香港寵物小精靈村落 論壇

標題: 關於CY是否要落台...... [打印本頁]
作者: solomon1    時間: 7/12/2012 12:21 AM
標題: 關於CY是否要落台......
本帖最後由 solomon1 於 7/12/2012 12:23 AM 編輯

CY上任至今搞到滿城風雨,反政府聲音愈來愈多,依排(上任果刻??)仲叫佢落台.唔知各位村民點睇??
長毛叫CY落台:
http://www.youtube.com/watch?v=oDk4tZW47XY
我唔認為CY應落台
我係咁睇啦,D人唔仲意CY應該係以下幾點:
1.佢唔係民選出黎
講真,佢上同唐唐上都唔民選咖啦,點都要過幾年中國比我地普選先講啦
當時民意咁高(雖然我覺得係唐唐低),選左出黎市民又反,真係神又係你鬼又係你
2.國教
依單真係滿城風雨
首先我先表明我係反對國教,針對既係成科必要性.反而我覺得洗腦并唔係重點(誤?)
但我并不同意泛民同學民(我個人係好佩服學民班人咖,佢地敢企出黎講)既行動,佢地既行動真係有D過火,單方面沬黑,煸動市民(係我眼中),之前都有帖討論過,我唔詳講啦.
就算CY有錯,都係佢既處理得唔夠快,推行既話係上一任既錯,并唔足以叫佢落台.
3.潛建
我都認為CY處理依件事上有問題,之前咁多人中招,自己都仲唔CHECK真D,仲要話自己冇潛建,真係大劑
但我就覺得依件事有嚴重到佢要落台咩??
好多有錢人都有潛建咖啦,只不過佢係特首先特別嚴重?雙重標準?
的確佢有講大話(佢話冇潛建),但依樣野有影響到整體香港人既利益咩???
係咁叫人大話精,我就唔信佢冇講過大話喇=.=
----------------------------------------------------------------------------------------------------------

好似答緊LS題目咁
我想知其他人點睇,但我同學基本上都政治冷感,冇人同我討論,所以上黎搵人傾下
可能好多錯處同混亂,但大體都係唔覺得CY要落台,而對現政府持中立態度.
作者: mmy    時間: 7/12/2012 12:54 AM
雖然我同樣覺得現在狀況未至於下台的地步，
但一個欠誠實的人做特首實在不夠格，
直到影響到香港人利益才反就太遲了。
作者: ky@avup    時間: 7/12/2012 01:02 AM
1.話人抹黑需要理據,你有冇睇過反對組織發言人既言論?雖然唔係每個人都講得有道理,我個人都唔係好支持淨係識得話人洗腦又唔解釋邊度洗腦既行為,只會令到人地覺得你煩而唔支持你
2.行動過唔過火係因應事件,政府有既係主動權,市民有既係輿論壓力,如果政府死牛一面頸利用主動權去硬推政策,市民就會用更強硬既手段去壓返政府話佢知唔可以霸王硬上弓,呢樣野係雙向,所以比起單單行動級數更加應該睇下件事嚴重性同埋對錯,掉返轉諗,學民唔係搞到咁樣你估政府會退?連「教材錯唔一定果科錯」(事實上你推行一樣野係要證明自己風險低,而唔係我證明唔到你錯你就合理)呢D歪理都可以搬出黎,佢仲會聽你講野?
3.處理得唔夠快係罪,能力不足你做咩特首?今日你唔識處理國教,聽日你就識處理樓價?
4.就係雙重標準,當年梁錦松點解要落台?大家都知道,當你做公職既時候就唔係簡單套用無罪推定法則,公職人員有責任以言行證清白,免自己於醜聞
5.講大話影響唔到整體香港人利益你係咪講笑?無人會去研究你小學果陣有冇呃過阿媽零用錢,但係你從政之後講大話你就理應無得撈,佢今日可以呃你僭建,聽日可以呃你官商勾結,後日可以呃你貪污,就算你去問民建聯佢都唔會答你講大話可以做特首,所以佢地一路企圖將大話歪曲成政治敏感度不足

