香港寵物小精靈村落 論壇

標題: VGC14戰報（更新戰報2） [打印本頁]

---

作者: HimTE    時間: 12/7/2014 12:52 AM
標題: VGC14戰報（更新戰報2）


嘛，難得起研究區開左一個VGC14既介紹帖，唔差在開埋戰報帖喇

因為我而家住緊個到網絡較差，3DS連wifi成日斷線，所以VGC都係集中起網上既pokemon showdown到玩，儲儲埋埋都有唔少戰報可以分享一下。

---

隊伍資訊：

起用呢隊之前，我一直都係用緊雨隊，但係唔知點解有一刻覺得用厭左想轉一轉隊黎用，但係又無乜心機去由頭組一隊新既出黎，所以就參考左一個日本玩家既隊伍，從中改左少少野再自己拎黎試。曾用此隊於pokemon showdown VGC14規打上152X分，感覺並唔差所以就想分享一下：

                               
登錄/註冊後可看大圖

水箭龜 @mega石
特性：激流
性格：+特攻 -物攻
努力值：4hp 252特攻 252速
- 刮潮
- 冷凍光線
- 波導彈
- 保護

                               
登錄/註冊後可看大圖

暴露菇 @頭盔
特性：再生力
性格：+物防 -速
努力值：252hp 252物防 4特防
- 極吸吸收
- 保護
- 憤怒粉末
- 蘑菇苞子

                               
登錄/註冊後可看大圖

火雀 @飛行板
特性：疾風之翼
性格：+速 -特攻
努力值：4hp 252物攻 252速
- 戰鳥無懼
- 熾焰推進
- 快速防禦
- 順風

                               
登錄/註冊後可看大圖

烈咬陸鯊 @一血帶
特性：鯊魚皮
性格：+速 -特攻
努力值：4hp 252物攻 252速
- 地震
- 崩石
- 龍爪
- 保護

                               
登錄/註冊後可看大圖

沙奈朵 @專愛圍巾
特性：精神感應
性格：+速 -物攻
努力值：4hp 252特攻 252速
- 耀眼光芒
- 月之爆破
- 精神念力
- 10萬伏特

                               
登錄/註冊後可看大圖

劈斬司令 @命玉
特性：不服輸
性格：+物攻 -特攻
努力值：4hp 252物攻 252速
- 不意打
- 保護
- 再度欺壓
- 鐵頭槌

隊伍mega精靈為水箭龜，於火雀既支援下容易打出完整150威力刮潮。暴露菇則用作吸收隊伍要承受既傷害，並且與隊伍進行「水火草」屬性聯防。標準烈咬陸鯊配置，只係想隊伍有個穩定既地系攻擊同埋岩系攻擊。沙奈朵速專既原因為想快過對方首發既252+速化石飛龍，配合劈斬司令先制不意打可以起佢出招前就擊殺成功。10萬伏特主要針對瑪利露麗，始終隊伍除左暴露菇無乜邊隻可以直接處理。劈斬司令為本隊核心，等沙奈朵既耀眼光芒，烈咬陸鯊既崩石，水箭龜既刮潮等等範圍技擊中對方後再用再度欺壓攻擊對方。

戰報1：

Link：直接觀看
由於雙打以文字戰報去描述既話會比較混亂，所以請用上面連結觀看，而下面只會作出解說。
－－－－－－－－－－－－－－－－－－－－－
Team preview：
對方為

                               
登錄/註冊後可看大圖

/

                               
登錄/註冊後可看大圖

/

                               
登錄/註冊後可看大圖

/

                               
登錄/註冊後可看大圖

/

                               
登錄/註冊後可看大圖

/

                               
登錄/註冊後可看大圖

因為見到佢個隊除左瑪利露麗之外無乜野可以剋制到mega水箭龜，所以果斷選為首發。本身諗住揀暴露菇同水箭龜同時首發去剋制對方首發瑪利露麗，但係如果對方係鉗刀甲蟲為首發既話就會對我方唔太有利（鉗刀甲蟲mega後因特性影響，報恩係100%一擊擊殺暴露菇），所以我就決定揀火雀作為第2隻首發，而沙奈朵同暴露菇則後排待機。
－－－－－－－－－－－－－－－－－－－－－
第一回合：

對方派出左鉗刀甲蟲同地龍作為首發（幸好無帶我最唔想見到既瑪利露麗）。因為大部分既水箭龜都會帶下馬威，而對方唔想被下馬威後火雀攻擊，所以選擇兩隻同時保護。但可惜既係我隻水箭龜並無下馬威，因為我既目標只係想水箭龜第1回合穩穩定定渡過，等火雀出順風黎到爭取第2回合既行動優先權。但對方竟被fake左，無喇喇咁就賺左個回合。
－－－－－－－－－－－－－－－－－－－－－
第二回合：

