春之奇蹟 時間: 11/11/2014 03:56 PM
我只吐槽NDS呢一點

作者: ~ 流星*索羅亞克 時間: 11/11/2014 05:48 PM
在下亦想知道精品店有咩野賣?

作者: messi 時間: 11/11/2014 07:19 PM

~ 流星*索羅亞克發表於 11/11/2014 05:48 PM
在下亦想知道精品店有咩野賣?

登錄/註冊後可看大圖

我睇D圖有呢D公仔賣

作者: cchchchcc 時間: 11/11/2014 09:42 PM

messi 發表於 11/11/2014 07:19 PM
我睇D圖有呢D公仔賣

有啊,不過睇左蘋果動既news就知價貴成倍........

作者: hin201456789 時間: 23/11/2014 04:55 PM
不過我都忍吾住買左幾隻番黎xd

作者: Pokever 時間: 24/11/2014 12:55 AM
我想問:蔣志光同韋綺珊有冇唱比卡超尐歌??

作者: HuSkEyXPaNdA 時間: 24/11/2014 10:40 AM

Pokever 發表於 24/11/2014 12:55 AM
我想問:蔣志光同韋綺珊有冇唱比卡超尐歌??

我諗冇,聽左2首已經頂唔住走.
加上果日IS有比賽,THE ONE呢邊都係D C9係到大叫...
佢派禮物都係派比D坐前面既嘉賓,根本當左自己演唱會. 完全唔知做乜要借比卡超黎做SHOW...

P.S. 果到有隻比卡超毛公仔,我上星期去多人買到冇哂貨. 我手上有隻,有冇人有興趣要XD

作者: Pokever 時間: 24/11/2014 01:18 PM

HuSkEyXPaNdA 發表於 24/11/2014 10:40 AM
我諗冇,聽左2首已經頂唔住走.
加上果日IS有比賽,THE ONE呢邊都係D C9係到大叫...
佢派禮物都係派比D坐 ...

完全唔知做乜要借比卡超黎做SHOW...

我聽到903 promo宣傳時,就係有呢一個感覺...

歡迎光臨香港寵物小精靈村落論壇 (https://proxy.archiver.hkpnve.pokebeacon.com/)

香港寵物小精靈村落 論壇

香港寵物小精靈村落論壇