總括黎講你太低估公職影響力,作為市民代表同埋可以直接影響到公眾利益既人物,要求當然比一般人高,睇返梁錦松件事,「政治敏感度不足」已經係落台既理由,何況你都同意佢講大話,我已經未講佢份糧,所以而家公職人員水平係退步緊,唔單止係講緊梁振英既個人水平,而係以前佢地犯左錯識得自己辭職以證清白,就算你唔信我我都再影響唔到公眾利益,變成而家「政治敏感度不足姐」,「比多D空間佢啦」,以前黎講呢D係唔知醜既行為。你可能會質疑點解要求要咁高,我只可以話,個個賊都唔會話自己係賊架啦,萬一比個賊上左位香港咪玩完?所以你想上位?唔該自己證明自己唔係賊,方可服眾。
作者: 2203    時間: 7/12/2012 07:54 AM
1.話人抹黑需要理據,你有冇睇過反對組織發言人既言論?雖然唔係每個人都講得有道理,我個人都唔係好支持淨係識 ...
ky@avup 發表於 7/12/2012 01:02 AM

                               
登錄/註冊後可看大圖

政治敏感度是一直以來政府一大問題
由初代到現在根本沒一個特首有政治敏感度
很多人般喊政府甚麼甚麼不是，其實都是政治敏感度低的原因
主要原因英國走了，中國又給一國兩制，根本沒育成政治人才的機制
當然商人當政也是一個問題

可是不要太看重反對派的立場
他們不是正義的朋友，說到底只不過是政治家…現在做的我只看到是抓著對面的弱點攻擊政敵罷了（可是這不是錯的）
因為沒誠信所以要下台？其實只是攻擊的藉口罷了

作為一個香港市民，我覺得要CK下台或CK自己要下台請隨便，反正他不是做得好
可是更重要的是之後
到底怎選新行政長官？新行政長官會由誰來當？新行政長官真的會比CK好嗎？
這些問題才是最最最最最重要的，只看眼前誰潛建一個新科怎樣怎樣未免有些短視
作者: ky@avup    時間: 7/12/2012 05:10 PM
0.邊個係CK?
1.而家個問題係,現政府企圖將犯錯,隱瞞,甚至欺騙問題降級成為政治敏感度低既同時,亦將政治敏感度低合理化並推廣到所有問責官員,最終結果就係一個做錯乜一句政治敏感度低就可以大條道理繼續做既政府
2.咩叫反對派的立場?反對派有好多唔同立場,可以一概而論?再講,我反唔反對佢地要問過反對派?我支持反對派所以先反對佢?當然唔係。係因為佢做錯先反對佢,就係咁簡單。反對派係唔同事有唔同分岐,你有冇逐件事去睇對錯,而家你講到咁,所有批評都係借故攻擊架啦,政治可以好黑暗,但係扯上政治既爭論不論道理全部扣上政治攻擊既帽子,係你思想黑暗。
3.無誠信要下台都係借口,咁貪污要下台都可以係借口,乜都係借口。
4.基本法有寫,請熟讀。推翻一個唔好既行政長官未必係具備遠見,但係由得佢,叫盲。唔岩換到岩,唔好換到好,如果換極都唔好,自然會有人話要檢討制度,基本原則。
作者: 2203    時間: 7/12/2012 08:57 PM
先說一句，我不是在說他做得很對或他犯的錯很輕
光是犯了事不認錯就該先去打八十大板

0 啊 抱歉…打錯了 CY

1 有政治敏感度的話犯錯就應懂認、知道哪些該做哪些不該做，跟你說的根本不矛盾
不是降級而是造成問題的根本原因
早就在想了，很多事政府只要換個做法或換個說法就不會搞成現在的評價
很簡單的例子他收屋 連通知跟討論都不懂…被當地居民插爆活該