因我set up左順風，以及對方兩隻都同時使用過保護，令到呢個回合佢地會再使用保護既機會率非常低，所以我就爭取呢個機會進行攻擊。因為我方正處於非常好既位置，所以只係用左最簡單最普通既思路去攻擊，並無任何先讀成份，簡單既火雀->鉗刀甲蟲，水箭龜->地龍思路。對方會將鉗刀甲蟲換走亦係意料之內既事，因為其實火雀呢一下攻擊都幾明顯，不過因為只係想做下傷害，所以無乜所謂。但係地龍無轉呢個就真係出乎意料之外，至於點解無換寵連我都唔知（可能水箭龜龍之波動或冷凍光線太明顯所以想反讀我心）而地龍唔係一血帶，所以一擊擊殺。
－－－－－－－－－－－－－－－－－－－－－
第三回合：


當時我估鬼劍有廣防既機會率好高，因為佢隊伍中有一隻係怕4倍岩系既主力輸出。所以我就作出左咁既選擇：火雀火系招->鬼劍，水箭龜刮潮->對方兩隻。就算對方真係出廣防既話，刮潮無效，但係火雀既火系攻擊將會打落怕火2倍既鬼劍到，令佢防得一隻防唔到第二隻。最終出黎既結果係廣防，而因為暫時對於佢全隊最高輸出既鉗刀甲蟲黎講最大威脅係火雀，所以電鬼攻擊火雀。佢所使用既雷系招為伏特轉換，姐係話佢好有可能係專愛系列既道具，所以起個刻暫時假設佢無保護。
－－－－－－－－－－－－－－－－－－－－－
第四回合：

對方讀我心以為用廣防成功一次後對方就唔會出箱圍技能而光明正大咁換上怕水系既電鬼焗爐，而我亦成功地反讀心照出刮潮焗爐被一擊擊殺，鉗刀甲蟲被10萬伏特+刮潮擊殺，對方投降。
－－－－－－－－－－－－－－－－－－－－－





戰報2：

Link：直接觀看
由於雙打以文字戰報去描述既話會比較混亂，所以請用上面連結觀看，而下面只會作出解說。
－－－－－－－－－－－－－－－－－－－－－
Team preview：
對方為

                               
登錄/註冊後可看大圖

/

                               
登錄/註冊後可看大圖

/

                               
登錄/註冊後可看大圖

/

                               
登錄/註冊後可看大圖

/

                               
登錄/註冊後可看大圖

/

                               
登錄/註冊後可看大圖

就咁睇為一隊非常普通既放晴隊伍，放晴部分噴火龍+奇異花，配合洗衣機既火草水聯防，師父鼬既下馬威以及廣防泛support噴火龍等等。首先因為起team preview個陣我假設左對方噴火龍為mega y，因放晴令到主要輸出刮潮被減半，所以無選用到水箭龜。而暴露菇因為對上噴火龍，奇異花，三頭龍以及象牙豬都會非常劣勢，所以亦放棄。而因為我覺得對方噴火龍有崩石致命傷，奇異花有戰鳥無懼致命傷，對方應該唔會放起首發到，所以我就為保留王牌，而放起後排待機。
－－－－－－－－－－－－－－－－－－－－－－－－－
第一回合：

因屬性關係劈斬司令處於一個非常不利既狀態，所以果斷換上地龍方便我下一回合反壓對方。其他亦無乜特別，比較慶幸既係地龍回避左對方熱風攻擊，至少保留住道具一血巾。
－－－－－－－－－－－－－－－－－－－－－－－－－－－－－－－－－－－
第二回合：

其實呢一回合我係先讀為師父鼬廣防，噴火龍攻擊，可惜既係對方竟然用佯擊因師父鼬技能格比較緊，常見既師父鼬都比較少有佯擊呢一招，而正正因為較少而忽略左呢招既存在，令到沙奈朵無做過任何野就死左 而地龍方面，因為崩石->噴火龍實在太明顯，一來對方可以廣泛幫手擋，二來佢可以換精靈，所以最後使用左龍爪，如果出黎既係三頭龍既話更有意外收獲。結果對方係換上洗衣機，而地龍亦都做左d可觀既傷害。而死左既沙奈朵位置則換上劈斬司令。
－－－－－－－－－－－－－－－－－－－－－－－－－
第三回合：

當我見到對方兩隻對我呢兩隻個時，我先讀為洗衣機使用鬼火->地龍，師父鼬使用格系招式->劈斬司令。因為師父鼬格系招式一係吸收拳，一係飛膝踢，普遍飛膝踢較多，原因為能夠一擊擊殺4hp mega袋獸，但吸收拳要兩擊擊殺。所以最終劈斬司令保護，希望師父鼬既飛膝踢能夠有反動傷害；地龍崩石，希望於對方同時兩隻身上做一d傷害。雖我一早已經先讀到佢會鬼火去我地龍身上，其實我係可以轉火雀令火雀無傷上場（因鬼火對火系無效），但係我無轉既主要原因為去到而家呢個地步，地龍既崩石係非常重要，除左能夠重創噴火龍外，仲可以幫我成功劈斬司令既再度欺壓戰術。而如果換出火雀既話，下一回合劈斬司令為左避開師父鼬既格鬥攻擊而換上地龍既話，地龍就係因為食左一下傷而減低左生存回合。簡單d黎講現階段地龍同劈斬司令同為重要，但地龍比起被削減攻擊力，生存使用崩石呢點更為重要，所以火雀只需要順風support，幫手頂傷，希望可以幫隊伍砌出一個順風下崩石->再度欺壓既局面就已經足夠。
－－－－－－－－－－－－－－－－－－－－－－－－－
第四回合：


