香港寵物小精靈村落 論壇

標題: 如果大家係週邊商品交易平台遇到不良賣家會點? [打印本頁]

---

作者: cpys2002    時間: 26/8/2013 02:38 PM
標題: 如果大家係週邊商品交易平台遇到不良賣家會點?


本人原本約好8月25日晚上8點半，就埋賣家既地點同時間，於觀塘MTR交收，
購買比卡超PART2 公仔一套。
由於本人居住地點太遠(天水圍阿大佬)，就故此提早約30分鐘到達，
30分時，電話係處於關機狀態打唔到搵尼位賣家，
賣家所謂既事出有因，電話打唔通，WHATS APP留言最後通牒等到8點50分就走，
該名賣家既電話於8點45分就能打通了，可是遲遲無人接聽，
於55分左右才回覆有事，未能準時出現，且毫無誠意，連電話都冇打黎問，
一句WHATS APP留言SORRY我加班 唔要了?
搞到好似係我特登唔買甘，我唔係唔要WO，大佬，你電話打得通又唔肯接，
加班尼D野~大家都係上班族，我自己加班成日都好臨時TIM，傳句WHATS APP，有好難?
如果係返文職就更加有問題了，D野做唔做得哂自己唔知既~????
我唔信全部老闆會黑心到加班都唔俾留言，話俾約左人知唔可以準時到，
如果佢加班到10點我唔通等到佢10點?

一黎哂車錢，二黎哂時間，三黎就冇啦啦受氣。
遇到尼D情況，我好好奇大家會點做。

---

作者: elvis    時間: 26/8/2013 03:29 PM
明明投訴區連負分都入到，響度話唔開名其實有乜意義...

---

作者: sy    時間: 26/8/2013 06:30 PM
樓主陳述事實的話問題不大
只是不知事主有沒有辯解

---

作者: cpys2002    時間: 26/8/2013 08:27 PM


回復 3# 超弩級sy醬

我就唔清楚，不過另一個版務就插我事實不正，
其實張圖係有個版務刪左，我承認係我一時睇漏，
如果我係存心想公開賣家既資料，就唔係剩係一張電話NO 上黑條，而係全部，
仲有就係被刪張圖係~代理人同佢約好時間張圖黎。
而家就話我冇PO出黎~其實我都好無奈~
其實事件好多野我唔知批評我唔岩既版務有冇睇清楚時間，
因為好多野用我講既野係表達唔到，而係需要睇圖，俾人刪左一張圖其實都唔算完全係我既問題。

---

作者: 比卡    時間: 27/8/2013 04:59 PM
我覺得投訴區裡的版主好像搞錯了重點

樓主要不要提前通知是額外的事,是一樣令交易更加有效率的方法,但不是必做
時間確實是約了0830,那麼賣方就是錯誤,不見得買方有責
退一萬步來說,買方即管早一小時通知,賣方依然是接收不到,如果早十小時通知,相信只會煩擾到當時的賣方
換個說法,為什麼買方在沒有被賣方通知的情況下仍能守約?
時間是約定了,儘管有再多理由,賣方是失約,買方守約
就算賣方理由再充分,也只能令買方在人情上原諒或體諒賣方,改變不到失約的事實

版主亦提到雙方有否遷就
我認為不管怎樣看都是買方遷就賣方
時間地點亦都是由賣方提出,如果買方不是學生的話,由天水圍到觀塘至少需要十元或以上車費,時間大概一小時不等
到底是哪方遷就哪方,高下立見

我認為買方的唯一錯誤,是將版主等人當成籌碼,但要再說一次,這不影響賣方失約的事實
在這裡給買方一點建議,提前一小時通知確實是預防失約的好方法,這是比只提前十分鐘更好做法
第二,下次交易再有問題,不要再在這裡投訴了,這不關版主,也不關村落的事,確實你會投訴無門,但網上交易本身就沒有什麼法律規管,更別說這個小論壇了
再次遇到這種問題的話,我提議從以下選擇中二選一 : 當沒事 或 以自己方式解決

---

作者: DL    時間: 27/8/2013 05:12 PM
樓主小題大做。

---

作者: 雪拉比的使者    時間: 27/8/2013 08:41 PM
其實樓主認為面交係咪冇風險?
面交只是低風險,而唔係零風險零意外...
賣家沒法子在面交時間(2030)即時通知買方, 但他事出有因,
是否應該體諒對方?

