香港寵物小精靈村落 論壇

標題: 考完DSE，係油站做左大半個月 [打印本頁]

---

作者: 比卡    時間: 25/6/2014 09:19 PM
標題: 考完DSE，係油站做左大半個月
話說考完DSE無野好做,聽到個FD話油站冇野做果陣有得坐係到玩下手機,我就去左見工
咁我就介紹下角色先,有一個同我一樣都係考完DSE既,好鬼勤力,乜都會做
有個阿姨,得閒會出油站食下煙,雖然有時會坐係到唔做野,但一多車一定會黎幫手
有個店長,都係阿姨黎,亦係我番工唯一最不爽既人,下面會講

番頭幾日都冇咩野,佢地都會教下我點做咁啦,但係有個好大既問題,我做左兩星期先察覺到
就係同我同年既DSE雞,佢既工作能力比我高好多,唔係話佢係入油天才,而係因為佢早過我黎,所以果兩個阿姨一早就將好多野教哂佢,例如入倉執貨等等
而對我,就只係教左入油工序,問題係呢到已經埋下伏線

我上面都講過,店長係公司我最不爽既人,而點解佢會好似成日都針對住我咁,我已經搵到D蛛絲馬跡
話說有次有條契弟黎入油,拎左十張一百蚊既現金卷(咁講你地會易明D),於是就要逐張逐張咁入,所以係一部車上浪費左好多時間
而當時又有好多其他車等緊入油,果位店長又唔知條契弟係比十張現金卷,要逐張逐張黎,所以佢就話我
「比卡,你做左成個星期都冇進步既,咁多車仲企係一部車隔離等佢入完?」
無錯,你地可能覺得呢個只係一個好細既誤會,但人對人既印象,往往就係由一個誤會開始
當時我解釋左一兩句,因為實在太多車,我只好冇講清楚就去番第二度幫手

又有一次,有個司機話要買尿素,店長叫我入倉拎,而實際上係,我根本未見過尿素既樣,連包裝都未見過,更唔知放係倉邊一忽
於是我答佢「件野係咩樣架?」,就係呢一刻,我相信佢已經將我同另一位DSE雞相比
當時果位DSE雞,接受過全面既教導,成個油站既工作幾乎都識哂,佢當然會識得拎
而我,入到黎,你只係教過我點入油,我又點會識得拎?
但係,一個人主觀起上黎就唔係咁諗,係一瞬間,我已經比另一位DSE雞次左一級

到左前日,我如常幫車入油,個車主好似好急咁,未入完已經拎番張油卡準備入完即走,咁我都冇謂欄佢(平時係入好哂再連埋收據比番張卡司機)
於是入完,司機急急腳走左,點知部入油機HAND機,唔出收據
我去同店長講,店長當堂已經黑哂面,語氣變成責備,話而家卡又冇,想碌多次黎印收據都唔得,個客走左,而家部機卡住條數......
點解店長你唔諗下部入油機HAND機先係主要問題所在呢?
平時張收據係應該入完就自動出,就算比番油卡司機先都完全冇問題,但今次就係我唔好彩,撞中部虧機
但始終,都係我冇留定第二手,所以我都只係認下錯,過左幾分鐘,部入油機自動好番,嘔番收據出黎,我先唔駛再比佢話

然後,累積以來,到左今日,佢既黑面已經達到一個點
平時番工第一樣野就係清潔下油站,我負責掃地,掃左廿日,到左今日,佢突然同我講「等我黎啦,你都唔識掃既」
我無言以對,支吾兩聲就去左做其他野






油站番工其實幾辛苦,日曬雨淋,當然冇札鐵啊地盤咁攰,但都唔舒服得去邊
話就話冇車果陣有得坐,實際上你做九個字先得幾分鐘坐
有時店長會請飲野,但我一望就知,其實佢只係想請另一個好幫得手既DSE雞,但又冇理由剩係唔請我
店長平時都係坐係便利店入面,係老細黎計數佢先會出黎幫下做野
佢曾經請過幾日假去旅行,換左另一個店長黎,果個店長一有車就即刻黎幫手,對比下見老細黎先做野既佢,實在好大差別
平時問佢野,十問九唔應,問兩次先答兩隻字

我唔係天才,唔會你唔教就識,最多都要你教一次先識
我奉勸各位負責教人/LEAD人做野/教師,想要你既學生/門徒做得好,首先要教好人先,唔係教人A,叫人做B,之後話人唔識做

不知不覺間打左咁長,聽日又要番工,好彩七月唔撈,諗起都爽!