因為地龍並無換走，所以劈斬司令呢個位置就可以方便我去換火雀出黎頂傷。地龍現階段因被燒傷，攻擊力其實非常低，所以比起更想進一步做更力傷害，倒不如用崩石，駁有機會膽怯對方。而結果真係成功咁令對方洗衣機膽怯。
－－－－－－－－－－－－－－－－－－－－－－－－－
第五回合：

因我預計對方可能會使用快速防黎到防火雀既先制飛系技打向師父鼬，所以最後使用左順風，為我方更能成功使用再度欺壓戰術。但係對方師父鼬竟然唔係用快速防，係繼續用佯攻。呢一刻我就起到諗會唔會對方其實無快速防，希望起死之前攻擊一下之類。而因為rp爆發洗衣機又被膽怯了（30%膽怯真不是路呀）
－－－－－－－－－－－－－－－－－－－－－－－－－
第六回合：

因為估計對方師父鼬無並快速防，而且火雀相信黎緊都會被洗衣機打死，臨死前就作出貢獻擊倒對方師父鼬。
－－－－－－－－－－－－－－－－－－－－－－－－－
第七回合：

因順風影響，我方兩隻皆比對方兩隻為快，而因為崩石+再度欺壓->噴火龍又實在係太明顯了（因被燒傷既地龍崩石係一擊擊殺唔到噴火龍，所以要加上劈斬司令既攻擊先可以擊殺到），所以先讀對方噴火龍保護，希望地龍能夠將威脅住洗衣機打死，或做一定傷害令到其血量範圍為下一回合能夠被崩石擊殺。而我預計對方洗衣機會對我方劈斬司令做d咸濕野所以為確保安全保護
－－－－－－－－－－－－－－－－－－－－－－－－－
第八回合：

因洗衣機只有8%血量，屬於能夠被燒傷下地龍崩石既擊殺範圍，所以呢一刻劈斬司令唔需要理會佢，果斷再度欺壓噴火龍位置。對方換上奇異花，一擊擊殺。而洗衣機亦如我所願，死亡。同時順風完結。
－－－－－－－－－－－－－－－－－－－－－－－－－
第九回合：

因順風完結左，我方劈斬司令正常會比對方噴火龍慢，所以就用不意打+崩石黎到結束。
－－－－－－－－－－－－－－－－－－－－－－－－－
總結：

首發較劣勢，同時意外既佯攻導致到一開頭就失去左一隻精靈，導致早期就變成3打4局面。但中途亦有我方rp幫手，以及順風既support，令到可以順利使用再度欺壓戰術壓倒對方而獲勝。

---

會不定期更新。

---

作者: BrotherFong    時間: 12/7/2014 06:37 PM
雙打其中一個令我掌握唔到既對方就係替換，
單打的話比較容易推斷對手既招式，但係雙打場上變化多，
而且又好黃好暴力，一隻換走，隨時換來另一隻被集火GG

另一方面，我打NPC三打都會用上火雀放順風，不過通常放完就落場，
經常有打少個既場面，換成對上真人的話，對我來說恐怕會更難應付

話說回來，劈斬司令我到依家都唔識用（默）

---

作者: abbozto    時間: 12/7/2014 06:46 PM
International Challenge June我用的也是順風+刮潮的組合
放順風的是化石飛龍（因此佔了一血帶的位子）再有擊落配合命玉型烈咬和廣防
第二個手段就是沙奈朵電磁波，治癒波動在水箭龜刮潮打不倒對方又掉血時提供進攻機會
（隊伍是雙mega，因此水箭龜也不是每場都用）

我認為對手第一個回合過於保守了
鉗刀甲蟲保護並無不妥，可是烈咬岩崩的話大概形勢不同
第四回合又不用保護和皇盾拖回合，最少下一回合可以打一下水箭龜

---

作者: HimTE    時間: 12/7/2014 07:17 PM
樓樓上：
所以雙打先有咁多保護呀 受威脅既寵保護再等隊友幫你解圍，當面聯防

其實火雀可以配上一血巾，尤其係順風support個陣
但係我個隻唔用既原因一來地龍用左，二來就算出完死左我可以即刻換上下一隻，節省順風時換寵既時間

樓上：
對方第一回合我就不予置評了
第四回合可能對方發現局勢難以挽回想搏一搏而換隻電鬼出黎等下一回合順風完左能夠有更好既壓制力，同埋因為佢隻鬼鋼起個陣已經得番好少血，而且仲要係全場最慢出完皇盾後都係等死

不過如果對面無換走鬼鋼等佢自然死後安全換上電鬼出黎的確係仲有得打既

---

作者: HimTE    時間: 22/7/2014 09:00 PM
更新戰報2。

---

歡迎光臨 香港寵物小精靈村落 論壇 (https://proxy.archiver.hkpnve.pokebeacon.com/)

Powered by Discuz! X3.2