早了36分鐘到達目的地通知對方,確實是提早通知.
但對方在這時並沒有使用電話, 買家你在這時候有否想過對方沒回覆你的各種原因.
樓主不相信全部老闆都不是這麼黑心, 但你又為何不相信賣家的老闆就是這樣?

再者,貨品是你在後來能夠聯絡對方時,選擇不要貸品,這又有得怨誰?

我只能評論這交易是由於雙方欠缺溝通, 而引致悲劇發生.
最後,我認為樓主往後交收不要選擇面交, 而選擇其他方法交收,
這便避免再一次對方失約.

P.S 面交 = 當面交易

---

作者: lly    時間: 27/8/2013 09:29 PM
可能和大家意見有些不同, 個人感覺樓主在「危急」時還想起眾版主, 是很令人欣慰的, 可見在會員心中, 版主仍是很可靠的
但真的很遺憾, 版主們真的對此無能為力啦, 最多只能跟大家一起站在道德高地上作評論吧

先回正題, 從文字上看, 個人感覺其實樓主沒什麼要動怒的意思吧
至於賣家爽約, 加上不欲多作解釋的態度, 難免令人急躁, 但因加班而起也算是情有可原
個人相信只要賣家肯多作一兩段解釋, 稍加誠意的道歉, 事件也不會發展至此, 現在只能慨嘆是時機問題了

也許這可能不是件小事, 也許事情對樓主造成不少困擾, 但引用樓主的話語, 既然大家(不只是買賣雙方)都是PM的支持者, 那不如各讓一步, 放下恩怨吧

最後當然要重申的是, 個人絕對反對濫用投訴區, 但本人亦不認為樓主有類似傾向啊, 希望大家也不要就此太著力的砲轟或恐嚇樓主啦

---

作者: cpys2002    時間: 27/8/2013 10:14 PM
其實我都承認唔應該用版務黎講，所以我之後都重申，令到各個版主不快係我唔岩。
但係其實佢失約係犯左商品條例，依返法律黎講係犯法。

網上交易我都明白係有風險，但尼口氣吞唔落，我而家都係學生黎，只係平時半工讀甘解，
車錢都唔少，一來一回都20蚊~如果坐MTR~巴士50HKD左右(269B)。
最大問題都係賣方甘無誠意，電話都唔覆，佢見我係打得通果時，打左好多次都唔接，
甘唔係唔要，唔通話要咩ZZZ

如果再無品D既野，可以係佢所有交易帖留言，指佢失約。
令佢以後買賣都有一定既難度。

自問都有退一步，只係口氣吞唔落。之後， 再見到某位版主，將說話講得太難聽，
就更加難自控。

問心一句，我係度買過唔少野，(我自己都有賣過唔少野~雖然唔係尼度)
都見同為PM迷應該大家會自律，點知殺出個天兵，仲要D態度甘既樣，
我之前買野，對方遲到一個鐘，有通知我，我都冇話發脾氣，但尼次就過分左D，
無通知又無誠意道歉。白等到8點50分先走，正常人都會選擇唔買係甘既情況。
郵寄都冇用，誠信果下都破產了，仲俾埋屋企地址你仲點店ORZ

再講，我都無法對佢點樣，只係想講返下出黎。
要炮都自便了，反正我係有唔岩既地方。

但唔好無中生有就OK

---

作者: 路比    時間: 27/8/2013 10:42 PM
建議庭外和解

---

作者: 梓    時間: 28/8/2013 03:53 AM
其實呢個世界有咩慘得過
你打左一篇文出黎
但係冇人諗過你立場係乜
「其實雙方都有責任吧」
呢一句野由我第一個Reply第一句就清清楚楚擺係度
但係到最就真係擺係度
如果我要針對其中一方
入到去指住其中一方鬧就算喇