2 不是政治攻擊是甚麼？政治攻擊不是錯的行為好不好

3 貪污跟潛建最好是同一個等級啦
CY最大的問題是潛建→被發現→不認錯→改口風
他是白痴的嗎？白痴的嗎？

4 基本法沒寫下任行政長官誰來做 也沒寫能不能比現任做得好 也沒寫這樣換一換對香港會帶來甚麼影響
這是要思考的問題，而且非常重要
你要一個下台，然後急急找來個更差的到時我們就知味道了，不要以為沒可能…踏錯一步隨時會變成那樣子

最後就是這話題很正經而且很難讓步的…我也不想村落太大火藥味，如果我得罪或失言請寬恕…
作者: DL    時間: 7/12/2012 09:24 PM
就因為怕下一任特首會更差所以就不換?
害怕變化的話永遠都不會進步
作者: 2203    時間: 7/12/2012 10:16 PM
就因為怕下一任特首會更差所以就不換?
害怕變化的話永遠都不會進步
dl1s26 發表於 7/12/2012 09:24 PM

                               
登錄/註冊後可看大圖

上面從來沒說過不換這種話對吧
作者: solomon1    時間: 8/12/2012 12:44 AM
本帖最後由 solomon1 於 8/12/2012 12:45 AM 編輯
雖然我同樣覺得現在狀況未至於下台的地步，
但一個欠誠實的人做特首實在不夠格，
直到影響到香港人利益才反就太遲了。

我認同
話人抹黑需要理據,你有冇睇過反對組織發言人既言論?雖然唔係每個人都講得有道理,我個人都唔係好支持淨係識得話人洗腦又唔解釋邊度洗腦既行為,只會令到人地覺得你煩而唔支持你

可能我次次只接觸到反對人士單方面地話洗腦的行為吧
行動過唔過火係因應事件,政府有既係主動權,市民有既係輿論壓力,如果政府死牛一面頸利用主動權去硬推政策,市民就會用更強硬既手段去壓返政府話佢知唔可以霸王硬上弓,呢樣野係雙向,所以比起單單行動級數更加應該睇下件事嚴重性同埋對錯,掉返轉諗,學民唔係搞到咁樣你估政府會退?連「教材錯唔一定果科錯」(事實上你推行一樣野係要證明自己風險低,而唔係我證明唔到你錯你就合理)呢D歪理都可以搬出黎,佢仲會聽你講野?

其實我一早係咨詢期已留意依件事,我就冧點解唔係果時講??
係要到CY上任先黎講??係個時講,一定解決得快好多...
4.就係雙重標準,當年梁錦松點解要落台?大家都知道,當你做公職既時候就唔係簡單套用無罪推定法則,公職人員有責任以言行證清白,免自己於醜聞
5.講大話影響唔到整體香港人利益你係咪講笑?無人會去研究你小學果陣有冇呃過阿媽零用錢,但係你從政之後講大話你就理應無得撈,佢今日可以呃你僭建,聽日可以呃你官商勾結,後日可以呃你貪污,就算你去問民建聯佢都唔會答你講大話可以做特首,所以佢地一路企圖將大話歪曲成政治敏感度不足

可能我表達得唔好,我指既"佢"係長毛等人...
你可能會質疑點解要求要咁高,我只可以話,個個賊都唔會話自己係賊架啦,萬一比個賊上左位香港咪玩完?所以你想上位?唔該自己證明自己唔係賊,方可服眾。

請注意用詞.
政治敏感度是一直以來政府一大問題
由初代到現在根本沒一個特首有政治敏感度
很多人般喊政府甚麼甚麼不是，其實都是政治敏感度低的原因
主要原因英國走了，中國又給一國兩制，根本沒育成政治人才的機制
當然商人當政也是一個問題

可是不要太看重反對派的立場
他們不是正義的朋友，說到底只不過是政治家…現在做的我只看到是抓著對面的弱點攻擊政敵罷了（可是這不是錯的）
因為沒誠信所以要下台？其實只是攻擊的藉口罷了