我相信好多人未睇哂已經想回「呢個社會係咁架啦,乜人都有」
對住你地,我會講,係你地既默默接受,令到呢個社會變成咁樣

---

作者: DL    時間: 25/6/2014 10:42 PM
咁......唔接受可以點......
而家四五十果代人,心理就係咁病態
一句說話可以總結大部份四五十歲老闆/管理層既心理
又要馬兒好又要馬兒不吃草

---

作者: pichu    時間: 26/6/2014 08:37 AM
唔係做果個, 我諗起都鄧你爽XD

通常第一份工的感受是最深刻的
就算無力改變, 知道不能接受也是好事
不提醒自己的話, 再過幾年你都會麻木了
(而叔叔好明顯已經麻木不仁....)

---

作者: secret    時間: 26/6/2014 12:08 PM
記住以後自己當了別人的上司時不要這樣做就好。

---

作者: ~ 流星*索羅亞克    時間: 26/6/2014 11:28 PM
那個五、六十年代的人是這樣的了，思想迂腐，心理是咁病態的了，世界本來就不公平的了,看開一點吧   !!!

---

作者: 路比    時間: 27/6/2014 12:24 AM
好彩我係想做cafe…

---

作者: secret    時間: 27/6/2014 09:53 AM
可以主動一點去向其他同事請教。我以前在學校電腦室工作，上班第一天當時的上司便跟我說有有不懂的就問同事，同事也不懂時再找他。

---

作者: 比卡    時間: 27/6/2014 07:14 PM

secret 發表於 27/6/2014 09:53 AM

                               
登錄/註冊後可看大圖

可以主動一點去向其他同事請教。我以前在學校電腦室工作，上班第一天當時的上司便跟我說有有不懂的就問同事 ...

如今我也只能這樣了,有什麼不懂立即問同事,以免被店長看到又來囉嗦一番

---

作者: 路比    時間: 27/6/2014 07:23 PM

比卡 發表於 27/6/2014 07:14 PM

                               
登錄/註冊後可看大圖

如今我也只能這樣了,有什麼不懂立即問同事,以免被店長看到又來囉嗦一番

你有沒有去拉攏那位DSE好伙伴？

---

作者: CK‧由基    時間: 27/6/2014 08:50 PM
看到比卡這篇讓我有點感觸，想起了我第一份工.....

話說我做的工有大型event
而我一返工個日就不幸胃痛(人品sosad了
堅持工作了一整天，最後還是早退了.......
然後那天晚上我突然被告知翌日不用再來上班
我完全不知道我做錯了什麼...病也有罪...
後來（我想也有1-2個月後）我終於知道發生什麼事
原來是那時候有另一位同事做錯了事得罪了大粒
但成件事整整下唔知點解變左我做錯事最後炒左我 (我只是個無辜的病人啊....
現在回想起，我想我被莫須有了的原因大概只是我上司記錯人名殺錯人-w-

事實證明遇到好上司真的很重要
至少我現在那個人超好也肯教我做事QQ

比卡可以展望未來一下，總會苦盡甘來的w

---

作者: 比卡    時間: 28/6/2014 05:02 PM

CK‧由基 發表於 27/6/2014 08:50 PM

                               
登錄/註冊後可看大圖

看到比卡這篇讓我有點感觸，想起了我第一份工.....

話說我做的工有大型event

但求經歷過這些的我們,不會重覆上一代的錯誤sf

---

作者: [UP]Zero    時間: 11/7/2014 11:02 PM

比卡 發表於 28/6/2014 05:02 PM

                               
登錄/註冊後可看大圖

但求經歷過這些的我們,不會重覆上一代的錯誤sf

為左報仇搵人發洩然後再無限LOOP lol

依家幫某公司返書展前期PACKAGE工作 因為屬HELPER性質 d人唔會話好串咁對我同d fd
雖然累到成隻鬼咁 但個個做野都有講有笑 又有人請食野請飲野 都好爽=v=

---

作者: 比卡    時間: 11/7/2014 11:38 PM

[UP]Zero 發表於 11/7/2014 11:02 PM

                               
登錄/註冊後可看大圖

為左報仇搵人發洩然後再無限LOOP lol

依家幫某公司返書展前期PACKAGE工作 因為屬HELPER性質 d人唔會 ...

呢種事其實成日發生
就好似上一代話80後好白痴,80後又要話番90後好白痴,之後90後又話00後好白痴

咁樣loop落去其實對邊個都無好處,與其咁樣不如就係我地呢代斷左佢,至少自己可以做到吧(?)

---

歡迎光臨 香港寵物小精靈村落 論壇 (https://proxy.archiver.hkpnve.pokebeacon.com/)

Powered by Discuz! X3.2