其次，每個人既時間觀念都唔同
呢D主觀討論落去完全冇意思
所以先改為講效率/是否有效
先會提出賣方既上線時間等等

至於遷就問題
我唔Cap圖，辛苦D打原文算
「買家：唔該晒你先，想請問一下你邊度方便交收
　買家：我住天水圍」
可能係呢度，大家未必見到「遷就」係邊
試試轉一轉Concept，改為大家最Sensitive既Topic：錢
「買家：唔該晒你先，想請問一下你打算賣幾錢
　買家：我身上剩錢唔多」
可能會有人話我偷換Concept，錢同地方根本唔可以混為一談
係係係以上我認，擺明係偷換概念，除非唔係
但係都睇到買家曾經想希望對方，搵個近少少既地方方便自己
到最後買家都係畀賣家一句「觀塘一定得」昆左
呢個亦係賣家應該負上既其中一個責任
BTW，觀塘一定得，點睇都似係打氣口號多D
講返正題，賣家都諗過去太子個邊，但係時間冇保証
但係買家為左快D擁有比卡超Part2
不顧一切畀「觀塘一定得」呢句革命口號昆鬼左
但係講到賣方求要買方遷就賣方方便賣方去……方乜野話？
唉總之，賣方最少有提供2個時間佢揀
賣方都冇話聽日就一定要邊個時間唔得就算
就算當晚觀塘2030唔得，雙方依然可以揀其他時間
甚至隨時等到一個更方便買家既地方及時間
最少兩人係有磋商過，到最後達成共識，只可惜老闆作怪導致遺憾
但如果到呢一刻都要話係其中一方要遷就另一方
UMMMMMMMMMMMMMMMMMMMMM
唉你鐘意喇，你覺得點就點喇
唔通家陣解決左呢個問題成件事就當冇發生咩

PS：如果要搞上法庭，記得通知我
到時我一定現身捧場
我會畀埋電話你，提我早1/2hr唔好甩底
到時我會開定電話等你

---

作者: 比卡    時間: 28/8/2013 04:32 AM


拿，咁件事又唔係咁講wo
咁其實遷唔遷就就睇得好清楚
我話我想要C
你就提出A同B，我就答你我要B
之後你話比兩個選擇已經係益左我
又話其實B同A之間仲有好大討論空間，你突然唔得閒之後都可以傾下個時間

至於再次傾過買唔買，又係另一回事
總之今次就係賣方失左約，之後理得你請飲茶請打機交收多十次都改變唔到最初既失約
個理由係情有可原，但就好似你考試咁，個考官理得你琴晚死哂全家定點，考得差就係差，事實改變唔到
最多係令樓主條氣鋸D

話雙方有責任，我又諗提唔出買方有咩責任
準時到達又有通知仲想點
唯一最錯就係最後發老脾，到頭黎錢又冇左貨又冇
仲要打搞埋村落既大家就真係小學雞左D
BTW我都係黎吹下水，請輕鬆一點去吹，速度不要太快

---

作者: pichu    時間: 28/8/2013 09:36 AM
[路過]我覺得我們並不在場, 而且資料有限, 就不要去為事情下判斷好了.

---

作者: cpys2002    時間: 28/8/2013 08:23 PM
回復 11# 梓

老老實實啦，我都認我衝動D，但再多口講句，其實賣方有冇多次甘樣一係遲到一係失約。
諗到佢一句，SOR 不解釋，就真係有火，覺得佢好似唔止一次係甘，先甘興，
搞到村落既大家唔高興我都反省緊，
件事我都話就此算，為左果少少錢去告佢又無聊左D囉！
都唔知告佢筆錢又幾大AND下次都係會去返可以評分賠錢之類既地方買野。

件事我又冇話可以當冇事發生，
一黎大家都有睇到我既發文，
二黎就係我心中實會對尼D交易平台有條刺。

同埋一開始我係唔知賣方係邊度交易，佢都冇提到，一般睇下會唔會大家住得近比較易交易。
先提出我自己住邊。

BTW，其實我一開始係嬲你話我冇同佢約實時間，果下就真係火都黎，對你講野唔客氣我而家覺得好抱歉，雖然你未必可以接受到啦。畢業都發生左，你都冇可能當無事發生。

---

作者: 楓花雪瑜    時間: 31/8/2013 11:39 PM
賣方既理由同誠意呢……
我真係好懐疑加班係真？

---

作者: 天翔翼    時間: 1/9/2013 01:17 PM
其實我想知道樓主除了擺版主上枱以外錯了些甚麼
正常來說就算要加班理應都需要先通知一聲吧？
難道買家在那邊呆等反而是買家錯？

---

歡迎光臨 香港寵物小精靈村落 論壇 (https://proxy.archiver.hkpnve.pokebeacon.com/)

Powered by Discuz! X3.2