作為一個香港市民，我覺得要CK下台或CK自己要下台請隨便，反正他不是做得好
可是更重要的是之後
到底怎選新行政長官？新行政長官會由誰來當？新行政長官真的會比CK好嗎？
這些問題才是最最最最最重要的，只看眼前誰潛建一個新科怎樣怎樣未免有些短視

十分認同,根據法例應該係林鄭上(好似係),但換人之後我覺得好可能會變成咁:
反對派都會覺得林鄭係CY手下,之後就會話CY下台之後仲干擾政治,又要林鄭落台,之後不斷重複又重複落去
基本法有寫,請熟讀。推翻一個唔好既行政長官未必係具備遠見,但係由得佢,叫盲。唔岩換到岩,唔好換到好,如果換極都唔好,自然會有人話要檢討制度,基本原則。

到時香港一定會混亂咖
先說一句，我不是在說他做得很對或他犯的錯很輕
光是犯了事不認錯就該先去打八十大板

0 啊 抱歉…打錯了 CY
1 有政治敏感度的話犯錯就應懂認、知道哪些該做哪些不該做，跟你說的根本不矛盾
不是降級而是造成問題的根本原因
早就在想了，很多事政府只要換個做法或換個說法就不會搞成現在的評價
很簡單的例子他收屋 連通知跟討論都不懂…被當地居民插爆活該
2 不是政治攻擊是甚麼？政治攻擊不是錯的行為好不好
3 貪污跟潛建最好是同一個等級啦
CY最大的問題是潛建→被發現→不認錯→改口風
他是白痴的嗎？白痴的嗎？
4 基本法沒寫下任行政長官誰來做 也沒寫能不能比現任做得好 也沒寫這樣換一換對香港會帶來甚麼影響
這是要思考的問題，而且非常重要
你要一個下台，然後急急找來個更差的到時我們就知味道了，不要以為沒可能…踏錯一步隨時會變成那樣子

最後就是這話題很正經而且很難讓步的…我也不想村落太大火藥味，如果我得罪或失言請寬恕…

我并唔認為佢潛建係做得岩.總係覺得貪污仲大劑被發現之後CY認左咪冇事LO
就因為怕下一任特首會更差所以就不換?
害怕變化的話永遠都不會進步

不太認同,我係怕新果個又音速比人趕落台


總結:可能我低估左官員既職業操守問題,我認為行政長官冇重大缺失係唔應該隨便落台,但現階段我仲未覺得佢有做到D損害到市民既利益,未有必要落台.
題外:我想知你地贊唔贊成CY落台??
最後,我兩次係岩岩睇完新聞先有感而發,若我有任何用詞得罪,請多多包涵
我本只想作意見交流,但若爆發罵戰,請版主刪了這帖.我并不希望村落有火藥味
作者: 3DS之子    時間: 10/12/2012 06:06 PM
僭建方面
其實我好懷疑點解佢會選擇封而唔係拆
(可能新聞有講 小弟唔知 希望有CHING提一下)

佢11月就封密室
但係點解係封而唔係拆呢
佢應該好清楚呢個係一個炸彈
特別係當唐英年因為僭建事件而敗北的時候
佢應該更加知道自己屋入面D僭建係炸彈
有兩個方面睇
有人話佢之所以封而唔係拆係因為想遲D拆番幅牆拿來用
但係又可以咁睇
比起咩都唔做
CY選擇封左間密室其實都有D保清白的FEEL
點解咁講?
僭建的目的係為左咩野?
為左擴大自己的空間拿來用
如果僭建完間密室走去封左佢
咁僭建來做咩? 至少剩係單單計呢間密室的話
CY冇拿來做過D咩 冇得益... 其實某程度上可以忽略唔計
不過點解係封而唔係拆呢...
就真係好引人懷疑...

另外國教事件其實就由上任特首留低話要依家執行的
D教材又係之前定的...
其實個責任係咪應該追究上一任呢...

仲有咩割地賣港事件
我記得著名評論員陶傑講過
其實CY參選果陣 有關佢依家賓行果D所謂港深一體的政策
早就係參選特首的政綱度寫左出來...
係班市民當時冇留意....
當初你地唔係BUY佢?
即使有人話要投白票
但係CY的支持率仍是3人中最高的
不是嗎?
當時佢一早係政綱講哂佢將會做的野
包括呢樣依家被稱為賣港的事
點解果陣又唔嘈 依家先嘈呢

BTW,CY誠信係不足
雖則按以往的情況係應該落台
不過我覺得呢D都唔算係D咩好好好好嚴重的缺失
至少比起貪污係輕好多
不過點解由唐唐衰僭建至到依家咁長時間
佢都唔醒水拆哂D炸彈佢....
呢樣真係....
麥齊光果D幾十年前的就冇得講姐...
作者: ky@avup    時間: 10/12/2012 07:27 PM
我點解要注意用詞?我無話佢係賊,只係打比喻指出做得公職就要主動證明比人睇自己有能力品德好,因為唔係你叫我信我就要信你,個世界就係咁,普通人會話自己唔係賊,賊一樣會話自己唔係賊,唔係又洗乜法律呢?

其實呢,有時反對活動一開始已經存在,咁一開始反對組織當然唔會直接假設政府唔理佢,所以行動規模唔會大,之後傳媒唔理云云,結果成件事無人知,到政府硬推,反對行動升級,成件事滿城風雨,你先黎話:點解唔一早講?單係學民思潮既活動就已經唔係你係電視見到果一日先開始,我唔係記者或者時事評論家所以傳媒唔報既事我一樣唔會知,但係好明顯將你睇到既行為(比你睇得就當然係相對大型甚至激進)當成行動開始既時間顯然對反對者唔公平,事實上亦都存在例子證明。

香港七百萬人無可能搵唔到管治人才,如果已經淪落到一個特首唔夠格要驚頂上果個都即死,咁就代表制度要檢討了,仲有,你上面都認同損害到利益就太遲,呢個事件係證明佢有好大損害香港利益既風險(誠信,辦事能力),所以先叫佢落台。另外,任何改變都一定會帶來混亂,程度問題,但係大家都知為左長遠利益同埋社會進步一定要改變,我地只能夠做長遠黎講有利既改變,同埋盡量壓制混亂。如果怕下一個更差就唔換,等同話比現任聽佢做得差D都無所謂,反正你地唔會換我。用返今次例子,點解CY可以又耍笨又講大話又賴死唔走仲要理直氣壯叫人shout at him?好簡單,因為佢知道建制派今鋪撐到佢衡,佢覺得根本彈佢唔入,何足畏懼?

佢而家無貪污姐,佢今日僭建左,邊個擔保佢唔會越做越大,每一次傳媒都會發現到?就係因為作為高官有一定能力隱瞞自己做過既野所以我上面強調左好多次佢地係要自證清白,而唔係同人講「你無十足證據告我就信我啦」,再講貪污同有意僭建都係私利問題(我諗呢度無人會信佢真係疏忽吧?我唔想搵證據),性質接近,前者最多多一個利益輸送(後者有利益,但係無輸送者),當然等級唔同,不過等級係去到判刑先講既野,佢為私利已經代表佢無資格做特首,無重大缺失係唔應該隨便落台,但係呢個係講緊行政缺失,作為一個官員,人格缺失=GAME OVER,因為佢人格上有缺失可以為左自己有意地衍生重大缺失。
作者: 比卡    時間: 10/12/2012 10:41 PM
真係喊出黎啊,牛屎豬屎狗屎入面叫人搵樣出黎食,仲話食左唔準呻[sosad]
仲有追乜鬼野究番上一任先?d野交左落黎比現任就現任負責架啦,邊有得話要搵番上一任出黎咁低能?[sosad]
作者: meicy7669    時間: 11/12/2012 09:19 PM
一月一日元旦日有反CY之遊行
作為關注社會的一分子，我會出來遊行
大家又怎樣呢?



歡迎光臨 香港寵物小精靈村落 論壇 (https://proxy.archiver.hkpnve.pokebeacon.com/)Powered by Discuz! X3.2